في



الأخبار
أخبار السودان
معتمد الخرطوم يطالب المواطنين بمقاطعة (الحافلات) لمدة (3) أيام
معتمد الخرطوم يطالب المواطنين بمقاطعة (الحافلات) لمدة (3) أيام
معتمد الخرطوم يطالب المواطنين بمقاطعة (الحافلات) لمدة (3) أيام


لإلزامها بدخول المواقف والعمل في الخطوط حسب التصديق
09-16-2015 09:15 AM
الخرطوم : عازة أبوعوف
طالب معتمد محلية الخرطوم الفريق أحمد علي أبو شنب المواطنين بمقاطعة الحافلات لمدة (3) أيام فقط، وحملهم في الوقت ذاته مسؤولية الازدحام وزيادة التعرفة من قبل أصحاب الحافلات.
وقال أبو شنب في تصريحات محدودة بتشريعي الخرطوم أمس: (لو المواطن سمع كلامي ثلاثة أيام بس وقاطع هذه الحافلات كان كل الحافلات دخلت الموقف والتزمت بخطها المصدق لها)، وكشف عن حجز عدد من الحافلات، ورهن فك الحجز بكتابة أصحابها تعهداً بعدم المخالفة وفي حالة تكرار المخالفة هدد بسحب الرخصة.
وأضاف أن المحلية من الساعة الخامسة مساء تدخل للمواقف أكثر من (80) بصاً لفك الضائقة، إلا أن المواطنين يخالفون توجيهاتنا، وتابع أن (الطراحين) بالمواقف يقومون بتحريض أصحاب الحافلات بالوقوف خارج المواقف لزيادة التعرفة لخمسة جنيهات بدلاً عن جنيهين.
وكشف المعتمد عن تعاقد المحلية مع شركة للنظافة، وقال إن خطة المحلية بدأت بفتح الشوارع، وذكر: هناك اتجاه لمنع غسيل العربات في الشارع العام، بجانب تنظيم السوق المركزي، وتحويل دلالات العربات إلى سوبا، وأردف: (توجد لجنة مكونة بين المحلية وأصحاب الدلالات لمراجعة التراخيص والتصاديق لأصحاب الدلالات لتعويضهم بسوبا).

الجريدة






تعليقات 30 | إهداء 0 | زيارات 7054

التعليقات
#1341423 [Tag.]
0.00/5 (0 صوت)

09-17-2015 08:57 AM
حل ازمة المواصلات من خلال الاتى :
1/ خروج الولاية نهائيا كمستثمر فى مجال المواصلات.

2/ السماح لكل وكلاء السيارات بالسودان مثل مجموعة النفيدى - دال - البربرى -ابرسى - جياد ولمن يرغب بتكوين شركات للاستثمار فى مجال المواصلات باستراد بصات ذات سعات كبيرة على ان لاتقل عدد البصات المستوردة بواسطة كل شركة عن 300 بص.

خلاف ذلك ليس هنالك حل فى المدى القريب.

والله المستعان.


#1341403 [أبو قدوم]
5.00/5 (2 صوت)

09-17-2015 08:33 AM
من أين أتى البشير بهذا العبقري ، الذي سبق زمانه . أنا أقترح على البشير أن يعمل مصنع لتخصيب اليورانيوم ويضع فيهو هذا المعتمد العبقري مديرا عاما ( أبو تلاته أيام ) حتى نكون من الدول المتقدمة.


#1341206 [مسطووول]
5.00/5 (1 صوت)

09-16-2015 09:27 PM
خلاص يا باشا موافقين .. بس مين يقنع جهات العمل ( خاص + عام ) باجازة لثلاث أيام ؟ ؟ ؟ أم ندخل في عصيان مدني صامت بتعليمات من سعادتك !!!
من أين يأتي أمثال هؤلاء ؟ ؟ ؟


#1341179 [sas]
5.00/5 (2 صوت)

09-16-2015 07:43 PM
لو المواطن سمع كلامي ثلاثة أيام بس وقاطع كل حاجة انت وحكومتك ح تمشو


#1341150 [ود نقد]
0.00/5 (0 صوت)

09-16-2015 06:17 PM
المواصلات دي في الغاصمه كانوا بركبوها الافنديه يعني ناس البندر يعني عارفين حقوقهم شنو هسي جيتو انتي يا رعويه دخلتو العاصمه وسختوها وتتغوطو في الشارع ليهم حق ناس الحافلات يعملو فيكم كده لانكم ما عارفين حقوقكم


#1341124 [التائه]
0.00/5 (0 صوت)

09-16-2015 04:32 PM
نحن برضو بنحب الملك عبدالله بس انت بتحبو؟ بعدين الموضوع عن تصريح المعتمد ما عن من يحكم و الافضل ان نطيع المعتمد بس لازم يجيب لينا عجلات و نبقى زى السويد و الدنمارك و هولندا يوقف عجلات فى الشوارع و اى واحد يركب ويصل و ببركن العجلة فى مكان معين يا معتمد الغفلة


#1341116 [همام]
0.00/5 (0 صوت)

09-16-2015 04:23 PM
ليس هناك مسئول واحد في الحكومة يريد أن يحاسب أي مقصر سواء أكان كوزاً أم غير ذلك.... الكيزان يلقون كل عملهم على الناس لتقوم به ... ياخي مرة واحدة أبقوا رجال يا كيزان الشر وعاقبوا سائق حافلة واحدة بالجلد أمام الناس وشوفوا لو في سواق حافلة تاني عمل غلط! إشمعنى المعارض السياسي بتجلدوه قدام الناس؟ عشان بهدد نظامكم يعني؟ الله يبعدكم يا كيزان الشر من بشيركم إلى خفيركم


#1341083 [دوشكا]
0.00/5 (0 صوت)

09-16-2015 03:04 PM
الفريق أب شنب دا واحد متخلف .. حتى لما كان في الجيش ناس الجيش عارفينه عوير .. وفعلاً عبدالرحيم محمد حسين عرف يختار شبهه في الريالة السايلة


#1341071 [سيف]
0.00/5 (0 صوت)

09-16-2015 02:36 PM
انت من زمان وين يا ابوشنب ياعبقرينو .. طيب نحنا في حلتنا عندنا زحمة في المسجد في الحالة دي نعمل شنو .. هههمممم
ده في اللغة العربية اسمو ( الحنك البيش )


#1341052 [mhamed ali]
0.00/5 (0 صوت)

09-16-2015 02:06 PM
السلام عليكم ورحمة الله


الشعب السوداني شعب عظيم بامكانه عن يغيرالحكم الانقاذي في ليالي معدودة
بس
س سؤال
من سيأتي ليحكم البلد بعد البشير ف الشعب السوداني يحب البشير وانا في راي
المشكلة ما من البشير المشكلة مع خلف البشير عبارة عن شرزمة من الحرامية


مع خالص تمنياتي للمشير البشير بدواام الصحة والعافية

اخوكم mohamed ali aldib

رئيس هيئة الاوقاف في المملكة الاردنية الهاشمية


ردود على mhamed ali
[ممغوص] 09-17-2015 03:32 PM
يا ربي لو كنت قاعد في السودان كنت حتقول كلامك ده؟؟؟

[ود البر] 09-16-2015 03:46 PM
الزول دا جاااااااادي وكمان رئيس هيئة اوقاف
امشي بالله كده ولا كده في النهاية المسؤل الاول والاخير البشير
كلامك عامل ذي الدراب
المضحك والببكي من الضحك عبارتكم الوااااااحدة دي (من سيأتي ليحكم البلد بعد البشير ف الشعب السوداني يحب البشير)
انا واحد من الشعب ما بحب البشير رايك شنو

European Union [مغبونه] 09-16-2015 03:08 PM
تم وضع هذه المداخله فى قائمة التجاهل

و الحريه لوليد الحسين


#1341022 [هناء عبدالعزيز]
5.00/5 (3 صوت)

09-16-2015 01:21 PM
اطلعوا شوفوا العالم بره بيشتغل كيف

لو عايز تلزم الحافلات تمشى فى خطوط معينه ممكن تعمل ليها ارقام وكل خط عنده رقم زى ما بيحصل فى العالم المتحضر حاجه كده زى علامة التاكسى البتنور فوقه ديك تفى بالغرض وبالتالى تسهل مراقبتها

الكلام بتاع المقاطعه ده لمن يطلع من الشخص المسؤول تبقى كارثه معناها اولا انه شخض عجز عن تطبيق القانون وثانيا وهو الاسوأ انه ليس لدى هذا المسؤول اى تصور لوضع الحلول فما هى المؤهلات التى يتم بها وضع شخص فى موقع المسؤوليه

لو غلبكم تطوروا البلد ادوها الناس اصحاب الخبره والعقول بدل مل تلخبطوا ساكت خربتوا البلد


ردود على هناء عبدالعزيز
[AbuAreej] 09-16-2015 04:39 PM
صحيح والله ..
أين قوة القانون؟؟؟ استغربت جداً لهذا التصريح قرأته عدة مرات للتأكد من الذي صرح به .. فإذا به معتمد!!!!!! طيب المنتظرين والمكتوين بنار الشمس يحرقوا الحافلات والا كيف؟؟؟


#1341019 [fatasha]
5.00/5 (1 صوت)

09-16-2015 01:20 PM
قرار صائب يا ابي شنب. واتمنى ان يقاطع الناس اكل اللحم وعدم شراء
الخرفان لمدة ٣ شهور حتى ترخص اللحمة والخرفان. كذلك مقاطعة الذهاب للاطباء والمستشفيات والامتناع عن شراء الادوية.
ونرجو من الوزراء والدستوريين التوقف عن قضاء الاجازات بتركيا
وماليزيا ودبي وايطاليا حتى تتوفر العملة الصعبة ويعود سعر الدولار
لثلاثة جنيه.


#1341010 [حزين جدا]
5.00/5 (2 صوت)

09-16-2015 01:09 PM
يا سيادة المعتمد . أنت عندك القانون ومعك جنباً إلى جنب المرور + الشرطة

+ الإيصالات . وتطلب من المواطنين مقاطعة الحافلات لمدة ثلاث أيام .

بعني أفهم أن العاصمة تأجز ثلاث أيام غير محددة . أم عشوائياً يقاطعون

الحافلات وكيف يتوصلون لمواقع عملهم ؟؟؟

بصراحة رأي عقيم جداً جداً .

الطلب المهم ...المهم .. عند قطع الإيصال المالي يجب أن لا يستلم المبلغ

عسكري المرور يجب أن يسدد المبلغ لخزينة الدولة مباشرةًومن المواطن ....

وفي خلال شهر إذا لم يسدد المبلغ تعميم رقم المركبة لجميع محطات الوقود

بعدم التزود من أي محطة إلى حين سداد المبلغ ثم رفع الحظر عن المركبة

بعد السداد .

مع مراقبة رجال المرور للرقم المحظور في الطرقات إلى أن يسدد المبلغ .

لأن الفلوس في يد رجل المرور خطأ خطأ كبير ويدل على القصور والتشجيع

على التصرف في أموال الشعب ....

نتمني للشعب السوداني الراحة والسعادة شعب مسكين مغلوب على أمره ....

بس حزين للتصرفات العشوائية المرتجلة من مسئول وغير مدروسة ...

وهذا هو السودان !!!!؟؟؟


#1341003 [فائز شندي]
5.00/5 (1 صوت)

09-16-2015 01:05 PM
والله كلامو صاااااااااح ديل ناس استغلو المواطن وزادو التعرفه وجارين الشوارع بشحنو من برا الموقف اتخيل في حافلات بقت تشحن من العربي لحد لفة سراج بس وتاني ترجع تشجن لي نفس اللفه

هل هنالك استغلال اكثر من ذلك
البقول الحل شنو البصات الكبيره دي شاله 24 ساعه وبي 2 ج بس لي اي مكان
فعلا كلام مدير موقف كركر بانو المواطنين ديل تجم طلع صااااااااااااح واسألو مجرب من موقع الحدث


ردود على فائز شندي
[سوداني حزين] 09-16-2015 06:05 PM
ليه اللفة الطويلة دياصلها30جنيه ولا 30 مليون هههههههه


#1340980 [منقة بالشطة]
5.00/5 (2 صوت)

09-16-2015 12:28 PM
فعلآ .. ممكن يكون دا تمرين خفيف وتجربة لاضراب عام وعصيان مدني لاسقاط الكيزان
فكرة جهنمية ولعبة ماكرة ! المعتمد طابور خامس
عاش المعتمد رئيس السودان القادم .


#1340962 [سيف الله عمر فرح]
5.00/5 (1 صوت)

09-16-2015 11:49 AM
تحريض سعادة الفريق أحمد ابوشنب للمواطنين بمقاطعة الحافلات ، لو صدر مثل هذا التحريض من رئيس حزب معارض ، ناس الأمن ما كانوا خلوه يبيت مع أولاده فى تلك الليلة .. حلال عليهم ، حرام ..... ! .

سعادة معتمد محلية الخرطوم، لماذا لم يطبق القانون حتى حدوث الأزمة ، بدل التحريض ، والتهديد بسحب الرخصة ، بعد وقوع الضرر لدى المواطنين ؟ .

عدم تطبيق القانون محنة من محن السودان يا سعادة الفريق أبوشنب .


#1340942 [Abu Omr]
5.00/5 (1 صوت)

09-16-2015 11:28 AM
معتمد وشنبو قدر ده !!! غلبو ينظم موقف حافلات فكيف به يحكم معتمدية كمعتمدية الخرطوم؟؟؟


#1340894 [القادمون الجدد]
4.63/5 (4 صوت)

09-16-2015 10:35 AM
المواطن ههو السبب ؟ كلامك صح ....على المواطن ان يقاطع المواصلات لمدة 3 ايام ...ليه 3 ايام خليها تكون 3 سنوات عشان نفوق على صوت الانتخابات لاكمال التنميه والنهضه مع قائد الامه .... حتما قادمون


#1340878 [الأشــعــة الـحــمــراء]
4.25/5 (3 صوت)

09-16-2015 10:16 AM
يـا .. أب شــنـب .. مـا هــو الـبـديـل عـنـدمـا تـتـم مـقـاطـعـة إسـتـخـدام المـواصــلات الـعـامـة مـن قـبـل مـواطـنـي و لايـة الخـرطـوم .. لمـدة 3 أيـام .. !!
:
يـا .. أب شــنـب .. ألـم تـعـي بـمـا فـعـلـت .. الـبـصـيـرة أم حـمـد .. أمـآ أشــارت بـه .. مـاري أنـطـوانـيـت .. ؟؟


#1340874 [سوداني غريب]
4.94/5 (8 صوت)

09-16-2015 10:11 AM
ولو الشعب السوداني سمع كلامي ودخل في إضراب عام لمدة ايام سوف تسقط الحكومة


#1340860 [منصور]
4.82/5 (9 صوت)

09-16-2015 09:57 AM
المعتمد يطالب المواطنين بالاضراب ! اشهدوا يا ناس الراجل ده محرض و مخرب و شيوعي! بسم الله الرحمن الرحيم ! انا بقول في كلام غلط والا دي ما ديباجة البشير البلصقا فوق وش كل زول يدعوا المواطنين باضراب كلق دستوري؟


#1340853 [مسافر]
4.50/5 (2 صوت)

09-16-2015 09:53 AM
طيب سعادة الفريق وخلال هذه الثلاثة أيام الناس تركب إيه؟ ما يروحوش شغل؟ هل ستطعمهم أنت أو تسقيهم إن كانوا من ناس رزق اليوم باليوم؟ وإن كانوا عاملين بالأجر الشهري هل تضمن لهم عدم مساءلتهم من أصحاب العمل؟ سواء حكومة أو قطاع خاص؟


#1340852 [الجقود ود بري]
4.50/5 (3 صوت)

09-16-2015 09:52 AM
وانا أدعو كل السودانين لعصيان مدني حتي يغوروا من وشنا
بالله دي حكومه ما قادرة تسيطر على 1000 حاله ؟ وأصحاب الحافلات عندهم حق اذا الدولار كل يزيد والاسبيرات كل يوم تغلي
دايرهم ناس الحافلات يعيشوا كيف؟


#1340841 [:::بيكو:::]
4.50/5 (3 صوت)

09-16-2015 09:44 AM
صدق والله
لو نحن المواطنين بندق جرس وما بابنركب بالتعرفة الزايدةدي ما كان ناس الهوايس والحافلات اتمنوا فيناوشغالين على كيفهم
بالجد نحن شعب ماعارف حقوقو وين وماعندنا ثقافة المقاطعة
أعتقد انه ده المعتمد الوحيد اللي حاسس انو ح يحسم الفوضى الحاصلة في موقف كركر والاستاد وشروني
لمن تلاقي 6 دوريات مرور وكلو دورية فيها عقيد مرور شغالين توجيها ت وتعليمات في الموقف بتحس انو في تعليمات صارمة صادرة من المعتمد


ردود على :::بيكو:::
[AbuAreej] 09-16-2015 04:43 PM
يا بيكو اخوي كيف يحسم الفوضى وهو يدعو للفوضى مع انه في يده قانون .. فكيف يدعو بالمقاطعة ؟؟ يعني الناس ينوموا في البيت ما اطلعوا ؟؟

[mhamed ali] 09-16-2015 02:08 PM
صدق والله
لو نحن المواطنين بندق جرس وما بابنركب بالتعرفة الزايدةدي ما كان ناس الهوايس والحافلات اتمنوا فيناوشغالين على كيفهم
بالجد نحن شعب ماعارف حقوقو وين وماعندنا ثقافة المقاطعة
أعتقد انه ده المعتمد الوحيد اللي حاسس انو ح يحسم الفوضى الحاصلة في موقف كركر والاستاد وشروني
لمن تلاقي 6 دوريات مرور وكلو دورية فيها عقيد مرور شغالين توجيها ت وتعليمات في الموقف بتحس انو في تعليمات صارمة صادرة من المعتمد

[:::بيكو:::]


#1340840 [الفجري داك]
5.00/5 (1 صوت)

09-16-2015 09:44 AM
المواطنبن والشعب عامة أصبحوا لاوطنية ولا قومية ولامبالين لاي كان حتى أنفسهم
لايعرفون من أين يبدؤن أوكيف يسيرون ولو بحق أعتمدوا تنفيذ الأبتعاد عن الحافلات
(3)أيام وعملوا بذلك ،لآعتصموا أيضاَ يوما كاملاً لتغير هذا النظام الفاسد ،ولكن
انتم تبحثون عن مصالحكم وسط الغلابة .والمساكين فقدوا كل شي ويأملون أن يرسل لهم
المولي جند من السماء لانقاذهم من ويلكم ؟ فلينتظروا وينظروا بعد مضي (26) عاما.
وعسي ولعل أن يستجيب لهم الخالق المدرك المتعال وسبحان الله يمهل ولايهمل .يضربون المواطن بعضهم بعض بعد جفاف الضروع !!!


#1340837 [ALMAHI]
4.50/5 (2 صوت)

09-16-2015 09:43 AM
المواطن او صاحب الحاجه مضطر ولكن اين النظام اين شرطة المرور بل اين الشرطه اجبر الحافلات بدخول المواقف وكل من يحمل خارج الموقف يحاسب بطريقة رسمية غرامه تصل الى عمل يوم كامل وفى حالة التكرار تحجز المركبه والثالثه يحز السائق وتسحب التراخيص فى الرابعه تفعل قوانين دون رشاوى وفساد ساعتها تقدر تضبط كل شى اما المواطن يوعى وتسهل له الطرق والمواقف وتشوف سيدى المعتمد اية المشكلة فى عدم دخول الحافلات لماذا لا يريدون الدخول للمواقف وتزيل السبب وتجعل الموقف جازبا لهم . والله المستعان فى حل مشكلة المواصلات التى عجزت عنها كل الناس بصات ابو رجيله والشيخ جميل والوالى حكاية غريبه واقترح بأن يحاسب كل من اتى بباص فى الفترات السابقه مثلا باصات الوالى وخوقير يحاسبوا وينصفوا وتنصف اموال الدوله كدى حنمشى فى الخط الصحيح على امل الوصول للحل الصحيح مبكرا
.


#1340834 [khalid]
4.50/5 (2 صوت)

09-16-2015 09:43 AM
ادى الناس اجازه 3 ايام او وفر انت تراحيل بدل هذه الحافلات


#1340832 [محمد احمد]
4.75/5 (4 صوت)

09-16-2015 09:40 AM
لله درك ياوطن هل هذا الكلام من مسئول يحرض المواطينين على مقاطعة الحافلات اين القوانين واين مسئولية وهيبة الدولة لحماية المواطنين هذا هو تفكيرواسلوب هؤلاء المسئولين هذا برتبة فريق ويصرح بهذا الحديث


ردود على محمد احمد
[mhamed ali] 09-16-2015 02:23 PM
ادى الناس اجازه 3 ايام او وفر انت تراحيل بدل هذه الحافلات

[أبو حموش] 09-16-2015 12:10 PM
يا أخي محمد أحمد الشيء لا يستغرب من معدنه ، من أين أتى هذا الشخص ومن الذي قام بتعيينه؟؟...فهو عسكري وأكيد تربيته وخلفيته ومرجعه تنظيم الكيزان الكريه..هل تتوقع أن يكون تصريحه ولا سلوكه يكون بغير هذه الرعونة والغباء كعسكري؟؟ أم هل قد يخرج الذي خبث إلا نكدا؟؟...غفر الله لك أخي الكريم ولوالديك...تقبل ودي وتقديري.


#1340822 [habani]
4.75/5 (4 صوت)

09-16-2015 09:33 AM
يقاطعوا الحافلات ؟؟؟ الله يقطع رقبتك

انتوا لو موفرين وسائل نقل زي العالم ده كان حصل .


بعدين الكلام ده لمن يصدر من مسؤول معناها نحنا ما عندنا ليكم شيء تمشوا كداري تركيوا كارو ما عندنا ليكم شيء هو الواحد قادر يمشي ؟؟


#1340818 [ابو جلمبو]
4.50/5 (3 صوت)

09-16-2015 09:31 AM
ده فشل تام انت كمسؤل مفروض تفرض القانون موش تدعو المواطنين لمقاطعة خدمة، سهل الخدمة وقننها، صحي الشعب غالبيتة همج، جايين من اصقاع الارض، لكن علمّهم النظام


ردود على ابو جلمبو
[محمد احمد] 09-16-2015 04:59 PM
والله ياابوجلبو نحن شعب لو لفيت العالم وبشهادة كل شعوب العالم نحن شعب راقي *مسالم *عند الشدائد صعب ولكن هؤلاء الساسة من اي عالم اتوا لاندري وللصبر حدود وان النصر لقريب وقريب جدا انشاء الله ان بعد العسر يسر وللصبر حدود وهذه ارادة الله اولاواخيرا



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة