الأخبار
أخبار السودان
صحيفة (الأخبار) تفصل جميع الصحفيين العاملين بها
صحيفة (الأخبار) تفصل جميع الصحفيين العاملين بها



09-07-2015 02:48 PM
سلمت ادارة صحيفة (الاخبار) جميع الصحفيين العاملين بها خطابات فصل بسبب ما وصفته بالظروف الاستثنائية التي تمر بها الصحيفة المتوقفة عن الصدور منذ ثلاثة اشهر، وفي وقت صرفت الادارة لبعض الصحفيين مرتباتهم المتراكمة منذ ثلاثة اشهر وعدتهم بتسوية بقية حقوقهم خلال اسبوعين.
وقالت مصادر مطلعة ان الصحفيين ينتظرون ما تبقى من حقوقهم وهم جالسون مع بائعات الشاي جوار الصحيفة بعد صدور تعليمات من الادارة للحارس باغلاق المكاتب ومنع الصحفيين من دخولها بحجة انهم لم يعودو يعملون بالصحيفة بعد الاستغناء عن خدماتهم، واعتبرت المصادر ان الخطوة تمثل استمرارا لمسلسل اذلال الصحفيين، في وقت أكد الصحفيون المفصولون ان انتظارهم لما تبقى من حقوقهم هو السبب الوحيد الذي يجعلهم يحضرون لمقر الصحيفة.
وكانت انباء خلال الايام الماضية أفادت بان رجل الاعمال ومالك الصحيفة صديق ودعة ينوي اسناد ادارتها لقريب الرئيس محمد لطيف الذي كان يملكها سابقا قبل ان يبيعها لودعة بتوجيهات من البشير، فيما قالت اخبار اخرى انه ينوي تسليم رئاسة تحريرها للصحفي النور احمد النور الذي كان يرأس تحرير جريدة (الصحافة).









تعليقات 3 | إهداء 0 | زيارات 3158

التعليقات
#1336570 [دردوق]
0.00/5 (0 صوت)

09-08-2015 08:15 PM
الصحافه الورقيه ماااتت و شبعت ( مووت ) دا قي السودان !!

قبل كدا قلت المبيوع بسااوي اقل من 100 الف في كل السودان !!

و المطبووع كتير كتير و كلووو راحع !!

( علما بان كل الصحف تعتمد علي الاعلاااااااان من زين و سودااني

و علي شاكلة ذالك! يعني ماافي اعلاان و حاات الله

الهندي اكاااان ببيع في الطعميه ) مع احتراامي ليهم .

حققك ما بتقعد ترجاهوو حققك تقلعووو قلع بس ما مع ( ست الشاي )


#1336062 [مرحب]
4.50/5 (4 صوت)

09-08-2015 07:12 AM
ستظل الصجافه الورقيه باقيه يا دردرق مهما حدث من تطور رقمي


ردود على مرحب
European Union [دردوق] 09-08-2015 10:24 AM
معليش عل اسم الانقليزي بس ياهوو نفس المعلق . تحياتي

European Union [DrDoG] 09-08-2015 09:59 AM
مرحب بييك

يا سيدي الكريم : الصحافه الورقيه اصبحت خارج ( اللعب ) الخبر

بقي يجييك و انت قااااعد في بيتك !!! الاخبار بقي الواحد شايلها في

تلفونوو . تقول لي جريده يمشو يودوها المطبعه بالليل عشاان يوزعوها

الصبااااااح !!

نصيحتي لاصحاب الصحف يمشوو يشوفو ليهم شغله تاانيه !!

( الهندي عزالدين يمشي يفتح ليهوو محل سمك بنفع معاهوو)


#1335863 [دردوق]
4.68/5 (18 صوت)

09-07-2015 08:33 PM
يااخ الناس دي قديمه ( قدم ) ياا جماااااعه العالم بقي ( اندرويد ) و انتوو

لسه قااااعدين جنب ( ست الشاي ) اصحوووو يا ناااااااس !!

بعد شويه الهندي عزالدين حا يقعد معاااكم دا لو ما سوه ليكم الشاااي!!!!!!

الصحااافه الورقيه باي باااي .


ردود على دردوق
[فلان] 09-08-2015 04:59 PM
يا دردوق الجماعة قاعدين في محل الشاي منتظرين حقوقهم.!

European Union [دردوق] 09-08-2015 10:37 AM
عندك تعليق في الموضوع قولوو .( ما عندك تنقطنا بسكاتك بس !)

[ود قلبا] 09-08-2015 02:35 AM
انت راميك قطر ولا شنو؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة