الأخبار
أخبار إقليمية
نظام البشير : لا بد من إيجاد الحلول الودية لمشكلة حلايب
نظام البشير : لا بد من إيجاد الحلول الودية لمشكلة حلايب
نظام البشير : لا بد من إيجاد الحلول الودية لمشكلة حلايب


10-23-2015 10:36 PM

الخرطوم: هيثم عثمان
أكد الحكومة أن مشكلة حلايب بين السودان ومصر ليست فيها استثناءات، ورأت في الوقت نفسه أن الثابت والقاطع أنه لا بد من إيجاد الحلول الودية لكل مشكلة بين البلدين. ونقلت وسائل إعلام مصرية بداية الأسبوع صوراً من داخل المنطقة تحوي مشاركة أهالي في الانتخابات البرلمانية المصرية، وذكر الرئيس البشير في مناسبات مختلفة أن حلايب سودانية ولا تنازل عنها. وقال وكيل وزارة الخارجية السفير عبد الغني النعيم للصحافيين بوزارة الخارجية أمس: «في الأساس مشكلة حلايب بين السودان ومصر ليست فيها استثناءات، لكن الثابت والقاطع أنه لا بد من إيجاد الحلول الودية لكل مشكلة بيننا»، وأضاف عبد الغني أن ما هو موجود ومتاح بين البلدين من إمكانات كبير جداً، وقال: «الرئيسان اتفقا على أنه لا بد أن تكون هناك معالجة ودية لهذه القضية، وهذا هو الخط الاستراتيجي بالنسبة لسياسة الدولة»، ولفت الوكيل إلى أن أية تفاصيل أخرى ينظر إليها بهذا المنظار وكيف يمكن أن نصل إلى الحل الودي .

الانتباهة


تعليقات 11 | إهداء 0 | زيارات 1769

التعليقات
#1359673 [مندهش]
0.00/5 (0 صوت)

10-24-2015 07:16 PM
ناس كتيرة كلها تعلق و تقول لازم نحارب عشان نسترد حلايب السودانية ..طيب اذا اندلعت حرب بين السودان و مصر و وجدتوا ابناء حلايب بيقاتلوا مع الجيش المصرى موقفكم ايه مش الافضل تسمعوا صوت ابناء حلايب قبل ما تقاتل من اجل ارض انت ليس صاحبها و اصحابها ربما راق لهم العيش تحت السيادة المصرية


#1359635 [ود الامير]
0.00/5 (0 صوت)

10-24-2015 04:40 PM
حلايب سودانية! مسألة لا تقبل المساومة ولا يخلف عليها سودانيان، فاما أن ترجع فورا وبالتي هي أحسن، والا فمتى سنقاتل دون أرضنا؟ من فرط في الارض فهو لعرضه اكثر تفريطا. اوقفوا كل برامج التطبيع والدهنسة مع مصر فورا! واذا ارادوها حربا فمرحبا! سحقا لاشباه الرجال ولا رجال، لقد جلبت علينا الخزي والعار بركوعكم ومهادنتكم.


#1359622 [محمد حمزة]
0.00/5 (0 صوت)

10-24-2015 03:44 PM
إقتباس:
(وقال وكيل وزارة الخارجية السفير عبد الغني النعيم للصحافيين " الثابت والقاطع أنه لا بد من إيجاد الحلول الودية لكل مشكلة بيننا»، ) ..

و ماهى هذه "الحلول الودية" يا سيادة اللوكيل ؟؟
المسألة واضحة لا تحتاج لحلول , بلد يحتل أراضى بلد آخر و رافض للخروج منها و الحل إجباره على الخروج منها بقوة السلاح .. متى تتركون الخنوع و الخضوع و الذل و الإهانة يا كيزان الشيطان ؟؟

فى كل دول العالم لا توجد دولة تترك سيادتها و أرضها لمن يحتلها بالقوة إلا نظامكم الذليل الذى قبل و سكت على إحتلال اراضيه من دول الجوار ..
هو النظام المائع دة يا كافى البلا ما فيه زول راجل ولد رجال ؟؟
و حسبنا الله و نعم الوكيل .


#1359580 [مصطفى حاج اخمد]
0.00/5 (0 صوت)

10-24-2015 01:58 PM
خلايب سودانيه ..... مليون الميه ...... يلا بلا وديه بلا تكامل بلا تنازل بلا بطيخ


#1359578 [ALIIIIIIIIIIIIIIIIIIIIIIIIIIIIIIIIIIIIIIII]
0.00/5 (0 صوت)

10-24-2015 01:55 PM
اكبر دليل علي ضعف النظام عسكريا وسياسيا وامنيا واكبر دليل ان علاقات النظام مع دول العالم شبه منهارة ان لم تكن منهارة فعلا واكبر دليل علي انكم كحكومة لستم الا حكومة فاشلة وخائبة فرطتم في حلايب حتي لوحات البكاسي الراكبين فيها الجماعة فوق لوحات مركبات مصرية بالمناسبة والفشقة برضو بجبنكم وجبن والي القضارف برضو فرطتو فيها وكمان عندكم مشاكل حدودية مع جنوب السودان وعلي عينك ياتاجر وبغباء منقطع النظير بدل ماتطلبوا وتضغطوا علي الخواجات وتشترطو حل المشكلات الحدودية مع جنوب السودان حلول نهائية ملزمة للطرفين قبلتم باتفاقية منقوصة فيها قنابل موقوتة منها مشكلة الحدود والرئيس الخايب العاهر الداعر الجبان المحنن بيكورك وبجعر حلايب سودانية حلايب سودانية لعنكم الله دنيا واخرة ايها الخونة بالله في خونة وعملاء ومرتزقة غيركم ضيعتو السودان وضيعتو اراضيه كمان والحبل علي الجرار وماخفي كان اعظم انتو مشكلتكم انكم حكومة تافهة وجاهلة ومنبطحة للكل لذلك اي واحد دايسكم بجزمتو ابتداء من اثيوبيا ومرورا بمصر وانتهاء بجنوب السودان وانتو عاملين زي صبي القهوة بس تعال هنا امشي هنا اي واحد بذلكم وبتنبطحو ليهو وتنبرشو اخر انبراش والله العظيم حكومتنا العوكة دي اي زول ممكن يوديها يمين وشمال زي ماعايز وبالريموت كنترول كمان...اقعدوا بارو في مصر يااخت بلادي كويس لمن يكشحوكم البحر الاحمر كلكم يامغفلين ياابلد ماخلق الله


#1359517 [Seek]
0.00/5 (0 صوت)

10-24-2015 11:49 AM
الثابت والقاطع لابد من إيجاد. حلول وديه
دي جديده اوي
. في مصطلحات الكيزان
انتم مع بني جلدتكم لم تجدوا حلول وديه
لكن يظهر انكم تحبون التراضي والود مع من يغتصبكم
لانكم اشباه قوم لوط
قبح الله خلقتكم واخلاقكم الدمييه


#1359447 [babo]
0.00/5 (0 صوت)

10-24-2015 09:55 AM
طيب مشكلة الفشقة حتحلوها ودي ولا كيف .. غندور بدل ما يفتح مع الرئيس الأثيوبي ملف الفشقة واعتداء الأثيوبيين على المزارعين السودانيين مشى يكسر ليه التلج وأثوبيا هي الحارس الأمين من الشرق ولا ننسى جمايلها والعلاقات الأزلية بين البلدين ، اقعدوا وحلوا المشاكل الحدودية وخلصونا من البراكين الملتهبة اما الفشقة سودانية أم أثيوبية وهل حلايب سودانية أم مصرية ومافي حاجة اسمها ودي وأجاويد دي أرض تمثل الوطن ...


#1359439 [Sebit]
0.00/5 (0 صوت)

10-24-2015 09:47 AM
Weak leader u have the Egyptian took the land already too late for bashir next leader can solve it

I am conservative


#1359405 [saifteka]
5.00/5 (1 صوت)

10-24-2015 08:34 AM
هي حلايب سودانية 100% وتقول حلول ودية ..
لسع عايشيين علي مقولة شاربين من نيل واحد والكلام الفارغ ده ..المصريين ديل مابنفع معاهم غير الدواس ..


#1359389 [ابو مامون]
0.00/5 (0 صوت)

10-24-2015 07:42 AM
نحارب من اجل استرداد حلايب السودانية


ردود على ابو مامون
[عين العرب كوباني] 10-24-2015 10:57 AM
يا ابو مامون اولا مرحبا بك واحترام رايك بس يا صديقي الان نحنا في زمن الاعنتريات ما بتنفع فيهو اولا نحنا مش قدر مصر من الامكانيات العسكرية والكل يعرف قدرات مصر العسكريةوما تجود به امريكيا من مساعدات سنوية من اباتشي وصواريخ متطورة وطائرات F16 والان هم اشتروا مت فرنسا 2حاملة طائرات يعني ميزان القوة بينا وبينهم فيهو فرق كبير عشان كده في اعتقادي اي حرب نحنا الخسرانيين عشان كده اري انو المشكلة تتحل بالتروي وبعين العقل والصبر في دول غيرنا عندها نفس مشكلتنا لكن لم تتاخذ قرار القوة مثل الامارات مع ايران في الجزر الثلاث


#1359281 [هدهد]
5.00/5 (1 صوت)

10-23-2015 10:49 PM
كلام مايع يدل على عدم الجدية والضعف والهوان الذى وصل فيه الكيزان الى التفريط في اراضي الوطن ولا يهمهم غير الجلوس على كراسي الحكم اما حماية ارض او استرداد اراضي فلا يهمهم فهم لا يملكون جيش ولا يحزنون هؤلاء اتوا من اجل السلطة والثروة والوطن فى ستين داهية المهم بقاءهم فى الحكم بأي ثمن !!!!!.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة