الأخبار
أخبار السودان
حسبو: السودان مؤهل لرفع العقوبات الاقتصادية المفروضة عليه
حسبو: السودان مؤهل لرفع العقوبات الاقتصادية المفروضة عليه


11-12-2015 02:25 PM
الخرطوم (سونا)- جدد الأستاذ حسبو محمد عبد الرحمن نائب رئيس الجمهورية التزام السودان بكافة المواثيق والقوانين الدولية المتعلقة بمكافحة غسل الأموال وتمويل الإرهاب.
وقال لدي مخاطبته ختام المنتدى الوطني لجهات الاختصاص لمكافحة غسل الأموال وتمويل الإرهاب بفندق قراند هوليداي فيلا اليوم إن الدولة تمتلك إرادة قوية والتزاما بالمواثيق والعهود المتصلة بغسل الأموال ، داعيا كافة الجهات لإحكام التنسيق وإعمال المزيد من الشفافية في النظام المصرفي والأموال خارج النظام المصرفي .
وأشار حسبو إلي أن السودان قد أكمل في الفترة الماضية تنفيذ كثير من المتطلبات العالمية والقوانين في مجال غسل الأموال وتمويل الإرهاب وأصبح مؤهلا لرفع العقوبات الاقتصادية المفروضة عليه ، معتبرا رفع العقوبات من المسائل الأساسية والمهمة لمكافحة الأموال خارج النظام المصرفي والسيطرة عليها ، ونوه إلي أن السودان يمتلك كوادر وطنية وتشريعات لمكافحة غسل الأموال وتمويل الإرهاب متعهدا بتنفيذ مخرجات المنتدى من قبل الحكومة.






تعليقات 5 | إهداء 0 | زيارات 966

التعليقات
#1369107 [الأزهري]
0.00/5 (0 صوت)

11-13-2015 04:25 AM
أصبح (مؤهل) لرفع العقوبات الأمريكية! يا خي السودان أصبح غير أهل لكل حاجة سمحة بسبب عدم أهليتكم حتى لرعي الدواب يا جهلة متنطعين بس خلاص قلتوا الروب يا أمريكا - زمان بيقولوا (ليك تسلحنا) وهسع بقوا يقولوا (يا أمريكا ليك انبطحنا)!


#1369021 [سوداني ساكت]
0.00/5 (0 صوت)

11-12-2015 07:54 PM
و نوه الي ان السودان يمتلك كوادر وطنية و تشريعات لمكافحة غسل الاموال و تمويل الارهاب .
و لكني اعتقد انه ليس لدية الكوادر الوطنية و التشريعات لمكافحة نهب و سلب المال العام .


#1369013 [واحد من ناس قريعتي راحت]
5.00/5 (3 صوت)

11-12-2015 07:36 PM
دحين مسعولين من الخير دة حسبو نسوان ولا واحد تاني ؟؟


ردود على واحد من ناس قريعتي راحت
[Rebel] 11-13-2015 10:25 PM
* خلاص انا غلطت و فهمت!
* لكن "اخوك فى الله" نافع على نافع قال ليك ده حسبو سليمان, بتاع الأمراض النفسيه!..و كان بتعالج عنده!!..أها, كمان غالط!

[الراجل] 11-13-2015 03:41 PM
يا Rebel كدى ركز معانا ده لا حسبو نسوان ولا حسبو الموردة لانه اصلا الموردة ماكان فيها حسبو .حسبو الصغير(لانو كان فى حسبو الكبير برضو فى برى)هو الاحرز الهدف الوحيد فى مرمى غانا سنة70 وفاز السودان بكاس افريقيا للمرة الاولى والاخيرة.تحياتى

[Rebel] 11-12-2015 08:27 PM
* ركز معانا شويه ياخ: حسبو نسوان ده ما "تخصصه"!..و لا الراجل شغال بالسياسه!..لكين إكون ده حسبو لاعب المورده الزمان! و الله اعلم!
* و إنت ذاتك مسعول من الخير: "أمريكا" دى ياها ذاتها "الدنا عذابها و ليها تسلحنا" من زمااان, و لا دى واحده جديده كمان؟؟..تكون اللاتينيه يا ربى؟
* على اية حال نهجم على اى امريكا!!, و ما خصانا..ما دام "حميدتى معانا"!


#1368990 [Rebel]
5.00/5 (6 صوت)

11-12-2015 06:52 PM
* هذا الجاهل لا يدرك حقيقة و معنى و ابعاد المقاطعه الإقتصاديه و العقوبات التى تفرضها الولايات المتحده الأمريكيه على السودان! و لذلك فهو يختزل الامر فى "إلتزام السودان بكافة القوانين و المواثيق الدوليه المتعلقه بمكافحة غسيل الاموال و تمويل الارهاب"..و هو ايضا لا يدرك الفرق بين "إلتزام" اى دوله (فى العالم بهذه المواثيق) و بين دوله مصنفه "اصلا كراعيه للارهاب"!
* و لآنه جاهل جدا ب"السياسه" الدوليه خارج نطاق الجماعه!", فهو لا يدرك ان امريكا تفرض هذه "العقوبات" على السودان(و غيره), تفعيلا ل"القرارات" الصادره من "مجلس الأمن" (تحت الفصل السابع) ضد السودان, و ليس فقط بسبب ان امريكا تقاطع السودان او تصنفه كدوله راعيه للإرهاب!
* علما بان الرجل هو مساعد رئيس الجمهوريه!, و احد قيادات "جماعة!" السياسه فى السودان!


#1368959 [جركان فاضى]
5.00/5 (2 صوت)

11-12-2015 04:56 PM
كلما قلت متى اللقاء ...ضحكت هند وقالت بعد غد
كلما قلت متى رفع العقوبات...ضحكت امريكا وقالت بعد غد
كلما قلت يا تودد انى توددت...قالت لم يبق منك الا التودد
كلما قلت يا امريكا انى توددت...قالت لم يبق منك الا التودد



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة