الأخبار
أخبار إقليمية
غندور يلتقي في نيويورك بأسرة الطفل السوداني مخترع الساعة
غندور يلتقي في نيويورك بأسرة الطفل السوداني مخترع الساعة
غندور يلتقي في نيويورك بأسرة الطفل السوداني مخترع الساعة


أسرته عبرت عن تقديرها لاهتمام الدولة ورعايتها للمبدعين والمتفوقين
09-30-2015 11:59 PM
نيويورك (سونا) - التقى وزير الخارجية بروفسير ابراهيم غندور بأسرة الطفل احمد الصوفي مخترع الساعة الشهيرة بالولايات المتحدة وذلك بمقر بعثة السودان الدائمة بنيويورك.
وقدم اشادته به وبتفوقه وعبر عن امتنان وتقدير السودان بنبوغ ابنائه واكد دعمه لمشروعاته المستقبلية ورعاية ابداعه.
من جانبها شكرت أسرة الطفل السيد الوزير علي الدعوة واللقاء وعبرت عن تقديرها لاهتمام الدولة ورعايتها للمبدعين والمتفوقين .


تعليقات 37 | إهداء 0 | زيارات 6445

التعليقات
#1347862 [ALIIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

10-01-2015 07:25 PM
الولد ده اذا كان في السودان كان زمانو سايق درداقة ولا ببيع مناديل ولا تلقاهو سايب من المدرسة ولا تلقاهو بدخن وبتعاطي سلسيون والذي منه ولا تلقاهو قاعد مع شلة من اصحابو في الحلة بتعاورو وبتهابلو ده طبعا من ضمن اشياء اخري كثيرة لما يمكن ان يكون مصيره وكن كبر شوية تسمع في جريدة الدار (تم العثور علي شاب متدليا من عمود انارة) ولا مجموعة من الناس تنقذ شابا كان يهم بالقفذ من كبري الانقاذ ولا غيرو من كبارينا العامرة الباتكلها الجقور سبحان الله العظيم طبعا كيف الله اعلم خخخخخخخ وطبعا حيقولو مجنون كالعادة ولا كن زهج من القرف والعفن العايش فيهو كن زمانو تلقاهو عابر الصحراء الكبري غير مبالي بالغرق او الموت برا او بحراوكن بقي محظوظ لقي ليهو عقد في الخليج او (( يمم شطر امريكا دنا عذابها علي ان لاقيتها ضرابها..بالله الكيزان ديل ما معاتيه ومخابيل بالذمة ده كلام بتاع ناس واعيين)) ولا يمم شطر اوروبا ده جزء بسيط من حال الاطفال السودانيون وحال الشباب السوداني وكما قلت ده جزء بسيط بالمناسبة من القرف والتخلف والعفن العايش فيهو الشعب السوداني برغم كل مايروج لهو مغفلو الانقاذ ومتبيعهم من المغفلين الذين ارتضو ان يعيشو كالبهائم في ظل هذه الاوضاع الماساوية المزرية واخرا لالادنيا قد عملنا ومااعارف ليك شنو.. ماقلت ليكم الكيزان ديل عاملين زي الزول المعتوه البسك العربات في الشوارع وبكورك ساكت وطبعا كلا يغني علي ليلاه بل ويمشي علي ليلاه ايضا وكمان قالب هوبة كمان((فى سبيل الله قمنا نبتغى رفع اللواء لا لدنيا قد عملنا نحن للدين الفداء فليعد للدين مجده أو تراق منا الدماء)) طبعا ياعزيزي القارئ الدماء الوحيدة التي اريقت هي دماء الشعب السوداني المسكين بينما ازدادت كروش الكيزان كبرا ككرش البروف ابراهيم غندور في الصورة اعلاه ..او ازدادت وجوهم سوادا كعلي عثمان محمد طه وغيره من جقور الكيزان وكلابهم


#1347819 [ALWATANI]
0.00/5 (0 صوت)

10-01-2015 05:27 PM
بروف: ماعارف منهجية الاختراع كيفن


ولو كان بيدرس فى جامعة الخرطوم دى كارث من كوارث الخرطوم بعد كارثة سياسينها مابعد السودنة


#1347786 [ودكركوج]
0.00/5 (0 صوت)

10-01-2015 03:46 PM
كنت من اشد التعاطفين معه، لكن الان اتضح لي انه وخصوصا والده يبحثون عن الشهرة بعد ماقابلوا المجرم غندور.


#1347728 [مدحت عروة]
3.00/5 (2 صوت)

10-01-2015 01:31 PM
وشابكننا ان السويسريين هم من اخترعوا الساعات واتارى الاخترعها طفل سودانى؟؟؟
غايتو الخواجات ديل كضابين جنس كضب؟؟؟
هسع تلقى الاخترع القطار مش جورج اتيفنسن تلقاه واحد سودانى وكمان الاخترع القنبلة الذرية والهيدروجينية برضه واحد سودانى بس الاعلام ساكت اتجاهلهم!!!
كسرة:لو ما اتقبض على الطفل احمد وعومل معاملة سيئة كان الموضوع ده مر مرور الكرام وانا اتذكر واحد زميلنا فى كسلا الثانوية اسمه فتحى القدال عمل اذاعة محلية لكسلا الثانوية فى نهاية الستينات وفى كلية البيطرة عمل بقرة ميكانيكية تشبه البقرة الطبيعية(حتى النميرى قال ليه ح نوديك اليابان لتتعلم الالكترونيات) ومافى زول جاب خبره تانى وبرضه عمل جيتار كهربائى وهو طالب فى الثانوية!!!!هاكم الساعة دى!!!
كسرة اخيرة:هذا ليس تقليل من شان الطفل احمد الذى يبدو عنده موهبة الاختراعات ولكن اعتقاله هو العمل الهيلمانة دى!!هل هو اعادة اختراع العجلة؟؟؟؟


#1347700 [لتسألن]
5.00/5 (1 صوت)

10-01-2015 12:33 PM
قال الأمريكان أن الولذ - للأسف - سرق الأختراع و خادع به أساتذته، روابط:
https://youtu.be/CEmSwJTqpgY?t=29
https://youtu.be/ecthK_MN8KE
https://youtu.be/SQHZ0kAInxY


#1347691 [damar]
5.00/5 (1 صوت)

10-01-2015 12:24 PM
وعبر الاسرة عن رعاية الدولة للنبدعيت دة علي اساس اخترع الساعة في السودلن الكيزاني حاجة تضخك


#1347686 [bb]
5.00/5 (1 صوت)

10-01-2015 12:12 PM
الملاحظ في الصورة ان الاولاد لا يعيرون غندور بالا ولا كأنه موجود ، حيث انهم مهتمون بالموبايل اكثر من غندور . هم في قرارة انفسهم واثقون بأنه لا يودي ولا يجيب. او انهم ليسوا من صنفه


#1347675 [عشا البايتات]
5.00/5 (1 صوت)

10-01-2015 11:55 AM
لا أهتمام ولا رعاية ولا شئ ماشي يعرض عليه عضوية الموتمر الوطني , هذا هو جل اهتمامهم .


ردود على عشا البايتات
[ALWATANI] 10-01-2015 05:20 PM
اصلا هم اعضاء (والدة اترشح لرئاسة الجمهورية ..يعنى هيكون شنو!!!)


#1347624 [عبدالله احمد محمد]
0.00/5 (0 صوت)

10-01-2015 10:43 AM
خير ما فعل هذا تقدير لنابغة سودانى بالصرف النظر عن بعض الاراء التى لا تقلل من هيبة وعظمة وزير الخارجية الى اسرة نابغة سودانى


#1347611 [RABSO]
5.00/5 (2 صوت)

10-01-2015 10:28 AM
الراعي الأمين بالسعودية ذهب مصطفي عثمان خصيصا لتهنئته يعني ركب طياره وأستقبال من طاقم السفارة بالمطار وبعد كده مصطفي عثمان قدم درع من الخشب للراعي ... يعني بالله عليكم عشان تعرفو ناس الحكومة ديه ما يتصدروا الأ علي الهايفة ، يعني كلفة مصطفي عثمان ديه كانت تفطر مدارس ولاية الخرطوم شهر ....

ثانيا غندور يطلب يقابل الطفل المبدع لسوداني الأمريكي يعني لو ما كان الرئيس أوباما أهتم بهذا الطفل المبدع والله لا البشير ولا غندور ما كانوا جابو خبره بس للأسف ناس المؤتمر الوطني والحكومة ما هم الأ منافقين وذي ما ذكرت سابقا يتصدروا الهايفة ..

في السودان عندنا مبدعين .... الشاب الذي أجتهد في أن يجعل تراكتور يعمل عن طريق الابتوب وبدون سائق ...... شباب السينما الذين يقومون بعمل أفلام بواسطة كميرات الموبايل ...... شباب مشروعي الذي كان علي الفضائية النيل الأزرق ..

لماذا لا يشييد بهم البشير أو غندور ليمدوا لهم يد العون ويشجعوهم علي مجهوداتهم هذه ، ومع أحترامنا لأبننا أحمد مخترع الساعة ، الفضل يعود الي مدرسته التي أبلغت علي أنها قنبلة في بدايت الأمر .....

بالله عليكم يا حكومة السجم والرماد مدوا يدكم لشبابنا قبل أن تفقدو ما تبقي منهم والأ عرقنا يمشي لغيرنا ....


ردود على RABSO
United States [the truth] 10-01-2015 07:18 PM
هو ما مخترع
هو صتع ساعة وهذا يعد انجاز مقارنة بصغر سنه


#1347603 [تأشيرة خروج]
5.00/5 (1 صوت)

10-01-2015 10:14 AM
أبوهو ده مش كان مرشح رئاسي في إنتخابات الخج قبل كد ؟ جبهجي قديم


#1347600 [محمد حمزة]
4.50/5 (4 صوت)

10-01-2015 10:02 AM
الجانبين (الوزير والعائلة) كل واحد بضحك على التانى بالكلام الفارغ القالوهو دة , و الإتنين بضحكو على عقل المواطن من دون أى حياء ,

الوزير:(اكد دعمه لمشروعاته المستقبلية ورعاية ابداعه.) ,
والعائلة:(عبرت عن تقديرها لاهتمام الدولة ورعايتها للمبدعين والمتفوقين ) ,

و دُقى يا مزيكا و رأصنى يا قدع ..
--------------------------------
و يا ناس الراكوبة دة خبر شنو دة ال متحزمين و جايبنه لينا ؟؟
هل إنتهت أخبار العالم و نضبت ؟؟
لو كان جبتو خبر سقوط المطر كان أرحم من هذا ال شيئ الذى لا معنى له .


#1347599 [سودانية]
0.00/5 (0 صوت)

10-01-2015 10:00 AM
ياغندور انا جني وجن التهميش


#1347598 [ميمان]
0.00/5 (0 صوت)

10-01-2015 09:57 AM
والله فضيحة لكن الاختشوا ماتوا


#1347591 [dr.math.]
4.50/5 (4 صوت)

10-01-2015 09:31 AM
التحية للنابغة السودانى الصغير احمد فقد رفع اسم السودان عاليا ومما ﻻ شك فيه ان احمد ما كان له ان يظهر هذا النبوغ لو ﻻ انه وجد نفسه فى دولة العلم والمعرفة امريكا . تلك الدولة التى تهتم بمواطنيها وتحترم جهودهم وشغفهم العلم بل وتحترم انسانية المواطن دون النظر الى شكله او عرقه فالفرص متكافئة والعدالة موجودة . وقد اهتمت الدولة على اعلى مستواها من الرئيس اوباما ومن دونه بهذا الطفل احمد وكرمته ولفتت الانظار اليه ومن بعد ذلك تسابق الاخرون الى تكريمه . وهذا الاهتمام فيه درس لبقية الدول لتهتم بالعلم والمعرفة والعلماء فى شتى المجاﻻت ﻻ نجعلهم فى ذيل اهتمامات الدولة ونتركهم لهجرة العقول والنوابغ وحتى ان بقوا فى بلدهم ﻻ نعطيهم حقهم على الاقل الادبى فضﻻ عن الحقوق الاخرى . كم من عالم ابدع خارج بلده التى كان فيها مهمﻻ مغمورا ﻻينظر اليه وﻻ يجد اهتمام. وﻻ تتحقق هذه القيم اﻻ فى دولة المؤسسات والاوليات والعدالة والمساواة وحكم القانون . فالتحية للنابغة السودانى احمد والشكر ﻻمريكا التى اعطته هذا الاهتمام والتكريم. ونأمل من حكامنا ان يعوا هذا الدرس.


#1347588 [mohamed El-Mukhtar]
5.00/5 (2 صوت)

10-01-2015 09:23 AM
استنادا على آخر مسح تربوي آجرته وزارة التربية والتعليم الفدرالية – قسم التخطيط التربوي في العام 2010م مدعوما بتقرير عن الوضع التعليمي بالسودان والذي أجرته بعثة البنك الدولي في العام 2011م، فإن نسبة الإلتحاق بمدارس التعليم الأساسي لم تتجاوز الـ(63,2%) [76,8% للبنات – 69,46% للأولاد] وقد التحقوا بـ16,633 مدرسة أساسية بجانب 34,3% كانت نسبة الإلتحاق بالتعليم قبل المدرسي، 35% إناث و33,5 ذكور لم يتمكنو من الإلتحاق لأسباب عديدة منها سؤ البيئة المدرسية القائمة وضعف إمكانية أولياء الأمور وعدم رغبتهم في التعليم المختلط أو بعد مسافة المدارس التي تتمتع بالمعينات الأساسية مثل الإجلاس المدرسي، واكتمال عدد المدرسين بها.


#1347566 [ابو كدوك]
5.00/5 (6 صوت)

10-01-2015 08:45 AM
صراحه الصوره تتكلم واعتقد ان فى جعبتها الكثير من التعبير , صراحه وروه الكحل النمله منو " طناش بمعنى " لكن برضو اعتقد انه جاء داخل ايد وراء وايد قدام ياكافى البلاء لاهديه لا لابتوب لامفتاح عربيه لا بوكيه بتاع ورد ,عشان كده رفعوا منه القزاز وهاك يا واتس وهاك يا العاب نظام BUSY وكده ,انا غايتو ابكدوك لو مشيت بيت ناس ولقيت شفعم طبقوا فينى الفيلم ده ونستى ما بكملا بمرق طوالى لكن المشكله الناس دى جلدا تخين ياخ لكن الاب بصراحه مفتح اظن هو المخرج بتاع الفيلم ده تفتيحه لكن ياود الصوفى اتعلمت من اولاد العم سام برضو ..

" بتخطوا نفسكم فى مواقف بايخااااا " .


#1347556 [احمد]
5.00/5 (5 صوت)

10-01-2015 08:35 AM
هههههههههههههههههه الاولاد ماسكين الموبايلات يلعبو ما شغالين بى غندور الشغله


#1347549 [محمد علي الاسد]
5.00/5 (5 صوت)

10-01-2015 08:23 AM
طيب في السودان في مائة الف مبدع طيب ليه الدولة ما قاعده تهتمه بي الموضوع ده . انا ما حاقلل من شأن احمد و ما شاء الله علية شاب ذكي وانسان عندو مستقبل . بس دي حركة من حكومة السودان عشان تعمل لي نفسها دعاية و بعدين هذا المخترع الصغير مدعوم من البيت الابيض و ابوباما شخصيا يعني يا حكومة السودان ما محتاج ليكم في حاجه. و لك التوفيق ايوها المخترع الصغير.


#1347547 [من طرف البلد]
5.00/5 (2 صوت)

10-01-2015 08:21 AM
هههههه لو كان في الخرتوم كانت بقت قصه شوف الولد مشغول مافاضي يسمع كلام وحجاوي


#1347542 [د. حسن محمد حسن]
3.38/5 (4 صوت)

10-01-2015 08:14 AM
قبل عامين قابلني طالب من جامعة المستقبل بالخرطوم و معه تصميم جهاز تحديد مدى الرؤية باستخدام الخلايا الكهروضوئية. و يمكن تطوير الجهاز لقياس مدى الرؤية رقميا بدلا عن التقدير بالنظر كما هو الحال الان. وجهته لعرض الفكرة للارصاد الجوية و الطيران المدني. هاتفني بعد اسبوعين و قال لي انهم اصابوه بالاحباط.
قبل عدة سنوات قام طالب بدراسة اثر الطيران على مكونات طبقات الجو العليا. استخدم بيانات من مواقع عالمية لشهر سبتمبر٢٠٠١ لان الادارة الامريكية اوقفت الطيران بعيد حادث ١١ سبتمبر. و حصل الطالب على نتائج جيدة. الان هذا الطالب في دولة الجنوب.
خلاصة الامر المواهب موجودة فقط وفروا لهم البيئة الصالحة كما وجدها احمد في بلاد المهجر.


#1347520 [اابو الخير]
5.00/5 (6 صوت)

10-01-2015 07:43 AM
مبدعين شنو كمان انتو بتضحكو علينا
الراجل حفى عشان يقابلهم
الولد دا امريكي ليس له علاقة بالسودان
هذا الامرد عايز يعمل بطولات ما في زول شغال بيهو
نحن ماعايزين من الكيزان الا يرجعو الاموال التي تم تهريبها للخارج عشان تحل المشاكل في السودان وبس
الشعب بيعاني شديد خلو عندكم ضمير وجيبو اموالنا من الخارج


#1347511 [shah]
4.50/5 (2 صوت)

10-01-2015 07:16 AM
أي دولة تقصدوا يا أسرة؟


#1347510 [سودانية]
5.00/5 (8 صوت)

10-01-2015 07:14 AM
والله عفيت منكم كل واحد شغال بي موبايلو وفاتح لمستر غندورشغلكم شغل امريكان وتربية امريكان ...والله يستاهل غندور الفتح ده لانو دمو تقيل ومستفز ...الزي الولد ده راقدين في السودان لكز مشغلنهم الكيزان سخرة حايمين النهار كلو بالدرداقات وفي الاخر المحلية تمص دمهم عشان غندور يقدر يفتح اربعة بيوت ويعيش في لاكشري هو واولادو وحريمو


#1347507 [المشروع]
4.50/5 (8 صوت)

10-01-2015 07:11 AM
بعد ان قابله غندور والله تاني (كتينة) ما يخترعها.. هؤلاء القوم شؤم.. لأن الظلم شؤم مؤذن بخراب العمران كما قال بن خلدون في (الفصل الثالث والأربعون تحت عنوان "الظلم مؤذن بخراب العمران".

وغندور لا يمثل السودان وانما يمثل المؤتمر الوطني والحزب الحاكم والمؤتمر الوطني هو الوجه الأخر للحركة الإسلامية السودانية بقيادة الزبير حسن احمد الذي وصفه الكاتب اسحق فضل الله بأنه ضعيف ... والزبير احمد حسن هو الامين العام للحركة الاسلامية - فرع التنظيم الدولي للأخوان المسلمين - وزوجته وزيرة التربية والتعليم التي قدمت استقالة مشروطة عقب فضيحة مدرسة الريان بالدخينات ثم رفضت الأستقالة وفي مؤتمرها الصحفي الاخير عندما فاجئها الصحفيين بسؤال الإستقالة رفضت بحدة الاجابة على هذا السؤال وقالت (من عنده سؤال غير هذا فلسيئل عنه)


اللهم احفظنا من شر الاشرار وكيد الفجار الماكرين بالليل والنهار اللهم عليك بكل من تثعلب على الشعب وظن المكر ذكاءاً وفطنة


#1347505 [kuku]
4.50/5 (5 صوت)

10-01-2015 07:09 AM
هههههههههههههههههههههههههههههههههههههههه ... الولدده امريكى مو سودانى .. قوم شوف شغلك يا غندور ... الفطاحلة الفى السودان شردتوهم ... الله يشردكم بين سقر وجهنم ولظى .. يا اخوان الشياطين .


#1347504 [تأشيرة خروج]
5.00/5 (4 صوت)

10-01-2015 07:09 AM
والله ناس سونا ديل مابيخافوا الله

لو قامت ثورة أول ناس مفروض يتجلدوا في ميدان عام


#1347495 [جنو منو]
5.00/5 (2 صوت)

10-01-2015 06:47 AM
قال شنو .. دعمه .. ورعاية أبداعاته .. قال ..!!


#1347483 [julgam]
5.00/5 (1 صوت)

10-01-2015 06:07 AM
حلبى لاقى حلبى متورك ،وكوز إنتخابات الخج لاقى الكوز النقيب الدائم لعمال السودان ،أبرد يامجنون ستلقى الأجن منك ،،،


#1347480 [بت البلد]
5.00/5 (2 صوت)

10-01-2015 05:36 AM
أي مبدعين وأي متفوقين رعتهم الدولة ؟؟؟!!! الدولة عملت على الشتات وتشريد الكفاءات :ووجود هذا الطفل خارج البلاد أكبر دليل على الفساد واذلال العباد ... وأين كنتم يوم أشيد بهذا الطفل من قبل دول العالم وكل المجتمعات ؟؟؟!!! عجبي


#1347475 [الشريف]
5.00/5 (2 صوت)

10-01-2015 05:07 AM
الساعه تم اختراعه منذ قرنين من عمر الزمان


#1347461 [متحير]
5.00/5 (1 صوت)

10-01-2015 03:06 AM
اضحك و لا ابكى...(قدم اشادته به وبتفوقه وعبر عن امتنان وتقدير السودان بنبوغ ابنائه واكد دعمه لمشروعاته المستقبلية ورعاية ابداعه.)لو سمحت بس كمل اجلاس الطلاب فى ولاية الخرطوم و لو شوية عملتو همة فطروهم لان المعرفة تمر عن طريق البطن و زى ابداع احمد دا جدعوا عشان ما بتلحقو..جايبين مواسير من السجانة و رابطين الموتور و عادم شاحنة قالوا دشنوا اول طيارة هيلوكوبتر سودانية


#1347459 [alaab]
4.94/5 (5 صوت)

10-01-2015 02:48 AM
اجمل حاجه زول شغال بيه مافي،عارفنه وهم ساكت.


#1347455 [القعونجا الخافجا الزير]
5.00/5 (1 صوت)

10-01-2015 02:18 AM
من جانبها شكرت أسرة الطفل السيد الوزير علي الدعوة واللقاء وعبرت عن تقديرها لاهتمام الدولة ورعايتها للمبدعين والمتفوقين
__________________________________________

ما قلنا ليكم أبو الولد دا طبيز !!!!


#1347452 [adel]
4.50/5 (2 صوت)

10-01-2015 01:58 AM
من جانبها شكرت أسرة الطفل السيد الوزير علي الدعوة واللقاء وعبرت عن تقديرها لاهتمام الدولة ورعايتها للمبدعين والمتفوقين .الناس ديل معقوله قاصدين السودان


#1347447 [الجقود ود بري]
5.00/5 (1 صوت)

10-01-2015 01:48 AM
ما معنى الخبر دا ؟ ضياع وقت في الفارغه! !!


#1347444 [truth]
5.00/5 (4 صوت)

10-01-2015 01:27 AM
و الله حاجة مضحكة هذه الفقرة(من جانبها شكرت أسرة الطفل السيد الوزير علي الدعوة واللقاء وعبرت عن تقديرها لاهتمام الدولة ورعايتها للمبدعين والمتفوقين) مبدعيين يعنى زى ناس ندى القلعة و حرم النور و طه سليمان و الفحيل..اما متفوقين زى ناس صافات و جياد ...و انتو ما سألتو ابوهو ساب بلد الرعاية و الاهتمام بالابداع و عاش فى الغربة و الملطشة و حيث يحس الانسان بانحطاط انسانيته ...و هو الامريكان اتقدموا ليه؟مش لانهم ما بكذبو و لا يجاملو و انشاء الله تكونوا اشتريتو ليهم بيت هدية و لا شفر 6 سلندر..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة