الأخبار
أخبار إقليمية
الشرطة: التحريات مستمرة مع مطلق الرصاص بمستشفى بحري



ملاسنات حادة بين مسئولين بوزارة الصحة ونقابة الأطباء
09-09-2015 10:20 PM

الخرطوم: زينب أحمد
شهد منتدى "التيار" الدوري مشادات كلامية بين الناطق الرسمي لوزارة الصحة الولاية د. المعز حسن بخيت، وحياة الحاج عبد الرحمن عضوة نقابة أطباء السودان، وأمين عام الحركة النقابية لاتحاد اطباء السودان الأمين عبد الغفار، ومدير دائرة الإعلام برئاسة الشرطة بولاية الخرطوم عمر عبد الماجد بشير، وغيرهم من المتخصصين والإعلاميين حول ظاهرة الاعتداء على الكوادر الطبية، واحتدم النقاش حول العوامل التي أدت إلى الاعتداء أمس الثلاثاء بمقر الصحيفة وقال مدير دائرة الإعلام بالشرطة، العقيد عمر عبدالماجد، إن السُلطات مازالت تتحرى مع الشخص الذي أطلق النار بمستشفى بحري، الأسبوع المنصرم، مضيفاً أن القانون يحمي الموظف العام قبل مرحلة وقوع الاعتداء عليه أي في مرحلة التهديد، إلا أنه أقرَّ بضعف العقوبة. وأوضح عبدالماجد خلال المنتدى الدوري الذي نظمته ـ"التيار بمقرها " أمس الثلاثاء أن النظامي أي كانت الجهة التي ينتسب لها تتم معاقبته مرتين الأولى إدارياً داخل المؤسسة التي ينتمي إليها، الثانية قانونياً، مؤكد رفض الشرطة لأي اعتداء يقع على الأطباء سواء كان لفظياً أو جسدياً، في سياق آخر طالب المتحدث الرسمي لوزارة الصحة ولاية الخرطوم، د. معز حسن بخيت، الجهات المعنية بتوفر حماية كافية للأطباء، وأضاف أن الأطباء يعملون في وضع لا يطاق، وتابع: "مرتبات الأطباء العموميين 800 جنيه، وكشف بخيت أنه أسبوعيا يأتي إليه طبيبان ويخبرانه بأنهما مسافران إلى المملكة العربية السعودية.
مع العلم أنهم مدربون تدريبا جيدا.

التيار


تعليقات 4 | إهداء 0 | زيارات 3163

التعليقات
#1337315 [الرجل]
5.00/5 (1 صوت)

09-10-2015 07:32 AM
اللوم علي الأطباء كونهم يشتغلوا في بيئة تخلو من أي جاذبية (معنوية كانت أو مادية ) وفي الآخر جابت ليها ضرب بالنار! !
غادروا السودان يا هداكم الله. .البلد دي خلوها للكيان الكيزاني يبرطع فيها ..وبالمرة يعينو بتاعين الأعشاب في المستشفيات لأنو ديل هم مستواهم لأنهم ليق شعب علي حكومة. .وبعداك بتاع الأعشاب لو في واحد طلع ليهو مسدس هو بكون شايل ليهو دوشكا عدييل. .وشبهينا واتلاقينا. .وكبير ياكل ..أو كما المنطق الحيواني أقصد الكيزاني..


#1337217 [طبيب]
0.00/5 (0 صوت)

09-09-2015 11:22 PM
طيب ما حققتو زمان لما المتسلق الذى احضر النظام العام و اعتدى على الاطباء فى ميز الخرطوم و من الوقت داك الناس طفشت من السودان ما عشان شخص متهور واحد اطلق النار ابحثوا عن الاسباب الحقيقية لى هجرة الاطباء تجدوا اول الاسباب هو وجودكم فى هذه المناصب و انتم اصغر من ان تديروا شفخانة مش وزارة


#1337211 [د.. الزهجان]
0.00/5 (0 صوت)

09-09-2015 11:14 PM
المتحدث الرسمي لايعلم انو النائب عشان يعيش لازم يشتغل في اتنين او تلاته مشافي ..ويادوب يجيب حق الشهر ماكل وملبس وتوصيل ده غير المتزوجين طبعا ..اما المتزوجين ديل الجماعة البيجوك اتنين اتنين... ... او يكون كوز. فاضي مليان ما مهم .والنوع ده .سبب بلاغات الاخطاء الطبية ...لانو بيتخرج نائب واحتمال لو واصل يكون اخصائي ..والراكوبه تقع من اول مطرة ...عملية ...


#1337204 [SUDANESE]
0.00/5 (0 صوت)

09-09-2015 10:53 PM
الاخوة الاطباء:
اكان ابتك ديار.....فلله الف ديار.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة