الأخبار
أخبار السودان
جريح يمني يستل مدية ويصيب طبيباً في مستشفى الخرطوم بجروح
جريح يمني يستل مدية ويصيب طبيباً في مستشفى الخرطوم بجروح
جريح يمني يستل مدية ويصيب طبيباً في مستشفى الخرطوم بجروح


12-08-2015 04:48 PM
الخرطوم - سلمى معروف
تعرض وليد الرشيد، طبيب صيدلاني بمستشفى الخرطوم الجنوبي، لجروح بمدية، في مواضع مختلفة من جسمه، من قبل أحد الجرحى اليمنيين بالمستشفى، بسبب رفض الطبيب الصيدلاني إعطاءه دواء (ترامادول) المخدر الذي يعد من الأدوية ذات المفعول القوي، ولا يصرف إلا بموجب روشتة طبية.
وقال وليد إن الحادثة كانت عند الثانية والنصف ظهر أمس ، وإن الجريح اليمني استل مدية وحاول طعنه بها ودخل معه في عراك، وأضاف أنه حاول اقتلاع المدية منه، مما أدى لتعرضه لجروح في يده ومواضع مختلفة، وزاد أنه دون بلاغا بالرقم 15269 بقسم شرطة الشمالي في الخرطوم بالحادثة

اليوم التالي






تعليقات 18 | إهداء 0 | زيارات 7406

التعليقات
#1382810 [سوداني واقعي]
5.00/5 (1 صوت)

12-09-2015 08:55 PM
الترمادول نوع جديد من انواع الخرشات والمخدرات المتداوله وتباع علانيه للاسف في كل جامعات السودان بالذات الخاصه..وللمعلوميه ممنوع بيعه الا بروشته لان يدخل في تركيبه ماده الافيون وادمانه بلاشك عندها اضرار وكونك تدمنو وتجي تخلي عرضه للاكتئاب والصداع لوجود ماده مخدره به بالتالي ده السبب الخلاه يطعنو لان خرمتو حاره


#1382782 [متفلسف]
0.00/5 (0 صوت)

12-09-2015 07:40 PM
ياجماعه الخير الدواء المطلوب دواء مخدر .ببساطه المريض ادمن عليهو عشان كده غضب لمن الصيدلى رفض يديهو
يعنى الأطباء لمن هو جاء مجروح ادوهو ليهو اكتر من مره وحسع ادمن عليهو ....الدكتور ما كتب ليهو روشتة لانو عارف كده
والسلام


#1382621 [المهاجر]
0.00/5 (0 صوت)

12-09-2015 01:50 PM
الريس بتاعنا رجل متعجل فى استضافة اللاجئين وهذا خطا جسيم كل الدول تفكر فى استضافة اللاجئين بعين بصيره نظره الى المستقبل البعيد
مثلا اليمن حربها لن تنتهى فى المستقبل القريب دخلت فيها داعش والقاعده وغيرهم من قطاع الرقاب
سوريا حربها دخلت عامها الخامس ولا وليس هنالك حتى بصيص امل فى ان تخمد الحرب
وكل الدول العربيه وضعتهم فى اطراف المدن وعلى الحدود بمعسكرات وتاتيهم المؤن عن طريق هيئات اغاثيه ولا تسمح لهم بالدخول الى المدن او ممارسة اى عمل او نشاط يخل بالامن
نعرج الى لبنان فقامت بعمل معسكر يخص اللاجئين السوريين
فى هذه الحقبة التى نعيشها الان . فلو عملت بالاسلام ومواساة المكلوميين والجرحى والمستضعفين فى الارض فلن يعود عليك او ببلدك او شعبك بخير فتجد معظهم يمكن شرائهم فى شكل جواسيس او لقمه سائقه للحركات المتطرفه هنا وهناك كثيرا من الدول العربيه من هى اقتصادها اقوى من السودان بالاف المرات ترسل المساعدات لهم فى المناطق الامنه فى سوريا واليمن وكل الدول تتحوط من التركيبه الديموغرافيه والاجتماعيه فى المستقبل .فاين نقف نحن من هذا وذاك وكيف يفكر من يمسك بزمام الامور فى البلد . ماهم الا كالدجاج لا ينظر الا اسفل قدميه
منذ اسابيع قليله وكنت بسفارة السودان بالرياض واتانى احد الاخوة اليمنيين وقال لى صاحب هذا الاسم يريد تاشيرة دراسه الى السودان وقلت له اين صاحب الجواز وجوازه فقال باليمن .فقال ان القنصل رفض منحه تاشيره وهو مستغرب من رفض القنصل وقلت له لو كنت كنت انا القنصل لرفضت .
من هذه القصه نفهم او نتفهم بانه قمة الاستهتار لبلد كالسودان .الجاره مصر رافضه نهائى استقبال يمنيين او سوريين حتى للدراسه .فلماذا نحن اخيرا اقول اللهم ولى من يصلح امر البلاد والعباد


#1382616 [عمرابي]
5.00/5 (1 صوت)

12-09-2015 01:42 PM
كدي أنا ما داير أدخل في تفاصيل ضربني وضربتو .. وطعني وطعنتو ..

سوال لي سلمى معروف .. ,اشباهها ..

ممكن زول يفهمني (طبيب صيدلاني) دي شنو؟؟

ما هو يا طبيب يا صيدلاني ..

طبيب أركان حرب طيار معاش

الله لا جاب باقيكم ..


ردود على عمرابي
[عمرابي] 12-10-2015 12:02 PM
يا بابكر

أفهم شنو أنا من PHARM D لعلك تعني Pharmacy Degree ودي صيدلة ..

وتوجد الـ MPharm ودي برضو Pharmacy

وفي Degree in Pharmaceutical وخريجيها بشتغلوا في شركات تصنيع الأدوية

وفي Clinical Pharmacist وديل بشتغلوا مع المرضى ..

و .. و.. و..

في كل الحالات مهو بطبيب صيدلاني .. فإما طبيب أو صيدلاني ..

[babiker] 12-10-2015 08:12 AM
يا عمرابى كليات الصيدله في العالم اصبحت تخرج الخريجين بشهاده اسمها طبيب صيدليPHARM D.وهو يقضى سنتين في المستشفيات قبل التخرج ويكون مع الاطباء في المرور الصباحى يعني اسمها صيدلة مستشفيات


#1382610 [Lila Farah]
5.00/5 (1 صوت)

12-09-2015 01:32 PM
كل جرحي ومصابي المعارك في اليمن البتعالجوا عندنا من كوادر التجمع اليمني للاصلاح أخوان الشواطين في اليمن بتاع المعتوه ابودقنا محننه عبد المجيدالزنداني وهو كوز معفن بأمتياز وصديق شخصي للترابي وللمخنث ابراهيم السنوسي يعني اليماني الطعن الصيدلي عندو حصانه.

كل جرحي ومصابي الحرب في سوريا الموجودين في المستشفيات السودانيه علي حساب المرضي السودانيين هم من جبهة النصره وانصار بيت المقدس وباقي التنظيمات
الارهابيه التي تقاتل بشار الاسد المنصور بأذن الله علي جحافل الشر الوهابي.
دى كل الحكايه ببساطه....!!!!!

وبعدين لمحرر الخبر أقول مافي حاجه اسمها طبيب صيدلي ياشيخنا
الطبابه شى والصيدله شى آخر وكلياتهما والدراسه فيهما مختلفه
ومافي داعي للفذلكه التي تعكس جهلا مركبا لكل من يقول ذلك .


ردود على Lila Farah
[babiker] 12-10-2015 08:16 AM
ما في داعي للاساءه للاخرين واقول للاخت انو في حاجه اسمها طبيب صيدلى وليس كل الصيادله اطباء صيدله ولكن خريجي الPHARM D اسمهم طبيب صيدلي


#1382605 [هناء عبدالعزيز]
5.00/5 (2 صوت)

12-09-2015 01:21 PM
كيف يسمح للمريض بحمل مديه داخل العنبر؟


#1382583 [المهاجر]
0.00/5 (0 صوت)

12-09-2015 12:23 PM
الريس بتاعنا رجل متعجل فى استضافة اللاجئين وهذا خطا جسيم كل الدول تفكر فى استضافة اللاجئين بعين بصيره نظره الى المستقبل البعيد
مثلا اليمن حربها لن تنتهى فى المستقبل القريب دخلت فيها داعش والقاعده وغيرهم من قطاع الرقاب
سوريا حربها دخلت عامها الخامس ولا وليس هنالك حتى بصيص امل فى ان تخمد الحرب
وكل الدول العربيه وضعتهم فى اطراف المدن وعلى الحدود بمعسكرات وتاتيهم المؤن عن طريق هيئات اغاثيه ولا تسمح لهم بالدخول الى المدن او ممارسة اى عمل او نشاط يخل بالامن
نعرج الى لبنان فقامت بعمل معسكر يخص اللاجئين السوريين
فى هذه الحقبة التى نعيشها الان . فلو عملت بالاسلام ومواساة المكلوميين والجرحى والمستضعفين فى الارض فلن يعود عليك او ببلدك او شعبك بخير فتجد معظهم يمكن شرائهم فى شكل جواسيس او لقمه سائقه للحركات المتطرفه هنا وهناك كثيرا من الدول العربيه من هى اقتصادها اقوى من السودان بالاف المرات ترسل المساعدات لهم فى المناطق الامنه فى سوريا واليمن وكل الدول تتحوط من التركيبه الديموغرافيه والاجتماعيه فى المستقبل .فاين نقف نحن من هذا وذاك وكيف يفكر من يمسك بزمام الامور فى البلد . ماهم الا كالدجاج لا ينظر الا اسفل قدميه
منذ اسابيع قليله وكنت بسفارة السودان بالرياض واتانى احد الاخوة اليمنيين وقال لى صاحب هذا الاسم يريد تاشيرة دراسه الى السودان وقلت له اين صاحب الجواز وجوازه فقال باليمن .فقال ان القنصل رفض منحه تاشيره وهو مستغرب من رفض القنصل وقلت له لو كنت كنت انا القنصل لرفضت .
من هذه القصه نفهم او نتفهم بانه قمة الاستهتار لبلد كالسودان .الجاره مصر رافضه نهائى استقبال يمنيين او سوريين حتى للدراسه .فلماذا نحن اخيرا اقول اللهم ولى من يصلح امر البلاد والعباد..انه سميع مجيب


#1382554 [FATASHA]
5.00/5 (1 صوت)

12-09-2015 11:22 AM
الخبر دا غريب جدآ للاسباب التالية:
١) لا حق للصيدلي مناقشة المريض في كيفية علاجه. الصيدلي يمكن ان
يتناقش مع الطبيب الذي كتب الروشتة اذا كان هناك ما يستدعي.
٢) لا توجد علاقة مهنية مباشرة بين الصيدلي والمريض داخل المستشفى.
٣) لا يعقل ان يترك المريض مكان علاجه (العنبر) ويذهب لصيدلية المستشفى مطالبآ باعطائه دواء باسمه العلميTRAMADOL.




ردود على FATASHA
[babiker] 12-10-2015 08:22 AM
اولا :-توجد علاقه مهنيه بين الصيدلي والمريض وهي علاقه تساهم في معرفة المريض بتفاصيل علاجه والصيدلي ليس مجرد صراف ادويه ولكنه جزء من الفريق الطبي
ثانيا الصيدلي المذكور لم يناقش المريض وانما رفض صرف العلاج لاسباب منطقيه

European Union [الطيب] 12-09-2015 12:50 PM
لم يكن يحمل روشتة بحسب الخبر. الصيدلي أوضح له أن الدواء المعني يصرف بضوابط (مخدر). قد يكون طلب الدواء شفاهة (سمعه مرارا) أو من قصاصة أو شريط خالي. وآخيرا مستشفى الخرطوم ليس ميدانيا (بل مستوى ثالث) وهؤلاء المرضى مستقرين ومقيمين لفترة طويلة في مكان غير مريح. ولك الود..


#1382536 [Altagi]
5.00/5 (2 صوت)

12-09-2015 10:35 AM
نستاهل نحن اكتر من كدا عشان الدوله فاتحه السودان زريبه للسوريين واليمنين يدخلوها من دون تاشيره, قمه الاحساس بالدونيه والعبط فلذلك لازم البلد يدخلوها المجرمين وتجار المخدرات والمحتالين والمنحلين اخلاقيا.
جميع الدول العربيه لا تسمح بدخول الاخوه من الدول العربه الاخري الا بتاشيره دخول ما عدا السودان الهامل.

عشان كدا خمو وصرو.


ردود على Altagi
European Union [التوم] 12-09-2015 03:55 PM
هذا جزء من مشروع التعريب, خاصة بعد أن فصلوا الجنوب.


#1382469 [kaka]
5.00/5 (1 صوت)

12-09-2015 08:53 AM
جرحي الحرب اليمنيين كلهم من القاعدة


#1382435 [ود الركابي]
5.00/5 (1 صوت)

12-09-2015 07:48 AM
جريح وقليل ادب . بلد فوضي تمام . ده اذا في بلد تاني ياود احمد كان ماسمعنا بخبرك تاني . متخلف


#1382425 [اللدر]
5.00/5 (1 صوت)

12-09-2015 07:43 AM
رزية ونطاحة ،،،،،،

أجلاف ...

يا أخوان فى كاتب فى جريدة القدس العربي ، يقول : بأن السوريين قد تضرروا من إستضافتهم فى السودان كمواطنيين وذلك لعدم إستفادتهم من منح اللاجئين.
لم يقل كتر خير السودان ولم يشيد بدوره هذا ، وهو يقاسم شعب كريم وشقيق اللقمة رغم ضيق الحال ، بل أفاض فى الكيل ونعت السودان بالدولة الفقيرة ....الخ .


وها هو جلف آخر من اليمن يحاول إصابة الطبيب الصيدلاني الذي يمد له يد العون.


ردود على اللدر
European Union [الطيب] 12-09-2015 11:16 AM
منح اللاجئين هي حق والسودان فقير حقيقة أيضا ولكن نحن بسبب هواننا نعتبر ذرة من حقنا وكأنها منحة. بخصوص ما قام به اليمني, هذا عمل فردي يحتاج لتحقيق وليس جديدا الإعتداء علينا بواسطة حماتنا حتى.


#1382399 [s]
0.00/5 (0 صوت)

12-09-2015 07:23 AM
الشعب اليمني شعب طيب
ومن اكثر الشعوب حبا للسودانين


#1382344 [المنصور جعفر]
0.00/5 (0 صوت)

12-09-2015 05:22 AM
طبيب انسان ومريض قليل أدب


#1382312 [العجب]
3.00/5 (3 صوت)

12-09-2015 12:48 AM
اليمنيين معتادين و مدمنين على تناول المخدرات وعلى رأسها تخزين القات الكل يستعمله بكثرة كما نتناول نحن هنا الشاي.


#1382273 [هدهد]
4.00/5 (3 صوت)

12-08-2015 09:40 PM
اليمن اكبر شعب عربي متخلف وجلف وقبلي من الدرجة الاولى


#1382267 [جني]
4.00/5 (3 صوت)

12-08-2015 09:21 PM
الجني مالو!! جريج وداير مخدر؟ داير ينصقع؟ شوفوا ليهو ربطة قات


ردود على جني
[عتمني] 12-09-2015 06:39 AM
استغفر الله العظيم يا الجنى ضحكتنى حتى طاحت قنسلتى


#1382259 [Zooooooooool]
5.00/5 (1 صوت)

12-08-2015 08:51 PM
دا مفروض يسفر اليوم لصعدة



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة