الأخبار
أخبار إقليمية
الحكومة تتجه للتوقيع على اتفاق مع شركات صينية لشراء 5 طائرات وقطارين و9 بواخر من الصين وبناء خط جديد للسكة حديد
الحكومة تتجه للتوقيع على اتفاق مع شركات صينية لشراء 5 طائرات وقطارين و9 بواخر من الصين وبناء خط جديد للسكة حديد


08-29-2015 11:58 PM
أعلنت الحكومة السودانية، عن اتفاقيات ستوقعها مع شركات صينية، بحضور الرئيس عمر البشير، لشراء طائرتي أيرباص، وثلاث طائرات أخرى للنقل الداخلي، بجانب شراء تسع بواخر للنقل، وبناء خط جديد للسكة حديد.


ويبدأ الرئيس عمر البشير زيارة رسمية إلى جمهورية الصين الشعبية، يوم الإثنين، لمشاركتها في احتفالاتها بالنصر على اليابان في الحرب العالمية الثانية. وأعلنت السفارة السودانية في بكين اكتمال استعداداتها لاستقبال البشير ومرافقيه.


وكشف وزير النقل والطرق السوداني مكاوي محمد أحمد، لـ (الشروق)، عن عقد ستوقعه الحكومة السودانية مع شركة صينية لبناء خط جديد للسكة حديد في شرق السودان، يربط مدن هيا، كسلا، القضارف، سنار والدمازين، بطول 1000 كلم سيتم تشغيله إلكترونياً باستخدام الألياف الضوئية في المحطات، ويضم 26 محطة وثلاث ورش للصيانة.


توفير التمويل

وقال الوزير، إن العقد سيوقع مع شركة (سي سي اي سي) الصينية، بحضور الرئس عمر البشير، بعد أن تم توفير التمويل البالغ ملياراً و400 مليون دولار عن طريق البنك الصيني لتنفيذ الخط الحديدي. وأعلن أنه سيتم التوقيع أيضاً، على استجلاب قاطرتين للنقل في خط مدني الخرطوم.


وأعلن الوزير عن توقيع اتفاق إطاري مع شركة (بوولي) الصينية لتصنيع تسع بواخر في مجال النقل البحري، اثنتان منها في مجال نقل الركاب واثنتان لنقل الحاويات واثنتان لنقل الغاز واثنتان لنقل الحاويات وأخرى متعددة الأغراض. وكشف أنه سيتم تسليم البواخر التسع قبل نهاية العام الحالي.


وقال إن الرئيس السوداني سيشهد، خلال زيارته للصين، توقيع اتفاق لشراء طائرتين أيرباص من طراز (320) عبر طريقة البيع الإيجاري، ليرتفع بذلك العدد الكلي لأسطول سودانير إلى أربع طائرات، عقب الفراغ من صيانة طائرتي أيرباص بالخرطوم قبل نهاية العام.


وكشف أنه سيتم استجلاب ثلاث طائرات من طراز (16 أم ايه) صينية الصنع، سعة الواحدة منها 60 راكباً، لتجربتها في السودان بإشراف صيني، لرفع قدرات الناقل الوطني الجوي تدريجياً.


شبكة الشروق


تعليقات 35 | إهداء 0 | زيارات 7774

التعليقات
#1331282 [محبط]
0.00/5 (0 صوت)

08-31-2015 01:10 AM
قاطرتين للنقل في خط مدني الخرطوم،،

خط سكة حديد جديد هيا سنار الدمازين،،

قبل ذلك قطار النيل الخرطوم عطبرة،،

أين موقع غرب السودان ولا دولة مثلث حمدى قد دخلت طور الإنجاز؟؟


#1331238 [hassan]
0.00/5 (0 صوت)

08-30-2015 10:09 PM
دة كلو تمام التمام يا مكاوي
بس الحق المواني البحرية قبل
ما ياكلوها كلها


#1331162 [حمدي]
0.00/5 (0 صوت)

08-30-2015 07:23 PM
سيد ( بشة ) فال ماشي الصين ها ها ها
كضاب ما يقدر --- نسيت زرة جنوب اقريقيا يا كضاب ---
امشي --- قطر عجيب يودي ما يجيب --


#1330993 [Abu Ahmed]
0.00/5 (0 صوت)

08-30-2015 02:49 PM
طائرات Xian MA600 طائرة صينية نسحة من الطائرة السوفيتية Antonov (الان اكرانية).

The Xian MA600 (MA for Modern Ark)[3] is an improved version of the Xian MA60 manufactured by the Xi'an Aircraft Industry Corporation under the Aviation Industry Corporation of China (AVIC).

Xi'an Aircraft Industry Corporation rolled out its first MA600 turboprop on the 29 June 2008. MA600 made its maiden flight in September 2008. The aircraft is equipped with new avionics, improved passenger cabin and engines with increased thrust when compared to MA60. [4]

Powered by Pratt & Whitney Canada PW127J turboprop engines, it has a 60 passenger capacity.

As of October 2008, Xi'an has received 136 orders from Africa, Asia and Latin America. Liu Jieyin, President of Okay Airways is quoted as saying that his company had purchased the new model.[3]

Xi'an Aircraft Industry Co., manufacturer of the MA600, noted that the successful test flight is "an important milestone" in Chinese domestic aircraft production. MD Meng Xiangkai revealed that the aircraft is expected to obtain its airworthiness certificate and enter service in the second half of 2009, with the first delivery to the Civil Aviation Flight University of China in Sichuan Province. Batch delivery will start in 2010.[5]

The aircraft will be equipped with the Becker-Communications "DVCS6100 Digital Intercom System,Cabin Intercommunication and Passenger Address". The cockpit is equipped with the Rockwell Collins Pro Line 21 avionics suite


#1330975 [سند]
3.50/5 (3 صوت)

08-30-2015 02:25 PM
كلااااااااااااااام يا عوض دكام ... كلام في كلام يا عوض دكام


#1330970 [husseinmusa]
0.00/5 (0 صوت)

08-30-2015 02:12 PM
أولا من فوض القشير بشراء طائرات وسفن بقروض علي ضهر هذاالشعب المغلوب علي أمره الذي وكح بالديون والقروض الي جني جناه في هذه اللعبةالقذرةمع الصين..كل المشاريع التي تم تمويلها بالقروضالصينية مشاريع فاشلة والشعب يتحمل مسئولىة دفعها..ثانيا طائرات شنوا الأيرباص البنشتريها من الصين ؟ اذا كانت الصين نفسها معظم أسطولها الجوي من اليرباص تشتريه من أمريكا وأوربا وإسرائيل ..الأسد قال يالأسد يانحرق البلد وهاذا ما يجمعه مع الكيزان عايزين يسلموا البلد لمن يخلفهم خراب ودمار وديون أي خاوية علي عروشها ..لا أجد تفسيرا لكل هذا الحقد الدفين من هؤلاء الأوباش بني كوز علي هذا الشعب الأبي الكريم الصبور..لعنة الله عليكم والملائكة محل ماتقبلوا..آمين.


#1330949 [فدائى]
1.00/5 (1 صوت)

08-30-2015 01:53 PM
طيب صافات مشت وين ما قلتو وصلنا لصناعة الطيارات ومامحتاجين لى امريكا جابو المكن بتاع الكراكات بتاع مشروع الجزيره وركبوها فى حديدتن معكوسات وقالو دى طيارات وقالو لولو سماها (كراكه-16 )وعملو وحده تانيه لولو قال دى قاذفة (فرارات)جمع فرار لقمع الشعب ودى عندها طريقه عجيبه نشرح التفاصيل لاحقا


#1330918 [داوودي]
0.00/5 (0 صوت)

08-30-2015 01:16 PM
الصينيين ما بعملو حاجة لله كلو بتمنو واكيد كسبانين فايدة ربويه كبيرة وجماعتنا وافقو بفقه الضرورة اتحداهم لو يذكرو حجم مديونية السودان مع الصين كم .....


#1330873 [ابو كدوك]
5.00/5 (3 صوت)

08-30-2015 11:54 AM
لم ارى ولن ارى فى حياتى اسوا من هؤلاء الكيزان .. اقسم بمن رفع السماء بلا عمد رايتهم بعينى فى مدينة حلفا الجديده يخلعون قضيب السكه حديد ويشحنوه فى شاحنات الى اين لا ادرى لكن اعتقد انهم يعيدون تصنيعه مادة خام فى جياد تقريبا .. ارونى بربكم اى عصابة هذه التى ابتلينا بها دمروا كل شى جميل فى السودان اساءوا الى الدين قبل ان يسيئوا الي السودان .. الله يعلم ورسوله يشهد انهم ما استولوا على الحكم لينشرواعلما ولا دينا .. ملاوا البلاد ظلما وفقرا وملئوا بطونهم سحتا وربا .. لك الله يابلادى .. لك الله يابلادى .. لك الله يابلادى .


ردود على ابو كدوك
European Union [عمر الحاج حلفاوي] 08-30-2015 01:02 PM
ياخ ابوكدود-ذهبت الي حلفا الجديدة بعد طول غربة وحزنت كثيرا عندما لم اجد قضبان السكة الحديد وعندما سالت قالوا انهم خلعوها وارسلوها الي جياد-استغربت كيف سمح ابناء حلفا بتدمير منطقتهم ؟. وهذه خطوط تم عملها في عهد الفريق عبود عند هجرة النوبيين الي منطقة البطانة-كم من السنوات سوف تضيع لاعادة بناء ما دمره اهل الانقاذ في جميع السودان الذي ابقوه؟؟؟.


#1330822 [SOS]
5.00/5 (1 صوت)

08-30-2015 10:33 AM
ياخي اعمل بنية تحتية اول وتصريف لمياه الزفت المغرقانا كل سنة


#1330815 [تور الجر]
5.00/5 (1 صوت)

08-30-2015 10:23 AM
طائرات وسفن وما عارف أيه.....عشان شنو....لمن الناس تاكل وتشرب وتتعلم وتتعالج وتلقى عمل...يبقي شوفو ده....فرقعات إعلامية وضحك على الدقون كالعادة.....الله المستعان.....


#1330806 [الكنزي]
0.00/5 (0 صوت)

08-30-2015 10:10 AM
وكيف الكمشن ياود دنقل


#1330799 [عبدو]
0.00/5 (0 صوت)

08-30-2015 10:02 AM
مكاوي ده الوزير الوحيد الكويس في الانقاذ
مشكلتوا كل ما يعمل انجاز في مكان يشيلوا منو
ويجو ناس زعيط ومعيط يخربوا العملوا


ردود على عبدو
[العقاد ابو الحسن] 08-31-2015 10:00 AM
والله صدقت يااخ عبدو فعلا مكاوى احسن وزير فى الحكومه نجح ف الكهرباء قامو الحساد اتخاسسو عليهو نقلو وهمشوا ودو السكه حديد قام احياها من العدم وكان حيكون ليهو دور كبير فى ترقية وزارة النفط لكن برضو الخسيسين ماريحو وماخلوهو يكمل انجازاتو البداها فى الوزاره واسع حينجح نجاح باهر ف النقل والطرق والجسور والايام حتثبت كدا

[سند] 08-30-2015 02:21 PM
مافي كوز كويس وما يتلم على الخراء الا الذباب .


#1330793 [ود الوطن]
5.00/5 (1 صوت)

08-30-2015 09:54 AM
ياساتر استر طائرات من الصين ياحكومة الشياطين خافوا الله في الشعب السوداني
حسبي الله ونعمة الوكيل فيكم


ردود على ود الوطن
[موناكو] 08-30-2015 03:41 PM
طائرات من الصين عشان يضمنوا القدرة علي الحصول علي قطع الغيار


#1330792 [احمد البقاري]
5.00/5 (3 صوت)

08-30-2015 09:53 AM
وكشف أنه سيتم تسليم البواخر التسع قبل نهاية العام الحالي.
,,,,,,,,,,,,,,,,,,,,,,,,,,,,,,,,,,,,,,

واضح هذه الخبر كاذب وفبركة إعلامية شبيهة بقصة شركة سبيرين الروسية والـ 46 ألف طن ذهب ... لأنو بباسطة الأشهر المتبقية من العام 2015، لا تكفي لشراء وتوفير المواد الأولية (Procurement)لصناعة باخرة واحدة بواسطة الشركة المصنعة، ناهيك عن تصنيعها وابحارها من الصين إلى ميناء بورتسودان


#1330783 [الحوشابى]
5.00/5 (1 صوت)

08-30-2015 09:38 AM
المعتمد الوالى الوزير الريءيس . بس ما شرح ضابط الامن المسمى سفير السودان عيسى كيف خط سير طيارة زعيم العصابة بالدهاب والقدوم . بعدين مافى اى تصريح من جانب الحكومة الصينية .


#1330779 [الزمن الجميل]
5.00/5 (1 صوت)

08-30-2015 09:33 AM
كل شى يمكن ان يكون صينى الصنع الا الطائرات ..لهذه الدرجه المواطن رخيص عندكم.
اما القطارات التى تعمل الكترونيا لن تنفع مع السودان لطبيعة الأرض و البشر . و مع ذلك فهى تقلل من فرص توظيف العاطلين عن العمل


#1330774 [Abu Ahmed]
0.00/5 (0 صوت)

08-30-2015 09:24 AM
يا جماعة احترموا عقولنا الصين بقت تصنع ايرباص سبحان و كويس كل الخطوط في الصين بتستخدم الطائرات الغربية ايرباص و بيونج , و لا تكون تكون دي أيرتبش علي وزن أيرباص صنعت خصيصاً للسودان

تكون دي زي ماسورة دهب روسيا و السد كهرباء و رد


#1330772 [سام بخت]
0.00/5 (0 صوت)

08-30-2015 09:22 AM
خط هيا كسلا وسنار الدمازين ليس جديدا بل قولوا اعادة اعمار ما خربناه طوال فترة حكمنا السودان ومن اين ياتى الخير منكم


#1330763 [المتجهجه الاممي]
5.00/5 (1 صوت)

08-30-2015 09:07 AM
نحنا لانحتاج إلى بواخر نقل ركاب أو نقل بضاعه بل نحتاج الى بوارج حربية وغواصات تحمل الصواريخ لانحتاج إلى طائرات ركاب بل نحتاج إلى طائرات حربية مقاتلة متطورة حديثة ياسادة السودان يحتاج لمعدات عسكرية للدفاع عن ارضيه لكل من تسؤل له نفسه التفكير في المساس بالسودان.......بعد أن أصبحت سماءنا مكشوفة. ..


#1330762 [زول خارج بلدي]
5.00/5 (1 صوت)

08-30-2015 09:06 AM
يعلم الله حيرتونا، الجماعة ديل الزول دا كلوا ما ينقلو من حته لي حته بيغيرو اسمو واللا ايه، مرة مكاوي عوض، ومرة مكاوي محمد عوض ومرات كتيرة مكاوي محمدد أحمد.
ما مشكلة لو الطيارات والقطارات والبواخر دي صنعتها شركة إيرباص بنفسها في الصين كمركز أو فرع للشركة، مستخدمة مهندسيها وفنييها وعمالها وتقنيتها، وإما إذا كانت صناعة صيينة أو مصنوعة في الصين فمصيرها مصير الباصات الخضر أو باصات الخضر المجدعات في الميادين والساحات وأماكن مخلتفة في الخرطوم، بحري وامدرمان. يعني لوصناعة صينية فعلا الراماد كال حماد.
لو كان تعطل البصاصات المرمية في الأرض كارثة، سيكون تعطل الطائرات والبواخر في الجو والبحر كارثة بجلاحل. الله يستر


#1330754 [السودان الوطن الواحد]
4.75/5 (3 صوت)

08-30-2015 08:47 AM
الذى يبدو هو الإستفادة من زيارة الرئيس إعلاميا حتى لا يقال أن الرئيس ذهب فقط للصين لحضور مجرد وكما حضر بمكاسب للوطن وهذه المشاريع حتى لو كانت حقيقية بذات التفاصيل لا أعتقد أنها سترى النور قريبا وذلك بسبب فبركات العقود وتمويهات الجدية ومن ثم نسيان الكثير منها وقد يتم بعد عودة الرئيس تنفيذ بعض الأمنيات أعلاه مثلا احضار طائرة أو طائرتين على وجه عاجل فقط عربون وهمى ليصدق الناس وهم الأحلام القادمة ولن تكون لسواد عيون الشعب وهى لأغراض التجارب صينية فهى فرصة للدعاية الإعلامية بدلاً مما تذهب للتجربة فى بلد أفريقى آخر فظروف حكومتنا صعبة تتعلق بالقشة .

وهناك ملاحظة ذكر الخبر أعلاه أنه تم الإتفاق لشراء بواخر:-

وأعلن الوزير عن توقيع اتفاق إطاري مع شركة (بوولي) الصينية لتصنيع تسع بواخر في مجال النقل البحري، اثنتان منها في مجال نقل الركاب واثنتان لنقل الحاويات واثنتان لنقل الغاز واثنتان لنقل الحاويات وأخرى متعددة الأغراض.

وكشف أنه سيتم تسليم البواخر التسع قبل نهاية العام الحالي.

اتفق الوزير لتصنيع تسع بواخر وسيتم الإستلام قبل نهاية العام الحالى ...!!!

كيف ؟ هل هى سفن فايبر أم سفن ورقية؟ تسع سفن تتصنع خلال شهرين وتتسلم ..!!


#1330736 [Abu Ahmad]
5.00/5 (3 صوت)

08-30-2015 08:19 AM
يا عم دراجة صينية لا تصلح كمان نشتري طائرات وبواخر صينية وبعدين وين الشعراات التي صدعوا بها رؤوسنا وملأوا بها الدنيا ضجيج (لا شيوعية ولا إلحاد)

حسبنا الله ونعم الوكيل


#1330717 [سيف]
5.00/5 (4 صوت)

08-30-2015 08:00 AM
تركبوها براكم ..


#1330697 [ود احمد]
5.00/5 (2 صوت)

08-30-2015 07:34 AM
الشعب السوداني حقل تجارب اصبحنا مثل الفيران


#1330693 [مجاهد]
5.00/5 (4 صوت)

08-30-2015 07:29 AM
طائرااااااااااااااااااااااات صينية الصنع
الله يستر


#1330689 [الهبرو ملو]
5.00/5 (2 صوت)

08-30-2015 07:26 AM
طيارات ايرباص من الصين ههههههههه
والصين دخلها شنو بالايرباص
يكون ناس الايرباص ياربي نقلوا مصنعهم للصين ؟؟
أو الطيارات دي سكن هاند يعني !!!

قاتلكم الله
طياراتنا كانن زي العجب بعتوهم وفرتقتوهم
وبقت مكاين الطيارات تتسرق من المطار
وزول عارف مافي
اخر المتمة ماشين تجيبوا لينا ايرباص من الصين
اخير الوضع الحالي معتمدين على الخطوط حقت الدول الصديقة
ساتره حالكم بدل تبلونا بي طيارت خردة
تقع وتكتل الناس

سجمكم


#1330688 [الجمصي]
5.00/5 (2 صوت)

08-30-2015 07:26 AM
مبروك ... اخبار حلوه على الصبح ... مكاوي وزير همام نسأل الله له التوفيق


ردود على الجمصي
[mabo] 08-30-2015 09:23 AM
اخبار حلوة لما كل مواطن تصله ما الشرب فى بيته اخبار حلوة لما كل مواطن يتعالج مجانى ووله يتعلم مجانى اخبار حلوة لما يوقفو سرقة عرق المغلوبين ويفتحو بيها مصارف للامطاراخبار حلوة لما يردو الاموال اللسرقوها حريم واخان البعير والجاز والمتعافى والدقير ومدير الاراضى المغلوبين مش محتاجين لطائرات وقطارات صينيةالله يجعلها سبب لدمار وموت العصابة


#1330680 [مريود]
5.00/5 (2 صوت)

08-30-2015 07:11 AM
لا تكون أير باص صينية!!!!!!!!!!!!!!!!!!!!

بفكر أكثر من مرة وبشاور كثيييير عشان أشتري لساتك صينية طمعا في التوفير وأخيرا بخليها طلبا للسلامة. والحمد لله . الله يسلمناوكل المسلمين.

طيارة عديييييييييييييييل كدا دي ممكن وهي طاير لستكا ينزل .


#1330678 [mabo]
5.00/5 (2 صوت)

08-30-2015 07:04 AM
الطغيان ثم بعده الجنون هو شعب ما محصل موية يشرب ولا كهربا قال ولا دوا ء ولاعلاج ولا تعليم هذا البعير ماشى يجيب طائرات وقطارات الله القطر الليقطهه حتة حتة الطائرات ماشى يجيبها لوداد وعبدالله اخوه داهية تاخدك انت واهلك اليوم فبل باكر


#1330670 [كوكو]
4.50/5 (2 صوت)

08-30-2015 06:23 AM
طائرات الايرباص ماصينية لكن كان افضل يجيبوها من بلد المنشأ واكيد الطائرات دي حتكون متستخدما وزيتا طالع.وحكاية التمويل والقروض الاجنبية دي لمتين ياناس خافوا الله القروض دي ماحتسقط حتي لو الحكومة دي غارت برضو معلقة في رقبة السودان لحين السداد.. الحقيقة ياجماعة واقسم بالله عمر البشير ده افشل رئيس في تاريخ رؤساء الدنيا اصلو ماسوي شي يشكروه عليه ابدا دمر اي شي كان في طائرات وكان في بواخر وكان في سكة حديد دمرها كلها وجاي يفتش للقروض وشغل الترقيع بتاعو ده ياخي استقيل ياثقيل استقيل ياقرادة ياعديم الاحساس.


#1330668 [Lila Farah]
4.75/5 (3 صوت)

08-30-2015 06:19 AM
وكشف أنه سيتم استجلاب ثلاث طائرات من طراز (16 أم ايه) صينية الصنع، سعة الواحدة منها 60 راكباً، لتجربتها في السودان بإشراف صيني.

ملعون ابو الكيزان كبيرم وصغيرم ولعنة الله عليهم دني وآخره

خلاس الانسان السوداني العظيم بقي زى فيران التجارب للصين
يعني يصنع الصينيين الظائرات ويجوا يجربوها في السودان

طيب ولو فشلت الطائرات الصينيه البتشيل 60 راكب دى هاتسووا شنو؟
هاترجعوها ليهم ؟ ومنو البرجع لينا اهلنا ودمنا ولحمنا الماتو ياكلاب ياسفله؟

يعنى عشان العمولات والمكاسب التافهة بتاعه الدنيا ماعندكم مانع كلنا نهلك
وتتحمل اجيالنا القادمه بديون لن تخدم مستقبلهم ولا حاضرهم.

ومن الغرائب ان الخطوط الجويه الصينيه كل طائراتهم امريكيه واوربيه .!!
والأغرب انو عمر البشير ماشي يوقع اتفاقيات شراء وتمويل كبيره كهذه دون
مشاوره الشعب او نوابه الذين لم يختارهم احدش فلا البشير عندو تفويض من الشعب
يدخلوا في ديون كبيره زى دى ولا حتى النواب عندهم تفويض من الشعب.


#1330666 [مليون ميل ههههههه]
5.00/5 (1 صوت)

08-30-2015 06:05 AM
الخوف انها تملك من الان لبكرى و لعشيرة البشير
وطبعا دين على ظهر الشعب السودانى
25 عام لاشيئ


#1330630 [Tarig Amman]
5.00/5 (4 صوت)

08-30-2015 02:52 AM
طيارات صينية .... سجمنا


ردود على Tarig Amman
[بت أمدرمان] 08-30-2015 04:47 AM
هههههههههههههههههههههه سجمنا ساى؟


#1330626 [SUDANESE]
4.50/5 (3 صوت)

08-30-2015 02:39 AM
مكاوي محمد احمد وزير النقل والطرق؟؟؟؟
عليك الله ورينا كم شارع ظلط عمل باايادي سودانية؟؟؟؟
شارع الظلط =رملة حجار جصحاص وزفت + عزيمة رجال
كلو موجود الا الاخيرة ياسعادة الوزير!!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة