في



الأخبار
أخبار السودان
مطالبات بتطبيق قانون مكافحة الفساد بأثر رجعي على آكلي أموال الشعب
مطالبات بتطبيق قانون مكافحة الفساد بأثر رجعي على آكلي أموال الشعب
 مطالبات بتطبيق قانون مكافحة الفساد بأثر رجعي على آكلي أموال الشعب


08-19-2015 09:50 PM
البرلمان:صبري
طالب نواب مستقلون بالبرلمان، بضرورة تطبيق "قانون مفوضية مكافحة الفساد" المتوقع إجازته في اكتوبر المقبل "باثر رجعي" بحيث يحتكم إليه في جرائم الفساد التي وقعت قبل اعتماده،. وقال العضو المستقل "محمد طاهر عسيل" في تصريحات محدودة أمس إنهم كمستقلين يقفون مع القانون الذي طُرح مشروعه على البرلمان توطئة لإجازته في أكتوبر المقبل شريطة أن يتم تطبيق القانون "بأثر رجعي" وأن يقع في طائلته كل الذين أفسدوا في حق الشعب ونهبوا أمواله وقال" إذا كانت الدولة فعلاً جادة في عملية الإصلاح يجب تطبيق القانون بأثر رجعي.

اخر لحظة






تعليقات 12 | إهداء 0 | زيارات 3142

التعليقات
#1324228 [أبكرونا]
0.00/5 (0 صوت)

08-20-2015 10:26 AM
( وقال" إذا كانت الدولة فعلاً جادة في عملية الإصلاح يجب تطبيق القانون بأثر رجعي.)

الدولة هى انتم .. هل تدرون ما أنتم ؟؟ انتم البرلمان .. نواب الشعب حسب العرف " عالميا " فأنتم الذين تستدعون الرئيس . ..وتحاسبونه .. وتسحبون الثقه منه .. وكذا وزرائه .. أنتم الدولة يا رعاع .. عالميا فى النظم الديمقراطه أنتم سلطة الشعب والتى فوق الرئيس .. هل تتذكرون منظر بل كلنتون عندما كان جالسا أمام نواب الشعب الامريكى والعرق يتصبب منه وأمامه كوب ماء يرشف منه كل دقيقه ليبل شفتيه حتى يتمكن من الرد على الاتهامات الساخنة والتى كادت ان تطيح به فى قضية مونكا ؟؟

رئيسكم الارعن يمكن ان يحلكم بجرة قلم .. فماذا انتم فاعلون ؟؟؟ أى برلمان انتم ؟؟ آل . آل مستقلون آل .


#1324213 [الفاتح نورالدين قاقا]
0.00/5 (0 صوت)

08-20-2015 10:14 AM
إجتثاث الفساد و معاقبة المفسدين اصبح قضية وطنية عاجلة لا تقبل المجاملات و التستر وكل من إنتهك حرمة المال العام يجب ان يطبق عليهم القانون الجديد باثر رجعي لأنهم دمروا إقتصاد البلاد و أفقروا شعبه لابد من القصاص من هولائي الكفرة الفجرة الذين خانوا أمانة التكليف و أستفلوا مناصبهم من أجل الكسب الحرام و يجب ان لا يستثنى القانون أحدا وزيرا كان أم واليا أم مديرا و أن لا تقتصر المحاسبة على الفساد المالي فقط بل تشمل كل ضروب الفساد الإداري و السياسي و أن تكون المحاكمات علنية و بصورة عاجلة


ردود على الفاتح نورالدين قاقا
[ود الركابي] 08-20-2015 06:09 PM
يازول انت بجدك . بائن عليك بتحلم . في حرامي في الدنيا بيحاكم نفسه .


#1324198 [عثمان عبده]
0.00/5 (0 صوت)

08-20-2015 09:55 AM
لانريد قانون عفا الله عما سلف


#1324190 [ود الركابي]
0.00/5 (0 صوت)

08-20-2015 09:51 AM
هي دي معقولة يامفوضية عاوزة ترجعي الكيزان تااااااااااني للتعب والاكل الكعب . وشنطة الحديد والعراقي المقدود . اذا هم قبلوا نحن الشعب مابنقبل . اها رأيكم شنو .


#1324151 [radar]
0.00/5 (0 صوت)

08-20-2015 09:04 AM
أوع يكون ما حيكون بأثر رجعي. إذا لم يكن بأثر رجعي يبقى الموضوع واضح أنهم عايزين يغطغوا على جرائمهم. يعني شنو زول سرق أمس يقولوا لا ما تحاكموه حاكموا البسرق من هنا وغادي. يبقى عشان كده طلعوا بحكاية مفوضية الفساد لأن القوانين الموجودة حاليا كافية لمحاكمتهم وهم عايزين يقولوا يسري قانون المفوضية من تاريخ التوقيع عليه. يعني مفيش محاسبة لأي واحد سرق من قبل يعني تمتع بما سرقت بس ما تكرره مرة أخرى . يبدو أن الحرامية انتبوا أن مفوضية أبو قناية ليس فيها مادة تشير بسريان قانونها من تاريخ التوقيع عليه وبذا يكونوا لفوا الحبل حول رقبتهم الأمر الذي دعاهم لحلها والسكوت ولم يدلوا بأي تصريح لماذا تم حلها. يا الله يا جماعة دي أهم نقطة إذا قانونىلمفوضية الجديد لا يحاسب من سرق وليس الذي سيسرق من هنا تبدأ المقاومة لهذا القانون ويبقى مولنا عوض النور نفسه جزء من المنظومة الفاسدة. الحتة بالتحديد أهم نقطة - ويجب أن تلاحظوا معي أن موضوع الحوار لم يشر فيه من قريب أو بعيد لموضوع الفساد. يعني غطغطوا الموضوع. ويجب أن يبدي الشعب رأيه في من تم تعيينهم على اساس انهم شخصيات وطنية محايدة هل هم فعلا شخصيات وطنية وهل هم فعلا محايدين ومن الذي قام بتعيينهم وهل يتقاضون أي مخصصات من الحكومة. أي مخصصات من الحكومة تعني أن الكلب يتبع صاحبه ومن هنا أيضا يجب أن نبدأ المقاومة لهذه الشخصيات. يجب أن لا تقاطعوا الحوار ولكن يجب أن تفضحوا الاعيبهم.


#1324111 [كاسـترو عبدالحـمـيـد]
5.00/5 (1 صوت)

08-20-2015 07:47 AM
شئ طبيعى ينفذ بأثر رجعى حتى ولو كان فى زمن عبود أو نميرى أو الديمقراطية طالما الشئ المسروق موجود وظاهر للعيان فيجب ان يسترجع الى الدولة سواء كان ارضا أو منزلا أو مالا أو وظيفة الخ .... يعنى شخص ما استولى على منزل من منازل الدولة وما زال المنزل مسجلا بأسمه , هل نتركه له ام نسترجعه للدولة ؟ السرقة سرقة والقانون قانون يجب ان يطبق حتى ولو بعد حين . هل ربنا يترك ذنوب العباد عندما تقدم ولا يحاسبهم عليها ؟


#1324110 [السامري]
0.00/5 (0 صوت)

08-20-2015 07:47 AM
من اكبر مظاهر الفساد في البلاد المشاركة في الحكومة الحالية كما ان المشاركة في الانتخابات هي من اكبر اعانة المفسدين على الفساد فكيف يطالب بمعاقبة الفسادين شخص شاركهم الطعام واكل اكلتهم وشهد ذبيحتهم على النُصب؟

قال تعالى حكاية عن موسى عليه السلام ( قال رب بما أنعمت علي فلن أكون ظهيرا للمجرمين) اي داعما ومؤيدا وناصرا ومعينا لهم Supporter

قال عطاء (فلا يحل لأحد أن يعين ظلماً ولا يكتب له ولا يصحبه ، وأنه إن فعل شيئاً من ذلك فقد صار معيناً للظالمين)


#1324017 [د.مصطفى]
5.00/5 (5 صوت)

08-19-2015 11:53 PM
هههههههههههههه

كده عصرت عليهم شدييييد ياخ ..


القانون لن يطبق لا باثر رجعي ولا حالي ولا مستقبلي
اصلا حكومة فاسدة من اكبر كبير الى اصغر حقير فيهم ..

ابقوا رجال وامرقوا بس


#1324004 [متسكع]
5.00/5 (4 صوت)

08-19-2015 11:21 PM
معقولة يعني الجماعة يرجعوا كوبر


#1323993 [hulfa]
5.00/5 (3 صوت)

08-19-2015 10:59 PM
الصورةتغني عن اي تعليق ...رئيس بلا قيمة وبلا هيبة ...قال مكافحة الفساد ...كيف يستقيم الظل والعوداعوج


#1323989 [محمد مختار]
5.00/5 (4 صوت)

08-19-2015 10:48 PM
هذا عين الحقيقة يا نواب يا مستقلين " أن يتم تطبيق القانون "بأثر رجعي" وأن يقع في طائلته كل الذين أفسدوا في حق الشعب ونهبوا أمواله" و إلا سيكون الكلام عن مفوضية مكافحة الفساد هو كلام إستهلاكى و ضحك على العقول . فإلى الامام و المواطن من خلفكم .


#1323988 [quickly]
5.00/5 (2 صوت)

08-19-2015 10:47 PM
قصيدة :أقول ليكم
العملاق :هاشم صديق - شاعر ملحمةأكتوبر
----------------------------
أقول ليكم كلام إنسان بعز نبته وبحب شعبو
أقول ليكم شرف الكلمة الأمة للحاكم وللداير
صلاح ارضو ومعنا الوعي في الفكر البقود
ضالينا لي دربو
وعشان أشرح واقول الدايرو لي نبته ولي ناسا
بذكركم بي ظلم الكهنة يا أهلي
بدور الناس تكون حاسه
تقيس أفعال بالتفكير وما تتبع مهاوي العادة والكهان
تفرق بين عبادة النجم وبين الخشية والإيمان
رفعت مخدة في بيتنا
لقيتك خليتي لي بسمة
فتحت عيوني في الذاكرة
طار بجناحو صوت همسه
قتحت كتاب طلع من وسطو نور بصماتك الخمسة
سمعت موسيقى حسيتك
تقول تاوقتي لي هسى
هاك فنجان حنان قهوة
ومن إيديك أشيل إلفة كبابي الشاي
إزغرت فيني صوت الناي
وأقول ليك الغرام جرسة
أقول ليك القاب بكاي
ملامحك والصباح والبن
وضحكاتك تدوبي معاي
أبشر فينا بوخ الشاي
وأعاين ليك راسي يزن
وقافية حنينة فيني ترن
واغيب في الحضرة وأتلبش
واخاف من جني بيك أجن
واذا ضاقت عليك الدنيا
ألاقي الدنيا ضاقت بي
ونتماسك تطلعي من شجن ذاتك وأطلع من شجن جلدي
نعاين للوطن والناس
نذاكر في هموم شعبي
أميل بي ريدي في كتفك تميلي عليهو فى كتفي
ونتشابك تقول نيلين
وتضحكي ليا في السكة
تضحك غمزة في الخدين
وأتشهد من المنظر
اقول يا روحي حني علي
أنا الشاعر اجيب ليك الشعر من وين
هديمك يا وليد مقدود
وصابحنا الفقر والجوع
صبح جلد البطن مشدود
شن بتسو وخيك من شهر مرفود
قالو صالح عام عشان قال العوج في العود
حمد يا رب
أخير من قول هديك البغلة في الابريك
اكان ودوهو بيت اشباح وكان دقاهو زول هلفوت
هديمك يا ولد مقدود وصابحنا الفقر والجوع
صبح باب التكل مسدود
كمل حتى الملح في البيت
وشن هم الملح في البيت مدام ملح الدموع موجود
دحين ا وليد وديل ممو وقالو ناس "إنجاز"
وشن سوولنا مما جونا غير حرقو الفضل بالجاز
كل شيةً صعب في السوق من الكبريتة للطايوق
وكان جانا البخت تموين
رطيل سكر وصابونتين نجيب من وين
واخوك مرفود وعدمان الشهر مليم
امس زازيت اكوس الدين
مشيت لي سمية بت مأمون
لقيت جابولها تلفزيون سمح كبير
تشوف الصورة بي كم لوم
وكت في نشرة الاخبار
ظهر مك البلد يضحك جضومو كبار
ومزموم الكرش بزرار
ولا مهموم ولا زعلان
وشيهو يراري بالألوان
وقد في حشاي طباق نار
طريت رفد الوليد والجوع
وسال دمع الغبينة الحار
أريتك يا ملك فد يوم يخلي الجوع عينيك ما تنوم
أريتك يا ملك فد يوم تحس بي قصة المظلوم
دحين اوليد هم ديل مالم ومال الدين وكت قولم كلام الله
وفعالم ما فعال صالحين
كتير فيهم عديل حُقار وبالقرآن كمان تجار
وكضابين أكان بنزين عدم او جاز وتـِعْبوُا الناس وضاقوا خلاااص
صفوف واقفين أقولولك إرادة الله
وكان صعب الرخيص والغالي في التموين أقوللولك دا غضب الله
وكان الموية صبحت طين اقوللولك دا من أمريكا والعملا
حمونا الشب ولاد الكلب
عشان الشعب يحرن تب واقبل من صراط الدين
وديل مالم ومال الدين
اكان كنزوا الدهب والمال
بلايينم تسوي جبال وعرباتم تختف العين
وبنيانم قصور في قصور
وحات الله وكتاب الله
اكان ادونا طوب فد سور
كنا بنينا الف اويضة
لي مسكين
فترنا من الخُطــَب يا وليــــــــــــــــــد
ومن طـَيش العقيد وعميـــــــــــــــــد
ومن قلّ القِرش في الإيد
ومن تـَعَب الوقوف في الصَفْ
ومن غـُبْن الرَصِع بالكـَفْ
ومن حُفـَر الدُروب واللفْ
ومن خـَتّ الحِلِم في الرّفْ
كل يوماً نقيحنا يزيد
دحين يا وليد هو كم دُغشاً عشان نلقاهو دافِرنا وتِعِبنا شدييييد؟
وكم حولاً صيامنا صَبَر عشان يشرق هلال العيد!!؟؟؟
أ ح ح ح يا وليد لا حتى الخبيز إنضاق ولا هِدماً كـَسَانا جديد
وشوف المَغـَسة يا وليدي سَمّوُا شقانا "صالِح عام"
وكل دمعاً نزل من عين وكل جوعاً سَكـَت َبالدَين
وكل زَيناً محاهو الشين
ختـّوا وقعيتو في الإسلام
حرامـُم يا وليدي حلال وانحنا حلالنا كـُلـّو حرام
يقِلبوا الدِين نصُل سِكـّين
وناسين الحِسَاب قِدّام
آخر زمن يا وليد نشوف كل البشاتِن
لون يفوت هولاكو دوبْ نِرتاح
ينـُط في الكـُرسي نابليون
أريتك يا أمير حالي جـِعّيص في الكرسي في الخرتوم
وساويلك ألِف والي نبايعك للظلم والجوع نبايعك وكلُّ ضيم
مشروع نبايعك وجيتنا جيش ودروع نبايعك
و الحُكـُم مقلوع نبايعك والقـَسَم مخدوع
نبايعَك مِنْ سِجـِن عالي آخر زمن
يا وليد حَصيف العين يلاقي ويشوف زمان ظـُلم السلف بالسيف
وحسّه السيف كلاشينكوف غير زمن الهوان
والجوع كمان طالع زمان الخوف ديل ما برتو لي إنسان
كم ولداً وقـَع نشفان وكم زهراً كِتِل واتحتَّ في رمضان
لا شهراً حرام إتصانْ
لا كفـَناً سَتـَر صِبيان
لا شاهد قبُر معروف لا أمّاً بَرَدْ نارها سَكـَتْ وإرتاحْ
نزيف الجوف دحين يا وليد أكان حسع ده ديش مُصعب
وأكان بيرق علي الكرّار منو الكفار!!؟؟؟
منو القاصدينـّو بالتكبير وبالتهليل وضرب النار؟
* * أخاف نحنا وأكان نحنا أخير نضحك كتير سبب الضِحِك بختهُ
شوف المَغـَسة يا وليدي ديل ما حسّه ناس حُقـّار؟
ده زى دقّ الطبول للموت وزي وَقـْد البَلـَد بالنار
* * إلاّ نشوف أكان ساهرين معاك يا جوع وأكان ضِيقـْنا
اتـْحَفـَر في ضلوع وأكان صابرين علي الفُجّار
وحاة الله وكتاب الله وكِتْ نغلي ونكوس التار
لا سُوراً بقيف في وشْ لا لهَب الغـُبـُنْ بـِتـْرَش
ولا صفـّاً يميل بالقـَش
كل ظالماً يقع وينـْدَش
وسيل دمع البلد ينقـَشْ
لا بحبس حَلِقنا الخوف ولا بنرجع
أكان لعلعْ كلاشينكوف
هديمك يا وليد مقدود وصابحنا الفقر والجوع
صبح جـِلد البطـُن مشدود
شِن بـِتـْسَوْ وخيـّك من شهر مرفود
قالوا صالح عام عشان قال العِوَج في العُود
* * نان ما يقول أريت يقول عديل يا زول
هديك البغلة في الإبريق
ما هامّينا -صالح عام-
وديش مُصعب ولا الحجّاج
ولا بـِكْتـُل قلبُنا الجوع وموت مُنقذن
-----------------



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة