الأخبار
أخبار إقليمية
البشير : زراعة القطن تخسر الخزانة منذ ستينيات القرن الماضي، ..مشروع الجزيرة يحتاج لتسطيح الأرض بالليزر
البشير : زراعة القطن تخسر الخزانة منذ ستينيات القرن الماضي، ..مشروع الجزيرة يحتاج لتسطيح الأرض بالليزر
البشير : زراعة القطن تخسر الخزانة منذ ستينيات القرن الماضي، ..مشروع الجزيرة يحتاج لتسطيح الأرض بالليزر


لدى مخاطبته قيادات وأعيان الجزيرة
12-19-2015 09:59 AM
البشير: مدني: مزمل صديق
أكد البشير رئيس الجمهورية على ضرورة عودة مشروع الجزيرة سيرته الأولى، وأوضح الرئيس أن زراعة القطن يتسبب في خسارة للخزانة منذ ستينيات القرن الماضي، وقال لدى مخاطبته قيادات وأعيان الجزيرة بحضور وإلى الولاية محمد طاهر "نحن مطالبين بدعم المزارع لينتج والتخفيف عن المستهلك" وأكد على أهمية إزالة معوقات مشروع الجزيرة، موضحاً أن المشروع يحتاج لتسطيح الأرض بالليزر وتوفير مدخلات الإنتاج من تقاوي وأسمدة ومبيدات بجانب تصحيح منظمات الري وتوفير شبكة طرق بالمشروع، وأعلن البشير أن وزارة الزراعة بالجزيرة ستكون شريكاً للحكومة الاتحادية في مشروع الجزيرة، وقال البشير "نحتاج للقيمة الوطنية للنهوض بالبلد" وأوضح أن الحكومة لوحدها لا يمكنها عمل ذلك ما لم يتدخل المجتمع بكافة فعالياته.

الجريدة


تعليقات 27 | إهداء 0 | زيارات 10166

التعليقات
#1387963 [أبورياض]
0.00/5 (0 صوت)

12-20-2015 12:12 PM
البلد دي مسطحة من الله خلقها ،وحتي اليابانيين اندهشوا واول مرة في حياتهم يشوفوا ارض مسطحة بالمساحات دي وكانوا مفتكريين أنو دا مجهود خرافي واعجاز يحسب للشعب السوداني وحكومته لدرجة انو واحد منهم هنأ المسئول السوداني الذي كان يرافقهم علي هذا الانجاز العظيم ، اها هسي تمشي نقول ليهم دايرين ليزر نسطح بيه الارض ، الارض دي كبيرة وفاضيه ومسطحة ذي راسك يا عمر البشير ،


#1387799 [الرئيس السوداني]
0.00/5 (0 صوت)

12-20-2015 08:50 AM
والله الزول دا بيرفع عليّ الضغط


#1387750 [عدو المنافقين والظالمين واللصوص]
5.00/5 (2 صوت)

12-20-2015 07:41 AM
يا جماعه الزول دا خدوه حسب عقلو ...
دا فات اللمبي بتاع الدفاع بالنظر وجاب لينا نظريه جديده لنج: تسطيح الارض بالليزر!!!! ..هو قايل الشغلانه دي شفط دهون ولا عمليه كتراكت.


#1387739 [amir]
5.00/5 (1 صوت)

12-20-2015 07:03 AM
الليزر ده جيبوهوا لينا في مستشفى مدني عشان نشيل بيهو المرارة


#1387719 [حمد ابوادريس]
0.00/5 (0 صوت)

12-20-2015 04:21 AM
سيدي الرئيس ... أكيد أنك تتحدث عن مشروع آخر غير مشروع الجزيرة الذي صرف على إطعامك و ملبسك و صحتك و تعليمك و توظيفك و تزويجك و تسليحك.
سيدي الرئيس قل لي بربك الذي خلقك فسواك فعدلك من أين لخزانة حكومة السودان الصرف على كل تلك البنود ؟ هل كانت السماء تمطر ذهباً ؟ أم كانت الاشجار تتساقط اوراقها دولارات؟
مشكلتك أنك تحدثت من ارض السلطنة الزرقاء و حاضرة أولياء الله الصالحين من اوقودوا نار تقابة القرآن و العلم ، أتعتقد أن الأمي بين سكان هذا الاقليم لا يحفظ ثلاثة او اربعة أجزاء من القرآن؟ تالله غنماية الجزيرة تميز الخبيث من الطيب من فطنتها فما بالك من انسانها الذي يضحك مما يسمع.
سيدي الرئيس للمرة الأخيرة تخطيء في قول الحق و في انسان الجزيرة و تكابر و معلوماتك عن المشروع ظنية لذلك ننصحك بالحكمة القائلفة :
إذا كان الحديث من فضة فالسكوت من ذهب.
اللهم فرجك


#1387597 [A. Rahman]
5.00/5 (1 صوت)

12-19-2015 06:41 PM
أكد مدفع الدلاقين "على ضرورة عودة مشروع الجزيرة سيرته الأولى، وأوضح الرئيس أن زراعة القطن يتسبب في خسارة للخزانة منذ ستينيات القرن الماضي.."

من يخبر هذا الجاهل أن "سيرة مشروع الجزيرة الأولى" هس " زراعة القطن" كما أن كل ما رآه في حياته من ماكينات و معدات إنتاج، و من قطارات و طائرات و بواخر و أدوية و أمصال للإنسان و الحيوان (ما في ذلك أبقار كافوري) و غيرها وغيرها كانت من ما يوفره أساساً مشروع الجزيرة من عملات صعبة.


#1387593 [ابومرام]
5.00/5 (1 صوت)

12-19-2015 06:38 PM
ياريس ممكن سؤال بسيط ياريس .اذا كان المشروع خسران من الستينات كما تقول انت ممكن نعرف الاقتصاد السوداني كان بيعتمد على شنو؟ وهل تعلم ان السودانيين خاصة المهنيين عتى السبيعينات مابفكروا في الاعتراب لان اوضاعهم افضل من اوضاع المغتربين عارف ليه ياريس لان الجنيه السوداني حتى عام 1980 كان يساوي اربعة دولار وثلاثة عشة ريال سعودي؟؟؟؟؟؟؟؟ ممكن تورينا من وين جات قوة العملة السودانية؟؟؟؟؟؟؟؟؟؟؟؟؟؟؟؟؟؟ ماتتكلم كلام ساكت بدون اي سند كل المعطيات كانت تشير الي ان مشروع الجزيرة كان الداعم الرئيسي للاقتصاد هل كان عندنا بترولز والله ياريس ان كنت مكانتم كان استقلت من اول خمسة سنين في الحكم لان السودان انتهى والله في عهدك البائس مافي اي حاجة والله الا اكان تبيع الصر الجمهوري القديم والجديد مافي ولا قطعة ارض تبيعوها تاني في الخرطوم ؟؟؟؟؟؟؟؟


#1387587 [الفاروق]
5.00/5 (1 صوت)

12-19-2015 06:30 PM
اهبل عبيط متفيقه متشدق متفلسف وثرثار ورقاص مكنه الله بالقوة وسلطه علينا . قينا خلل فلنراجع انفسنا . كلموه يكلم ايلا فى كل نمرة بين ترعتين يعمل لينا مهرجان لكى نذكى الريس الرقاص الاول ويظل ريس .


#1387586 [عبد الحليم]
5.00/5 (1 صوت)

12-19-2015 06:28 PM
عمر البشير رجل متواضع القدرات الذهنية و يعاني من ضعف شديد و هزال في مضمار الاخلاق و القيم و المثل و الصدق و الامانة و الشرف و الوطنية و الوفاء بالعهود و المواثيق --- يكذب و يكذب و يكذب ثم يصدق هو اكاذيبه و تصبح حقائق لديه --- اذن الرجل مريض لا شك في ذلك -- كل من تقرب من البشير يدرك ان الرجل ليس في قلبه ذرة من الرحمة او العطف او الشفقة لاي مخلق كان --- قال احد رجال الصوفية المعرفيين و المشهود لهم بالتقوى و الصلاح : ( ان حكم الاسلاميين بقيادة البشير و بؤس و ضنك العيش كفارة لذنوب و خطايا الشعب السوداني و كشف و تعري لتجار الدين و الاعيبهم و عبثهم بالدين --- سوف ينقشع الظلام و يهرب تجار الدين مخلفيين ورائهم فضائح لا تصدق و يخرج الشعب السوداني من محنته الي عهد جديد كثوب الاحرام الابيض --- )


#1387585 [النوبي]
0.00/5 (0 صوت)

12-19-2015 06:27 PM
اين قطن جبال النوبة واين سمسم وزرة القضارف وجمال وبهايم غرب السودان ومواشي الشرق بصل كسلا ودهب ارياب، ولا تنسوا ان الشعب برضو كان منتج ونضيف وامين، ولا تنسوا ان عدد السكان كان قليلوالناس بتحب بعض ومافي حروب بالشكل الاني هذا،،،ليس مشروع الجزيرة وحدة هو عماد الاقتصاد زمان،،،،، ههها راجعوا التاريخ ولا تنسوا تذهب الحكومات والحكام ويبقي الوطن والاجيال... والفشل فيك يا شعبي يالراجي الحكومات هي اللي تعمل وانت تنام ... ان الحكومات تولد من رحم الشعب وتنجح بنجاحه وتفشل بفشله..


#1387571 [فى الجزيرة نزرع قطنا نزرع نتيريب]
5.00/5 (1 صوت)

12-19-2015 05:57 PM
"المشروع يحتاج لتسطيح الأرض بالليزر"
الله يسطح شلاليفك الغلاد ديل ياكلب
داير تسطحها زى ماسطحت كافورى محل ابوك كان بحلب البقر وبجيب ليكم الكرتة يالص ياكلب؟


#1387555 [لحظة لو سمحت]
5.00/5 (1 صوت)

12-19-2015 05:08 PM
القطن امك لقطت و انت واخوانك لقطوه و كسوك منه عراريق المورىة عليك ابوك امكن تكون بتعزو لو حلفتك بالله سوف تكذب ما سمعت بى سنة الحجاج يا اخينا لو ما القطن ما اشتغل ابوك غفير ترعة لكن عماك اكل الحرام


#1387525 [سوداني حتى النخاع]
4.25/5 (3 صوت)

12-19-2015 02:46 PM
حقاً أن أصحاب العقول في راحة. وليس غريباً على حكومة الدمار الشامل هذا التصريح الغريب.كل سوداني يبلغ من العمر الآن 50 عاماً يعرف أن مشروع الجزيرة كان عماد الإقتصاد السوداني وأن القطن كان يطلق عليه الذهب الأبيض.


#1387522 [من ارض السودان البكر]
3.50/5 (2 صوت)

12-19-2015 02:41 PM
سؤال بسيط طيب ميزانية السودان من الستينيات كانت بتجي من وين ؟ القاصي والداني يعرف ان مشروع الجزيرة كان عماد الاقتصاد الوطني الي تدفق البترول ،،، سؤال تاني للمسؤلين في فتترة الستينيات الي نهاية الثمانينات هل كلام البشير صحيح ؟ ارجو من الكتاب ان يجرو حوار مع بعض المسؤلين الاقتصاديين في الفتره ديك عشان يورونا كلام البشير صح ولا غلط لو صاح نعرف عشان ما نقد نجوط ساي ولو غلط يكلمو ريسنا ده ما يكضب ويقطع من راسو ساي ويخجلنا ،، ياربي البشير عارف نفسو كضاب ؟


#1387519 [مزارع إبن 60 مزارع]
3.50/5 (2 صوت)

12-19-2015 02:39 PM
تسطيح الأرض بالليزر؟؟ دة كلام شنو دة،، ورونا يا ناس وأشرحوا لينا هذا التكنلوجيا عشان نفهمها نحن المزارعين قدر حالنا.


#1387500 [زرديه]
4.00/5 (3 صوت)

12-19-2015 01:43 PM
العايز تسطيح بالليزر كرش وداد وضراعاته


#1387496 [الحوشابى]
4.00/5 (3 صوت)

12-19-2015 01:33 PM
بنغلاديش كانت تسمى باكستان الغربية استغلت باسمها الحالى عام 1971 وبدأت زراعة القطن عام 74 بطرق علمية مدروسة بجانب محصول القنب الذى ينتج منه الخيش
وتعانى من الكثافة السكانية والفقر وفى عام 2014 تجاوزت صادرات بنغلاديش من المنسوجات القطنيه بمواصفات عالية الجودة حاجز ال19 مليار دولار وتامين العمل لسبعة ملايين مواطن .


#1387491 [ابو جاكومه]
3.50/5 (2 صوت)

12-19-2015 01:20 PM
عليك الله (كان بتعرف الله) وعليك الله يا البشير القشير حل عننا وخلينا في رمادنا وفي خسارتنا دي المنذ ستينيات القرن الماضي .ياخي ريحنا من خزعبلات وكذب الكيزان .شاهد الله صورتك بقينا نراها كأننا شفنا صورة شارون خلي نسمع نفاقك الما ليه طعم .


#1387469 [السنجاوي]
4.25/5 (3 صوت)

12-19-2015 12:34 PM
الرئيس يهرف بما لا يعرف قال ليزر قال
الله يفكنا منك ومن شرك ويرد غربة بلدنا وبفك أسرها


#1387463 [شبتاكا]
3.00/5 (3 صوت)

12-19-2015 12:21 PM
ما قلت لكم يا ناس موضوع المشروع ده مطرشق من يومه وانتم فاكرين زراعة القطن جايبه همها والله دى كانت شغلة خسرانة وماتسمعو انو الداخليات والمدارس والمستشفيات زمان كان بيمولهاالمشروع ده كضب ساكت وناس ابوى زمان كانو من لبن البقر الكانو مشغلين عمك كافورى لتسويقه بيدعمو التعليم والعلاج لمن اولاد الفقرانين بقو يدخلو الكليه الحربيه ويعملو انقلابات....هسع ارض المشروع دى طالعة ودى نازلة ودايره تصليح وتسويه وبالليزر كمان والمويه الخواجات كضبو علينا وقالو انسيابيه وده ما حاصل ونحن لمن فكينا احتكار نضافة الترع وخلينا ناس كل منطقة يحفرو براهم قصدنا انو ناصل الحفر وقلنا يمكن واحد ربنا يوفقه يلقى له كم كيلو دهب وجايز يمرق بترول بدل يبارى شغلة الزراعة الما جايبه همها...هسع اولادكم ما شاء الله وتبارك الله لافين فى اى صينيه او اشارة مرور ولمناديل الورق والمويه والاسكراتش بقو بياعين مش اخير من خواضة موية الترع ومرض البلهارسيا الكان هاريهم والنجيض منهم بنديه موتر ونعينه فى الجهاز راعى فى الجامعات ويضبط التفلتات ويتملى عرفة وثقافة مش اخير من مضايرة الغنمايات و النعيجات
يا ناس الشيوعيين ديل كفار واولاد حرام ما يغشوكم ويقولو لكم بيع الارض حرام نحن لمن جبنا لكم دكتور التاج وخليناهو درس المشروع ده تمام وورانا انو الحل فى بيع الحواشات وانو الشغلة دى احسن حاجة يجيها مستثمر عنده عضلات...ونحن تبيعو ما بنقصر معاكم حسع قلعنا ليكم ايلا من بورتسودان وخليناهو يظبط لكم الشوارع ومحل القعدات وبنجيب لكم قطر سريع ونعمل لكم بهرج ومهرجنات ونملاكم بنقو وشاش ونخلى وليداتكم وبناتكم رقاصين فى الحفلات وضاربين البهجة والمسرات....بس انتو بيعو تلقو السعادة فى الدنيا والاخرة بفضل الانقاذ....
ما لدنيا قد عملنا نبتغى رفع اللواء فاليعد للدين مجده او ترق منا الدماء او ترق كل الدماء
ودقو الدلوكة...ورقصنى يا ايلا...............


ردود على شبتاكا
[Abu_Mohammed] 12-19-2015 06:41 PM
عليك الله شوف الليزر دا اكان يعالج لينا البلهارسيا

السد الرد..... الرد السد.


#1387457 [الــســـيـــف الــبــتـــار]
4.00/5 (3 صوت)

12-19-2015 12:09 PM
مشروع الجزيرة كان يشكل 80% من الصادر السودانى حتى عام 2000م قبل أن يتدفق بلف النفط الاول و العائد من صادر النفط شراكه مع الشركات المنقبه ؟
بعد أن تم التأميم لمشروع الجزيرة فى العام 1950م اتسلم الادارة ابناء هذا الوطن و كان قبلة للوافدين من دول الجوار و مواكنى الولاية الشمالية بحكم الخبرة السابق فى الزراعه على جروف النيل مما كان له الاثر الايجابى فى رفع الانتاجية و تعلم الكثير من ابناء البطانه و قرى الجزيرة الزراعه و ليس الغرض من ذكر هؤء الفئة عنصريا بل أن الوطن يسع الجميع و كيف كانت النفوس متطايبه لا عنصرية و لا جهوبة و لا قبليه و لا عقيدة و لا انتماء يفرق بين الاخوة الشركاء فى الهوية السودانية و حبهم لتراب هذا الوطن الغالى ؟
ساهم الصادر من القطن بدعم الخزينه العامه لسنين عددا و مول الحرب الطاحنه التى اكلت الاخضر و اليابس و سفكت دماء بين الطرفيين و بالرغم من الجلوس بين الحومات المختلفه و الحركات المتمردة و توقيع اتفاقيات لم تنهى الصراع الدائر ؟
أت الافساد الثنى و هى تحمل معول الهدم و الدمار لكل شىء فى هذا الوطن بدءا بمشرع الجزيرة و الزيداب و المناقل و بركات و تبع هذا الدمار مصانع الزيوت و النسيج و انتقل الى تخوم العاصمه المثلثة و اغلق المصانع المنتجه و طال السكة الحديد و النقل البحرى و النهرى و الجوى و اصبحنا نستورد حتى الكبريت من الخارج ظننا من ابالسة النظام أن النفط الناضب سيتدفق مدى الحياة كما تتدفق مياه النيل الازرق و الابيض لتروى الاراضى الزراعيه فى مصر و شعبها و هى قبلة للسياح اما نحن لم نستفد من مياه النيل و الحصه المستحقه لنا بالاستفادة منها فى تويع الرقعه الزراعية بل تقلصت و اندثرت فى زمن وجييز بمقدم هؤلاء الاشرار سبب الدمار ؟
راس النظام الضال المضلل هل تمتلك مستندات تؤكد هرطقتك و نفاقك بأن مشروع الجزيرة يخسر الدول جنيه واحد ؟
خاف الله فى نفسك أن هناك حساب و عقاب و هناك رقيب و حسيب يحصى كل شىء و فى لوح محفوظ و سيأتى يوما لتقف بين يدى رب العزة حيث لا ينفع مال و لا بنون الا من أتى بقلب سليم ؟
من أجل اعادة مشروع الجزيرة الى سيرته الاولى و لم تكن أنت من ينقذ هذا المشروع لانك انت الذى كان سببا فى تدميره ؟
رفع الرهن عن المشروع كأول خطوة ليستعيد الملاك اراضيهم و يتكيفوا مع الوضع الجديد و تعاد الثقه اليهم بعد أن اصابهم الرعب من سياسة اولئك الذين أتى بهم النظام لادارة المشروع عن بعد و من منازلهم بالخرطوم بالهاتف او سائل الاتصال الحديثة ؟
ادخال التقنية الزراعية الحديثه كما خطط لها المشير جعفر نميرى عليه الرحمه لو لا الخلاف الذى وقع بعد أن خدعه الترابى و انقلاب هاشم العطا عليه الرحمه ؟
الاستعانة باهل الخبرة من قدامى الموظفيين و المزارعيين و ددعم مراكز الابحاث الزراعية بالمعدات و الاجهزة الحديثة و الكادر المؤهل ممن لا ينتمون الى هامان وهذا هو المخرج لنا للوطن من انهيار و التردى فى حضن صندوق النقد العالمى و الاستجداء و التسول بين دول الخليج و أسيا ؟


#1387454 [جنوبي]
3.50/5 (2 صوت)

12-19-2015 12:04 PM
الزول ده اهبل رسميييي .. في الستينات ما كان عندنا شئ نصدروا غير القطن بتاع مشروع الجزيرة والصمغ العربي وجنيهنا كان بي اكتر من تلاته دولار .. ستين بالة قطن في ... الكبيره دي


#1387427 [cool]
3.50/5 (2 صوت)

12-19-2015 11:19 AM
من اين تعلم تجارالدين ومعظمهم كانوا معدومين ياكلون بقايا
الحيوانات تعلموا وعاشوا من خيرات هذا المشروع العملاق منذ
الستينات واليوم يهنق هذا البشكير بان المشروع كان فاشل
هل سودانير والخطوط البحريه ومصانع الزيوت والالبان والدباغه
والنسيج والسكه حديد وتعليب الفواكه والنقل النهرى كانت فاشله
عوده المشروع لسيرته الاولى سنه كم يعنى 1925.


#1387410 [الجنرال هوت دوق]
3.50/5 (2 صوت)

12-19-2015 10:40 AM
الانجليز لمن نفذوا مشروع الجزيرة ما كان في ليزر ولا يحزنون... جماعتك كسروا المشروع واكلوه والآن اقنعوك بانه يحتاج لليزر ليسطحوا... وانت ياهووو المسطح وما عارف حاجة.... وشكلك كدا حتظل مسطح على طول


#1387406 [aldufar]
4.00/5 (4 صوت)

12-19-2015 10:27 AM
متى ذلك يا بشير الغم والهم الذي جوعت العباد وجعلتهم افقر خلق الله لوعودك الكثيرة التي لم تف باي منها حتى اليوم .


منذ اكثر من عشر سنوات قلت ذلك ولم نر إلا استمرار الفشل والغلاء وحتى عدم الري بالمشروع والطمي الذي غطى كل الترع بالمشروع .


والضرائب المفروضة على المزارع بواسطة كلابك المنتشرة في المشروع .


متى تصدق في العشرين سنة القادمة لان الخمس والعشرين سنة الماضية كانت فشل زريع في كل شيء المشاريع والمصانع كلها بالسودان لقلة الكهرباء والضرائب المفروضة من قبل الدولة والتي لا نعرف اين تصرف ولمن تصرف ؟

خاف الله يوم تقبر يا بشير وانت مغيب وما عارف حاجة اخرج سرا واعرف الغلاء والدمار الحصل للمواطن وستعرف حقيقة المواطن كيف يعش .

وافرادك وزمرتك في الحكم لهم اسعار خاصة المواد الغذائية لية؟

هل هم افضل من بقية الشعب السوداني لماذايعطى كل وزير شوال سكر شهري بسعر خاص ولحمة بالسعر الخاص وغاز بالسعر الخاص للكيزان هل ذلك عدالة؟


لية للكيزان يباع لهم الغاز اليوم بسعر 23 جنية للاسطوانة
واللحم ب 15 جنية وشوال السكر لكل وزير في الحكومة شهريا بسعر خاص لية؟

خاف الله في شعبك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة