الأخبار
أخبار إقليمية
جزب الترابي يطالب باسترداد الفشقة وحلايب
جزب الترابي يطالب باسترداد الفشقة وحلايب


10-21-2015 09:40 AM
الخرطوم: سعاد الخضر
تمسك مساعد الأمين العام للمؤتمر الشعبي إبراهيم السنوسي باسترداد الفشقة وحلايب، وقال السنوسي في ورقة المؤتمر الشعبي التي قدمها في لجنة الوحدة والسلام للحوار الوطني أمس إن اتفاقية الشرق أهم بنودها استدراك المظالم والإعمار والتنمية، وأشار إلى عدم وجود أثر ملموس يشفي تراكم المظالم والتذمر مما يستدعي معالجة ذلك بتوفير الدعم للاتفاق على مشروعات ذات جدوى لمحاربة الفقر وتحسين الرعاية الصحية وفرص التعليم، بجانب سياسة التمييز الإيجابي لتحقيق المساواة في التوظيف.
وشدد السنوسي على ضرورة استرداد أراضي الولاية الشرقية التي استولت عليها بعض الدول المجاورة وأصبحت تديرها زراعياً كالفشقة أو سياسياً كحلايب.
ودعا السنوسي لرعاية المشاريع الزراعية المطرية في القضارف والمروية في قرى حلفا النموذجية الجديدة وفي وادي طوكر، بالإضافة إلى مراجعة سياسات تلك المشروعات لوقف ما لحق بها من فساد وسوء الإدارة.
ولفت مساعد الأمين العام للشعبي إلى ضرورة تنفيذ سياسات حازمة لمواجهة انتشار الجرائم التي وصفها بالخطيرة في الموانئ والحدود، مثل تجارة البشر وتهريب المخدرات والخمور والسلع الضرورية، بالإضافة إلى نزع السلاح من المليشيات القبلية وحصره في القوات النظامية فقط وحل مشكلة المياه بالقضارف.

الجريدة


تعليقات 14 | إهداء 0 | زيارات 2381

التعليقات
#1358898 [alwatani adeel]
0.00/5 (0 صوت)

10-22-2015 07:07 PM
ياالشعبى انت الجنوب قلت شهداه ساى مابالك الفشقة دخل اسمها فى الاسلام بعدين شوفنا فيها وبعدين حلايب قال اتفق الريس والسيسى تكون منطقة تكامل اى مثلث ابيض يمثل السودان ومثلث اسود يمثل مصر وشكل المربع حيكون مجموعة جزئية من ام الدنيا


#1358696 [مدحت عروة]
0.00/5 (0 صوت)

10-22-2015 01:35 PM
وانا برضه بطالب باسترداد الفشقة وحلايب انا ما عارف المهندسين والبياطرة والزراعيين والصيادلة والاطباء البشريين قاعدين يسووا فى شنو وسايبين المصريين يحتلوا حلايب والحبش يبرطعوا فى الفشقة وطبعا زى ما انتو عارفين ناس الجيش والدفاع الشعبى والشرطة وابو طيرة والتدخل السرسع والبطىء كلهم مشغولين يالحفاظ على النظام الدستورى الجا بالانتخابات فى 30/6/1989 وهم اصلا ما شغلهم اراضى الوطن ومقاتلة الجيوش الاجنبية شغلهم فى دستور الانقاذ هو محاربة المعارضة التى تريد اسقاط اى حكم جا عن طريق انقلاب مسلح وهم اصلا شغلهم الاساسى عمل الانقلابات والحفاظ عليها من باقى السودانيين!!!
كسرة:الجيوش العواليق مثل الجيش الاسرائيلى والامريكى والبريطانى والهندى مثلا بس قاعدين يضربوا فى شعوبهم ويخافوا من مقاتلة الاجانب هسع مثلا ما شايفين الجيش الاسرائيلى قاعد يقتل فى الاسرائيليين ويخاف موت من الفسطينيين ؟؟؟
كسرة تانية:هسع ما شايفين اجهزة الاستخبارات فى الدول الغربية بس قاعدة قصاد الجرايد والصحفيين البيكتبوا فى مواضيع بتمس الامن القومى يعنى ما بتشوفوا فى الاخبار كل يوم والتانى الامن البريطانى مثلا يصادر فى صحف القارديان والاندبندنت ويستدعى الصحفيين للتحقيق الخ الخ الخ؟؟؟؟ الدول المحكومة بالديمقراطية دول ضعيفة وهشة ما زى الدول المحكومة بالعسكر والحزب الواحد الجامع الرائد القوى المنظم زى احزاب الاسلامويين واليسار ومن لف لفهم !!!والله فعلا محنة ربنا يفك السودان منها عيننا لبريطانيا والهند والمانيا وامريكا وهلم جرا نقوم نبارى انظمة السياسية بتاعة الضباط الاحرار ومجلس قيادة الثورة والعقائديين اها خموا وصروا!!! حروب ولاجئين ومهاجرين وفقر وتخلف سياسى وثقافى وعقلى وعلمى


#1358302 [ابو محمد]
0.00/5 (0 صوت)

10-21-2015 07:47 PM
حزب المؤتمر اللاشعبي والقفز بالزانة فوق الاحداث للفت الانظار وإيهام الاخرين انهم معنيون بسلامة الوطن والمواطن !! عجبي !!!!!!


#1358298 [برمه دركسون]
0.00/5 (0 صوت)

10-21-2015 07:37 PM
السنوسي الـ......ي ، إنت من رجال الحرب لاسترداد الفشقة . أنت لا تفقه إلا تقليد الفاحش الترابي والنصب على الخلق . الله لا يوفقك .


#1358290 [على]
0.00/5 (0 صوت)

10-21-2015 07:08 PM
صح النوم يادوب عرفت ان الفشقة وحلايب محتلتان طيب حاتسو شنو قوموا ورنا رجالتكم فى استعادتهما او اقعدوا ساكتين زى ماانتم ولاتنسوا حلايب سودانية


#1358289 [عاشق للبلد]
0.00/5 (0 صوت)

10-21-2015 07:02 PM
ما تخلوهم مفشوقيين مع إثيوبيا ما احسن ليهم من فشق الكيزان ده


#1358239 [ابو مهند]
0.00/5 (0 صوت)

10-21-2015 04:51 PM
هههههه السكره فكت خلاص؟ كنتو وين انتو لما مصر احتلت حلايب !كنتو وين انتو لما الاحباش احتلو الفشقهعااد الكلام ده جديد واحتلال جديد ولاشنو قوووم لف يلفك بلاء يخمك ويقطع عقابك منو الكان السبب في البلاوي دي اسال شيخك المجرم الضلالي يوريك


#1358209 [التلب]
0.00/5 (0 صوت)

10-21-2015 03:40 PM
من يسترد اقليم الفشقه وحلايب ؟؟ هذا النظام ؟؟ أسألهم اوﻻ لماذا فرطتم فيها ؟؟ وﻻ تستبعد انفسكم من المسئولية ؟؟ وبالمناسبه رئسكم هذا الرئيس الوحيد الفى العالم الذى اقسم ان يحافظ على حدود وطنه ولو ادى ذلك الى التضحيه بحياته .. ولكن الحاصل انه الرئيس الوحيد الفى العالم الذى ضحى بحدود وطنه من أجل المحافظه على حياته ..؟؟
ملحوظه ( الرئيس تشمل الرئيس ونظامه !! )


#1358144 [طلال عثمان]
0.00/5 (0 صوت)

10-21-2015 01:46 PM
موضوع حلايب فيهو غموض غير واضح الملامح حلايب سودانية ام مصرية اذا كانت الاولى فكيف تسكت الحكومة على وضع كهذا يتم اخذ جذاء من ارضك والحكومة لاتحرك ساكنة ياخى اذا كانت ارض موضع نزاع امشو اشتكوا فى الماحكم الذولية عشان لو عندكم حق تاخدوه او لو هية مصريه خلوها ليهم لكن ان يترك الامر على هذا النحو فهذا يوكد ان هناك شى غير طبيعى من جانب الحكومة


#1358125 [فدائى]
0.00/5 (0 صوت)

10-21-2015 01:18 PM
ديل ناس (c-i-a) ابو الزفت وده منو الفى النص ده دجال طبعا والله مصايب احكمونا المتخلقين ده تخلف


#1358054 [المهاجر]
5.00/5 (1 صوت)

10-21-2015 11:40 AM
ياخ قووم لف السبب فى إحتلال الفشقة وحلايب منو ؟؟

لو ماعارف أسأل شيخ بسمات (الترابي)بوريك ضيعتوا البلد خلو الدفاع الشعبي ينفعكم ياوسخ .


#1358031 [السماك]
5.00/5 (1 صوت)

10-21-2015 11:11 AM
ديل أغبياء غباء .. قايلين في حد مأخدكم بالجد ؟؟ ولا الحكاية هي الحي يفرفر ؟؟ لعنة الله عليكم..


#1357998 [باسطة]
0.00/5 (0 صوت)

10-21-2015 10:28 AM
MEN IN BLACK


#1357988 [المشروع]
5.00/5 (3 صوت)

10-21-2015 10:17 AM
انت بتحلم يا السنوسي - يقول المثل الشعبي (تسويها بي ايدك تغلب اجاويدك)وين دفاعكم الشعبي ؟ ولا عاملين اسود علي الغلبانين بس؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة