في



الأخبار
أخبار السودان
وزير الشباب والرياضة يصدر بيانا حول الاحداث الرياضية
وزير الشباب والرياضة يصدر بيانا حول الاحداث الرياضية
وزير الشباب والرياضة يصدر بيانا حول الاحداث الرياضية


10-19-2015 11:58 PM
(سونا) - أصدر وزير الشباب والرياضة حيدر قالوكوما بياناً حول تداعيات الأزمة الرياضية للدوري الممتاز جاء فيه:
في الوقت الذي توجهت فيه كافة قوي الدولة نحو التوافق والتراضي على أسس ومقومات بناء الدولة الحديثة عبر الحوار الوطني الذي يعتمد على مبدأ سيادة حكم القانون والإحتكام لقراراته ووضع مصلحة السودان العليا بما يحقق تقدمه وازدهاره فوق كل إعتبار.
فإن وزارة الشباب والرياضة الاتحادية ظلت تتابع تداعيات الأحداث عقب إعلان لجنة الإستئنافات بالاتحاد السوداني لكرة القدم قراراتها بخصوص إعادة مباراتي المريخ والامل في الدوري الممتاز واعتبار المريخ فائزاً في مباراته امام الهلال كادقلي وكذلك التصريحات التي تناولتها وسائل الاعلام بإنسحاب بعض الاندية من منافسة الدوري الممتاز وبعد اللقاء الذي جمعنا بحضور وكيل الوزارة الدكتور نجم الدين المرضي.ومدير عام الرياضة بالانابة مع قادة الاتحاد السوداني للاطلاع على حيثيات اصدار تلك القرارات وموقف الاتحاد ولوائحه المنظمة منها.وإلتزاماً منها بمبدأ إستقلالية وديمقراطية الحركة الرياضية فإنها تناشد كافة الاطراف الإمتثال لحكم القانون والنأي بالنشاط الرياضي عن ساحات الخلاف الاداري وصون مكتسبات الحركة الرياضية المتمثل في دعم قيادة الدولة ورعايتها للرياضة. سوف نقوم بتنوير رئاسة الجمهورية لنوضح من خلاله ملابسات ما حدث والآثار التي تترتب على مستقبل كرة القدم في السودان إذا ما أضطرت الدولة للتدخل لإلغاء قرارات الاتحاد السوداني لكرة القدم وبالتالي عزل السودان عن محيطه الدولي والافريقي على مستوي المنتخبات والاندية وربما هدم منظومة كرة القدم السودانية التي نسعي جاهدين لتعزيز النجاحات التي حققتها على مستوي الأندية والمنتخبات.
عليه نناشد الاندية المشاركة في بطولة الدوري الممتاز بالعمل على دعم الاستقرار وحماية القرارات الفنية للإتحاد وتعزيز الدعم والرعاية التي تحظي بها كرة القدم في السودان من قبل الدولة ومن ثم السعي لتطوير التشريعات واللوائح المنظمة للدوري الممتاز بما يحقق التطور المنشود على المستويين القومي والقاري لرفع علم السودان في المحافل الأقليمية والقارية والدولية.والله نسأله أن يجنب بلادنا ويلات الخلاف والصراع .






تعليقات 26 | إهداء 0 | زيارات 9727

التعليقات
#1357906 [said]
0.00/5 (0 صوت)

10-21-2015 08:57 AM
الموضوع فية حرب ولاشنو


#1357895 [عبدالرحيم العمده]
0.00/5 (0 صوت)

10-21-2015 08:45 AM
اتفق أن نبتعد عن العنصرية البقيضة تماما" فهو سوداني اصيل لا شك في ذلك ولكن الكارثة هي الحكومة التي تتخذ من المحاصصة وسيلة لارضاء الاطراف المتنازعة معها لشغل مناصب لا تتفق وتخصص وخبرة شاغيليها.. هناك عند أهلنا في دارفور اناس كثر ذات خبرة ودراية بالعمل الرياضي لماذا لم يتم اختيار احد منهم ؟؟ هؤلاء الابالسه يختارو فقط من ينازعهم بقوة السلاح لارضائهم وهذ نتاج لذلك ..


#1357827 [الجن الكلكي]
0.00/5 (0 صوت)

10-21-2015 06:57 AM
ياجماعة زول من الغابة جابوهو مجاملة وترضية وما بكون سمع بالهلال والمريخ الزول دا ظاهر عليه مسكين ومن اخوانا الكانوا مهمشين وجابوهم جدعوهم في زاوية كده لزوم الترضية بس بكون الخطاب دا كتبو له ناس المؤتمر المعه هو زول ما جايب خبر وماعارف كوعه من بوعه يتحدث عن الفنيات وماعارف ان لجنة سمير غانم مكونة من 4 مريخاب وجابو لهم مستشار شركة نهب معتصم عشان يتم تمامت الجرتق


#1357676 [ود الهلال]
0.00/5 (0 صوت)

10-20-2015 08:06 PM
مبروك للشباب والرياضة جاكم الوزير الحيكمل الناقصة . زي إختيار أبو ريالة لولاية الخرطوم . شغل بتاع عباقرة ما شاء الله.


#1357675 [كافاب الشعور]
0.00/5 (0 صوت)

10-20-2015 08:01 PM
مين حيدر أبو جلمبو ده ، هو ده وزير عندنا .


#1357660 [كوكاب]
5.00/5 (1 صوت)

10-20-2015 07:18 PM
الاخوة المعلقين الواحد ممكن يعلق على كلام الوزير زي ما عايز لكن التعليق العنصري ضده غير مقبول والناس البعلقوا وبيقولو ده سوداني ولا ما سوداني والبيقول ما سوداني قطع شك هو نفسه ما سوداني وحقو يحترم نفسه ويصمت. الكلام موجه لى ملاكم وليدو والشفت و محمد الفاتح اولا حيدر ولد سلاطين وسوداني بالاصالة ده اجدادو ناس السلطان تاج الدين والسلطان بحر الدين السلطان هجام و السلطان اندوكة والقائمةطويلة هؤلاء هم اجداده سلاطين دار مساليت الذين هزموا الفرنسيين مرتين في معركتي دروتي وكريندق وبعدها تم توقيع اتفاقية قلاني بين الانجليز والفرنسيين والتي بموجبها تم اصدار وثيقة تحدد سلطنة دار مساليت مع الفور ودولة تشاد وتسمى سلطنة دار مساليت . قلوكما هو ليس اسم جده وبلغة المساليت تعني( قلبه حجر). ده اصل وفصل حيدر والمساليت ربنا خلقهم في الجنينة قبيلة تاريخها الاف السنين يجيك واحد ما عندو اصل ولا فصل ويتكلم كلام فارغ سوداني وا سوداني انتو العرفكم بالسودان شنو بلا يخمكم.وبعدين حيدر ده وعبد العزيز الحلو ينتمون لفس القبيلة.


ردود على كوكاب
[عكود] 10-21-2015 12:30 AM
بس من الغابه للوزاره

[محجوب عبد المنعم حسن معني] 10-20-2015 10:18 PM
ارفع لك او لك بكسر الكاف القبعة
مع مودتي


#1357520 [عادل]
5.00/5 (1 صوت)

10-20-2015 03:08 PM
تعليقات عنصريه ووين في الراكوبه ده الوصلنا لحالتنا دي الوزير سوداني مش بالضروره اسمه يكون وداحمد او مهند او المك نمر المهم انه سوداني وبتكلم عن احترام القانون والاحتكام للقانون ولا انتو عايزين كلو واحد ياخد حقو بيدو متى نبني دولة القانون ونبطل الفوضى واختلاق الازمات .


#1357516 [الجـــــــــزيرة ابــا]
5.00/5 (2 صوت)

10-20-2015 02:57 PM
الى الذين يسخرون من خلق الله فى صفاته وانه يفعل فى عباده ما يريد من تشكيلات فى اللون والشكل واللغة والشعوب واﻻقاليم والدول .. اتقوا الله ان كنتم مسلمين واتقوا الله ان كنتم سودانيين .. الوطن انهار بهذا الخزعبلات واﻻستهتار واﻻستخفاف بشعوبه من جهات او قبائل او حكام .

( ياأيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير )

ﻻ تنفع قبيلة وﻻ جهة وﻻ حزب وﻻ وجاهة مالية اﻻ التقوى واﻻحترام فيما بيننا عشان نعيش فى سلام .. غردون اتنسف وخسف به وبماله اﻻرض ﻻن الكبرياء كان عنوانه الرسمى .. لحمة الوطن اﻻن تتطلب الوقوف ونبذ العنصرية ... كل قبائل السودان لديها اسماء تنتمى لعادات وتقاليد وتاريخ فى الغرب وفى الشرق وفى الشمال وفى الجنوب .. وكل قبيلة ترى ان اسماءها تمثلها وتتشرف بها ..
( يَا أَيُّهَا النَّاسُ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُمْ بِاللَّهِ الْغَرُورُ )

اما حكاية الكيزان مع الفساد فشاملة واﻻتحاد جزء اصيل من لعبة ارهاق الجماهير .. نعم ﻻنسحاب اﻻندية لتقنين القوانين -- وكلام الوزير يصب فى مصلحة الفساد واﻻتحاد .. ﻻنه ﻻ سند قانونى ذكر وﻻ وقفة وﻻ وقول حق


#1357491 [مهاجر]
5.00/5 (2 صوت)

10-20-2015 02:02 PM
نعم للانسحاب والكاينة التكون بوراها مافي ندم .


#1357336 [الشفت]
3.00/5 (2 صوت)

10-20-2015 10:04 AM
حيدر قالوكوما بالله دا وزير وين دا ومن ياتو كوكب ههههه وبرضو دايرين بطولات خارجية هههههههههه؟؟؟؟؟


ردود على الشفت
[عبدالله احمد] 10-20-2015 05:41 PM
نعم حيدر قالوكوما وزير الرياضة الاتحادي سوداني ومن دار فور غرب السودان وسوداني 100% . ليس من الوعي والادراك تحقير الشخصية وتقييمها من شكلها او اسمها يعني لو المسؤول او الوزير او اي كائن ظهر اعلاميا لو ما شكله من الوسط او الشمال او بمعنى اخر يعني ما فيه ملامح (عربية )يبقى ما سوداني ؟!!!! . او لو اسم جدو قالوكوما او ابكر او اسحاق او مناوي يبقى ما سوداني . كلامكم عجيب يا (الشفت ) ويا (Abo Alkalas ) , ولماذا تركتوا الموضوع الاساسي وهو بيان وزارة الرياضة ومسكتو في اسمه؟!! يبدو انكم جاهلين جدا بمكونات الشعب السوداني ولستم وحدكم بل معكم كثيرون في السودان بهذا الفهم العنصري البغيض المشين .


#1357304 [Abo alkalas]
5.00/5 (1 صوت)

10-20-2015 09:29 AM
الزول ده سودتني؟؟؟؟؟


#1357298 [مسطول]
5.00/5 (1 صوت)

10-20-2015 09:23 AM
خلاس ممكن لجنة الاستئنافات وفريق المريخ و إادرتو يتحللوا .. أو كما يفعل الكيزان بعد النهب والسرقة ..


#1357291 [محمد الفاتح]
5.00/5 (1 صوت)

10-20-2015 09:13 AM
ياناس ديل ناس جلاكوما الكانوا معاكم محمشين أقصد مهمشين الحين أصبحت حكومة محمشة ومعارضة محمشة لا فرق


ردود على محمد الفاتح
[ود الجزيرة] 10-20-2015 01:49 PM
عنصري بغيص قاصد شنو بكلامك ده


#1357277 [ود عوض]
0.00/5 (0 صوت)

10-20-2015 08:50 AM
دا كلام البشير مش كلام الوزير (استغرو الله والله اعلم)


#1357276 [ليدو]
5.00/5 (2 صوت)

10-20-2015 08:49 AM
من الإسم في الأول إفتكرتو محترف من الكنغو ، لكن إكتشفت إنو وزير سوداني !!!!


#1357254 [منتصر سورتود]
5.00/5 (2 صوت)

10-20-2015 08:24 AM
اختلط الحابل بالنابل ودخلتو سياستكم العفنة القذرة الفاشلة في الكورة .. مبروكين دمرتوها زي ما دمرتو أي شي جميل في سودانا


#1357233 [keemo]
0.00/5 (0 صوت)

10-20-2015 08:00 AM
وبناءا عليه فان مباراةالهلال وكركوج ستقام عصرا بدار الرياضة امد مان .صدر اليوم بمكتبى ..اخوكم الجكومى( اب بيض)


#1357230 [mahmod22]
0.00/5 (0 صوت)

10-20-2015 07:55 AM
رايك شنو يابوالهل حامل الصفر الدولي الكبير


#1357207 [aliali7488]
5.00/5 (1 صوت)

10-20-2015 07:04 AM
تحليل محل ***ما دم ***ظلموك ***انت شكلك تنفع استوبر في المريخ ***** ومن جهة اخري اكدت الرئاسة ان الرياضة في البلاد مستهدفة من قبل دول الاستكبار **والجبهة الثورية ** وهبت سورة الانقاذ وشكرن ***عفوا وهبت ثورة الانغاذ وشكرا****وبكرة تجو بدري ****


#1357191 [Yaser nog]
5.00/5 (1 صوت)

10-20-2015 06:06 AM
بالله يا سعادتك دا بيان تصدرو .. شنو يعني الاحتكام للقانون ونحن في حوار وطني ..الدخلهم شنو هسي هنا .. غايتو الله غالب..


#1357186 [مبارك]
5.00/5 (1 صوت)

10-20-2015 05:11 AM
هذا الوزير يعزف على نفس نغمة ووتيرة لجنة الإستئناف
وهو غطاء الاحتكام للقانون....

اما اجدر ان يصدر قرارا اقوى من هذا ويلزم نادي المريخ بالالتزام التام بقرار لجنة الاتحاد العام والغاء قرار لجنة الاستئناف لتصحيح مسار خارطة طريق كرة القدم السودانية...
هذا مهازلك يا دنيا فارقصي


#1357182 [abin alkhilal]
4.00/5 (1 صوت)

10-20-2015 04:09 AM
لقد الاتحاد العام للكرة يجامل المريخ في اي شكوى متى ما شعر انه سوف يفقد الدوري لا ندري لماذا هل يخافون من بعض ادارته الامنية ام انهم مريخاب في جلباب الاتحاد اننا مشجعى الهلال ندعموا قرار الادارةوحتى تصحح الاوضاع القانونية بالكرة السودانية


#1357181 [abin alkhilal]
0.00/5 (0 صوت)

10-20-2015 04:01 AM
لم تتركنى ااجهزة الاجرام الكتابة هنا مرتين عرقلتنى


#1357178 [الخرطوم ملتقى النيلين]
5.00/5 (1 صوت)

10-20-2015 03:32 AM
جميع حكومات دول العالم تهتم بالرياضة لبناء البنية التحتية والطرق والمواصلات والمستشفيات وبقية مراكز الخدمات العامة، أما حكومة هؤلاء
الهبل تهتم بلعبة كرة القدم فقط لاختلاس أموال عديمي الشغلة الذين
يشجعون فريق المرض والهلاك ( المريخ والهلال ).
فوقوا يا عالم الرياضة ليست كرة قدم وفقط.
يا حليل وليم أندرية وسارة جاد الله ويا حليلك يا وطن .


#1357172 [Sharief dirgham]
5.00/5 (1 صوت)

10-20-2015 03:06 AM
إذا كان هذا رأي الوزير فعلي الوزارة والرياضة فى السودان السلام
كان من المفترض ومن الحكمة ومن العدل الذى كنت تناضل من اجلة قبل استلام الوزارة أن تجتمع واتستمع للجهتين وتفتح تحقيق مستقل من لجنة محايدة من أصحاب الخبرة وأصحاب القانون حتي لو وصل الأمر الاستعانة بالكاف والفيفا يا حضر الوزير ولكن للأسف شكلوا فايروس عدم العدالة بتاع المؤتمر الوطني انتشر فى عقلك وجسدك


#1357156 [ملاكم]
5.00/5 (1 صوت)

10-20-2015 12:57 AM
و الله قصة وزير اسمو حيدر قلايكوما ليه مصاب بالقلايكومو عشان كدا ما شايف الصاح و الغلط و بهدد حنشتكيكم لرئاسة الجمهورية



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة