الأخبار
أخبار إقليمية
محنة الصدق فى إمتحان وزارة المعادن!!
محنة الصدق فى إمتحان وزارة المعادن!!
محنة الصدق فى إمتحان وزارة المعادن!!


11-21-2015 09:44 AM
حيدر احمد خيرالله

*(كشف وزير المعادن أحمد صادق الكاروري، عن تعثر تحويل قرض للبلاد بقيمة خمسة مليارات دولار، من خلال إحدى الشركات الروسية العاملة في مجال التعدين "سيبيريان"، مقابل استكمال أعمالها في الاحتياطي المكتشف من الذهب بالمربعات الممنوحة لها.وعزا الوزير في لقاء من تلفزيون "RT" يوم الخميس، تعثر إجراءات القرض الروسي للبلاد للمقاطعة الاقتصادية التي تفرضها الولايات المتحدة الأميركية على السودان، والتزام البنوك الغربية بها.وأشار الكاروري إلى وجود محاولات تقوم بها الشركة الروسية حالياً للبحث عن بدائل لتكملة إجراءات تحويل القرض للحكومة السودانية، متوقعاً بداية الإنتاج الفعلي للشركة الروسية يناير القادم 2016.)
*السيد وزير المعادن بعد ان دق الطارللشركة الروسية وساق البشريات بالإنتاج الضخم للذهب عبر الشركة الروسية التى أشهد على عقدها السيد / رئيس الجمهورية ، وتجاهلت الوزارة مستشارها الخبير الجيولوجي الدولي د. محمد احمد صابون ، والذى قدم معلوماته عن الشركة ، وعن عدم قدرتها واستحالة معرفة هذا المخزون الضخم ،أما أغرب ماذكره السيد الوزير هو حديثه عن القرض الروسي ، وتعثر تحويله للمقاطعة الأمريكية المغلوبة على أمرها ، فمتى دخل هذا القرض البرلمان ؟ ومتى تمت إجازته ؟ وإن حدث هذا فان الإجراء تجاوز وزارة المعادن الى وزارة المالية وبنك السودان ، فلماذا إختار الوزير ان يكون ناطقاً إعلامياً للشركة الروسية فى أمر لايعنيه؟
*والأشد إيلاماً أن الوزير قد نسي تماماً تصريحات صاحب الشركة المنشورة التى يعترف فيها السيد / فيلاديمير جوكوف بأن راسماله فى البنوك الروسية يساوي 145مليون دولار ، فمن أين له هذه المليارات الخمسة التى يدعيها الوزير المحترم ؟ وفى ذات الوقت يحدثنا سيادته عن ( وجود محاولات تقوم بها الشركة الروسية حالياً للبحث عن بدائل لتكملة إجراءات تحويل القرض للحكومة السودانية ) واذا لم تنجح الشركة عن توفير هذه البدائل فهل سيتقدم الوزير بإستقالته بعد ان ورط راس الدولة فى الإشراف على عقد لم تعرف شركته كيف تحول التزاماتها المالية ؟ وماهو السر الذى جعل المعادن تتعاقد مع شركة لم تجهز بدائلها وهى تعلم باشكاليات المقاطعة ؟ هذا لو كان الوزير والشركة صادقين فى مزاعمهما؟
*الوزير فى يوليو الماضي بشر ببداية الانتاج بعد ستة اشهر ، والان مضت اربعة أشهر ، وسيادته يحاول إستباق الفضيحة مما حذر منه الخبير د. محمد احمد صابون ، من شبهة الفساد والإحتيال ، ولكن الوزير يؤكد : ان الشركة تعمل الان بنهر النيل وانها جاهزة للانتاج ، ونحن لن نكذبه ولكن نطالبه ان ينظم رحلة لوسائط الاعلام لنرى مناجم الشركة وكم حفرت من المناجم حتى الان ، علما بان المناجم الكبرى تحفر من 300الى 600 متر والتنقيب الاهلي لايتجاوز 70متر الان . نرجو ان لايكون الوزير غير صادق وغير امين فى معلومات الانتاج كما استبق فى عملية القرض .. ونخشى ان تكون محنة محنة الصدق فى امتحان المعادن !! وسلام ياااااااوطن..
سلام يا
(قال مساعد رئيس الجمهورية العميد عبد الرحمن الصادق المهدي في مؤتمر صحفي بقاعة الصداقة أمس، (أمبيكي صديق للسودان وحريص على السلام في السودان، وعلينا أن نثق فيه وفي آليته ( .. تمام سعادتك، انتو اثقوا في امبيكي لكن نحنا نثق فيكم كيف؟! وسلام يا
الجريدة


تعليقات 12 | إهداء 0 | زيارات 4387

التعليقات
#1373521 [الخنجر]
0.00/5 (0 صوت)

11-22-2015 03:08 PM
والله اني لاتعجب لامر هؤلاء القوم.
طيب فلنفترض جدلا انو الروس فشلوا فتي تحويل المبلغ. طيب انت ما تسكت يا كافي البلا تصرح مالك.
وبعدين شنو حكاية تحويل ما تحويل ما كل الشركات الاجنبية العامله في السودان وخاصةالعامله في مجال الذهب فاتحه مكاتب في دبي سلمني هنا يسلموك في السودان غير الحسابات في البنوك الخليجية ومنها الي حساباتهم في البنوكة السودانية دولار درهم اماراتي الي جنيهه سوداني ومع الكراهية سوق ليبيا ولا الفادنية ،امريكا رفضت قال .
والله من شدة الكضب يربطوكم لوجع الراس.


#1373505 [Rebel]
4.50/5 (2 صوت)

11-22-2015 02:40 PM
* يا اخى, تعدين شنو و استثمار شنو السيده بدفع فيه مقدم 5 مليار دولار مقدم قروض!..دى سمعت بيه!! الصين شالت البترول كله حتى انفصال الجنوب, إستثمرت فيه 4 مليار فقط!..و ما بنت مدرسه واحده و لا مزرعه و لا بطيخ!
* القصه "مسرحيه" من فصل واحد و بايخ!!..يتم اعادة تمثلها لسنوات طويله!, من زمن اسامه عبدالله!..و زمن والى النيل الابيض!..و زمن عبد الحليم المتعافى!..و زمن والى "ولاية النيل"..و زمن والى الخرطوم, الخضر!..و والى الشرق!..و زمن مصطفى عثمان اسماعيل, وزير الإستثمار ذاتو!
* و المسرحيه استمرت الى ان بلغ عائدها المادى للصوص اكثر من 47 مليار دولار "ديون"!..و "السد السد!" ذاتو "إنهد!"!.. من زمن!!
* و الراجل بتاع المعادن الجديد ده ياخى, عارف ده كله!!..و قال إحصل "المولد" شويه!, لكين بحضور "الرئيس ذاتو"!, عشان المصداقيه بتاعت القبالو اهتزت شويه!..و برضه عشان "المنصب و التعيين و التمكين"!!
* أهى دى الحكايه, الما ليها نهايه!!


#1373469 [أبو محمد الأصلي]
0.00/5 (0 صوت)

11-22-2015 01:24 PM
والله انتو عالم وهم بتصدقوا ناس الحكومة ، والله لو قالوا لي الشمس بتشرق من المشرق ما صدقتهم . دي كانت وهمة ساكت تصبيرة للغلابة عشان الثورة ما تقوم ، بعد شوية حيقولوا ليكم لقينا زئبق في أركان السودان الأربعة واتعاقدنا مع شركة ماليزية لانتاجه وتصديره وأنه العالم كله حيتهافت علينا لشرائه والسودان حينتج ثلاثة مليار لتر زئبق في العام وهي تعادل 4000 مليار دولار في العام. ونعيش على الوهمة دي كمان ستة شهور أخرى ، ستة في ستة في ستة زي دخلت نملة أخدت حبة وطلعت وهكذا دواليك لم تكمل الإنقاذ عامها المليون . قوموا إلى ثورتكم يرحمكم الله . رفعت الأقلام وجفت الصحف .


#1373258 [Malik]
0.00/5 (0 صوت)

11-22-2015 07:51 AM
المتغطي بالايام عريان


#1373229 [إسماعيل آدم]
0.00/5 (0 صوت)

11-22-2015 06:56 AM
المدهش إنوالقرض بتاع الشركة مساوٍ للمبلغ الذي ذهب وراءه وكيل وزارة الدفاع إلي غرب إفريقيا!
الشركة الروسية ما طماعة طلبت 1 و نص مليون دولار مقابل تخريط للسودان أو أجزاء منه! بينما طالب نصابو وزارة الدفاع بمبلغ 5 مليون دولار ! بعض الأذكياء إقترحوا أن يتم الدفع بعد التسلم ! أخشي أن يكونوا دفعوا !


#1373198 [الجاك]
5.00/5 (1 صوت)

11-22-2015 05:21 AM
يا عالم الزول دا كضاب و الاسباب كتيرة ، منها:
1ـ مافي قرض بخمسة مليار دولار. اكبر قروض وقعتها حكومة السودان مع المانحين لم يتجاوز اي منها مئة مليون بمافيها قروض اعادة تاهيل السكك الحديدية، اعادة تاهيل مصانع السكر...الخ
2- مافي قرض بحولوه كاش اصلا قد ينطبق هذا على بعض قروض صندوق النقد الدولي والتي لا تتجاوز العشرات من الملايين
3- اذا افترضنا انه في قرض بخمسة ملياردولار والروس دايرين يحولوه السودان، لن تستطيع امريكا ايقافه.


#1373105 [احمد البقاري]
4.00/5 (1 صوت)

11-21-2015 08:04 PM
الستة اشهر المعلنة في العقد الماسورة شارفت على نهايتها ....والوزبر بحاول تدبر مراقة من السؤال المنتظر وين الانتاج ووين الدهب المزعوم

صدق المثل حبل الكضب قصير


#1373087 [Rebel]
4.88/5 (4 صوت)

11-21-2015 06:57 PM
* زول قال حيلته كلها, ورا و قدام, 145 مليون! يعنى الكاش و العقارات و كله يا بجم! تقولوا اديكم 5 مليار!!..و الدهب ده ذاتو بجيب كم يعنى!!
* طيييب..كلام "تعدين الدهب" الكبار كبار ده!, ليه ما سويتوه زمن "البترووول!"..زمن "اللهط" ابو نص مليون برميل فى اليوم, الواحد فيهم يساوى 158دولار"!!..
* على اى حال, انا شايف الموضوع ده فيه "طابور خامس!": إكون يا ربى, شيوعية "الداخل" حرشوا "أخوانهم!" شيوعية روسيا؟..و عشان كده حقو تقبضوا الشيوعيين بالليل ده!
* و لا يا ربى إكون ده كذبكم الزمان البديتوا بيه: "نأكل مما نزرع و نلبس مما نصنع!"..يعنى "الحيكومه" فلست علمت الله!, دايرين تحفروا علينا الواطه كمان!
* انا غايتو كلمت ملياردير هولندى متخصص دهب!, قال ما عنده مانع إستثمر فى حدود 6-8 مليار دولار..بس لكين إشترط علي الرئيس السودانى إمشى ليه فى باريس يوقع معاه العقد!
* رأيكم شنو؟ ترسلوهو هناك, كرامه و سلامه!. و إنتو "تلهطوا" الدهب!!


#1373063 [ashshafokhallo]
4.50/5 (2 صوت)

11-21-2015 05:22 PM
لظاهر السته شهور بتاعت الكاروري دي زي ال181 يوم بتاعت ود مولانا الميرغني الذي ود فيها بحل جميع مشاكل السودان.

عمنا الفاتح جبره كافينا شر ود مولانا ويوم داك قالوا فضل شهر واحد اكان حليت لينا مشكله النفايات ماقصرت.

مطلوب من عمنا حيدر يتابع الشهرين الباقيات ديل كل اسبوع لحد ما يوصلو لليوم داك.

هم الجماعه ديل بيزنقوا نفسم كدا ليه؟
ود مولانا والكاروري ديل كان يقولو عشره سنين عشان زي ما قال فرح ود تكتوك الذي وعد بتحفيظ جمل الامير القران في عشره سنين: بعد عشره سنين = يا البعير يا الامير يالفقير واحد فيهم ح يموت


#1373018 [taluba]
4.00/5 (1 صوت)

11-21-2015 02:34 PM
حيدر أحمد خيرالله
سيظل قلمك مدويا ، والله يحفظك من هؤلاء الاباليس؛ كفيت وشفيت في مقالك هذا. نحن نعيش في زمن الكذب والنفاق والتدليس، واصبحت هذه الخصال كشئ طبيعي في مجتمعنا. ولكن امثالك سيوثق للتاريخ للاجيال القادمه لمعرفه عيوب اجدادهم.
كما ذكرت في مقالك الرصين بعدم إمكانيه هذه الشركه ، بل ابرمت عقد آخر في مجال النفط والغاز عند ذيارتهم الاخيره مع نائب الرئيس حسبو لموسكو ـــ مربع رقم ٩ـــ
نطلب من الكاروري ذيارتنا في جبال النوبه. سوف نكرمه ب٤٦ الف طن واشياء اخري لا يحلم بها.


#1372963 [Lila Farah]
4.00/5 (1 صوت)

11-21-2015 11:00 AM
قلنا من اول يوم انو وزير المعادن الكارورى ده نصاب ومحتال
لاهو ولا الشركه الروسيه الغير معروفه اصلا سيخرجون ذهبا من باطن
الارض في السودان رغم انو الذهب موجود وبكثافه في كل ركن من اركان
البلد بدليل انو المعدنين السودانين يستخرجونه وبكميات رغم امكانياتهم
المتواضعه والتي لاتذكر....... خلونا ورا الكضاب انشوف آخرتا.!!!!!!!!!


#1372954 [ود احمد]
4.50/5 (3 صوت)

11-21-2015 10:38 AM
انتظروا انا من المنتظرين
وسؤال مهم اذا كان الاعدين الاهلي انتاجه ان صحت التقارير 70٪‏ من انتاج الذهب في البلاد فلماذا ناتي بهذه الشركات الاحنبية لماذا لا نطرح هذه المربعات للاهالي طالما يرفدون خزينة الدولة بثلثي انتاج الذهب في السودان مع تقنينه واعطائه الامتيازات التي تمنح للشركات الاجنبية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة