الأخبار
أخبار إقليمية
موظفة السفارة الأمريكية : " أول عيد لي في الجزيرة اسلانج بأهلها الكرام ذوي القلوب العامرة "
موظفة السفارة الأمريكية :


وصفت متعة تناولها للحوم الأضاحي والكسرة والشربوت (شاهد الصور)
09-29-2015 11:59 PM
نشرت نائب مدير العلاقات العامة بالسفارة الأمريكية بالخرطوم "جيني منيوز "على حساب السفارة بالفيس بوك رحلتها للجزيرة أسلانج وقالت :

"خلال عطلة عيد الاضحى شاركت في احتفالات العيد المحلية بالجزيرة اسلانج بدعوة كريمة من أحد موظفي سفارتنا من السودانيين.وكانت فرصة عظيمة لي للوقوف على إحتفالية ذلك لمجتمع المحلي بمسيد شيخهم الفكي الامين ود أم حقين (الطريقة السمانية القادرية )
و كما في المكسيك - حيث والديّ من هناك - فالاحتفالات الجماعية معتادة في المناسبات الكبيرة. وكان من الرائع أن أعيد تلك المشاهد في هذه القرية الصغيرة في احتفالاتها بالموسيقى والطقوس والتقاليد المحلية
قمت بجولة في المتحف الخاص بالشيخ الفكي الامين في معية الشيخ إسماعيل محمد الذي وصف لي بكل فخر إنجازات شيخهم أحمد المصطفى ،
قضينا معظم اليوم في تناول الوجبات التقليدية المعتادة في هذه المناسبة من لحوم الاضاحي مع الكسرة وشراب الشربوت مع أسرة زميلنا وأصدقائهم , لقد نشأت لأحب الطعام السوداني والذي تزداد فرص الأستمتاع به مع كل صداقة جديدة لي.
أتقدم بخالص شكري لأسرة الفكي مصطفى وكل أهالي الجزيرة إسلانج على حسن الضيافة وكرمهم اللامحدود "

وتجدر الأشارة إلي إن منيوز كانت قد ظهرت في مايو الماضي في مقطع فيديو جرى تداوله على نطاق واسع في مواقع التواصل الاجتماعي ومعها موظفة أخرى " كارولين شنايدر" من السفارة الأمريكية وهما تحتسيان الشاي من أحد بائعات الشاي في شارع النيل في رسالة دعم للمرأة للسودانية
تجد الفيديو السابق هنا :
http://www.alrakoba.net/news-action-show-id-195281.htm


image
image
image
image
image
image
image
image
image
image
image


تعليقات 13 | إهداء 0 | زيارات 11858

التعليقات
#1347341 [الخبير]
5.00/5 (1 صوت)

09-30-2015 06:35 PM
فرسة مهجنة, فيها الدم اللاتينى!


#1347316 [؟]
0.00/5 (0 صوت)

09-30-2015 05:01 PM
الناس ديل ما لها لحمتهم شوية كدا ضابحين ليهم عتوت ولا شنو؟!!!


#1347267 [ماكس المتجهجه]
0.00/5 (0 صوت)

09-30-2015 03:10 PM
فيها شبه من انصاف مدنى بعد التعديل


#1347176 [فدائى]
4.50/5 (2 صوت)

09-30-2015 12:35 PM
الدجل ماداير ليهو شهود


#1347166 [هات من دارجعل]
0.00/5 (0 صوت)

09-30-2015 12:08 PM
عاد يا يمه انشاءالله هو صدر البنات لا حدهن ...


ردود على هات من دارجعل
[عزابي] 09-30-2015 05:04 PM
يا قريبي انت ما سمعت الفنانة قالت شنو؟ ما العندها جسم تمشي القسم وما العندها صــــدر تمشي القبر.

امريكية مسكسيكية خلطة عجيبة في الطول واللون والسحنةوتناسق الجسم؟


#1347079 [كردفاني]
5.00/5 (2 صوت)

09-30-2015 10:29 AM
ايوا دا المطلوب التواصل الاجتماعي وكمن اجمل شيء كان بدل الشربوت تدوها محاية تشربها عشان تمشي تفك لينا لحصار عن السودان وبركاتك ياشيخ الامين ...!؟
الي الشيخ دا خاتي يدو وين في الصورة قبل الاخيرة


#1347038 [العلي]
5.00/5 (1 صوت)

09-30-2015 09:39 AM
ليه دايما السفارة الامريكية علاقتها موطدة بالطرق الصوفية ؟؟!!


ردود على العلي
United States [المات رجاو] 09-30-2015 02:58 PM
عندهم مصالح متعلقة بدراسة الظواهر غير الطبيعية

[ALIIIIIIIIIIIIIIIIIIIIIIIIIIIIIIIIIIIIIII] 09-30-2015 02:38 PM
الاخ العلي
مع الاحترام لكل اهل الطرق الصوفية في السودان الي ان الحكومة الامريكية تدعمهم لانهم بيؤمنو ببدع وحاجات ماليها علاقة بالدين من اساسه وهي كثيرة ده طبعا فهم الامريكان والا لماذا مثلا مايزورو مجمع الفقه الاسلامي رغم اني عندي نظر فيهم هم برضو بالمناسبة او يزورو الشيوخ المتطرفين مثلا او يزورو شيوخ انصار السنة المحمدية ليه..ياعزيزي المحترم امريكا عايزة اسلام عشرة بلدي بمهني انها عايزة اسلام سياحي او اسلام شكلي يعني اسلام مبهرج بتاع زينة يعني لايهش ولا ينش وطبعا ماعايزين اسلام ينهي عن الفحشاء كالشذوذ الجنسي علي سبيل المثال والمنتشر عندهم بكثرة طبعا او اسلام يبيح الجهاد طبعا الجهاد عندو ضوابط وشروط ماساكت وانا مابتكلم عن جهاد داعش او القاعدة ديل اصلا مامثال امريكا ماعايزة الاسلام بروحه الحقيقة امريكا تخاف من الاسلام ياعزيزي لانه قوة اخلاقية وحياتية مش زي عمايل البهائم اللي هم قاعدين بسو فيها رغم انو المسلمين ذاتهم حصلوهم وبقوا ازرط منهم امريكا عايزة اسلام طقوسي مجرد مظاهر لااسلام نابع من الداخل...بالواضح كده امريكا عايزة اسلام ممسوخ ومشوه وبتاع قدر ظروفك ده العايزة وطبعا ماتنسي البهرجة والبرستيج الاجتماعي وحدث ولا حرج

[Nasehj] 09-30-2015 01:41 PM
لأنهم عندهم إحساس أن دينهم نصف كم وهذا ما يريده الغرب دمج الأديان كلها ليكون دينا مشكلا حبة يهوديه + حبة نصرانيه + حبة إسلام الهم أحفظ لنا ديننا من الكيزان


#1347031 [ya ya]
5.00/5 (1 صوت)

09-30-2015 09:28 AM
عبودية بمعني الكلمة مغطاءة بالدين كلهم مستهبلين ومتملقين كمان رافعين له المظلة الله يزلك


#1347010 [سامي]
5.00/5 (1 صوت)

09-30-2015 09:03 AM
الدين المعاملة


#1346997 [IBN ALKHARTUM]
4.00/5 (4 صوت)

09-30-2015 08:48 AM
كان ضربتي الكمونية تاني كل سنة عيدك في السودان.


ردود على IBN ALKHARTUM
[عمرعبدالعزيز] 09-30-2015 11:42 AM
كده يادووووب طفشت ومن غير عوده


#1346970 [zoal Saket]
0.00/5 (0 صوت)

09-30-2015 08:09 AM
100/100


#1346937 [المتجهجه بسبب الانفصال]
5.00/5 (2 صوت)

09-30-2015 07:18 AM
الشربوت ده عبارة عن بيرة سكرية مخففة ،،،، ويصنع من التمر ويشيع تناوله في عيد الفداء ،،، هذا للمعلومية والتناقض في المشروعين والمشرعين الحاليين،،، ولعل موظفي السفارة مستغربين من زمن في الاختلاف بين سلوك الشعب السوداني العام وحكومته قفص النعام،،، وزي ما قال البروف عوض ابراهيم عوض نقلا عن امريكي كبير في كوالا لامبور أنه بسبب السلوك السوداني الزي ده فتحت امريكا اللوتري للسودانيين خاصة ثم بقية شعوب العالم عامة خوفا من أن تصيبها طامة وهذه الزيارة تصب في ذات النحو فحق للبروف ان يستنبط النجرة التي نجرها فجاب ضقلها ،،،،


ردود على المتجهجه بسبب الانفصال
[عمر] 09-30-2015 10:28 AM
هههههههههههههههههههههههههههههههههههههههههههههههههههههههههههههههههههههها
البروف بالغ لكن . .


#1346932 [المشروع]
5.00/5 (1 صوت)

09-30-2015 07:01 AM
ما شاء الله ناس الطريقة دي مريخاب ولا شنو؟


ردود على المشروع
[سامي] 09-30-2015 10:44 AM
يااخوي خذلونا... ماشايف الهلال الفوق القبة .

European Union [بيرو] 09-30-2015 09:47 AM
بيكرمو فى المريخاب عشان الانتصار الرفعو بيه اسم الابلد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة