الأخبار
أخبار إقليمية
اللجنة المختصة: اسم السودان التوصيف الحقيقي لهوية الشعب
اللجنة المختصة: اسم السودان التوصيف الحقيقي لهوية الشعب
اللجنة المختصة: اسم السودان التوصيف الحقيقي لهوية الشعب


11-11-2015 01:55 PM
الخرطوم - رندا
كشف عثمان محمد صالح، رئيس لجنة الهوية بالحوار، بأن اللجنة أوصت خلال مداولاتها بأن يبقى اسم السودان التوصيف الحقيقي لهوية الشعب، والموافقة على ما ورد فى دستور (2005) في وصف الهوية السودانية، وكشف صالح في تنوير صحفي عن توصيات بمراجعة وضبط قانون الجنسية وقانون الخدمة المدنية، وتأهيل القوات المسلحة والتأكيد على قوميتها، وجعل مادة التربية الوطنية مادة رئيسية في مراحل التعليم المختلفة ومراجعة وتطوير المقرر وإنشاء مفوضية لشؤون الهوية، ودعم مجلس ترقية اللغات القومية وتحويله إلى جهاز تنفيذي، ودعم وتطوير الإدارة الأهلية وشمولية كتابة ودراسة تاريخ السودان

اليوم التالي


تعليقات 11 | إهداء 0 | زيارات 2186

التعليقات
#1368673 [مدحت عروة]
0.00/5 (0 صوت)

11-12-2015 07:55 AM
عادل امام فى مسرحية شاهد ماشافش حاجة قال بالاضافة الى انها رقاصة كانت بترقص يعنى!!
يادوب عرفتوا ان هوية السودان هى السوداناوية من اسم البلد؟؟
ما قلتوا السودان بلد عربى اسلامى كامل الدسم؟؟!!!
وعملتوا على فصل الجنوب بجعل الوحدة غير جاذبة عشان الموضوع ده!!!!
كسرة تانية:اها الحصل شنو فى لجنة ندى القلعة وانصاف مدنى وغناء الاوركسترا والدلوكة؟؟؟؟؟


#1368663 [Hamdi yagoub]
0.00/5 (0 صوت)

11-12-2015 07:49 AM
إلى أبناء شعبنا إلى العنصر المريض بأمراض العنصرية والجهوية والقبلية والمتوهم بنقاء العرق واللون والمختصين بإثارة أشكال التمييز العنصري والجاهلية النتنة وكذلك أبناء شعبنا المهوسيين بالتغيير الدمغرافي والي لاهثي البحث عن الهوية المفقودة'والي كل من يسعى لطمث الحضارة السودانوية من لغات وأشكال وألوان.
نود أن نقول لكم في المقدمة بأن الأرض لله يورثها لمن يشاء من عباده. وما خلقنا الله بهذه الطريقة من اختلاف في الألسن والأشكال والألوان والاعراق إلا رحمة وحكمة منه سبحانه.
لكن قصة تقعدو تضيعو زمنا في الفارغة والفاضية والماعندها معنى دي ما بتنفع معانا'والله حمنا البلاد شرقا وغربا وشمالا وجنوبا في بلاد الله الواسعة ما لقينا شعب أكثر اعتباطا منا. الناس في شنو ونحنا في شنو بدل ما نحنا نفكر كيف ننهض ونرتقي بأنفسنا وببلادنا قاعدين في الفارغات وبالأخص مما عفا عليه الزمن.
ونحنا نعلم أو لا نعلم بأننا نمتلك أكبر ثروة بعد الإنسان الأرض والماء ليه نحنا ما ننهض !!!بدل تضيعو لينا الزمن في قصة الهوية والتفكير في إنو داك اصلو من وين وداك عرقو ما نضيف وداك حلو وداك شين وداك عربي ود عرب وداك عبد ود عب!!! ونحنا ذاتنا اصولنا ما سودانية ونحنا ونحنا ونحنا ونحنا العزه فينا العزه في شنو يا اهبل يا همبول والناس في شنو.
العزه في إنو كيف نفكر بأن ننهض كباقي الشعوب والأمم لا ان ننصرف فيما عفا عليه الزمن.قاعدين في الفارغة وعيال حسن البنا المصري مستفيدين من الحاصل.. فتن وبلاوي الأمة السودانية.
العقدة النفسية دي لو اتحلت تاني مافي مشكلة لانو كلو قرد عزيز في جبلو.


#1368659 [kokab]
0.00/5 (0 صوت)

11-12-2015 07:46 AM
يجب أن لا يحصر تاريخ السودان في ال 600 سنة الاخيرة. أهم حقب تاريج السودان هي فترة الحضارات النوبية القديمة.


#1368655 [ابراهيم مصطفى عثمان]
0.00/5 (0 صوت)

11-12-2015 07:44 AM
الاخوان المسلمون وظفوا ويوظفون لجان (حوار الطرشان الستة) ومن بينها لجنة الثقافة والهوية للابقاء علي الامور كما هي ولن يعترفوا ابدا بالسودانوية كهوية للسودانين لانها تبعدهم من صفة (الرعية) المرتبطة بالشريعة الاسلاتمية والحاكمية بالوكالة عن (الله عز وجل) وتلك احدي اهم مرتكزاتهم الاساسية التي تميزهم عن الاحزاب الطائفية مثل الامة والاتحادي .


#1368563 [ككك]
0.00/5 (0 صوت)

11-11-2015 11:26 PM
أولا تعداد سكانى مراقب دوليا الإسثماره فيها الأسئلة الأتية:
1/ هل أنت عربى أم أفريقى ؟
2/اذا عربى أو أفريقى فمن أين أتى أسلافك ( جدودك )مع تحديد المكان؟
وغدا نواصل


#1368505 [د.مصطفى]
0.00/5 (0 صوت)

11-11-2015 08:12 PM
كلام جيد جدا ..

بالتوفيق


#1368478 [همام]
0.00/5 (0 صوت)

11-11-2015 06:47 PM
الله أكبر! خلاص يعني الكيزان حلوا أكبر مشكلة يواجهها السودان في تاريخه الحديث!


#1368438 [زرديه]
3.00/5 (3 صوت)

11-11-2015 05:13 PM
اسم السودان يا بجم اطلقه العرب علي جنوب الصحرا سمو البلد بي اسم من تاريخها بدل هذا الاسم العبيط مثلا مروي كوش سنار . .


#1368377 [خارم بارم]
5.00/5 (2 صوت)

11-11-2015 03:10 PM
ما أصلو في العالم ده كلو وبره السودان ده، في أوروبا وأمريكا و مصر و دول الخليج، هويتنا هي السودان. وخلق الله ديل كلهم يعرفونا ويفرزونا من بقية الشعوب باعتبارنا (Sudanese) وسودانيين و سوادنه أو تحت تحت (البرابره وأولاد البوابين).. ما في زول مننا بيعرفوه أو يميزوه بإنو جعلي أو ضنقلاوي أو أدروب أو فوراوي أو ود نوبه أو بقاري أو فلاتي أو غير ذلك. وعلى مر التاريخ كانت الدنيا جنوب أسوان معروفة باسم "تانهسو" " و"اثيوبيا" و"النوبا" و"علوه " و"المغرة" و"سوبا" "السودان" وكلها كلمات تميزنا بمعنى واحد وبنفس المدلول والصفة...
زمان ما كان أبداً تفرق مع أي زول إنو زميله في الدراسة أو العمل أو جاره في الشارع أو الحي أو القاعد جنبو في طياره أو البزاحمو في الدفار أو الحافلة أو القطار أو الواقف جنبو يشتري الخضار واللحمة في السوق من أي قبيلة أو جهة.. كان الإحساس بالانتماء للسودان تلقائي وقوي جداً .. لكن دوام الحال من المحال. كلنا عارفين من متين ربنا سلَّط علينا منو عشان يقسِّمنا إلى قبائل وهويات وجهويات ويفصلنا إلى دول ودويلات. يعني ناس الحوار الوطني ديل يا دوب عرفوا إنو السودان والسودانوية هي اللي تعبر عننا وتميزنا وتجعل لنا مكانه في العالم؟ ما بدري عليهم..
في زول متفق معاي والاَّ شايفين كلامي ده خرمجة وخارم بارم ساكت؟.


ردود على خارم بارم
[خارم بارم] 11-12-2015 09:28 AM
أخوي سوداني أعتذر لك ولكل من لم تعجبه كلمة (أدروب).. وارجو أن تعتبرها هفوة أو خطأ غير مقصورد. وأوعدك تاني ما أقولها. والبجة أهلنا وأخوانا وهم مننا وفينا ونعتز بهم ونحبهم. ويا أخوي سوداني اسمك يتفق تماماً مع كلامي وهو إننا جميعاً شعب واحد في أرض واحدة مصالحنا مشتركة ومصيرنا حماية ومساندة بعضنا البعض ولا ننتظر من غيرنا خداعنا بالكلمات الكبيرة مثل (الأشقاء) و(التاريخ المشترك) و(الشريان الواحد) أو (الامة الواحدة). كل هؤلاء الذين (ينبحون) بهذه العبارات المخدرة لهم أطماعهم في أرضنا ومواردنا وثرواتنا. وإذا لم نكن كلنا سودانيين فقط، حقنا راح وعلى ابنائنا وأحفادنا السلام.
أرجو أن تقبل اعتذاري وامسحها في وشي.. والمسامح كريم، يا سوداني يا أصلي وأصيل.

[سوداني] 11-11-2015 07:31 PM
يا خارم بارك.. ما اسموا ادروب اسموا بجاوي من اسمك ثقافتك متواضعة.

[محمد همت] 11-11-2015 07:26 PM
والله يا أخوى كلامك لا خرمجة ولا خارم بارم ... كلامك كلام زول فاهم وعارف مشكلة بلدنا دى وين .. وانا متفق معاك تماماً انو السودانوية هى بداية الحل لمشاكلنا السياسية والإجتماعية لكن البيقنع ديوك البلد دى منو ؟!؟!
وفعلاً زى ما قلتا زمان قبل الكيزان ديل يجوا ما كان فى عنصرية بالشكل الكبير الزى هسى .. وممكن نقول كان فى اقلية تفكيرم عنصرى .. لكن هسى أغلبية الناس إنساقت ورا هدف الكيزان فى تفرقة الناس وزيادة الكراهية بيناتم بالعزف على وتر العنصرية .. والله الواحد حزين على حال البلد دى وما عارفين نعمل شنو ..


#1368373 [يحيي العدل]
1.00/5 (1 صوت)

11-11-2015 03:01 PM
هل سيكتب بالدستور :
السودان بلد سوداني . نقطة ؟؟؟؟
يعني سودان دون ذكر بلد عربي أفريقي غالب سكانه مهمشين ينطقون اللغة الهيروغلافية وووو


#1368371 [نصر الله]
4.75/5 (5 صوت)

11-11-2015 02:59 PM
اهم شيء القوات المسلحة وقوات الشرطة والامن يجب ان يكون هناك توازن بين القاعدة والقمة --- بمعنى عدد الضباط المختارين للكلية الحربية وهم قادة المستقبل ولا شك مؤثرين في مستقبل البلاد يتم اختيارهم من الاقاليم حسب عدد السكان بحيث الا يكون اكثرية القادة من اقليم بعينه وبالتالي يستولي على كل المناصب الحساسة مستخدما القوانين واللوائح العسكرية في فرض رغباته الذاتية كما هو حاصل الان يندر ان تجد ضابطا كبيرا ومؤثرا الا من القبائل الثلاث المعروفة والتي اكتسبت هذا الوضع جزاء الخدمة التي قدمها اسلافها للمستعمر ----- هذا الوضع يجب ان يتغير لمصلحة الجميع ومن اجل الاجيال القادمة لتعيش بدون غبن او حروب . يجب ان نكون شجعان ونواجه مشاكلنا بكل وضوح وبدون عقد أو احقاد ان الحق يعلو ولا يعلى عليه --- سنواصل


ردود على نصر الله
[الوجيع] 11-11-2015 07:41 PM
يا عزيزى التزوير يكاد يغطى جل مناحى حياتنا وجماعتك ديل مارسوه فى مراحل مبكرة ما قبل الماستر حيث التلاعب فى درجات وشهادات التخرج وممارسة سياسات الكنكشة على المنح واستبعاد وحرمان الطلبة غير المنظمين من منح التحضير للماستر وحتى فرص التوظيف وبعدين المسالة ما محصورة فى مجال التعليم فقط ولكنه المجال الاخطر والذى ينبغى ان تكون على درجة عالية من الشفافية والنقاء والتنافس الحر والعادل والفرص المتساوية للجميع فهل تتوفر هذه الشروط حتى على مستوى القبول للتعليم العالى كمرحلة اساسية تسبق نيل البكلاريوس ومن ثم الماستر والدكتوراة فالمسالة بايظة من اساسها فهناك درجات تمييز ايجابى لابناء العاملين بالتعليم والدبابين وبناء الشهداء وابناء دارفور والاقاليم الاقل نموا وهكذا تتقلص فرص التنافس الحر للجميع على قدم المساواة .كان من شروط التقديم للماستر الحصول على درجة جيد جدا او ما يعادلها واليوم نجد اصحاب درجات جيد ومقبول ينالون الماستر ثم الدكتوراه وكان اصحاب الاونر ( درجة الشرف)فقط من يحق لهم العمل كمعيدين تمهيدا لمرحلة الماستر فتدنى المستوى نابع من تدنى الشروط والمواصفات .وبصراحة البلد فى حاجة الى ثورة فى جميع المجالات لان ضعف المخرجات ستكون له مردودات سالبة وعميقة على مجمل الاوضاع الاقتصادية والاجتماعية .

United States [نبيل سعد] 11-11-2015 07:36 PM
نصرك الله يا نصرالله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة