الأخبار
منوعات سودانية
أكمل اتفاقه مع أفضل نجوم الساحة المحلية... مجلس الهلال يتحرك مبكراً ويدير ملف التسجيلات بنجاح
أكمل اتفاقه مع أفضل نجوم الساحة المحلية... مجلس الهلال يتحرك مبكراً ويدير ملف التسجيلات بنجاح
أكمل اتفاقه مع أفضل نجوم الساحة المحلية... مجلس الهلال يتحرك مبكراً ويدير ملف التسجيلات بنجاح


10-30-2015 10:59 PM
الخرطوم –
قدم مجلس إدارة نادي الهلال في الموسم الحالي مردوداً مقنعاً في ما يليه خاصة ما يتعلق بادارة ملف التسجيلات إذ نجح المجلس الازرق في حسم كافة من اطلق عليهم نجوم تسجيلات منطلقاً في قدرته على الحسم من الاهتمام المباشر الذي يوليه رئيس النادي اشرف الكاردينال للملف واستعداده الدائم لدفع الاموال الطائلة في سبيل تحقيق مبتغاه.
جدية كبيرة
ولعل اول المتضررين مما جناه الهلال هو نده التقليدي المريخ الذي ظل على الدوام في حالة تنافس مع الازرق على تقييد كل من تظهر امكانياته في الساحة الكروية ورغم وجود سجال بينهما في كسب اللاعبين مع تفوق نسبي للاحمر في السنوات الماضية الا ان الهلال لم يترك للمريخ هذا الموسم مجالاً لمجاراته إذ كان سابقاً له بخطوات في التحرك الفعلي الجاد نحو من يود كسبهم مستغلاً عامل السرعة وحسم كافة التفاصيل الادارية والمالية في حينها سواء مع اللاعب او اسرته او ادارة ناديه وبقي المريخ في حالة مطاردة غير انه كان يجد ادارة الهلال قد انهت الاتفاق في كل مرة.
ضربات قوية
اولى الصفقات التي باغت بها الازرق الاحمر ونجح في انهاء امرها لصالحه رغم المضايقات الشديدة هي صفقة مهاجم الاهلي مدني ولاء الدين موسى الذي شغل الاوساط بالحديث عن موهبته والمستقبل الذي ينتظره على اعتبار صغر سنه واستفاد الهلال في صفقة ولاء من تحركات عبد الرحمن سر الختم رئيس النادي الاسبق ووالي الجزيرة السابق مثلما استفاد من لاعبه السابق صالح سنار خال اللاعب، بعد تأمينه الهجوم عاد الازرق الى الوراء وبحث عن انجاز ابرز مدافعي الممتاز لاعب الامل عمار الدمازين والذي جزم غير واحد من متابعي الشأن الرياضي بالبلاد بتوفره على امكانيات تجعل منه مدافعاً عصرياً وقد اكدت المتابعات ان الازرق قد انهى صفقته مبكراً لتكتمل فصولها بتوقيعه امام الكاردينال امس واستغل الهلال في هذه المرة توتر العلاقة بين الامل والمريخ من جهة وتحسنها الى درجة التحالف مع الهلال من جهة اخرى لتلوح بوادر تبادل المنافع مع احتمالية ان يمد الازرق فهود الشمال بعدد من اللاعبين.
دعم خط الوسط
ولم يترك مجلس الهلال خط وسطه في منأى عن الاهتمام وقام بتدعيمه بمحور امبدة ابو عاقلة عبد الله وايضاً دان له اللاعب بعد صراع شرس مع المريخ استمر الى ساعة توقيعه بمنزل رئيس الهلال ليكون الهلال بذلك قد ضمن اضافة لاعب لكل خطوط ملعبه جانياً ثمار سرعة انجاز المهام، حالياً وبعد تأكيد الهلال افضليته على المريخ في ملف التسجيلات الحالية سيما باستصحاب تفوقه ايضاً في مجال تسجيلات الرديف لم يبق في الساحة كثير من اللاعبين الذين يحظون بمكانة الصراع عليهم وعلى قلتهم يبقى على رأسهم لاعبا وسط الاهلي شندي ومريخ كوستي عماري والوك على الترتيب وبهما يمكن للاحمر انقاذ تسجيلاته المحلية بكسب خدماتهما نظراً للاعتراف المعلن بموهبتهما ويمكن ان يستفيد المريخ في ذلك من ان شكل علاقة الرهيب والنمور معه اقرب منها مع الهلال لاعتبارات عديدة.

اليوم التالي


تعليقات 2 | إهداء 0 | زيارات 1598

التعليقات
#1363028 [سالم]
5.00/5 (1 صوت)

10-31-2015 09:29 AM
ساكون مقتنعاً بنجوم كرة القدم السودانيين فقط عندما أجدهم يلعبون في الدوريات الاروبية لأنه المقياس الحقيقي لكون اللاعب فعلاً نجم أم مجرد صناعة الصحافة الرياضية المتخلفة.


#1362909 [محجوب عبد المنعم حسن معني]
0.00/5 (0 صوت)

10-31-2015 12:19 AM
85 سنة ولم تنجبو غير الصفر ،بتجيبو في اللعيبة وما ذال الصفر اكبر رقم في احلامكم، الحكاية مش لعيبة، الهلال تنقصه ثقافة البطولات الخارجية والسبب هو دلع اللعيبة، اللاعب بيجيكم نجيض، مبارة مبارتين والتالتة بيدخل في نفس الدوامة.
الهلال مقبرة الموهبات.
مع مودتي


ردود على محجوب عبد المنعم حسن معني
[محجوب عبد المنعم حسن معني] 10-31-2015 06:03 PM
ابو محمد
تحياتي
يا زول قول بسم الله وبطل النبز والسب
انا قلته ليك كلام واقعي
يا زول اتحداك تجيب لي مريخي واحد حاقد
بعض المعلقين من حقدهم، عارف المريخ جاب كم بطولة قارية وبرضو مصرين يقول ليك شنو ما عارف ده بطولة اي كلام وده بطولة ما معترف بيها وده بطولة نحنا ما بنتشرف بيها، ده حقد ولا ما حقد، لعلمك انا مريخابي واول من يشجع الهلال لمن يلعب مع اي فريق ما سوداني، لكن تعال شوف بعض الهلالاب وتبخيسهم للمريخ.
مزمل لعلمك انا بعرفه تمام وما بتفق معاهو في بعض كتابته لكن اقول ليك سر الهلالاب بقرو عامود مزمل قبل ما يقرو لاي كاتب هلالابي.
الصفر الدولي ده لقب اطلقتو انتو على ناديكم
المقبرة ده برضو لقب اطلقتو انتو على ناديكم
امشي اقرأ عن المتواليات التمانية بتاعت المريخ في الهلال واقرأ عن واحد كان اسمه عصمت معني.
برضو مع مودتي
----------
الاخ ابو جاكوما
مشكور على التعقيب

[ابومحمد] 10-31-2015 12:20 PM
الزيك يامحجوب هو البدمر الكورة السودانية بفهمو السطحي وحقدو الدفين علي الهلال بتتكلم وكانو المريخ كل سنة بياخد كاس انتوا جبتو ليكم كاس ولا كاسين صدفة وماسكين للهلال الصفر الدولي الم تستحوامن نفسكم وانو الهلال في الفترات الاخيره هو البدخلكم ابطال افريقيا بفضل مشاركاته والهلال علي طول متواجد في المجموعات ونصف النهائي وانتوا اول مره تدخلو وبتقل في ادب تف عليك وعلي الحاقدين امثالك وامثال مزمل ابوالقاسم ضيعتو الرياضه وضيعتو الكورة شخص زي مزمل دا زي النسوان غير لسانو

[اب جاكوما] 10-31-2015 11:00 AM
يااخينا محجوب؟ حتى لو الهلال عندو صفر فالصفر دا دائما بيكون شمال الارقام في الهلال؟ والهلال كله ارقام فهو مدرسة تربوية شعاره [الله الوطن الهلال] والهلال ليس مقبرة الموهوبين كما اسمتيه،، فمعظم نجوم الكرة السودانية يعتبروا من نادي الهلال مع وجود نجوم من المريخ طبعاً ولكن ليس بعدد والق وتألق نجوم الهلال القدامى؟
الهلال دا ما بنحب عشان كاس ولا عشان بطولة؟ الهلال دا عشق مسكون في دواخل الاهلة؟ دا زيي الزول اللي بيحب امه وابوه لا يحبهم لانهم اوجه اب وام وليس لانهم اغنى اب وام.. كل منا يحب والديه لانه حب قدري حب فطري لا مصالح ولا غايات فيه؟ انه الهلال زعيم الكرة في السودان وفي افريقيا؟ فالاسد اسد حتى لو لم يزأر؟ فالهلال كيف يكون مقبرة الموهبات؟ وبفريق المريخ خمسة أو ستة لاعبين اساسسين استطاعوا أن يعبروا بالمريخ لأرقى سلم في تاريخ بطولة الابطال منذ تأسيسه؟ الهلال لم ولن يكن مقبرة فهو استطاع أن ينفض عن الشغيل الغبار؟ الذي كانت موهبته مدفونه ولسنين عددا في فريق المريخ؟؟!! فجعل منه اميز لاعب محور في السودان وفي افريقيا؟


نحمد الله كثيراً على ذهاب الكوكي.. فهذه محمدة كبيرة.. شكراً الكوكي مجهودك مقدر.. ولكن كمشجع ومتابع للشأن الرياضي فامكانياتك لا تسمح لك بأن تكون على راس الجهاز الفني للهلال؟ نشكرك على مجهودك لاننا لا ننقص قدر الناس؟ فنحن كمتابعين نعلم ماهي الحالة التي وصل بها الهلال لهذه المرحلة] فقط كانت بالبركة ودعاء الوالدين!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.00/10 (1 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة