الأخبار
أخبار إقليمية
خبير أمني يُحذِّر من فتنة استخباراتية بين الخرطوم وأديس
خبير أمني يُحذِّر من فتنة استخباراتية بين الخرطوم وأديس


10-29-2015 03:34 PM
حذَّر مدير الأمن الخارجي الأسبق، السفير عثمان السيد، مدير مركز دراسات الشرق الأوسط وأفريقيا، من وجود جهات استخباراتية تسعى لإثارة الفتنة بين السودان وأثيوبيا، باستغلال التعديات الحدودية بمنطقة الفشقة، داعياً لتقسيم الحيازات الكبيرة في الفشقة لصالح المزارعين السودانيين.

وكان خبراء ومهتمون بالعلاقات الخارجية قد طالبوا الحكومة السودانية، خلال ندوة عن مشكلات الحدود وانعكاساتها على علاقات دول الجوار، نظمها "مركز ركائز المعرفة" بالتعاون مع صحيفة "السوداني" يوم الأربعاء، طالبوا بحسم مسألة الخلافات والتعديات الحدودية بشكل عاجل، لافتين إلى أن تطاول الأمد يؤدي إلى ما لا يحمد عقباه.

ودعا السفير السيد لتقسيم الحيازات الكبيرة في الفشقة لصالح صغار المزارعين السودانيين، لافتاً إلى أن إهمال الأرض في تلك المنطقة هو ما تسبب في التوغل الأثيوبي في المنطقة بمساندة مليشيات محلية.

سودانية الفشقة


وقال السيد إنه لا توجد خلافات حدودية بين السودان وأثيوبيا، وكان رئيس الوزراء الراحل ملس زناوي قد تصدى بنفسه لبعض الأصوات البرلمانية التي كانت تتحدث عن تبعية الفشقة لأثيوبيا، مؤكداً على سودانيتها.

ووصف أثيوبيا بالجار العاقل الذي يساند السودان في مختلف المجالات، إلا أنه في ذات الوقت قال إن ذلك لا يبرر اعتداءات المزارعين الأثيوبيين على الأراضي السودانية، مبيناً أن الأمر مختلف فيما يتعلق بالخلاف الحدودي مع مصر التي سعت لتغيير الخارطة الجغرافية، وقامت عبر قوات عسكرية باحتلال حلايب.



شبكة الشروق


تعليقات 10 | إهداء 0 | زيارات 4456

التعليقات
#1362907 [شبتاكا]
0.00/5 (0 صوت)

10-31-2015 12:07 AM
عبود جبل الحديد شال حلفا القديمه بنخيلها واثارها واداها اولاد الشقيقه بمبه وما طلع بفولت واحد ينور به مئذنة جامع فى العقاب الفضل ومافى تعويضات زى الناس اتدفعت وتشردت الاسر الحلفاويه بين خشم القربه والنزوح الخارجى.......وحلفا حلفا ولا باريس انعل زيتك يا عبود..........
الرئيس القائد ومدعوما باجهزة المخابرات المصريه ووكلائها بالداخل واختراقها للاحزاب الفاعلة وعلى راسها الحزب الشيوعى فى ذلك الوقت ممثلا فى فصيله الانقلابى بقيادة معاويه سورج والانتهازى احمد سليمان....الخ حبكو مؤامرة 25 مايو التى افضت فى النهاية الى تصفية القياده الوطنيه فى كل الاحزاب وكمثال بالتشريد للشريف حسين الهندى والتصفيه الجسديه لعبد الخالق محجوب ومحمود محمد طه ونسجت المؤمرات بتجريف الحياة السياسيه وبزوغ نجم سدنة الراسماليه الطفيليه وتقوية شوكة تنظيمات الاسلام السياسى التى افضت لانقلاب الانقاذ الوكيل الجديد للماسونيه العالميه وجاءت مؤامرة الحرب الجهاديه الاعلاميه بالجنوب ونشر الكراهية والفرقة بين ابناء الشعب الواحد الى ان تحقق مخططهم بفصل الجنوب....واشعلت نيران الحروب الاهليه فى دارفور وجبال النوبه والانقسنا واعادة سيناريو الصراع القبلى على نفس الخطوات التى تمت بالجنوب لانتاج انفصال اخر فى تلك المواقع مستقبلا
فى خضم المقاطعة الامريكيه لنظام الحكم فى السودان صدرت الاوامر للصناديق العربيه بتمويل خزان مروى(السد السد الرد الرد) بقروض ربويه اقرها برلمان اخوان نسيبه لانشاء سد مروى لفلترة الطمى واطالة عمر السد العالى بتقليل الاطماء الميت الذى اضعف كفاءة توربيناته وتبخرت احلام الموهومين من ابناء وطننا بشق ترعتين لاستصلاح الاراضى شرقا وغربا بل اكتملت الماساة بابتلاع ميزانية المشاريع المصاحبة بواسطة نافذى تنظيم اخوان نسيبه وتجرع الشوايقه والرباطاب نفس الكاس الذى تجرعه من قبل ابناء حلفا السليبه
فى عهد القطب الانقاذى الشريف بدر صدرت الاوامر للمزارعين الاحباش بالسيطرة على المشاريع الزراعيه الخصبه بمنطقة الفشقة بدعوى اقامة منطقة عازلة حتى لا تتمكن قوات قرنق من التسلسل واستمرا الاحباش هذا الامر وبداو يتوسعون عاما بعد اخر حتى تم احتلال الفشقة على النحو الذى نعايشه الان
حلايب التى اصطف مواطنيها لانتخاب سدنة نظام مبارك فى برلمان السيسى لم يتبقى لهم من سودانيتهم سوى السنحة والسروال والصديرى ورئيسنا القائد الذى كرم فريق الاهلى المصرى على ايام مبارك ما هماه ما دام السيسى معاه
شعبنا الطيب من يهن يسهل الهوان عليه والاخوان المتاسلمون الذين نعرفهم تهمهم مصالحهم الذاتيه الضيقة وكل المؤامرات التى تحاك ضد وطننا الحبيب بشرزمته هم وكيل محلى لانجاحها وعلينا الخروج الان فى كل الشوارع والمدن والارياف لاقتلاعهم من جزورهم المتعفنة


#1362781 [obama]
0.00/5 (0 صوت)

10-30-2015 02:13 PM
يا اخوانا حلايب تبعد كم ميل من الخرطوم؟ وكذا الفشقة بتبعد كم ميل من الخرطوم؟؟ مائة؟ مائتين؟ ثلاثمائة ميل؟؟ طبعا اكثر من كدة بكثييييير!!!! طالما الارادضي دي بعيدة من القصر الرئاسي بمئات الاميال , انسي الموضوع يحتلوها الحبش , يبيعوها المصريين ما مهم..


#1362728 [قبانيت]
5.00/5 (1 صوت)

10-30-2015 10:00 AM
لا استبعد ابدا وجود ايادي المخابرات المصرية في هذه القضية ولكن للأسف دائما ما تنجح المخابرات المصرية في تمرير اجندتها ضد السودان والأسباب كثيره أهمها ضعف الحكومات السودانية والانصياع لإرادة الحكومات المصرية ومعلوم لدى الكل ان المصريين يتعاملون مع السودان باعتبار انه تابع لهم حتى ولو كان دولة ذات سياده وانا شخصيا أرى ان جيراننا الأفارقة اقرب وجدانيا الينا من المصريين فالأثيوبيون والتشاديون يكنون للسودان كل الحب ويستمعون إلى اغنياتنا ويتأثرون بثقافتنا بينما تجد المصريين عكس ذلك تمام ونادرا ما يذكرون السودان بخير وحتى ان فعل بعضهم ذلك فانه من باب المجاملة والنفاق الإعلامي والسياسي ورغم ذلك نحن مصرين ان نغني مصر يا اخت بلادي ياشقيقه ومصر المؤمنة ووو الخ .... أتمنى ان نجعل لأنفسنا شوية عزه وهنا اقصد على مستوى الدولة وليس الفرد


ردود على قبانيت
[Nasehj] 10-30-2015 03:10 PM
لا فض فوك صدقت يا قبانيت


#1362689 [الممغوس]
0.00/5 (0 صوت)

10-30-2015 06:48 AM
عمل استخباراتي من دوله مجاورة تقول ان علا قتها بالسودان ازلية اشك في ذلك والله اعلم.


#1362655 [عدو الكيزان وتنابلة السلطان]
0.00/5 (0 صوت)

10-30-2015 02:53 AM
جهات إستخباراتية من ياتو دولة؟ ارجو ان يكون كلامك واضح ياخبير!


#1362589 [أبراهيم عثمان]
0.00/5 (0 صوت)

10-29-2015 09:39 PM
أنت كمان بتقول "إحتلال حلايب"؟؟؟؟

ياخوانا أمشو شوفو حلايب دي سودانية ولا مصرية؟؟ شوفو دايرة ليها تأشيرة من مصر ولا لأ؟؟

حلايب ما محتلة ولا حاجة يا ناس.
حلايب فيها نزاااااع سياسي.. بس.
وفيها سودانيين ومصريين عايشين تمام التمام.
وفيها مسؤول معتمد تابع لولاية البحر الاحمر.
وفيها ميزانية بتطلع من الخرطوم وميزانية بتطلع من القاهرة.
يعني خلافات سياسية بين البلدين وحتتحل في يوم من الايام بدون حرب وجوطة.

أنا عندي صديقي في بورتسودان مشي حلايب دي قبل كده وقال لي دخلت عادي وقعدت فيها يوم وليلة عادي وسلمت علي سودانيين ومصريين عادي وشفت عساكر سودانيين ومصريين لكن الدنيا هادئة ومافي أي مشاكل والناس متعايشين مع بعض.
سبحان الله.

أنتو دايرين المصريين يحتلوها بالعافية يعني؟
والله ما مصدق أنو خبير إستراتيجي ذي عثمان السيد يقول كلام خارم بارم كده.

بس كتر خيرو أنو قال الفشقة سودانية مية المية.

مشاكل الحدود دي يا اخوانا موجودة في كل الدنيا وهسع أمريكا زاتها بتعاني من المكسيك في الحدود بسبب تجار المخدرات ومهربي البشر وأمريكا بجلالة قدرها ما قادرة تشوف حل.

هدوا اللعب شوية نحن في القرن 21 ومافي دولة بتقدر ترسم ليها خط أو سلك شائك وتقول دي حدودي مع دولة كذا لانو الناس بتتداخل في الحدود عشان تاكل عيش والواحد بيطلع من بلدو يزرع في بلد الجيران ويرجع ينوم في بلدو المساء.

عشان كده الحكومة ما مهتمة بالحاجات دي لانو في حاجات أهم وما ممكن تضيع الجهد وتمشي تسك وتقابض الاثيوبيين في الحدود مثلاً. دي شغلانة نية.


ردود على أبراهيم عثمان
[مدحت عروة] 10-30-2015 01:52 PM
كدى خليك من حكاية حلايب دى هسع ورينا رايك في ندى القلعة وانصاف مدنى ياتا فيهم الاحسن من التانية؟؟؟؟؟؟
قال حلايب ما محنلة قال!!!وواحد من ناس بورتسودان قال لى!!!!!والمصريين رسميا وشعبيا قالوا انها تتبع لمصر عمليا ونظريا بل وصلوا لحد الاستهزاء بالرئيس السودانى وعلى الهواء مباشرة ومافى زول قال لينا لكن شفتها في التلفزيون بام عينى الحا ياكلها الدود دى!!!!!!

[باكاش] 10-30-2015 11:11 AM
كزااااب عادي..
قال حلايب ما محتلة.


#1362546 [مواطن]
5.00/5 (2 صوت)

10-29-2015 07:15 PM
لا يوجد أي فرق أيها الارزقى, كلا المنطقتين محتلتين عمليا والسودان ليس لديه أي سلطة عليهما, قال فتنة!! فتنة بتاعت الساعة كم!! هنالك احتلال واقع وحاصل على أراضى سودانية نقطة على السطر.


#1362517 [ابوالنوم]
5.00/5 (3 صوت)

10-29-2015 05:18 PM
يجب الانتباه هذه بصمات المخابرات المصريه للايقاع بين السودان واثيوبيا - يتحتم على كل من البلدين معرفه ذلك واحباط المخطط - الاثيوبين واعيين تماما لذلك لكن جناعتنا اغبياء - وعثمان السيد فاهم اللعبه المصريه تماما ويجب اخذ كلامه ماخذ الجد


#1362514 [ودالمناقل]
5.00/5 (1 صوت)

10-29-2015 05:12 PM
اولا بمبه عايزين يخشو في النص ويخربو علاقاتكم مع الحبش علشان تقيفو معاهم في موضوع السد والدخول كالاتي ومتعودين هم دائما شغالين ضدنا ولمصلحتهم فقط تلاته خطوط تحت فقط .
اعتقد دفعو لي المعارضة الارترية في اثيوبيا او المعارضة الاثيوبية او الحكومة الارترية نفسها .
لكن مافي غير الحلب حسب فهمي البسيط


#1362508 [ود احمد]
5.00/5 (1 صوت)

10-29-2015 04:59 PM
ببساطة المال السايب يعلم السرقة ليست هناك حكومة ترعى اراضيها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة