الأخبار
أخبار إقليمية
وزير العدل: "سنحقق في أي قضية فساد حتى لو تمت تبرئة المتهمين فيها"
 وزير العدل:


12-15-2015 02:59 PM
البرلمان: صبري :
أكد وزير العدل، مولانا عوض الحسن النور، جاهزية وزارته، للتقصي وفتح التحقيق في أي قضية فساد بما فيها القضايا التي تمت تبرئة المتهمين فيها خلال الفترة الماضية، ورأى بأن محاربة الفساد تبدأ بإصلاح القيم، بينما رفض نواب برلمانيون إنشاء مفوضية مكافحة الفساد في ظل وجود أجهزة عدلية وقوانين تعنى بأمور الفساد، وشككوا في تطبيق قانون الفساد في ظل وجود حزب واحد يحكم البلاد.
وتعهد وزير العدل في مداخلة بالبرلمان الذي أجاز مشروع قانون مفوضية مكافحة الفساد في مرحلة السمات العامة، أمس، بفتح التحقيق في أي قضية فساد وإن تمت تبرئة المتهمين فيها والدفع بها للقضاء، وأيد العضو أبو القاسم برطم القانون من حيث المبدأ، لكنه تساءل "هل سيطبق في ظل حكومة يسيطر عليها حزب واحد"، وأضاف "لو طبقت القوانين الحالية بصورة عادلة لن نحتاج إلى مفوضية مكافحة الفساد" وزاد " الفساد في البلد واضح وما داير دليل".

اخر لحظة


تعليقات 14 | إهداء 0 | زيارات 2747

التعليقات
#1386141 [truth]
3.50/5 (2 صوت)

12-16-2015 03:48 PM
و الله الفساد فى وزارتك و ابدأ ب وزيرة الدولة و بالعدل و ابنها و بعداك راجع الاموال


#1386114 [زول]
2.00/5 (1 صوت)

12-16-2015 02:51 PM
والله فهلا واضح او كما قال الشاعر
مابدورلو دليل ظلمك واااضح


#1386090 [Hussein Hamid]
2.00/5 (1 صوت)

12-16-2015 02:16 PM
بعد تصريح وزير العدل هذا انهمك المفسي الدكتور عصام البشير لاصدار فسوي شبيهة لعام الرمادة حتي ترفع الحدود و يكبر الكبار و يبرطع الصغار عشماً في اللحاق بمن فاتهم من الكبار !
ادعوا معي ليعين الله مفسي الوطني حتي ينجح و تصدر الفسوي و يلغي التحلل و كل الحدود حتي ندعوا له و لسلطانه البشير !


#1386073 [awadalkareem ahmed]
3.00/5 (2 صوت)

12-16-2015 01:31 PM
يامعالى الوزير اسعد الله اوقاتك ، انت ماتقول كلام مابتحقق لا حاتقدر تفتح ليك تحقيق ولا توجع راسنا بكلام ميتحيل - واحد من الاخوان اداك كم قضيه كدى ورينا فيها رجالتك حاتعمل فيها شنو وبعدين نوريك الباقى - خليك من كده تقدر تسال وزير الماليه السابق اشترى كم بيت جابهم من وين والا تسال جمال الوالى جاب القروش دى من وين واشترى عماره فى بريطانيا من وين ؟؟؟ انا متاكد مابتقدر تسال اى سوال خليك كمن تحقيق - يازول اسمع نصيحتى واسال الجماعه درب اللقف بى وين حصل لو تركوا ليك باقى ------- قال يفتح تحقيق قال


#1385892 [Faisal Halfa]
1.00/5 (1 صوت)

12-16-2015 09:21 AM
هل هذا يعني ان وزارة العدل تقر ضمنيا بفساد القضاء


#1385834 [الماصع]
3.50/5 (2 صوت)

12-16-2015 08:35 AM
أكد وزير العدل، مولانا عوض الحسن النور، جاهزية وزارته، للتقصي وفتح التحقيق في أي قضية فساد بما فيها القضايا التي تمت تبرئة المتهمين فيها خلال الفترة الماضية،


كضااااااااااااااااااااااااي يا خيشة


اولا قول لينا رأيك في التحلل؟!!!


حللوا وفرحت امو يا عدييييلة
واللصووووص في حوشو اتلمووووو

يا عديلة


ردود على الماصع
[مدحت عروة] 12-16-2015 01:28 PM
والكيزان فى حوشو اتلموووووو يا عديلة !!!


#1385833 [ابو جلمبو]
2.00/5 (1 صوت)

12-16-2015 08:34 AM
غايتو يا البشكير اللكوم المااكلتة لما كنت صغير بتجري بين كرعين بقر مزرعة كفوري (كافوري) وخره البقر مجلبط في كرعينك الحفيانات والمشققات، اكلتة حسي بعد ما سرقت كرسي الحكم


#1385778 [ابومرام]
2.00/5 (1 صوت)

12-16-2015 07:25 AM
بس في ناس اتحللوا ياسيادة الوزير بتقدر عليهم تجيبهم تاني؟؟؟؟؟؟؟؟ ماتصرح ساكت وبعدين ماتقدر حتى الان انت الوزير الوحيد من سنة 1989 ما صرح تصريح دون اي يفعل ماقال كلهم بي ريسهم يصرحوا وينسوا الكلام القالوه بعد انتهاء مناسبة الكلام مباشرة فخليك متريس شوية بتقدر تفتح لينا ملف مشروع الجزيرة واصوله والتقاوي والاسمدة الفاسدة؟؟؟؟؟؟؟؟ سودانير؟؟؟؟؟؟ الخطوط البحرية؟؟؟؟؟؟؟؟؟ السكك الحديدية؟؟؟؟؟؟؟؟؟ النقل النهري؟؟؟؟؟؟؟؟؟؟؟ المخازن والمهمات؟؟؟؟؟؟؟ مكتب الخضر تحلل؟؟؟؟؟؟؟؟؟؟؟ ديوان الزكاة؟؟؟؟؟؟؟؟؟؟ الاوقاف؟؟؟؟؟؟؟؟ الحج والعمرة بعدين ديل كمان ظهر فيها فساد من نوع الاخر بطله الاول صاحبكم بتاع سنار؟؟؟؟؟؟؟؟؟؟؟؟ فاذا مابتقدر ماتصرح ساكت نقوم نسجلك طوالي مع جماعتك بياعين الكلام


#1385719 [Amir mohd]
2.00/5 (1 صوت)

12-16-2015 02:34 AM
يا وزير العدل سوف لن تتجرأ لفعل اي شئ انا الذي لا افهم في القانون اري أين الخطاء ،،بلد كل شئ دمار ما يحدث للرياضة ،الزراعة،الطيران،....الخ كلو فساد اذاً لماذا نتوقع نظام عدلي سليم لايوجد جهاز واحد في الدولة الكيزانية سليم .ولكن كما قلت سابقاً دنت ساعة الحساب العسير ،،الرب يرحم ولكن لارحمةُ لايّ كوز ..عذاب بس!!!


#1385554 [عبدالمنعم عمر]
3.00/5 (1 صوت)

12-15-2015 06:27 PM
في الاول يا سعادة الوزير ابدأ لينا بي ناس الحج والعمره لان ذنبها اكبر ثم عرج علي وزارة النفط وناس العمولات وما تنسي ناس ولايه الخرطوم واهم من دا كوولووو ناس القصر الجمهوري والاقربون ثم الاقربون


ردود على عبدالمنعم عمر
[سارة عبدالله] 12-16-2015 01:19 PM
هو دا بيت القصيد ممكن إحالة هذا الوزير فورا اذا ذكر اسماء محرم ذكرها فى أجندة الإنقاذ وهى العبث والفساد وإلغاء فتوى الإنقاذ التحلل والناس الهربوا بملايين الدولارات دالاعمل كبير عايز ثورة تصحيحه
تتفق معنا النيل الأبيض ام جر


#1385552 [ياسر قنديل]
2.00/5 (1 صوت)

12-15-2015 06:21 PM
كيف يطبق هذا القانون ، والمطلوب محاسبتهم هم الوزراء والولاة وبعض مدراء الشركات التي تتبع للوزراء. حتى الرئيس وجميع افراد عائلته ، فاسدون .
فكيف لك يا وزير العدل أن تطبق القانون وهم لا زالوا في السلطة ؟


#1385518 [و]
5.00/5 (1 صوت)

12-15-2015 05:40 PM
لكن بينى وبينكم المرة دى سمحة والبشير مكسر فيها وما تتعبوا روحكم ساكت . كان عملت السبعة وذمتها ما بيهببوا ليكم .. موتوا بغيظكم


#1385500 [عمرو]
2.00/5 (1 صوت)

12-15-2015 04:48 PM
كلامك عين يا برطم


#1385499 [الفطقي]
3.50/5 (2 صوت)

12-15-2015 04:48 PM
والله نؤيد فكرة العصيان المدني لأنك جبت الزبدة .. لازم كل الناس تتحرك في الموضوع وتروج ليهو وتتابع كيفية تنفيذه .. لكن بتمني من الخبراء توضيح النقاط العملية للجميع يعني مثلا ح تعمل شنو عشان تنفذ العصيان؟؟ ولو الحكومة إتخذت إجراء بكون زي شنو؟ والحل في حالة إرغام الناس علي النزول الي الشارع؟ يعني الخطوات التنفيذية في الإعتصامات والحركة.
يلا يا شباب دايرين كل المواقع والفيس والواتساب ووو كلها تنادي بإحتفالنا بالخلاص تزامنا مع الإستقلال ونسميها لحظة الإستقلال الثاني الجديد يعني 3-1-2016 هو تأريخ نيل إستقلالنا الحقيقي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة