الأخبار
أخبار السودان
فيصل القاسم يشكر الشعب السوداني بسبب حُسن ضيافتهم للسوريين
فيصل القاسم يشكر الشعب السوداني بسبب حُسن ضيافتهم للسوريين


08-26-2015 01:32 PM
تقدم الإعلامي فيصل القاسم المذيع بفضائية الجزيرة بالشكر للسودان بسبب حُسن ضيافة ومعاملة الشعب السوري.

وقال في تدوينة عبر حسابه على موقع التواصل الاجتماعي "فيس بوك": "ألف شكر للسودان حكومة وشعباً على حسن ضيافتهم للسوريين على تراب السودان الكريم.

وتابع: "أكثر من ألف سوري يصل إلى السودان شهرياً، والدولة تعاملهم كما تعامل السودانيين، لهم حق العمل والإقامة، تحية إجلال وإكبار لأهل الشهامة والكرامة".

image






تعليقات 47 | إهداء 0 | زيارات 12762

التعليقات
#1331048 [ALamaldin]
0.00/5 (0 صوت)

08-30-2015 03:05 PM
اتمني ان يجد المهمشين في بلدهم المتواجدون في كل شبر من اطرافه و في داخل العاصمة الخرطوم القاطنين عشوائيا من النازحين و الفارين من جحيم الحروبات المستنزفة و العبثية نفس الاهتمام و ان تتوفر لهم فرص الحماية والعمل دون تمييز بسبب النزوح


#1329602 [خابور]
0.00/5 (0 صوت)

08-28-2015 07:00 AM
نحنا بنرد الدين لى سوريه الاسد يا قاسم ياحاقد ...
سوريا زمان واسى ايى عربى يتعامل معامله السورى فى بلدو التانى ودى كلها من الحكم الرشيد للاسد واعوانو مامنك يااسلامى ياحاقد شوف اعمامك الخلجان لو يستقبلو سورى واحد


#1329194 [احمد]
0.00/5 (0 صوت)

08-27-2015 01:36 PM
هذه الحفاوه ليست غريبه لان السودان هو بلد (العروبة)والاصاله والشهامة والكرم


#1329144 [alnweairy]
0.00/5 (0 صوت)

08-27-2015 12:47 PM
التحية لك فيصل القاسم هذا ما تربينا عليه وكفى


#1329122 [قحيف]
0.00/5 (0 صوت)

08-27-2015 12:23 PM
هلا هلا بالسوريين في بلادنا ..
وارضنا لكم وطنا ..تعالوا ازرعو واحصدو وشاركونا
لان البلد كبيره ..ونقدم الدعوة لليمنين والصوماليين
فقط يبعدو عننا الجار الشمالي ..لانهم انانيين..


#1329107 [مصطفى فتوي]
0.00/5 (0 صوت)

08-27-2015 12:04 PM
سلام من صبا بردى ارق ودمع لا يكفكف يادمشق
اسال الله ان يمن الله عليكم بنعمة الامن والامان فغدا تتفتح الزهور ويغني العندليب بروضات الشام فمرحبا بكم بين اهلكم نزلتم اهلا وحللتم سهلا


#1329032 [ودعمر]
0.00/5 (0 صوت)

08-27-2015 10:14 AM
شايف المعلقين كلهم فرحانين بالكلام ده! اتقول القرار ده اصدرتوهو انتو!!! اتذكروا انو القرار ده عملتو الحكومة البتنبذوا فيها ليل نهار دي. علي الاقل اشكروا الحكومة دي ولو يوم واحد بدل النبذ المستمر للبلد والحكومة.


ردود على ودعمر
[SOS] 08-27-2015 12:06 PM
الحكومة دي ما عندنا معاها مشكلة حتي لو عفنت في الحكم, مشكلتنا نحن في سياساتها الخاطئة دي, بدل تصلحها بتزيد في الغلط زيادة.

[حزين جداً] 08-27-2015 11:48 AM
ود عمر باين عليك ما ضليع في لغة الضاد ...

وباين عليك إنت من ناس (الحيكومة) !!!؟؟؟؟

نبذ .... يا حبيبي .... ونبذه أي مقدمة ...

واعتقد أنك تقصد إساءة . ونحن لا نسيئ لأحد .

والمثل بيقول العود كان ما فيهو شق ما بيقول طق ... وأفهم الباقي إذا كنت

حصيف .... وحصيف بمعني ذو عقل وجيد الرأي .... أي حكيم في رأيك ...

بس أعرف أن الشعب السوداني من شيمته الكرم وإكرام الضيف ....

وقد رضعنا الكرم في ثدي الأم السودانية الحنونة ...

هذا ليس قرار إنما إستقبال لضيوف مرت بهم ظروف خارجة عن إرادتهم ....

لو تهجرت في يوم تعرف أن الله حق ....

وبنشكر الحكومة يا ود عمر ... شكراً يا حكومة ...

بس حزين للرؤية القريبة ....


#1328966 [حزين جداً]
5.00/5 (1 صوت)

08-27-2015 09:08 AM
مرحب وألف مرحب بالشعب السوري .

لقد سافرت سوريا في عهد الريس حافظ الأسد ولم أشعر للحظة بـأني غريب أو بعيد

عن وطني ... الشعب السوري شعب طيب كريم . ويعرف الواجب بل شعب أصيل.

وتعجبني فيهم عبارة (( شـــوووو )) ومرحباً بكم في بلدكم الثاني ونحن نقدر

ظروفكم جداً ...والسودان الشاسع يسعنا ...وسوف نقتسم معكم شق التمرة ...

أكرر مرحباً بكم في داركم وبيوتنا فتوحة لكم في أي وقت .....


ردود على حزين جداً
[أبوقرجة] 08-27-2015 11:39 AM
لانك معك قروش علشان كده الجماعه رقدوا ليك في الأرض ... ياخي والله السوريين واللبنانين والفلسطينين .. لا يعترفون بكم بشر على وجه الأرض ...

لكن لو معاك قروش ... أنت أحسن واحد عندهم..


#1328954 [لفافات الصبر]
4.50/5 (6 صوت)

08-27-2015 09:02 AM
يا اخ نحن الدولة الوحيدة فى العالم الى بتعامل الاجنبى افضل من صاحب البلد قسما بالله ما سمعت بيها الا فى السودان


#1328911 [sudani one]
5.00/5 (2 صوت)

08-27-2015 08:37 AM
أنا شخصيا عشت فترة بسوريا وأشهد الله أن الشعب السوري كان يعاملنا معاملة كريمة ولم اشعر بالغربة طيلة فترة اقامتي بتلك البلاد وكانت لنا علاقات مع اخوة سوريين لم تنقطع الا بعد الاحداث الاخيرة حتي علي المستوي الرسمي كان التعامل في منتهي الرقي... أهلا بكم أخواننا السوريين في بلدكم الثاني وعلي عينا وراسنا...


#1328859 [منصور]
5.00/5 (2 صوت)

08-27-2015 07:51 AM
يازول السوريات ديل سمحات شديد ديل لو دخلو البلد ما كويس على الاقل نعرس منهم تخيل اولادك كيف يطلعو وانت معرس ليك سورية بدل الشينات القاعدات في قلوبنا وحاليا انا باركو لى لانو استعد للزواج من بنت سورية وعقبال الجميع يتخارجو من القوريلات الكابسة علينا ويعرسو سوريات ﻻنو يا جماعة ﻻزم نصير عرب وعشان نصير عرب ﻻزم نعرس بنات جميلات ما يجيني زول ويقولى انت زول معقد يا زول بلا معقد بلا كلام فارغ في زول يشوف النعمة القابلة علينا ويقولى معقد هى فرصة وما تتكرر ولو مرقو من السودان تانى ما يجو عشان كدا الحقو
عليك الله اتخيل تقوم الصباح تلقاليك سورية بتصحيك من النوم وتقوليك شو يا بن عمى لك تأبرنى 0


ردود على منصور
European Union [ادروب شراب الروب] 08-28-2015 09:54 PM
يعني امك غوريلا ياشمبانزي ..

[الحمدالله علي نعمت العقل] 08-27-2015 01:20 PM
ههههههههه والله اول مره القي لي واحد يوصف امو واختو بالقوريلات

[كسرة بي موية وعصيدة بي لبن] 08-27-2015 12:18 PM
تفكيرك يابن عمي حدو السروال القصير...الشعب سوري شعب كريم واصيل وذو خلق..إنهم يشبهونا في كل شي ...أما فرق لون البشرة بيننا..فدع الشمس والزمن يقرران

[MANO ALI] 08-27-2015 11:16 AM
ههههههههههه

[AbuAreej] 08-27-2015 10:53 AM
لك حرية الاختيار ولكن اخي أرجو الا تلجأ إلى الأساءة ولا تسخر منهن فهن مثل غيرهن وبالتأكيد هنالك سودانيات اجمل واحسن اخلاقاً من غيرهن .. فإذا اردنا أن نسخر منهن فيجب النظر أولاً لأنفسنا واعتقد سنغير وجهة النظر (يعني بالواضح يا اخي نحن ليهن وهن لينا).. وتذكر دائماً أن ليس كل ما يلمع ذهباً
وفي الأول والأخير الخالق هو الله ..



تحياتي وودي

United States [سوداني ...] 08-27-2015 09:54 AM
تفكير شخص وضيع ....موهوم ...ربنا يشفيك ...
الدنيا ليست بهّذا الفهم المتخلف ...
بت بلدي يابت سوداني ....يعني إنت خلاص المكمل الوجاهة ...
عاين لنفسك في المرآة ....أيها الغبي ...


#1328836 [كراكه]
5.00/5 (1 صوت)

08-27-2015 07:27 AM
السوريون واليمنيون افضل الشعوب العربيه على الاطلاق لقد عشنا معهم وعاشرناهم فهم اهل كرم وشهامه لا تغيرهم الظروف ولا يتنكرون لك ابدا ولا ينسون جميلا قط


ردود على كراكه
[العطبراوى العديل] 08-27-2015 11:55 AM
.


#1328815 [ودأبوريش]
5.00/5 (1 صوت)

08-27-2015 07:04 AM
شكرا دكتور فيصل السودان هوالبلد العربي الوحيدالذي يحتفظ بعاداته الأصيلة وأماإكرامهم للسوريين فهذا ينبع من إكرام السوريين للسودانيين في السابق وهل جزاء الإحسان إلا الإحسان .


#1328761 [ali]
5.00/5 (3 صوت)

08-27-2015 05:52 AM
السودانيين مامحتاجين لشكرك ..... ياوضيع انت .. ماكفاية انت واحد من اسباب التدخل الخارجي في سوريا وانت واحد من الفتنه الاشعلت الفتنه الهوجاء في سوريا .. وانت واحد من ادوات تقسيم المنطقة العربية بالمخطط الصهيو امريكي .


#1328752 [Mohammed]
5.00/5 (1 صوت)

08-27-2015 05:32 AM
ده راجل منافق!!!


#1328743 [هناء عبدالعزيز]
3.50/5 (2 صوت)

08-27-2015 04:20 AM
شكرا.

لا يعرف الفضل الا اهل الفضل

بس لازم تعرف نحنا بنعامل الجنوبيين كده برضو

بلدنا فيها 3 ملايين اجنبى والحقيقه كل الشعوب الوافده تشاديين احباش الخ عندما تاتى للسودان تجد كل الترحاب


#1328703 [Abdu]
5.00/5 (1 صوت)

08-27-2015 12:04 AM
نحن نتعامل مع الكل باخلاقنا وعاداتنا التي تربينا عليها بغض النظر عن توافه الامور


#1328667 [ناصر جانو]
5.00/5 (4 صوت)

08-26-2015 09:52 PM
انا عشت في سوريا ثلاثه سنوات بكامل لم اعيش في حياتي اطلاقا من محبه هذا الشعب الطيب الكريم سوري يدخلك في بيته مثل السودانيين يحبون العشره و الطيبه هذا لامانه وتاريخ ان هذا الشعب حقا شعب كريم
وعشت في لبنان عام واحد وكان من اسوي عام في حياتي شعب متكبر وعنصري لايحترم الغريب اطلاقا هذا من صدق ما عشته بين البلدين سوريا و لبنان


#1328666 [hassan]
5.00/5 (1 صوت)

08-26-2015 09:51 PM
عيب يا عمر هل المرجله و الدين و الاخلاق علي الغريب الضيف الضعيف


#1328662 [واتساب]
5.00/5 (3 صوت)

08-26-2015 09:29 PM
مرحبا بالسورين قلوبنا مفتوحة لكم قبل ديارنا وديارنا تسعكم جميعا فأنتم أخوتنا ونتألم لحالكم ومصابكم وأقل ما نقدمه لكم حضننا فأنتم أعز الناس وخير الناس يا أهل الشام

مرحبا بأهل الشام في كل شبر
ففي السودان لكم كل الخير والبشر
فإن جارت عليكم الأيام فأهلي لكم ستر
عسى أن نكون عند حسن الظن والفكر
فلك يا فيصل منا على حسن الثناء جزيل الشكر


#1328640 [jamal]
5.00/5 (2 صوت)

08-26-2015 08:30 PM
السوريون ماقصروا فالسوداني بدخل من غير فيزا والجامعات السوريه نشهد جموع الطلبه السودانيين علي مر السنين والتجار السودانيين بسوق الخجا والمدينه وانا درست وعشت فيها ما شفت غير الكرم والدراسه والسكن بالمدينه الجامعيه للسودانيين مجانا, ربنا يهدي بلدهم وترجع تاني مستقره


#1328631 [عودة ديجانقو]
5.00/5 (1 صوت)

08-26-2015 08:03 PM
المحيرنى كل واحد بتكلم عن تجربته الشخصيه العمرها أسبوع المشى يجيب فيها شنطة بضائع من سوريا.
طيب أنا احكى ليكم عن تجربتى الشخصيه فى إسرائيل وعن الشعب الأسرائيلى النبيل الذى لا تجد مثيل له فى الطيبه والحفاوه وبلدهم منظمه ونظيفه.........و..........و........


#1328623 [ود احمد]
0.00/5 (0 صوت)

08-26-2015 07:37 PM
شيم الانسانية والاسلام تحتم علينا ذلك
فالناس للناس من بدو وحاضرة بعض لبعض وان لم يشعروا خدم
فالسودان منذ الاذل ماوى لجميع الاجناس
والايام دول لا تدري ماذا يجري لك في الخفاء والان ملايين السودانيين يعيشون خارج السودان ويتمتعون بخيراتها فكفى حسدا


#1328591 [جمة حشا المغبون]
5.00/5 (1 صوت)

08-26-2015 06:29 PM
مرحب باخوانا السوريين ان ما شالكم البلد تشيلكم العين والراس انتم في دول الاغتراب اثبتوا حسن تعاملكم وتصالحكم معنا .. ولتكن تلك رسالة لحكامنا ان يعرفوا خصال ابناء السودان حين يصبح الاصيل والنبيل ضيفهم وليتذكروا الاساءة التي وجهوها لنا ولا يزالوا باستضافة وتجنيس وتمليك الفلسطينيين وكل ما يمكن تقديمه وكانهم سودانيين وكيف يتلقى الثمن السوداني من قبلهم في المهجر من سوء معاملة وغدر واساءة على الملا ومباشرة ومن خلال الاعلام . انا ان انسى لا انسى اللحظة التي حمل فيها ذاك الفلسطيني الجواز السوداني في التلفزيون ساخرا منا ومن القرار الذي قضى بحمله الشئ الذي تتحفظ كثير من الدول العربية وخصوصا دول الجوار والمعنية اكثر بالنزاع بالاقدام عليه وهذا يدل على مدي هواننا في اعينهم . بل لا ابالغ ان قلت انني احس احيانا انهم لا ينظرون الينا كمخلوقات من فصيل البشر واتحسر على الكثير مما جرته علينا سياسات الانقاذ الكارثية وان يكون راس اكبر بنك في السودان ووارث سمعة البنوك العريقة فلسطيني والمصرفيين السودانيين من قدامى المحاربين النبلاء يسدوا عين الشمس
اهلا بالسوريين والف سهلا


#1328580 [Shihabedin Ali]
5.00/5 (3 صوت)

08-26-2015 06:01 PM
نسأل الله سبحانه وتعالى أن يرفع البلاء عن أخوتنا السوريين. أقمت في سوريا في أواخر تسعينات القرن الماضى ردحا من الزمان. كانت البلد آمنة رخية وأهلها طيبين. إشترى أحد الأصدقاء ذهبا لزوجته فنقصت الفلوس التي كانت معه وأراد أن يترك الذهب ويذهب لمنزله لإحضار باقى المبلغ إلا أن التاجر السورى اصر أن يأخذ كل الذهب ويحضر له باقى المبلغ متى شاء. كل هذا وهو لايعرفه ولا بالإسم الأول. لكن الدنيا هي كما قال الشاعر:
هي الأمور كما شاهدتها دول ..... من سره زمن ساءته أزمان.
العشم في أهلنا السودانيين على المستوى الشعيى والفردى هو أن يوسعوا صدورهم للإخوة السوريين وهم يجتازون هذه المحنة وندعو الله أن يجنبنا وبلادنا مما أُبتلوا به.آمين يارب العالمين.


#1328579 [عودة ديجانقو]
3.00/5 (3 صوت)

08-26-2015 05:56 PM
سبق ان علقت يوما عن ان السودانى يسهل إقناعه والضحك عليه بمعنى فى عز الصيف يمكن ان تقنعه بأنه فى برد شديد والبس تقيل والعكس.

امبارح القريبه دى لما الفريق نورالهدى وغيرها تبرعوا للأسر السوريه فى الخرطوم بسخاء كان فى إستنكار شديد وتذمر والآن الكلام إتغير واصبح كووولوا ترحيب وحفاوه وإظهار الكرم السودانى (الأصيل)...أنا ما ضد الترحيب ولكن ضد الثبات على الرأى حتى لا يقال عنى إضينه.


#1328572 [khalid mustafa]
5.00/5 (4 صوت)

08-26-2015 05:50 PM
1000 سوري يدخلون السودان شهريا ويتم تجنيسهم ويحق لهم شراء العقارات والأراضي,,,وبعض الناس فرحانه لانه الاخواني فيصل القاسم مبسوط من غباوة البشير وبعض السودانيين,,

دول أوروبا بكل امكانيتهم الاقتصاديه لا يستطيعون استيعاب الوافدين السوريين الي بلدانهم ونحن شعب السودان نرزح تحت خط الفقر ولا توجد بنيه تحتيه في بلادنا نستوعب هذا الكم الهائل من السوريين يعني بعد سنوات سيصبح السودان دولة غريبة اليد واللسان,,,

من ضمن تصريحات عرور السودان البشير لاحد الصحف الاجنبيه انه سيكون اخر رئيس عربي يحكم السودان وسيستلم من بعده افارقة االسودان كراسي السلطه ,,,هذا هو ما يدور في عقل البشير أبو شلاليف الذي يدعي العروبه!!!

افيقوا يا اهل بلادي ولا تيعروا كل من شكر غباء بعضنا أي التفاته ,,التنظيم العالمي للاخوان اللعين يخطط لدمار بلادنا ويسعي لتغير التركيبه الديموقرافيه في بلادنا باستيراد المصريين والسوريين واليمنيين في بلادنا ويتم تجنيسهم زتزطينهم في بلادنا,,

اتعجب من ان السوريين يهربون من بلادهم زمرا في الوقت الذي يذهب الي سوريا شباب من كل اصقاع الدنيا للقتال في سوريا ويبدو ان الحرب في سوريا بين الأجانب إيرانيين وعراقيين ولبنانيين وشيعة العالم مع بشار الأسد والمجموعات السنيه المتطرفه من دول أوروبا والدول العربيه والافريقيه والاسيويه الي جانب داعش وجبهة النصره,,واهل سوريا يتفرجون علي القتال علي قنوات التلفزيون في المهاجر!!

افيقوا يا اهل بلادي من قبل ان يضيع السودان من بين أيدينا ونصبح غرباء في بلادنا,,


ردود على khalid mustafa
[MICOM-127] 08-26-2015 07:46 PM
والبشير قتل كم يا بتاع ال300 الف انت

[اخواني قال] 08-26-2015 06:38 PM
لاتنسي انه هناك اكثر من اربعه مليون سوداني يعيشون وفي تشاد واوغندا وكينيا ومصر ودول الخليج واوروبا

هل كل الدول دي اخوان ؟ولو كان طردوهم ماذا سيكون ردك ؟هل حتقول عليهم عنصريين ؟
وبعدين دا اسمه دكتور فيصل القاسم مش الاخواني

شكلك عايش في مصر عشان كدا متاثر بالسيسي

انتا داير السودانيين يرحب بهم في كل البلاد وماداير ترحب بالشعوب الاخري

السوريين ارجل رجال مستحملين العزاب والقتل والقهر من الشيعه ومافي اي شعب في العالم يستحمل البحصل دا بس انتا مابتسمع الاخبار شكلك وتقول لي اخوان
البشير قتل 200 شخص تاني ملفي واحد طلع الشارع فيكم
بشار قتل اكثر من 300 الف ولسه الشعب السوري يقاتل
انا بحي الشعب السوري فردا فردا لانهم دايرين الحريه وطلعه وماته عشانها مش زيك تكتب وتعلق علي النت وعامل لي فيها معارض


#1328571 [sa]
0.00/5 (0 صوت)

08-26-2015 05:50 PM
اتمني من الحكومة ان تعطيهم اراضي زراعية لكي ستفيدو ونستفيد ربنا بدبر الدنيا صاح بس ما بنعرف نستفيد والله المستعان


#1328554 [Zooooooooool]
0.00/5 (0 صوت)

08-26-2015 04:46 PM
حبايبكم عشرة بلا كشرة


#1328549 [عادل الزعيم]
5.00/5 (2 صوت)

08-26-2015 04:36 PM
لماذالا تقوم دول الخليج باعطاء السوريين و لو لجؤ مؤقت بدل ان يغرقوا في البحر المتوسط


ردود على عادل الزعيم
[أبوقرجة] 08-27-2015 11:40 AM
السوريين ديل ما في حد بستقبلهم خالص ...


#1328534 [العوض]
5.00/5 (3 صوت)

08-26-2015 04:07 PM
حكي لي احد الاخوان ان شباب ذهبوا لسوريا ودخلوا احد المطاعم وطلبوا اكل وبعد ان اكلوا ذهب احدهم لحساب الكاشير فقال لهم صاحب المطعم ان اكلهم مجان لكن ولكن دي فيها كلام ان لا تاتوا مره اخري الى هذا المطعم خوفا من ان يفر الزبائن من بشرة لونهم وان الاواني التى اكلوا فيها سوف يتم رميها في برميل القمامة فمارايك ياسيد القاسم فى هذا الكلام ولماذا انتم تفرررررررون من البشرة السوداء هل اختار انسان لونه وهل عيب ان يكون الانسان ذو بشرة سوداء علمهم يامعلم انت اخبرهم انت ان بلال كان من اصحاب محمد علمهم عسي ان يتعظوا اخبرهم ان الانسان هو الانسان لا بشرة ولا حسب ولا نسب واخبر الاعراب ان هناك قلب لكل انسان وربما اسودا فى بشرته ابيضا نقيا من دواخله والعكس يعكس ام اهلك


ردود على العوض
[عوض الله جابر] 08-26-2015 07:26 PM
حدثت لي..في أحد المطاعم في دولة ( شقيقه)...حضرت مره وأستطعمت الأكل..قلت أجي تاني..طلبت كرت المطعم..قالو لي ما بلاش..ما تطفش علينا الزبائن..
رحم الله امرءعرف قدر نفسه..

[WATANI ADEEL] 08-26-2015 07:03 PM
سبحانة الله حلمة المراءة المرضعة دائما سوداء ولوكانت بشرتها بيضاء ودى حكمه لبنى البشر


#1328526 [ود بري]
0.00/5 (0 صوت)

08-26-2015 03:47 PM
أنا سافرت سوريا مرتين أجمل وأطيب شعب .. وخاصة بلدهم ذو طبيعة خلابة .. اللهم جنب سوريا الهول ..


#1328516 [sdfsadf]
4.38/5 (5 صوت)

08-26-2015 03:33 PM
يستاهلو أكثر من كدا كمان وهم أحسن من المصريين بكثير
بالمناسبة بعضهم تجنس بالجنسية السودانية لشراء الأراضى وتشييد الشقق للبيع

أذكر عام 1996 تدفق السودانيين لسوريا بدون فيزا وهى الدولة الوحيدة التى يمكن أن يزوها التجار السودانيين أنذاك


ردود على sdfsadf
[مواطن] 08-26-2015 05:35 PM
وانتو مفروض تشكروا الأسد ونظاموا لانهم الوحيدين الكانو بدخلوكم بدون فيزا.

[ود النوبة] 08-26-2015 05:04 PM
هسع عليك الله الجاب المصريين شنو في هذا الموضوع


#1328496 [ابن الدار 001]
2.00/5 (2 صوت)

08-26-2015 03:11 PM
الف ومرحبا بالاخوة السوريين هذا هو حال الدنيا يوم ليك ويوم عليك ، يو حلو ويوم مر ولا بد للانسان ان يعلم ذلك وكما ربطتنا بهم علاقات جيدة في الاغتراب وخاصة اهل محافظة حوران واذكر ابناء مناطق درعة تحديدا .


ردود على ابن الدار 001
[Konda Saeed Koudi] 08-26-2015 04:35 PM
أهل حوران أهل كرم وجود والنعم منك. ألف مرحب بهم في السودان


#1328492 [nasir]
3.50/5 (3 صوت)

08-26-2015 03:05 PM
تحية خالصة لأهلنا في سوريا نتالم أشد الألم لمعاناتكم رغم تجرعنا من نفس الكأس من المجرم البشير قاتل شعبه ومشرده يجب التفريق بين الشعب والنظام كشعب سوداني لا ننسي دخولنا سوريا بدون تأشيرة ومرحباً بكم


#1328483 [SESE]
4.82/5 (6 صوت)

08-26-2015 02:59 PM
جاء الوقت الذي يعرف فيه سوريون سجية الشعب السوداني وطبيعته المضيافة وتقديم الآخر على مصالحة ولا يسمع منه ابدا كلمة اجنبي كما لا تطلق كلمة اجنبي على اي مواطن عربي من اي بلد عربي اتى لعل ذلك يساعد في مسح الصورة النمطية التي طبعت السودانيين اينما ذهبوا في باقي البلاد العربية.......

الطريف ان السودانيين في اسرائيل يوصفون بأنهم افارقة يجيدون التحدث باللغة العربية وفي مصر لا يعرفونهم إلا من خلال عم عبدو الطباخ وعم (عصمان) البواب وفي كثير من الدول العربية يجهلون الكثير عنا رغم اننا ملأنا بلدانهم نتجية ما حل بنا من ساحق وماحق وبلاء متلاحق شطر بلدنا الى نصفين وأصبحنا نضاهيهم في العدد ونضايقهم في كل شئ........


دهتْني صروفُ الدّهر وانْتَشب الغَدْرُ ومنْ ذا الذي في الناس يصفو له الدهر
وكم طرقتني نكبة ٌ بعد نكبة ٍ ففَرّجتُها عنِّي ومَا مسَّني ضرُّ
سيذْكُرني قَومي إذا الخيْلُ أقْبلت وفي الليلة ِ الظلماءِ يفتقدُ البدر
يعيبون لوني بالسواد جهالة ولولا سواد الليل ما طلع الفجر
وانْ كانَ لوني أسوداً فخصائلي بياضٌ ومن كَفيَّ يُستنزل القطْر
محوتُ بذكري في الورى ذكر من مضى وسدتُ فلا زيدٌ يقالُ ولا عمرو
.......................


#1328469 [صلاح]
4.82/5 (5 صوت)

08-26-2015 02:49 PM
نستقبل في السوريين ونطرد السودانيين، 1000 سوري شهريا يدخلون البلد ويخرج 04500 سوداني شهريا


ردود على صلاح
[سيد الاسم] 08-27-2015 01:45 AM
مرحباً بالسوريين. وهكذا شأن اهل السودان يكرمون الضيف ، خاصة اذا كان في موقف شدة وضيق.


#1328460 [hanankokoabas]
5.00/5 (1 صوت)

08-26-2015 02:38 PM
لا نحتاج لشكر من احد فى هذا الزمان التافه المكتظ بالاوغاد الا الكريم


#1328454 [أسامة]
1.00/5 (1 صوت)

08-26-2015 02:32 PM
لا شكر على واجب يا أستاذ فيصل قاسم.
ألم تسمع بالمثل السوداني "الفُـقرا اتقاسـموا النبـقة "


#1328450 [واحدة]
4.88/5 (5 صوت)

08-26-2015 02:29 PM
شكلكم ما عشتوا في الخليج وما عارفين -زلما- يعني شنو


#1328449 [برعي]
2.00/5 (1 صوت)

08-26-2015 02:26 PM
لقد سبق واستضافونا وكانوا اهل كرم وحسن وفاده واي سوداني ذهب لسوريا لم يجد الا حسن قبول وكرم ضيافة وحقيقة كانت بلد جميله ورخيصه زاهلها طيببين ومتواضعين، نسال الله ان يفك ضيقهم ويذهب بهذا ، بشار الحمار ،المقتر العنيد الي اسفل سافلين .... وضيقتنا برضو ... وبشتنا برضو...


#1328448 [الغاضبة]
5.00/5 (1 صوت)

08-26-2015 02:26 PM
فيصل القاسم .. شنو يعني !!!! ما يقول، وهي حكومتنا مهتمة بمواطنيها عشان تهتم بالاجانب


#1328444 [جدو]
1.00/5 (1 صوت)

08-26-2015 02:25 PM
التحيه الي جمهوريه العربيه السوريه سوريا واقفت مع السودان كثيرا جدا استضافت اهل السودان لم تبخل عليهم منز التسعينات ولا ننسي الدعم السوري في عهد الريس الراحل حافط الأسد الي السودان للأسف ادريس البنا التمساح العشاري سجل باسمه فكان انيناالي بعدالحدود علاوه الدعم الكثير من بشار الأسد برغم بشعته الي شعبه


#1328438 [Floors]
0.00/5 (0 صوت)

08-26-2015 02:09 PM
ه!!!


#1328423 [QUICKLY]
4.25/5 (3 صوت)

08-26-2015 01:50 PM
يستاهلوا وهم أهل لذلك
تعاملنا معهم عن قرب السوريين شعب متواضع محترم ويقدر السودانيين
عكس جيرانهم من الناحية الغربية


#1328421 [محروق]
4.82/5 (9 صوت)

08-26-2015 01:49 PM
تعدادنا الحالى ثلاثون مليون نسمه اية المشكله لو بقيناخمسون مليون باخوتنا السوريين هلا ومرحبا...


#1328416 [محروق]
4.69/5 (7 صوت)

08-26-2015 01:44 PM
السوريين اخوتنا فى الاسلام ونحن اولى بهم



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة