الأخبار
أخبار إقليمية
سعاد الفاتح : إرتداء المرأة لـ(ثوب) قيمته (5) الآف جنيه فساد
 سعاد الفاتح : إرتداء المرأة لـ(ثوب) قيمته (5) الآف جنيه فساد


12-06-2015 09:49 PM
الخرطوم : أسماء سليمان :
شددت القيادية بالمؤتمر الوطني بروفيسور سعاد الفاتح بضرورة معاقبة و محاسبة كل امرأة ترتدي ثوباً تصل قيمته إلى (5) آلآف جنيه، واعتبرته ضرباًَ من ضروب الفساد ، مؤكدة أن النساء يستطعن أن ينتجن كل ما يردنه داخل بيوتهن

، واستشهدت بمشروع الإقتصاد الشعبي لمحاربة الفقر الذي تتبناه و تعمل فيه على تدريب النساء على (16) حرفة ، وأنتقدت سعاد فى صالون المركز السوداني للخدمات الصحفية أمس مسلك كل من يتوسل للولايات المتحدة الأمريكية لرفع العقوبات عن البلاد ، وأضافت « ياعيب الشوم عليكم « ، وطالبت بالاستهداء بتجربة الصين ونقلها للبلاد.

اخر لحظة


تعليقات 38 | إهداء 0 | زيارات 4518

التعليقات
#1382075 [اللدر]
0.00/5 (0 صوت)

12-08-2015 04:12 PM
قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ ۚ قُلْ هِيَ لِلَّذِينَ آمَنُوا فِي الْحَيَاةِ الدُّنْيَا خَالِصَةً يَوْمَ الْقِيَامَةِ ۗ كَذَٰلِكَ نُفَصِّلُ الْآيَاتِ لِقَوْمٍ يَعْلَمُونَ .....

تلبث توب بأي مبلغ إذا كانت تستطيع ما الخطأ هنا ؟؟

أما بخصوص التوسل لأمريكا...... لا أحد يقول بذلك.
امريكا دولة عظمي (إقتصاديا ، سياسيا، تكنلوجيا ....الخ) لماذا نناصبها العداء ونحن أصلا لا نساوي شيئا تجاهها ، خلينا من حكاية دولة كافرة والخزعبلات بتاعت الكيزان دي ، الحكمة ضالة المؤمن أنا (بتشديد النون) وجدها فهو أولي بها .


#1381783 [حنظلة]
0.00/5 (0 صوت)

12-08-2015 09:04 AM
أنتوا الناشف دي اجباري في الموتمر الوطني ولا شنو
الناس دي كل يوم تصطبح وتقبل علينا فتاوي .
أنعل ابو البنقوا ياشيخة


#1381723 [الماصع]
0.00/5 (0 صوت)

12-08-2015 07:41 AM
زوجات وزراء المؤتمر الوطني يلبسن التوب بقيمة 5الاف درهم من محلات خانجي بابوظبي اي ما يعادل 15مليون
يا دلوعة الاحفاد سابقا
الاستحو ماتوا


#1381661 [زرديه]
0.00/5 (0 صوت)

12-07-2015 11:25 PM
عجوزا في الغابرين


#1381643 [alwatani]
0.00/5 (0 صوت)

12-07-2015 09:40 PM
الحرمة دى ماعارفة قيمة الجنية السودانى فى الوطاة المبلغ 5 مليون يعادل 400دولار و250 جنية استرلينى يعنى ثمن قميص فى لندن ودستة ملابس داخلية بالتركيا و شراب جزمة باليابان ضد الرواح
20 شندوتش من امواج وسعر 100رطل تيراب برسيم واردبين ابسبعين علايابى او مناصيرى وجوز لستك يبانى
زى المربوط لعربان المجلس ويعادل نصف قيمة تامين عربة عضو مجلس الولايات وربع يوم من النسريات اخارجية للدستورين وخمس الفول المدمس والبلح التونسى البقدم عبر جلسة ونسة من قبل اعضاء المجلسين
ونسرية يوم لحرس بدرية سليمان الماكث اكثر من خمسة عقود بنات بدرية اتولدن واصبحن حبوبات ولسة الحرس موجود يتوارث المهنة اب عن جد

وهلم مجرة


#1381610 [الحازمي]
0.00/5 (0 صوت)

12-07-2015 07:50 PM
"وطالبت بالاستهداء بتجربة الصين ونقلها للبلاد."
لكن الصين دي دولة ملحدة عديل كدة!!!!!
مش أحسن تجربة كوريا الجنوبية؟؟
كوزة مسوسة!!!


ردود على الحازمي
[alwatani] 12-08-2015 09:14 AM
اكبر ميزان تبادل تجارى بين الصين وامريكا "الناس دى طاشه شبكة وماعرفهم بيتولوا المناصب دى عشان شنو وجاه بس على الفاضى)


#1381599 [abushihab]
0.00/5 (0 صوت)

12-07-2015 07:26 PM
اللائي يرتدين توبا بخمسة ملايين هن تساء وبنات واخوات المؤتمر اللا وطني اما عامة الشعب فلا, بالله عليك من اين لتا بخمسة ملايين مجتمعة ونلبس به ثوب, واذا لم تفهمي ما اقول سيفهمك الفاتح جبرة وسلام يا حيزبون.


#1381589 [جنوبي]
0.00/5 (0 صوت)

12-07-2015 06:43 PM
امانه ما وقعتن يا حريم !! بعد ده تلبسن تياب تتدقن تلبسن بناطلين وقمصان تتدقن .. عجبني ليكن انتن الثبتن الحيكومه دي اصلكن .


#1381588 [معاويـــــــــــــــــــــــــــــــة]
0.00/5 (0 صوت)

12-07-2015 06:38 PM
طيب ماقلتو الصين شوعيه كيف نخلى الولايات المتحده ونمشى للصين افتونا يا اهل العلم فى العالم ديل حيرونا عدييييييييييييييييل هسع الحلبيه المجنونه دى وشها بقى زى الجزمه البالاها المطره ثوب شنو تانى ..........


#1381546 [محي الدين الفكي]
0.00/5 (0 صوت)

12-07-2015 04:58 PM
دكتورة سعاد انت جزء من تاريخنا السياسي ورائدة نسائية لكن تعليقك خاطيء من حيث ان الانسان حر في ما يفعل في ماله ولا سلطان عليه الا امام الله سبحانه وتعالى ولبس المراة ثوب بهذا القيمة مسألة تخصها واظهار لنعمة الله عليها لقوله تعالى " واما بنعمة ربك فحدث" ان الله يريد ان يرى نعمه على عباده وحسابها عند ربها اذا كانت مبذرة وهو معيار خاضع لعدة ظروف وفقك الله لما فيه الخير .


ردود على محي الدين الفكي
[عصمتووف] 12-07-2015 07:42 PM
انها عار وعورة و التاريخ لن يذكروها الا بسوء نحن شهود

[متداخل] 12-07-2015 07:20 PM
رائدة نسوية قال!! ما الذى قدمته هذه الكوزة للحركة النسوية في السودان لتكون رائدة, مفهوم رائدة هو القيام بعمل ايجابى يحسب للشخص, الشئ الوحيد الذى أحدثته هي وعصبتها لتاريخ السودان السياسى هو جلد النساء.


#1381510 [منبهل]
5.00/5 (2 صوت)

12-07-2015 03:20 PM
احييييييييييييييي انا يا .....................
نفسي اكتبها لكن الله في يا بعشوم القش


#1381496 [Lila Farah]
3.00/5 (2 صوت)

12-07-2015 02:36 PM
شيخ سعودي:

سبي النساء حلال ومن ينادي بتحريمه ملحد


قال الشيخ السعودي "صالح الفوزان" عضو اللجنة الدائمة للإفتاء وعضو هيئة كبار العلماء بالمملكة العربية السعودية: إن الإسلام لم يحرم سبي النساء ومن ينادي بتحريم السبي هو جاهل وملحد.

وأضاف عبر تغريدة قصرية له بتويتر: إن هذا الحكم مرتبط بالقرآن ولا يمكن إلغاؤه طالما استمر الجهاد في سبيل الله، وتابع بقوله: "ذلك حكم الله، لا محاباة ولا مجاملة لأحد ولو كان الرق باطلاً لكان الإسلام قد صرح بذلك كما فعل في الربا والزنا، فالإسلام شجاع ولا يجامل الناس".

وشيخ سعودى آخر.....

حديث الرجل مع المرأة عبر الانترنت خلوة محرمة!

وصف الشيخ عبد الله المطلق عضو هيئة كبار العلماء في السعودية، محادثات الرجال بالنساء عبر وسائل التواصل الاجتماعي بمثابة الخلوة المحرمة، وأنها خطوة من خطوات الشيطان في الإيقاع بالمحرم وأثار هذا التصريح موجة من الجدل في موقع التواصل الاجتماعي تويتر


#1381464 [الأزهري]
0.00/5 (0 صوت)

12-07-2015 01:19 PM
دا انتي بتشيليها مليارات ومن مال الله الزكاة ما تخلي غيرك يلبسن


#1381448 [محمد]
0.00/5 (0 صوت)

12-07-2015 12:13 PM
ماطالبتوا باعادة المعونه الامريكيه....لحستوا بذغتكم ناكل مما نزرع,,,,اما التوب فو فساد فماذا نقول لناس كافوري ونافع ومرحه


#1381435 [عبد الله]
5.00/5 (1 صوت)

12-07-2015 11:52 AM
ياخى حيرتونا ! لا عرفناكم اسلاميين واللا يسارين واللا علمانين واللا كفره ولا ملحدين ! جنسكم شنو ؟؟؟


#1381423 [Jimmy Cliff]
5.00/5 (1 صوت)

12-07-2015 11:25 AM
قال بروفيسور قال يعنى اى دكتور يخرف يسموهو بروفيسور ذى قصة اى دحش يكبر يصبح حماااااااااااااااااااااااار نحن فى السودان الان اى مخرف بيسموهو بروفيسور فى الحقيقة كمية كبيرة من الحمير


#1381422 [Jimmy Cliff]
5.00/5 (3 صوت)

12-07-2015 11:22 AM
مخدرات الحاوية وصلت الجميع حتى المخرفيين يا حاجة اقعدى فى بيتك و عيشى شيخوخة هادية بلا توب بلا لباس معاكى اتلمى يا حاجة يا فاشلة لعن الله المؤتمر الوطنى حريما و رجالا و مخرفيين و لصوصا .


#1381399 [ود حلايب]
5.00/5 (1 صوت)

12-07-2015 10:44 AM
الله عليك يا عبقرية رايك شنو يا عجوز عن فساد المسئولين يا انصرافية اضحك مع سعاد


#1381386 [جنوبي]
5.00/5 (2 صوت)

12-07-2015 10:30 AM
آآآي نحنا دايرين تنقلوا لينا تجربة الصين دي وتبيعوا كل عربات الوزراء والمستشارين والنواب وتشتروا ليهم عجلات فليبس او رالي ..

وزي ما قال ادروب : بيت علي محمود بي 2 مليون دولار ما تشوف توب مرا بي 5 الف جنيه تشوف ؟!!


#1381339 [سام بخت]
5.00/5 (1 صوت)

12-07-2015 09:32 AM
ولو كان التوب تم شراءه من مال الزكاة الطاهر عندكم او التامين الصحى او صندوق دعم الطلاب او الخدمة الوطنية فهو حلال يا سعاد الفاتح التى بلغت من العمر عتيا وعليها التزام فضيلة الصمت لان الشعب السودانى يعرف عنك كل شئ


#1381330 [السودان الوطن الواحد]
4.50/5 (3 صوت)

12-07-2015 09:22 AM
طيب وبمن تكون البداية إن شاءالله حتى تكون قدوة للنساء؟!!

الزهايمر بعمل كتير


#1381299 [سوداني]
3.75/5 (4 صوت)

12-07-2015 08:48 AM
ياعيب الشوم كيف تستشهدون بالكفرة وانت رفعتم شعار هي لله هي لله


#1381296 [amir]
4.50/5 (4 صوت)

12-07-2015 08:43 AM
الرواتب التي تتقاضينها لمدة ثلاث عقود مقابل لاشي اليست فساد


#1381282 [الغاضبة]
4.88/5 (5 صوت)

12-07-2015 08:35 AM
التوب بخمسة الاف مش لانه فاخر او جميل ... لانو الجنيه بتاعكم في الحضيض يا برلمان السجم والرماد ....


ردود على الغاضبة
[أنا] 12-07-2015 11:18 AM
والله صدقتي


#1381257 [عبدالله دابي الكر]
4.97/5 (7 صوت)

12-07-2015 07:51 AM
فعلاً عيب الشوم علينا ..
عيب الشوم علينا لأننا شعب طيب و أهبل...
عيب الشوم علينا لاننا صبرنا على حكومتكم حكومة السفاء و الفشلة و حثالة البشر ل 26 عاماً مريرة.
عيب الشوم علينا لأننا بعد الإنتفاضة الثانية كان يجب أن نعدم الترابي و كل أعضاء الجبهة الإسلامية في ميدان عاماً بصقاً ختى الغرق.
عيب الشوم علينا لما يتقدمنا أمثالك من الرجرجة و الدهماء و فينا العظماء.
عيب الشوم علينا لما سكتنا عن الحق فصرنا كالشياطين الخرس.
عيب الشوم علينا لأن أمثالك هم من يحكموننا.


ليكم يوم.


#1381252 [المشروع]
4.00/5 (2 صوت)

12-07-2015 07:42 AM
-1-
دي ممثلة السودان في البرلمان الأفريقي ؟؟؟؟ تتسوق في اكبر المولات في جنوب افريقيا وتقول لبس الثوب فساد؟؟ دا الخرف المبكر

لو قلتي (اسراف) كنا نقول مقبولة ؟ لكن (فساد) دي كبيرة اوي.

-2-
الله سبحانه وتعالي يقول بعلامة الاستفهام (قل من حرم زينة الله لعباده والطيبات من الرزق) والحاجة سعاد عايزة ترجع الناس للفركة والدمورية وهي(واخواتها) لا بسين احسن الثياب و(الحنة) بالشي الفلاني.. دا غير البيوت التي تجري من تحتها الانهار.. ومساكن طيبة؟

-3-
ونعود من جديد الى (مزرعة الحيوان) يا ما انت مبدع يا جورج اورويل ؟؟

-4-
وغداً تنوم وتصحي وتقول النوم على السرير فساد وما بنعرف بعد بكرا تقول شنوا؟ ما اصلوا كل واحد بقى يفتي على كيفوا ويجربوا الحلاقة في قفا اليتامي..

-5-
احمد بلال قال سيدنا موسى وفتاه والخضر كانوا في جزيرة توتي

-6-
والدقير/ قال الذي يقول ان الإنسان لم يكرم المرأة(مأزوم)؟ دي كمان جديدة.

-7-
دي كلها مصطلحات برنامج الحركة الاسلامية موسم (الهجرة الى الله) ..


ردود على المشروع
[المشروع] 12-07-2015 06:22 PM
ابو عمرو تحية طيبة
قد يكون كلامك صحيح وممكن تكون قاصداها وممكن تكون قاصدة الفنانة .. .. وممكن تكون قاصدة اي واحدة لكن هو اصلا في توب بي خمسة مليون؟ وبعدين دي نائبة بالبرلمان وممثلة السودان في البرلمان الأفريقي هي وبدرية وكان عليها أن تمتلك الشجاعة وتسمي الاشياء بمسمياتها.... لكن في النهاية دا كلام خرف متأخر

[Abu Omr] 12-07-2015 12:46 PM
هي قاصدة وداد زوجة الرئيس وهي تعرف أنها فاسدة لذلك استخدمت كلمة "فساد "ولم تستخدم كلمة "إسراف"


#1381250 [mutasim]
4.00/5 (3 صوت)

12-07-2015 07:36 AM
اموت و اعرف الناس ديل مركزين مع موضوع الهدوم دا كدا مالهم ... حاج ادم يقول ليك قبلنا مافي سوداني كان في دولابه اكتر من قميصين و النظام العام ساكي البنات و الشباب في الشوارع و دي هسي تقول ليك توب و قيمته كدا ..... ياخي انتو يا الكيزان موضوع الهدوم دا تاعبكم كدا لييييييييييه


#1381240 [ود الركابي]
4.50/5 (3 صوت)

12-07-2015 07:12 AM
وانتي ماشايفنك لابسه توب الزراق يامنافقة عاملة وشك كده زي يوم 27 في الشهر


ردود على ود الركابي
[أنا] 12-07-2015 11:20 AM
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه، الله يضحك زي ما ضحكتني من قلبي


#1381229 [Aola Tah]
4.00/5 (2 صوت)

12-07-2015 06:25 AM
خلاص ما عندنا مانع بس بشرط زوجات الرئيس والوزراء والمسؤلين يبيعوا حاجاتهن باسعار في متناول العامه لتحقيق العداله الاجتماعيه وما تشيلي هم حنعيش مثل اجدادنا القدام او الاحري الانسان الاول العهد الحجري دا ماشي معاكي ابداو انتم الاول يلا بلاش هبل معكي انتم موديننا وين تاني هو خلاص قبلتم على دخل الازواج منه العوض وعليه العوض والله يستر على الجاي


#1381221 [عشكبه]
3.00/5 (1 صوت)

12-07-2015 04:45 AM
دي عندها خرف جماهيري .


#1381210 [عمدة]
4.88/5 (5 صوت)

12-07-2015 02:47 AM
بقت فى بوبار النسوان. وماذا عمن يسكنون القصور العوالى ويركبون الهمر والبرادو وجيرانهم ينامون جوعى!!!!!!!!!!!!!!!!!!!!!!!!!!


#1381194 [بابكر موسى ابراهيم]
4.00/5 (3 صوت)

12-07-2015 01:23 AM
ياولية حقو تتكسفى من نفسك ..عيب البتعملى فيه ده.


#1381193 [ودالضهبان]
4.00/5 (4 صوت)

12-07-2015 01:19 AM
تمام كلام مظبوط بس البداية من وداد بابكر وبدرية والباقيات من نساء المفسدين يا حاجة سعاد الفاتح


#1381190 [ALWATANI]
3.50/5 (3 صوت)

12-07-2015 01:00 AM
الخرف


#1381166 [amina]
5.00/5 (4 صوت)

12-06-2015 11:45 PM
وتياب وداد وفاطمة وبدرية الترزية واميرة الفاضل واميرة ابو طويلة واميرة قرناص بكم يا شمطاء شوفي النسوان ديل بعدين اتكلمي في الباقيين وعلي الاقل النسوان بيلبسوا تياب بعرق جبين رجالهم مش بالسرقة والفساد ياحجة سعاد


#1381146 [عصمتووف]
3.94/5 (5 صوت)

12-06-2015 10:43 PM
هذا لا يعنيك ولماذا لا تحاسبين من يشترون الفلل ب المليارات واخيرا كم يبلغ سعر منزلك او سيارتك او رواتب الخدم والحشم بدارك العامر اذن انه فساد نحاسبك به ب الجلد ف مؤخرتك التي تشبة وجهك
واخيرك ثوبك من الدمورية الشنداوية ولا ابوقصيصة الطائر


ردود على عصمتووف
[هدهد] 12-07-2015 07:07 AM
دي ياشيخنا ينطبق عليها المثل البقول غلفاء وشايلة موسها تطهر !!!!!!!! لا أكث و اقل من ذلك .


#1381140 [truth]
3.00/5 (3 صوت)

12-06-2015 10:37 PM
هل من عاقل فى هذه الحركة الماثونية يرتابه شك فى ان هذه المرأة دخلت مرحلة الخرف ..فكل كلامها اصبح من احجيات الحبوبات و انت تلبيين ثوب صنع فى سويسرا فعليك بالذهاب الى سوق شندى وشراء قنجة حتى تضربى مثلا لحفيداتك يا ام البطل


#1381138 [ابوكدوك]
4.00/5 (4 صوت)

12-06-2015 10:29 PM
العجوز الشمطاء دى حاقده وغياره خلاص !!

سجمكم يالمعرسين ، المره دى بعد شويه هتكابسكم فى غرف نومكم وريتكم ، اعوذ بالله منها

المره الفاتت قالت النساوين يبطلوا المسيح والزينه ، ويربوا الجداد والغنم

والدور ده زودت العيار حبه قالت ما يلبسوا تياب سمحه ، والمره الجايه هتقول ليكم

يبطلوا الطلح ، والدخان لانه بضيع الزمن وما بخلى الوحده تكون نشيطه وتخدم فى البيت

والمره البعدها هتقول ليكم ، هتقول ليكم ، هتقول ليكم !!!!!


ولا خلاص ياخ ماف داعى مع السلامه انا مرسلنى ماشى اجيب اللبن ؟؟ .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة