الأخبار
منوعات سودانية
موقوفة بسبب (77) ألف درهم في الإمارات..من يقيل عثرة الفنانة (زهريمان)
موقوفة بسبب (77) ألف درهم في الإمارات..من يقيل عثرة الفنانة (زهريمان)
موقوفة بسبب (77) ألف درهم في الإمارات..من يقيل عثرة الفنانة (زهريمان)


12-17-2015 05:48 PM
الخرطوم: خديجة عائد
المطربة (زهريمان) من الاصوات النادرة والاداء الشعبي الجميل ، وقامة فنية معروفة غابت عن السودان لأكثر من (10) سنوات ، وقبل عامين او اكثر سمعنا بعودتها الى ارض الوطن من دولة الامارات العربية المتحدة ، الا ان ذلك لم يحدث ، وفي الايام الماضية تناقلت الاخبار من هناك على الاسافير بأن المطربة (زهريمان) مرادها العودة الى وطنها الا انها لا تستطيع ذلك لأنها مخالفة لشروط الاقامة هناك منذ سنوات ، ومطالبة من السلطات الاماراتية بمبلغ ضخم بحوالي (77) الف درهم ولكنها لا تملك المبلغ ، حيث ناشدت المطربة الشعبية الشابة ميادة قمر الدين عبر صفحتها على (الفيس بوك) المبدعين ، واتحاد الفنانين ، وصندوق المبدعين ، ووزارة الثقافة بالوقوف معها واعادتها الى وطنها في أقرب وقت، وكتبت ميادة (زهريمان تناديكم .. هي مشتاقة تحضر الى السودان وتحتضن ترابه .. وهي الآن تغني لكم : يا قلبي اتصبر الليلة وين .. ودا المكتوب مقدر الليلة وين؟)
(ن) شاعرة مقيمة بالامارات فضلت حجب اسمها ــ قالت لـ(الرأي العام) زهريمان صوت مبدع لا يدانيه صوت ، وعجزها عن دفع مخالفتها محزن للغاية ، كيف لمطربة اسعدت البيوت السودانية ردحاً من الزمان تعاني كل هذه المعاناة؟؟ ، وقالت: في الحقيقة هي اذا أرادت الرجوع للسودان نهائياً يمكنها ذلك ولكن سيكون لها إبعاد بصورة نهائية من الإمارات كونها خالفت القوانين الإجرائية لشئون الاقامة ، وقالت يمكن لها ان تطلب العفو من احد الشيوخ لإكمال اجراءات المغادرة بصورة عادية ونهائية ، وانا أرى ان بلدها افضل لها ، وهي ملكة الدلوكة واستقرارها بالبلاد أحسن.
من هنا يتحتم علينا الطرق على مشكلة المطربة زهريمان بقوة ، فهي تعاني من الغربة وصعوبة الخروج منها ، الوقوف معها ضرورة من كل المعنيين بالشأن الغنائي السوداني رسمي وشعبي.

الرأي العام


تعليقات 10 | إهداء 0 | زيارات 4931

التعليقات
#1387268 [الطاهر أحمد]
0.00/5 (0 صوت)

12-18-2015 08:39 PM
سلام
في ناس في السودان 77 درهم بس تحل ليهم مشكلةحياة او موت وما لاقنها
صحي الناس في شنو والفنانين الجدد في شنو


#1387112 [بت حبوبتها]
0.00/5 (0 صوت)

12-18-2015 11:43 AM
زهرمان, صوتك حلو بيطربنا, لكن بصراحة لو عندي 77 ألف أو بعض منها بحولا لي بنك الثواب, أسلما شباب شارع الحوادث, أو أحل بيها ألف مشكلة لألف أسرة, لأن موضوعك بسيط..

ممكن تطلعي خروج نهائي من الإمارات ويحرموك من دخولها 5 أو 10 سنين أفتكر

ممكن تستلفي المبلغ من جهة ما تسددي الغرامة وتسافري السودان ترجعي المبلغ في 3 شهور من حق حفلاتك شاملة النقوط

رايك شنو


#1387079 [ابو حسام]
0.00/5 (0 صوت)

12-18-2015 10:12 AM
زهرمان بنت الديوم الشرقية صوت جميل ورائع واليتيوب شاهد علي صوتها نتمني لها الفرج الكبير ويفرج عن اخوها عاطف كربته ويجمعهم علي خير ويهدينا ويهديهم رب العالمين


#1386996 [Shamit]
0.00/5 (0 صوت)

12-18-2015 01:06 AM
سؤال يفرض نفسو, الحاجة دي كانت بتسسوي في شنو في الإمارات.بعدين تجديد الفيزا متاح وساهل جدا والشخص داخل الإمارات ويمكن يطلع ويرجع في نفس الطايرة التي تقله لجزيرة في ايران او أي من الدول المجاورة. الحاجة دي ورطت نفسها مع سبق الاصرار
وكونها فنانة دي ما بتشفع ليها والإمارات بلد قانون ويطبق على الجميع دون فرز...والشيء الآخر انو ما سمعنا بيها ابدا.


#1386968 [ود قيرادوم]
5.00/5 (1 صوت)

12-17-2015 10:16 PM
دي مفترية شديييييد .. ترجع نهايئ و الموضوع ينتهي
عالم ما تستحي ..76


#1386960 [كاره المنافقين]
5.00/5 (1 صوت)

12-17-2015 09:53 PM
فنانة...والله اولا مرة اسمع باسم زهريمان وبعدين قاعدة تعمل شنو وهي تعرف قوانين الاقامة..خلوها تكمل بقية حياتها مخالفة


#1386952 [ابو اروى]
0.00/5 (0 صوت)

12-17-2015 09:33 PM
اي طرب واي قلة حياء، هل ذهبت الى الامارات طبيبة ام بعقد رسمي؟
كيف لاحد ان يجلس عشرة سنوات دون ان يعرف شيئا عن قوانين البلد !!!
ثم اين محاريمها ؟


#1386937 [HISHO]
5.00/5 (1 صوت)

12-17-2015 08:54 PM
ومين الحايدفع ليها المبلغ دا كله , عليها تقديم استرحام وطلب مغادرة من السلطات سيتم ترحيلها نهائيأ من الامارات ... الموضوع بسيط ... تكون عندها النية ترجع تانى ولا شنو ؟؟؟؟


#1386912 [عبدالحميد عبدالله]
4.00/5 (2 صوت)

12-17-2015 07:35 PM
الناس في شنو والحسانيه في شنو


#1386860 [truth]
5.00/5 (2 صوت)

12-17-2015 06:14 PM
كسرت فيزا لمن عجزت و كل الحفلات فى دبى دى ما سمعنا بيها اول مرة اسمع بهذا الاسم و كان مفروض كل نقيطة تطلع حق المخالفة و لا قايلاها قوانين لعب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة