الأخبار
أخبار إقليمية
وفاة شاب تعرض للتعذيب بـ "الشطة"
وفاة شاب تعرض للتعذيب بـ


11-01-2015 03:59 PM
الخرطوم - لقي شاب مصرعه بعد تعرضه للتعذيب عند القبض عليه متلبسا بالسرقة، متأثرا بإصاباته في إحدى قرى ولاية الجزيرة، وكانت الشرطة قد أسعفت الشاب في حالة صحية سيئة بعد أن تعرض للتعذيب بـ(الشطة) إلى مستشفى سوبا الجامعي، وقال مصدر إن الأطباء قاموا بإجراء الإسعافات اللازمة للشاب بيد أنه توفي بعد يومين في المستشفى، وتم تحويل جثمانه للمشرحة للكشف عليه بوساطة الطب الشرعي لتحديد أسباب وفاته، وعدلت النيابة التهمة من تسبيب الأذى الجسيم إلى القتل العمد وباشرت الشرطة تحرياتها للقبض على المتورطين في القضية.

اليوم التالي


تعليقات 53 | إهداء 0 | زيارات 18121

التعليقات
#1608755 [حلاة بلدي]
0.00/5 (0 صوت)

03-05-2017 09:28 PM
اللهمّ إنّ رحمتك وسعت كلّ شيء، فارحمه رحمةً تطمئنّ بها نفسه، وتقرّ بها عينه.
اللهمّ إنّا نتوسّل بك إليك، ونقسم بك عليك أن ترحمه ولا تعذّبه، وأن تثبّته عند السّؤال.
اللهمّ اجزه عن الإحسان إحساناً، وعن الإساءة عفواً وغفراناً.


#1367882 [ابو امجد]
0.00/5 (0 صوت)

11-10-2015 09:13 PM
رد علي من قال عفيت منكم .....
ربنا سبحانه وتعالى حرم قتل النفس ....
صاح هو غلط وانتهك حرمه بيت لكن ما معناها انك انت السلطه الرادعه التحكم والتطبق القانون ... وأتمني انو الاشتركو في التعذيب دا ياخدوا جاءهم لأنهم كانوا همج والأمر التشهير. .. حسبنا الله ونعم الوكيل. ...


#1364553 [Magid]
1.00/5 (1 صوت)

11-03-2015 08:16 AM
يا اخي علي هولندا

عندي ليك رد بسيط من الاخ مسطول] 11-02-2015 02:33 PM
للاسف الشديد كلامك نظري اكثر منه واقعي ... بلا شهامة بلا اخلاق بلا مرؤة بلا مثاليات وتنظير معاك ... رجل حرامي اعتدي عليك وعلي حرمة منزلك ودخل متسللا بدون استئذان ولو وجد امك او اختك او زوجتك لوحدها لقام باغتصابها دون شفقة ولو وجد مقاومة منك لقتلك دون رحمة ... عفيت منكم يا اهل القرية الصغيرة الذين اخذتم بحقكم وتاركم في ظل دولة ليس بها قانون او امن وامان .. وفقكم الله في حفظ منطقتكم واهلكم وشرفكم


ردود على Magid
[Ahmed] 02-26-2017 11:16 PM
و الله انت انسان اكتر من جاهل معليش يعني السرقة عندها عقوبة و عندها حد بس في زمن الرسول زاتو البسرقوا م قتلهوهم انت اسي جاي تفتي


#1364244 [ممغوص]
0.00/5 (0 صوت)

11-02-2015 03:14 PM
انتوا ماتقولوا الشطة ختوها وين


ردود على ممغوص
[سودانى طافش] 11-02-2015 05:35 PM
انت زعلت يادكتور !


#1364242 [الداندورمي.]
0.00/5 (0 صوت)

11-02-2015 03:10 PM
طيب حرامية المليارات محتاجين لي كم شوال
من الشطه بالخل والليمون والتوم.


ردود على الداندورمي.
European Union [كديس فى السروال] 11-02-2015 05:08 PM
نسيت الدكوة


#1364220 [عمر عيسى]
0.00/5 (0 صوت)

11-02-2015 02:12 PM
استنكر بشدة هذا الفعل القبيح وللاسف اصبح المواطن يطبق القانون بنفسه نحن ليست في غابة نحن في السودان يعني المروءة والكرم والضيافة وهذا الفعل لا يشبه اخلاق السودانيين وكفى


#1364190 [Magid]
0.00/5 (0 صوت)

11-02-2015 01:30 PM
سؤالي موجه لكل من اعترض بشده على العمله اللي سموها سوده .....

بتعكل شنو لو نطه عليك حرامي وانت ما عارف السلاح العنده شنو وتايم انت بس وزوجتك واولادك ؟؟؟؟؟؟

وبدون معرفة نطه عليك لي شنو هل بتقدر تمسكو وتعمل من جماعة حقوق الانسان وتسلمو البوليس ولا بتدافع عن زوجتك واطفالك بكل ما اوتيت من معرفه وقوه ؟؟؟؟؟؟

ارجو الرد بدون الدخول في مسالة الدوله هي السبب او خلافه ...


ردود على Magid
[علي هولندا] 11-02-2015 11:02 PM
الناس بتتعاطف مع الزول ده يا ماجد لانه فطرتهم سليمة ودوخلهم نظيفة ما معقده زي دواخلك انت ...لانه بالفطرة السليمة بتقدر تحس بانه الحصل ده تبشيع ببشر من لحم ودم بغض النظر عن جريمته ...مجرد التفكير في انك تجرد انسان من ملابسه وتكشف عورته اما الناس وهو مكبل اليدين والقدمين يعتبر جرم عظيم ... ناهيك عن الحصل في الڤيديو ده..ياخي خليك من ده كله ..انت مسلم لو بتعرف قليل عن تعاليم دينك عن معاملة اسير الحرب خليك من الحرامي المسكين ده ..الاسير الجاء شايل سلاح وهدفه انه يقتلك يعني عاوز يسرق روحك زاتها ..الدين قال يعاملوه معاملة طيبة احتراما لكونه انسان.. خليك من زول بسيط زي ده...لو كان ظاهر في التسجيل انه بيقاوم او شايل سكين علي حسب تصورك انه ارعب الاطفال والنساء كان ممكن بعد ما تقبضوه وتربطوه ...تعرضو وترقصو علي انغام قيقم (الاسد النتر) لكن ده كان غلبان يستنجد ويصيح باعلي صوته بقول( انا تبت تبت) والناس الزيك منتشين حتي الثمالة ...والله عالم موهومة...


#1364153 [الكونت]
3.00/5 (1 صوت)

11-02-2015 12:13 PM
في ناس اتعاطفت شديد مع هذا الحرامي..بس يظهر انهم ما حصل ليهم مثل الذي حصل لبعض الناس سواء فقدهم لممتلكات ثمينه وحصاد عمر او خلق عاهه مستديمه اوقتل.
وكما ذكر بعض الاخوان الحرامي مهما سرق يحاكم وتجده خلال شهر يتضرع في الاسواق قبل ان يندمل جرحك واغلب الحراميه المفرج عنهم يتم بذريعة ان سلطات السجون ليس لديها الميزانيه الكافيه لاعاشة هؤلاء.والان اصبحت مواجهة الحرامي وانت اعزل فيها مخاطره كبيره ,وطالما ان هؤلاء اللصوص ممكن ان يرتكبو فيك جريمة قتل فانا اري ان تتم اجازة قانون يسمح بقتل الحرامي في حالة الدفاع عن النفس والعرض دون مساءله لانه هنالك جرجره في مثل هذه الحالات رغم شرعيتها؟


#1364148 [nizar]
5.00/5 (3 صوت)

11-02-2015 12:09 PM
اها خمو وصرو حا تتحاكموا بالقتل العمد لو بقيتو 100 قتل عمد واعدام انا شاهدت الفيديو شخص واحد عاقل اردع الناس مافي ......الزمن الناس تحمل امراض مميته بداخلها بمجرد هبشة الزول يموت........الصحيح كان تسلموه الشرطة تتولي امرو او تاديب معقول لكن شطة في دبره..........هو موضوعو خفيف سرقة وقال ليكم تبته انتوا بقيتو قتل


ردود على nizar
[فتوح] 11-02-2015 01:06 PM
العوائل أصبحت غير آمنة فى منازلها من هؤلاء اللصوص....نتمنى من كل الأحياء تكوين لجان مخاربة اللصوص بالشطة وعمل أرهاب لهم ....أستغرب الى التعاطف على اللصوص الذين يرعبون الأسر الى درجة أن أفراد الأسرة يتناوبون على حراسة المنزل طوال الليل وعقبال اللصوص الكبااااار فى الحكومة


#1364135 [المهاجر]
5.00/5 (1 صوت)

11-02-2015 11:53 AM
شاهدت المقطع للاسف ما هم الا رعاع من البشر كيف تسمح لهم لانفسهم ان يضعوا الشطه فى مكان حساس اليسوا رجالا الا يوجد قانون


#1364094 [ابو سحر]
5.00/5 (3 صوت)

11-02-2015 10:55 AM
عمل مشين وقبيح
هل حد السرقة وصل للقتل بعد التعذيب؟؟؟؟؟؟؟؟؟؟؟؟
اي قانون هذا
وهل نحن في غابة؟؟؟؟؟؟؟؟؟؟؟
اين الشرطة اين القانون اين وزير العدل بل اين رئيس الجمهورية
انه المسئول الاول عن وفاة هذا الشاب رحمه الله رحمة واسعه
وصبر اهله
وانا لله وانا اليه راجعون
ولا حول ولا قوة الا بالله
ان هولاء القتله يستحقون الاعدام
لقد ارتكبوا جرما اكبر من السرقة؟؟؟؟؟؟


#1364085 [حجوج]
5.00/5 (1 صوت)

11-02-2015 10:39 AM
عندي واحد كوز صاحبي زمن الجامعة بعد فترة من الاغتراب رجعت اجازه لقيتو راكب برادو وبيت في الرياض وخدم وحشم قال لي ماسك مشتريات غذا تبع الجماعة اشترى شطة ب 3مليون سجلوها في فاتورة المشتريات ب 3 مليار والان المخدرات لعبة في مخو بقى مدمن والعياز بالله

ملحوظة عارف تعليقي ما حاينزل


#1364076 [ٍSalah AL Deen P]
5.00/5 (3 صوت)

11-02-2015 10:22 AM
الولد المسكين دا تلاقيهوا ما سرق حاجة زاتوووووو
بس الجبناء عملواا فيها اسود على الولد المسكين الضعيف (الضحية)
بالكتييير حتى لو افترضنا افتراض ساي انو سرق حيكون سرق شنو يعني


ردود على ٍSalah AL Deen P
[مسطول] 11-02-2015 02:26 PM
ان شاء الله سرق منديل ... زول يتهجم عليك في بيتك يستاهل اي عقاب ليكون عظة وعبرة لغيره


#1364047 [وجهة نظر]
5.00/5 (3 صوت)

11-02-2015 09:53 AM
ما قاموا به عمل بشع لا يقره دين و لا قانون و يجب محاكمتهم لانه اذا كان جرمه فردي فجريمتهم جماعية


#1364042 [ربيع]
4.50/5 (2 صوت)

11-02-2015 09:49 AM
الشرع قال تدافع عن نفسك ومالك وعرضك
حرامي تعدى عليك في بيتك ويحمل في يده سكين او ساطور اذا قاومته حا يقتلك واذا تم القبض عليه فقتله واجب وين المشكلة ؟


ردود على ربيع
[Magid] 11-02-2015 12:46 PM
يا زول كلامك عين العقل وما تسمع كلام الناس البقولو امسكو وسلمو السرطه... زمان ممكن تقبضو لكن الليله الحرامسي متسلح لمواجهة اسوأ الفروض .. واكيد اذا اتزنق بكتلك انت واهلك ... يبقى مافي اي حل غير ............ مهما كان رد الشرطه ..

[الواضح ما فاضح] 11-02-2015 12:35 PM
أنت بتفتى على كيفك ولا شنو؟
الدفاع عن النفس لا يشمل التعذيب ولا يشمل أن تقتل من تم أسره ولكن فقط إذا تم القتل أثناء المعركة (يمكن) عندها النظر والبحث في إمكانية إن كان القتل عمدا أم دفاعا عن النفس.

ما تضيعوا نفوسكم ساكت بالإفتراضات الوهمية.

[الشايقي] 11-02-2015 11:33 AM
يازول خاف الله الناس ديل مسكو الحرامي ما في داعي يعذبوه من المفترض يسلموه الشرطة وإنتهى


#1364039 [مجدي ارباب]
4.25/5 (3 صوت)

11-02-2015 09:42 AM
انا ماعارف الناس المتعاطفة مع الشاب السارق ليه متعاطفة يستاهل يعملوا فيه اكثر من ذلك لازال السرقات و نط البيوت لم تنهي اسالوا سكان العاصمة الخرطوم
عن السرقات و الحرامية اويد بشدة اي حرامي يقبوض عليه يتادب حتي لا يرجع مرة اخرة حتي الان ليس هناك عقوبات شديدة ضد السرقات لذا لم تنتهي السرقات


ردود على مجدي ارباب
European Union [kaka] 11-03-2015 01:16 AM
طيب كان يكتلو عديل زي الرجال ما بكتلو لكن موضوع الشطة ده ندالة وخسة ... السودانيين من ما جات الانقاذ بقي عندهم مشكلة مع السرقة والحرمنة عندهم مشاكل تاني


#1364015 [ابو الهادي]
4.29/5 (6 صوت)

11-02-2015 09:11 AM
والله صراحة فيديو تقشعر منه الأبدان لكن فات حد التاديب إلى التعذيب لكن ياخ الحرامية زاتهم مسخوها الحرامي زمان لو تنحنحت بجري هسه بقى بقوة عين يطلع ليك ساطور يعني بسرقة حمرة عين ولا شرط راسك وراس أهلك معاك ده بقى ما حرامي ده قاطع طريق ولو مسكتو الشرطة بعد كم يوم تلاقاه حايم في السوق اها نطير وين يا كوجا الشطة هي الحل مع السواطير


ردود على ابو الهادي
[ابو الهادي] 11-02-2015 01:49 PM
والله في رائي يتم توزيع مسدسات تعمل بالشطة بدل الموية لحراير المسلمين و لربات البيوت و للأطفال وضعاف القوم لمحاربة المارقين من العرف المجتمعي والقانوني


#1364010 [احمد]
4.00/5 (3 صوت)

11-02-2015 09:03 AM
حليلك بتسرق سفنجة و ملاية

و غيرك بيسرق خروف السماية

و ناس لو تصدق بتسرق ولاية


#1364007 [OMER]
5.00/5 (2 صوت)

11-02-2015 09:01 AM
للأسف الشديد لما شاهدت الفيديو شعرت فعلا السودان انتهى بغير رجعة الاخلاق والشهامة والمرؤة عند الحاجة. لم اجد غير الانتقام والتشفي كأنما المقبوض عليه هو من استولى على مشروع الجزيرة أو من دمر السودان طيلة الربع قرن الماضية وليس مجرد لص عملت به السياسات المتبعة التي حرمت الناس حتى من ابسط الاشياء الزراعة والاستمتاع بحصاد ما يزروعون. لقد تباري الجمع في التفنن لتفريغ ما في نفوسهم من كراهية وغرائز حيوانية.
أتمنى من الجهات القانونية أن تعمل على انفاذ القانون في الذين قاموا بهذا العمل الحيواني حفاظا على ما تبقى من السودان. وإلا على السودان السلام. سوف لن تجدوا في يوغسلافيا مثيل ويتشظى السودان إلى دويلات كثيرة لا يتخيلها عقل نسبة لضعف النسيج الاجتماعي الذي عملت فيه الحكومة عمايل. ولا تنسوا اللذين استولوا على الفشقة وحلايب ينتظرون الكثير في تفتيت السودان لكي ينال كل منهم نصيبه من الكعكة وربما يأتي يوم نجد نفسنا نتبع لدولة اثيوبيا وجزء آخر يتبع مصر وتشاد وليبيا.
لازم الدولة تسيب الانغماس في الفساد وتعمل على استباب الامن وحفظ اراضي السودان. ولو الرئيس اليوم دعا لتحرير حلايب لخرج الملايين لتحريرها يا ريت يخلي الرقص ويدعو لتحرير الاراضي السودانية من الاغتصاب الخارجي.


ردود على OMER
[مسطول] 11-02-2015 02:33 PM
للاسف الشديد كلامك نظري اكثر منه واقعي ... بلا شهامة بلا اخلاق بلا مرؤة بلا مثاليات وتنظير معاك ... رجل حرامي اعتدي عليك وعلي حرمة منزلك ودخل متسللا بدون استئذان ولو وجد امك او اختك او زوجتك لوحدها لقام باغتصابها دون شفقة ولو وجد مقاومة منك لقتلك دون رحمة ... عفيت منكم يا اهل القرية الصغيرة الذين اخذتم بحقكم وتاركم في ظل دولة ليس بها قانون او امن وامان .. وفقكم الله في حفظ منطقتكم واهلكم وشرفكم


#1364003 [حافظ]
0.00/5 (0 صوت)

11-02-2015 09:00 AM
اعتزار لاهل الجزيرة عن رد لي بخصوص الفيديو ارجو من محرري الراكوبة عدم نشر ردي لانني لم اتيقن من الفعلة وحسب ما فهمته وقراته انهم من اهلي في الجزيرة وقد ثبت انهم ليسوا من قام بتلك الجريمة البشعة فلاهلي العتبى وشكرا


#1363994 [علاءالدين عبدالواحد]
0.00/5 (0 صوت)

11-02-2015 08:53 AM
السلام علي من اتبع الهدى ...... انا لله وانا اليه راجعون ..............
والله من المحزن والمشين والغير اخلاقي ان تظهر في بلدنا العزيز مثل هذه الافعال ولكن الكل في بلدي يدعي انه على علم ودرايه بالقانون ومن يطبق القانون ولكن فلنحلل الموضوع وليس القضيه.
في مثل بقول :(اذا كان رب البيت للدف ضارب فماشيمة اهل البيت ........
ابدأ ببعض الاسئله :ـ
هل كان المجني عليه في حاجه لمثل هذه الافعال او (السرقه)؟
هل للشباب دوافع لقيامهم بالجريمه النكرا ؟
هل الشباب علي علم بمآلات هذه الجريمه؟
ما الذي دفع المجني عليه بارتكاب الجريمه؟
ولماذا قام هؤلاء الشباب بتصوير المجني عليه؟
هل مسرح الجريمه في منزل احدهم؟
وهل افراد الشرطه بمنئي عن ذلك؟
اين كانت دوريات البوليس؟
وهل الاداريين في بلدي بعيدين عن السرقه؟


ارجو الاجابه على هذه الاسئله فهي بيت القصيد.


ردود على علاءالدين عبدالواحد
European Union [هدهد] 11-02-2015 08:11 PM
ياخى واحد يجيك ناطي نص الليل في بيتك وسط اولادك وزوجتك وبناتك يجمل ساطور او سكين ( قاتل او مقتول ) يعني عايزين الواحد يقدم ليهو شربات !!! افضل شيىئ تقدم ليهو طلقة اوملوة شطة وزيادة .... انسان يدخل بيتك بهذه الطريقة دمه حلال وتقتله قبل ان يقتلك كي يتعظ الباقون ويكون عظة لمن تسول له نفسه بارتكاب مثل هذا الجرم الفظيع .

[جركان فاضى] 11-02-2015 07:58 PM
وأهم سؤال لماذا ينط شخص على اسرة فى الليل وهى نائمة...اليس ذلك انتهاكا لحرمات المسلمين وترويع لهم؟ودم المسلم على المسلم حلال فى دمه وماله وعرضه...وهذا ينتهك جميع الحرمات...ويا أخى قول مافيش بوليس...هل هذا مبرر لنط البيوت وترويع الاسر النائمة


#1363992 [emad]
4.19/5 (5 صوت)

11-02-2015 08:50 AM
اتحدي اي زول يثبت بان الحرامي مات

يا ناس خافوا الله في ما تنقلون من اخبار ملفقة وغير موثوقة المصدر

من نشر اشاعة موت الحرامي له غرض في ذلك
نعم الفعل الذي قاموا به الذين قبضوا علي الحرامي فعل مشين وغير مقبول البته
لكن لا يمكن يكون مات بسبب الشطة
ناس كثيرة تم تعذيبها في بيوت الاشباح وبصقع كهربائي ولكن لم يموتوا

ايه رايكم لو البلد مطبقة الشريعة وتم قطع يد الحرامي ؟؟
الحرامي يتسور البيوت الامنة ويكشف العورات وممكن يقتل وممكن يتسبب في عاهة مستديمة لصاحب المنزل وممكن يسرق شقي العمر كلوا من رجل كافح سنيين طويلة عشان يجمع مال ليعينه ويعين اولاده في الحياة يقوم يجي الحرامي بالليل وبكل بساطة يسرق هذا المبلغ الذي كلف صاحبه سنيين من التعب والكفاح


ردود على emad
[مسطول] 11-02-2015 02:38 PM
أحييك وارفع لك القبعة احتراما وتقديرا .. تحليلك وتعليقك سليم مليون % انا مستغرب ومندهش ايما اندهاش من هؤلاء الجهله الذين يدافعون عنه !!!

[الواضح ما فاضح] 11-02-2015 12:40 PM
ليه ما يكون مات بسبب الشطة؟ هي شطة هينه ولا مقطوعة لينه
يعني إذا في ناس إتعذبوا فى بيوت الأشباح أو في أي مكان أخر وما ماتوا فهل دا بينفى موت أخرين تعرضوا لنفس الظروف.
أها أقول ليك أنا قبل كدا مت من ريحه الشطة ساكت، وأنا خايف أنت ذاتك تكون مت زمان وما جايب خبر.


#1363990 [ود المهدي]
5.00/5 (3 صوت)

11-02-2015 08:49 AM
نرجع لغياب القانون البلد ما فيها قانون وتحكم بقانون الغاب وذلك ظهرت عادات جديدة على المجتمع السوداني ومنها ما حدث الآن؟

السودان بلا قانون هذا هو المحك فهل من مخرج او تطبيق للقانون حتى يستقيم الجميع؟


الدولة ما فاضية لاي شيء سوى جمع الضرائب ؟

وليس بها قانون ولو كان في قانون لما أصبحت حالنا بهذه الصورة المغززة.


#1363980 [ابو جلمبو]
4.00/5 (3 صوت)

11-02-2015 08:36 AM
يستاهل اكتر
تلابين تلابين الحيط كلهم مجرمين


#1363965 [جبل اللقمة]
3.63/5 (5 صوت)

11-02-2015 08:13 AM
يستاهل واكتر .. الدولة الحرامي بتكرمو لمن يدخل السجن .. ماكل شارب مستحمي ومتعالج مرفه متونس .. ولمن يطلع من السجن تلاقاهو بقى زي الحصان، ونظرا لهذه المعاملة الطيبة بفكر تاني يتلب في بيوت الناس ، خاتي في بالو أما طلع بغتيمة كبيرة من البيوت أو رجع السجن حيث الاكرام. بالله فضونا سيرة من العواطف دي ،، وقت الدولة ما دايرة تطبف القانون الشرعي في اللص .. خلو الناس تاخد حقها بيدها ... بس أنا خايف الشطة القبانيت بعد الحادثة دي تكون من السلع النادرة ههههههههههههههه


#1363962 [ابوحمد]
5.00/5 (2 صوت)

11-02-2015 08:09 AM
الذين يحاربون الله ورسوله خطر يهدد الآمنين في بيوتهم ودائما تذكروا إنهم يتسورون البيوت ليلا وبأيديهم السواطير والسكاكين والسلاح الناري ز فهل هؤلاء لصوص فقط ؟ لا والله وإنما محاربين يقتلون من يعترضهم والسؤال هل محاكمت هؤلاء على أنهم لصوص من العدل في شيء ؟ لو كانت العقوبة الحالية مناسبة لاختفت هذه السرقات فيا أيها القضاة اقطعوا يد السارق تختفي السرقة نهائيا وتنالوا التاييد والثواب من الله تعالى انا معكم ايها الكرام لا لا لا للتعذيب


ردود على ابوحمد
European Union [كديس فى السروال] 11-02-2015 05:03 PM
شطة بس

[جركان فاضى] 11-02-2015 09:33 AM
نعم يا ابو احمد يا عزيزى...هذا لايقال له حرامى...هذافعله افظع من فعل قاطع الطريق...يتسور البيوت ويحمل سواطير وسكاكين وسلاح نارى...هل هذا لص او سفاح؟ .. هذا سفاح بدون شك وغرضه النهب والسلب حتى لو اريقت دماء اسر نائمة وامنة فى بيوتها...القتل هو الجزاء بدون شك...بس ليس بهذه الطريقة...فالمفروض يذبح او يشنق ثم يصلب على اى شجرة على الطريق العام


#1363958 [ناصح]
5.00/5 (2 صوت)

11-02-2015 07:55 AM
الجماعة السرقوا المليارات ديل يعملوا فيهم شنو


ردود على ناصح
[صديق الشيخ حمد النيل] 11-02-2015 01:28 PM
شطه قبانيت مع الخازوق...الحكومة لها دور كبير فى تفشى الجريمة خاصة جرائم السرقة لأنها من غير المنطقى أن تعاقب وتردع زملائها ...نط علينا حرامى وطاردناه أنا وإبنى وبينما نحن كذلك فقام بإعتراضنا ثلاثة من بواليس السوارى بعد أن أزعجناهم وصحيناهم من نومهم ..ربطوا الحصين على مظلة موقف وناموا على الكنب حوالى الساعة 2 صباحاً....لك الله ياسودان


#1363952 [Sebit]
1.00/5 (1 صوت)

11-02-2015 07:43 AM
In America u steal u go to jail without any tortious but in Muslims world they feel like God gave them authority to hurt or kill someone omg


ردود على Sebit
[ابو جلمبو] 11-02-2015 08:43 PM
Look at the niggers in the US, they are shot in the streets like stray dogs

[الواضح ما فاضح] 11-02-2015 12:43 PM
قول لف الله لا كسبك.
فاكرنا عايشين في كهوف ولا ما ينعرف أمريكا.
حقو الواحد يقوم يغني ليك أغنية (ليلة السبت) يا سبت أنت.

[موردة حضارة] 11-02-2015 11:56 AM
no dear.

it happen also in the state I stay in Texas for 7 years, and I saw these cases, but very seldom.

[OMO] 11-02-2015 08:52 AM
But in America they also kill to steal. The Sudanese Pitza delivery man in NC is an example


#1363944 [sami]
5.00/5 (2 صوت)

11-02-2015 07:38 AM
القانون لماذا لم يظهر
في لائحة المتحللين
الذين ادانوا انفسهم بارجاع مايسمي بالتحلل.
بعدين الامنين في بيوتهم كيف ينامون ان لم يطمئنوا من هؤلاء المروعين؟
وانتا في اطيب نومة ومنامة تجد من يشهرلك الخنجر
بان تعطيه ماعندك ودون مقاومة.
هؤلاء جزائهم ان يقتلوا اوينفوا من الارض؟
بعدين الشريعة الانتخبناكم بيها دي وين دفنتوها والله في ناس كتيرين عايزين الشطططططة.
بعدين التشهير في الشرع بالقصاص لكي يتوب ويثوب من تسول له نفسه مايخالف الشرع.
ياولد
ياولد
ياولد
جيب الشططططة دي وشوف الحرامي دا
اكان ماعندو مصران ومااتعشي خلي اليجي يتعشي معانا
انتا عارف انا الاكل مابريدو بدون شططططة.
اياهو الفضل ولاغيرو.
بعدين المطبلاتية ديل اكانو وين ظهرو من وين
الصايل يقتل
انشاءالله الغيرو يتعظ
وياناس كتتتترو من الشطططة
بكرة بيصدرقرار بالدستور يمنع استعمال النووي السوداني(عفوا الشطططة السودانية الساريين)
لانو في ناس خافتالدورماش عليهم


#1363939 [حافظ]
5.00/5 (1 صوت)

11-02-2015 07:25 AM
فات على الكثيرين ان من قام بهذا العمل هم اهل الجزيرة الذين تعرضوا لظلم كل الحكومات ولم يحملوا بندقية وكان سلاحهم الكفاح السلمي والآن تبدل حالهم فصاروا هم ادوات النظام القمعي وهذه هي مخرجات الحركة الاسلامية فابشروا بسورية جديدة ورواندة اخرى


#1363926 [Jimmy Cliff]
5.00/5 (3 صوت)

11-02-2015 07:06 AM
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال


#1363881 [سودانى طافش]
5.00/5 (2 صوت)

11-02-2015 02:13 AM
العنوان مفروض يكون ( وفاة لص تعرض للتعذيب بعد القبض عليه ) !


ردود على سودانى طافش
[وروار] 11-02-2015 10:38 AM
الشطه دي الانت فرحان بيها دي مستحضر فيديو عن ما قريب بالزخيره في الدوبر حينها قول الزخيره بتحبها كمان.....?

[زكريا ابو يحيى] 11-02-2015 08:01 AM
يا عزيزي ألا يكفيك ان يقال (عند القبض عليه متلبسابالسرقة)

[محمد الزاكي] 11-02-2015 06:39 AM
وفاة متهم تعرض للتعذيب واغتصاب


#1363865 [الحق ابلج]
5.00/5 (2 صوت)

11-02-2015 12:05 AM
اﻵن اصبح الامر اخيرا بيد القانون ولابد من وضع حد للفوضى وحتى تكون سابقة قضائية لكل من ياخذ القانون بيده ولننتهى من اساليب وافكار القطيع التى لا تدل الا على التخلف وعقلية القبيلة ..... رحمه الله

..


#1363857 [Tarig Amman]
0.00/5 (0 صوت)

11-01-2015 11:39 PM
خلوا الشطة للناس السرقو البلد ...هاذا واحد من افرازات الانقاذ .... الشطة دى وقتها جاى ... و ناسها معروفين ... ابقوا عشرة عليهم


ردود على Tarig Amman
[elkali7] 11-02-2015 07:36 AM
هاذا ام هذا ؟


#1363845 [Lawrenceville]
5.00/5 (2 صوت)

11-01-2015 10:58 PM
والله عندما شاهدت الفيديو اقشعر بدني لفظاعه العقاب وروح الانتقام
السرقه سلوك مشيت ومرفوض ولكن ليس من العدل تطبيق القانون من تلقاء المواطنين مع تأكيدنا بان ما فعل بالصبي امر غير قانوني وفير انساني علي الإطلاق
باريت لو كانت عندهم الشجاعه وأطبقوا العقوبه دي في موظف محليه ولا معتمد ولا موظف خدمه مدنيه لهط القروش وبنا العالي وركب الفاره وتزوج الأبكار مثني وتلات ورباع بدلا عن هذا اليافع الذي قتل بدم بارد وبطريقه خسيسه
حسبنا الله ونعم الوكيل


#1363837 [Omar A.Aziz]
5.00/5 (1 صوت)

11-01-2015 10:38 PM
قصة تعذيب الحرامي دي ثقافة سائدة في الدول المتخلفة ما بس في السودان لكن حتى في معظم دول افريقيا وآسيا وامريكا الجنوبية لا عندها علاقة بالحكومة ولا بغير اذا كان البوليس بدي نفسه الحق في الاعتداء على السارق او المخمور الحاجات دي يا جماعة في البلاد المتخلفة الفيها القانون هش وتنعدم فيها حقوق الانسان وابسط مقومات الحياة صدقوني ما نحن برانا في السودان البنضرب السارق وبعدين الحاجة دي موروثة من نحن اطفال الحرامي لو اتقبض ووصل قسم الشرطة بكون محظوظ شعوب رجعية ومتخلفة للاسف ولسه بعيدين جدا من حاجات كثيرة وقيمة حياة الانسان تافهة في مثل هذه الدول للاسف ربنا مع أن في الدول المتقدمة الانسان ثروة قومية منتجة ده الفرق والمسافة الكبيرة البينا وبين غيرنا .


ردود على Omar A.Aziz
[ابو الهادي] 11-02-2015 01:36 PM
ههههههه صدقني انت ما ابوجلمبو انت جمبلغ عديل كده ههههههه

[ابو جلمبو] 11-02-2015 08:48 AM
كدي امشي تلب ليك في بيت امريكي شوف حيعمل ليك شنو


#1363835 [الجمال الطبيعي]
0.00/5 (0 صوت)

11-01-2015 10:29 PM
تعزيب بالشطة كيف يعني ..ممكن توضيح


ردود على الجمال الطبيعي
[elkali7] 11-02-2015 07:37 AM
تعذيب و ليس تعزيب

[Jimmy Cliff] 11-02-2015 06:50 AM
الفيديو موجود فى اليوتيوب شى بشع جدا


#1363825 [الدرب الطويل]
5.00/5 (2 صوت)

11-01-2015 10:12 PM
اذا سرق الضعيف طلعوا ايمان صليبو لاكين عاملين نايمين اذا سرق تماسيح الحكومة والكيزان الفاسدين..


#1363791 [هناء عبدالعزيز]
0.00/5 (0 صوت)

11-01-2015 07:56 PM
رحمه الله

السؤال المهم الآن

من الذى استفاد من قتله وما الذى استفاده


ردود على هناء عبدالعزيز
[ود البلد] 11-02-2015 09:15 AM
إستفادت (الولاية) كلها ! تاني (حرامي) بالغلط ما بجيهم


#1363785 [صادميم]
4.00/5 (3 صوت)

11-01-2015 07:39 PM
لا يوجد قسم للحوادث بمستشفى سوبا الجامعي وكل الحوادث بما فيها حوادث طريق مدني توجه للمستشفيات الاخري مثل ابراهيم مالك و الخرطوم فكيف تم اسعافه في مستشفى لا يوجد به قسم حوادث اصلاً.


#1363784 [غصمتووف]
5.00/5 (3 صوت)

11-01-2015 07:35 PM
النوبي وغيرة

قبل ادانتة علينا ادانت نفسنا السرقة مرض والسرقه عند بعض القبائل عاده اجتماعية السرقة حاليا اصبحت حوجة وليس بوبار ف ناس سرقت بلد سرقت حقك وحقي وحقة م رايك يوجد شئ اسمه القانون ولو استفحلت هذه الظاهرة ب الاشتباه نجد الشطة ولا موية النار ف عوراتنا هذه ليس من اخلاقنا امراة ف قطة دخلت النار م بالك انسان لا نعرف ظروفة وبعدين اين بذهبون من عدالة السماء ف لا تحرض علي الجرائم وتكون شريك فيها خاصة القتل
وف النهاية ففدان الشئ الخاص مال جوال سيارة نصيبك ومقطوع منك حريقة ولا سرقة ولا فقدان وهبها الله لك واخذها


#1363780 [ود أبرك]
5.00/5 (1 صوت)

11-01-2015 07:26 PM
عندما يأخذ المواطن القانون بيدة ... انما يدل عن غياب العدالة ...وليس هناك من يعطى كل ذى حق .... حقة ، تعم الفوضى ...ويسود قانون الغاب ...


ردود على ود أبرك
[محمداحمد] 11-01-2015 09:54 PM
كثير من منسوبي الشرطة متواطئون مع اللصوص و بعضهم لصوص و الاحكام القضائية تصدر دائما مخففة في حدها الادنى،ثبت ان كثير من اللصوص يعتدون لدرجة القتل،الشارع السوداني عامة لا يتعاطف مع اللص ،اذن هذه الجريمة مسئولية وزارة الداخلية التي دفعت المواطن لحماية نفسه دون للقانون الذي يحميه من شر هؤلاء ،لذلك تساهل القضاء مع فئة اللصوص شجعهم على ارتكاب الجريمة تلو الاخرى و في كلا الحالات المواطن هو الضحية سوا سلمه للشرطة او نفذ فيه ما يراه عقابا


#1363774 [سوداني]
4.38/5 (4 صوت)

11-01-2015 07:17 PM
هم ما قاصدين يقتلوه قاصدين تأديبه لكن لو دخلو ليه شي في دبره يكون تعدي لانه كان في ماسورة بلاستيك خضراء ظاهرة في التصوير و التقرير الطبي يحدد , و ما ننسى انو لو الحرامي لقة فرصة في الزول الداير يقبضه ممكن يطعنه لانو كتير في حرامية طعنو الناس البمسكوهم / اتذكر قبل سنوات مضت في شاب شجاع عليه رحمة الله من قرية الصداقة جمب الحصاحيصا طارد الحرامي لحد ما مسكه لكن الحرامي طعن الشاب و قتله


#1363769 [علي هولندا]
5.00/5 (7 صوت)

11-01-2015 06:54 PM
فعلوا به ما لم يفعله انس ولا جان ..فعلوا بانسان كرمه الله ونفخ فيه من روحه ، ما تقشعر منه الابدان عزبوه بوضع( شطة علي مؤخرته ) يحدث هذا في بلد يردد اهلها انهم اهل جود و كرم و شهامة ويتغنون بذلك ..علي شاكلة (الفينا مشهوده) ،(تصور كيف يكون الحال لو ما كنت سوداني!!!!!! ) نعم شهد العالم بالفيكم وتصوروا كيف سيكون حالهم لو كانوا سودانيين !! اكيد لا يستطيون رفع رؤوسهم امام الناس خجلا ..كيف لا والعالم باسره شاهد مؤخرة مواطن من بلدهم ملئ بالشطة ! تبا لكم


ردود على علي هولندا
European Union [الطيب] 11-02-2015 02:18 PM
وينكرون داعش التي سبقتهم فقط بالإعلام.


#1363738 [منقه]
4.00/5 (5 صوت)

11-01-2015 05:35 PM
انها ثقافة التعذيب . والقتل

دخيلان علي التقليد و العادات

ثقافه , معلموها ذو خبره : امثال نافع وقوش ووووووووووو

سوال , هل للقتله علاقه بالانقاذ


#1363731 [جركان فاضى]
4.75/5 (3 صوت)

11-01-2015 05:19 PM
الخاتمة من جنس العمل....كان عمله سيئا لذلك كانت خاتمته....وياليت دا يخلى بقية الحرامية يتوبوا الى الله سبحانه وتعالى


ردود على جركان فاضى
[ابوكدوك] 11-01-2015 09:56 PM
اللهم ارحمه واغفر له وسامحه
اللهم ان كان محسنا فزد فى احسانه
وان كان مسيئا فتجاوز عن سيئاته
اللهم عوضه شبابه وابدله دارا خيرا من داره
واهلا خيرا من اهله ، اللهم وكن له ولا تكن عليه
اللهم عافه واعف عنه واغفر له وسامه ، اللهم انك اعلم بحوجته
اللهم نقه من الخطايا كما ينقى الثوب الابيض من الدنس
اللهم صبر اهله ، اللهم نسالك الستر والعفو والعافيه
والمعافاة فى الدنيا والاخره ،
وصلى اللهم وبارك على نبينا محمد صلى الله عليه وسلم .

[علي هولندا] 11-01-2015 09:51 PM
والله انت ما جركان فاضي ...انت جركان مليان حقد وكراهية وروث...فرحان شديد بتعذيب وقتل انسان بهذه الطريقة البشعة؟؟!!! ....حسبي الله ونعم الوكيل.


#1363718 [جزيري]
5.00/5 (2 صوت)

11-01-2015 05:05 PM
التعذيب الزي دا مفروض مفروض يتعمل للمتفلتين العاملين عصابات زي عصابات النيقرز


https://www.youtube.com/watch?v=bgAzhm-R0hY


#1363713 [كردفاني]
3.50/5 (3 صوت)

11-01-2015 04:58 PM
ياليت يكون هذا عقاب لكل حرامي يأكل شطة لحدي مايتلحس في حدي قالو اسرق


#1363707 [علي مسكين]
0.00/5 (0 صوت)

11-01-2015 04:52 PM
المشكلة المرحوم زاتو شرطي ..بس في النهاية الله يرحمه


#1363697 [أحمد حاج أحمد]
4.75/5 (4 صوت)

11-01-2015 04:42 PM
والله ناس صعبين جدا . السارق له عقاب محدد مش تعذيب لحدي مايموت . ياناس امكن جيعان امكن عنده عزر اجبروا على كدا القاضي هو من يحدد ذلك .


#1363696 [مندهش]
5.00/5 (3 صوت)

11-01-2015 04:42 PM
اسا ديل العملو العملية دى ورطوا نفسهم فى جريمة قتل و لو كان قتلو من اول لحظة كان ممكن يلقوا مخارجة بالدفاع عن النفس بس تجيب ليك انسان و تحشر ليهو الشطة حتى الموت دا ياتو دين و لا قانون و لا حتى انسانية


#1363682 [النوبي]
4.04/5 (9 صوت)

11-01-2015 04:24 PM
الشرطة تقبضهم ليه؟ حرامي جاي يسرق من المساكين،، ويستاهل.


ردود على النوبي
[ابو جلمبو] 11-02-2015 08:37 AM
يا النوبي
تعرف البردو على تعليق ديل وانتقدوك كلهم من شلة الحرامي ده

[مواطن] 11-02-2015 05:15 AM
أنت مريض وفاقد لاى ذرة من الإنسانية, أمثالك هم من يصلحون للعمل في بيوت الاشباح.

[Zooooooooool] 11-01-2015 11:08 PM
دا أحسن حل عشان الحرامي لو لقي ليهو دهب مرمي في الشارع تاني ما يشيلو
الناس تعبانه وشقيانه يجي واحد حرامي بكل سهولة يشيل مجهودهم

[A. Rahman] 11-01-2015 07:17 PM
و هل قتل هذا المسكين حل مشكلة مسكنتهم هم؟ هسع التهمة بقت قتل عمد، جماعتك ديل خليتهم يبقوا رجال و يركزوا لمصيرهم. ياخي حياة الناس مش لعب.

[زول ساي] 11-01-2015 06:40 PM
اي الشرطه تقبض عليهم وتديهم مؤبد كمان. لو الحرامي سرق لا مواطن ولا بوليس عندو الحق ايلمسو. الحق عند القاضي فقط.

United States [ابو محمد] 11-01-2015 05:47 PM
اتقى الله فيما تقول الحرامى مجرم والقانون حدد عقوبته والجهة المسؤلة من تنفيذ القانون معروفة لكن الحصل ده فوضى واجرام وتعدى على حرمات الله والناس ديل لازم يطبق فيهم القانون .

[سوداني] 11-01-2015 05:28 PM
ياراجل ده كلام شنو هههه الحرامي بيقطعوا يده ما بيقتلوه بالشطة

[مندهش] 11-01-2015 04:44 PM
ياخى ربنا سبحانه ما امر بمثل هذا العذاب


#1363681 [أحمد سكاك قطيه]
4.44/5 (7 صوت)

11-01-2015 04:24 PM
الشطه جاتكم أها عاد بتجروا وين ,,؟؟؟


ردود على أحمد سكاك قطيه
[عثمان إبراهيم قودة] 11-02-2015 12:30 AM
بسم الله الرحمن الرحيم والصلاة والسلام علي أشرف خلق الله سيدنا محمد وعلي آله وصحبة وسلم تسليماً كثيرا وبعد ...
حقيقة أن ماقام به هؤلاء الشباب من تعذيب لهذا الشاب عمل إجرامي وغير شرعي ودخيل علي مجتمعنا وهم ليست الجهة المسؤلة بعقابة كان عليهم تسليمه للشرطة وتدوين بلاغ سرقة ضده الآن أصبحوا في ورطة وتهمة القتل العمد وسيطبق فيهم القانون حتي الشاب اللص عندما كانوا يعذبونه كان يقول لهم حرام عليكم والله تبت لكن لم تحن قلوبهم ياخي ربنا سبحانه وتعالى يحب التوابين ويحب المستغفرين وكان يبكي بحرقة من مرارة التعذيب حقيقة انتم ليست بشر وتحملو العواقب ياريت القانون يجري مجراه ويتم ردعكم لكي تكونو عظة للبقية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة