الأخبار
أخبار إقليمية
سعاد الفاتح: تشييد المساجد ليس أولوية
سعاد الفاتح: تشييد المساجد ليس أولوية


12-29-2015 04:00 PM
الخرطوم: أسماء سليمان :
وجهت عضو مجلس الولايات سعاد الفاتح انتقادات لمفوضية تخصيص ومراقبة الإيرادات بسبب تخصيصها نسبة من الإيرادات القومية لإنشاء المساجد، و قالت في جلسة المجلس أمس « المساجد ليست أولوية الآن،

والأجدر الاهتمام بهموم الناس»، وأضافت « ريحوا الناس وأكلوا الناس « ، وتخوفت سعاد من تفشي الفساد الأخلاقي بالبلاد، وأردفت «نحن بحاجة إلى أخلاق وإلا ستخرج جيوش من الحرامية و المشردين»، داعية إلى ضرورة العودة للقرآن الكريم في تربية النشء.

احر لحظة


تعليقات 18 | إهداء 0 | زيارات 2952

التعليقات
#1393607 [الباشا]
0.00/5 (0 صوت)

12-31-2015 10:43 AM
ياسعاد الفاتح ...هذه الكلمات يجب ان تكون قبل 26 عام من الان... انتم ركبتم على كل مطية لتصلوا على الحكم وهذه هي النتيجة ....يادكتوره ولت الظعينة ودخلت الرمال ولا معالم للطريق.
هذا الحديث اذا قال به غيركم تصفونه بالكفر والالحاد والزندقة والشيوعية والطابور ال 100... الخ.
دكتوره انتم اخذتم دورتكم وقدمتم اسوا نموذج للحكم عرفته البشرية..حاربتم الله ورسوله في عباده ..طبقتم شرعكم الذي لا مثيل له في كل شرائع السموات والارض..
ربنا يتولى يس عمر الامام برحمته حيا او ميتا قالها بصدق عند صحوة ضمير( اخجل ان ادعو احفادي للانضمام للاخوان المسلمين).
اما انت وامثالك مازلتم حضورا في المشهد تلعبون بالالفاظ والامة تلفظ انفاسها
دكتوره سعاد ترجلوا... ارحلوا ... اتركوا الساحة لهذا الشعب يقرر مصيره..
اللهم هل بلغت فاشهد.


#1393499 [السماك]
0.00/5 (0 صوت)

12-31-2015 07:19 AM
بالله كلامكم كلو بقى في أولوية بناء المساجد ؟؟ بسبب البلادة وقصر النظر وضيق الأفق خليتوا البلد في خبر كان .. وبرضو عندكم إستعداد تتكلموا لسه؟؟ قلة حياء يعني؟؟ وحقيقة متى كان يستحي الإسلاميون نساء كانوا أم رجال؟؟؟

لو لم تعرفي بعد أريد أن أنبهك يا دكتورة : الإنسان - أي كان - عندما يعتقد في شيء حتى ولو كان ذلك الشئ مفاهيم مبنية على الدين ، عليه أن يعرف أن هناك إحتمال حتى ولو 1% أنو هو على خطأ .. ببساطة لأنه إنسان وليس ملك معصوم .. الدين صحيح نعم .. ولكن فهمك للدين ممكن يكون غلط .. بالتالي حينها يكون فهمك وبالتالي سلوكك شيء والدين شيء آخر ..

وإنت طبعاً (دكتورة) مأهلة أكتر من أي واحد لفهم هذه المقولة المنطقية البسيط ..


#1393070 [مدحت عروة]
5.00/5 (1 صوت)

12-30-2015 09:28 AM
والاخلاق دى بتجى كيف؟؟؟
الخواجات واعنى الدول الديمقراطية المحكومة بالدستور وسيادة القانون الخ الخ الخ ما هم ملائكة ولكنهم بيخافوا من القانون والصحافة والاعلام الحر وممثلى الشعب فى البرلمان والناس الانتخبوهم فى دائرتهم الخ الخ الخ!!
وانتى يا حاجة سعاد ده كله ما عندك فكيف تحاربى الفساد والمحسوبية الخ الخ الخ!!!!!
انا ما قلت ليكم اننا فى السودان الطالعين فى الكفر والمتولين الشان العام هم فاقد تربوى او مصلحجية والكلام القلته ده ليس لاننى احسن زول بيفهم فى السياسة بل انه من الف باء السياسة والمصيبة الناس ديل ما عارفنه او متغابين عنه وفى كلا الحالتين مصيبة على السودان!!!
كسرة:انت يا حاجة سعاد كدى خليك من السياسة احسن غناء ندى القلعة بالاوركسترا ولا غناء انصاف مدنى بالدلوكة بالنسبة لاغانى الحماسة؟؟؟؟


#1393058 [وحيد]
5.00/5 (2 صوت)

12-30-2015 09:16 AM
الراجل اب توب دا جننا


#1392968 [Imad Eldeen]
1.00/5 (1 صوت)

12-30-2015 05:48 AM
واااا إسلاماااااااا


#1392925 [الراجل]
3.50/5 (2 صوت)

12-30-2015 01:15 AM
ما خلاص انتوا شبعتو واتمكنتوا انتوا والانتهازييت ناس سبدرات وبنيتوا طبقتكم الراسمالية الطفيلية الاقطاعية باسم الدين مستغليين طيبة وتخلف وبساطة السودانيين .اذا لاحوجة للشعارت الدينية ولا للمساجد فهى مرحلة استنفذت اغراضها.تاكدى بان الصراع قائم بيننا والنصر لنا وانتم الى. مزبلة التاريخ


#1392901 [نخلة على الجدول]
5.00/5 (2 صوت)

12-29-2015 10:39 PM
يا سيدتي أبنوا (مقابر) للمواطنيين أجدى وأكثر اجراً ، السودانيين من لم يمت بالجوع و سرطانات النفايات الصينية
مات (مغسة) ساااي من عمايل الكيزان .


ردود على نخلة على الجدول
[عبدالرحيم] 12-30-2015 07:21 AM
احسنت والله افضل تعليق .. مفروض الايرادات تشمل على توسعة المقابر من الذين يموتون هما وغماً وحسرة على ضياع البلد على ايدي المنافقين..والرويبضات؟ وكلامها يناقض بعضه بعضها وهي دخلت مرحلة الخرف..فكان مصيرها البيت وليس البرطعة في البرلمان..

المؤسف ان البرلمان يضم المخرفين وشذاذ الافاق والسماسرة والتجار وسماسرة ديزل وبنزين وانابيب غاز وتجار بترول وتجار دهب بالخارج وقوش المافاضي للبرلمان وساكت فوق رأي فلا يعلق ان يكون رئيس لمخابرات السودان ثم يكون داخل البرلمان ويكون ساكت اربعة وعشرين ساعة؟ كما يضم البرلمان المصفقين والمطبلين والزمارين وثلة من المنافقين ويكون خارج البرلمان اصحاب اراء حرةومبادرات وشباب مطاردين بحجة انهم علمانيين او شيوعيين في الوقت الذي تقوم في الحكومة بعقد 14 اتفاقية مع روسيا الشيوعية واكبر مستثمر في البلاد الصين وهي شيوعية ؟؟؟


#1392888 [اخوات نسيبة!]
5.00/5 (2 صوت)

12-29-2015 10:04 PM
الناس القالوا الكلام دا زمااااااان طلعتوهم من الملة!


#1392883 [ود احمد]
0.00/5 (0 صوت)

12-29-2015 09:48 PM
27 سنة وهم اصموا الاذان بالنبيح والتهليل للمشروع الحضاري واخرها اتضح انهم ابعد الناس عن الدين واضابير الشرطة تعج بجرائمهم وديوان النايب العام حقهم مليء بتجاوزاتهم المالية
عن اي اخلاق تتحدثون ان السودان قبلكم كان في الف نعمة وعافية اما الان فكل شيء وصل مرحلة اللا عودة الا ان يحعل للسودان مخرجا من هذا النفق المظلم
وكعادتهم الميزان هم وراء مل مشكلة وبعدها يبداون في النياحة كيف اتت وكيف تحل هذه المشكلة لكي يعطوا على جهلهم بابسط الامور


#1392874 [الحق ابلج]
5.00/5 (1 صوت)

12-29-2015 09:24 PM
على عثمان يا حاجه قال ليك لو قعدتو خمسين سنه ما حتقدرو توفرو قفة الملاح واللا عندك راى تانى ؟


#1392870 [جنوبي]
5.00/5 (1 صوت)

12-29-2015 08:59 PM
بالمناسبة دي انتو مسجد الشهيد العملوهو في حدايق مايو ده عملوهو لمنو ؟ نزلاء الهليتون !!؟


#1392857 [الخبير]
5.00/5 (3 صوت)

12-29-2015 08:28 PM
أجى يا حاجة كيف ما أولوية وهى معروفة أسهل طريقة للمآكل!!!


#1392839 [القبيلة]
4.63/5 (4 صوت)

12-29-2015 07:16 PM
الولية دي عايشا وين ؟ قالت تخاف من تفشي الفساد .. هههههههههه .. أكثر من كده يكون شنو ؟ وأردفت «نحن بحاجة إلى أخلاق وإلا ستخرج جيوش من الحرامية و المشردين» .. أنتي يا حاجة شكلت عايشة في كوكب آخر .. هو جيوش الحرامية تخرجوا وانتهوا .. والآن بعملوا في ماجستيرات ودكتورات .. وأنتي عارفة الحقيقة
كويس ..لكن عاملة " أضان الحامل طرشة " .

"داعية إلى ضرورة العودة للقرآن الكريم في تربية النشء" ..يعني أنتي الحمد لله يا دوب اعترفتي أن " الجاري الآن في السودان بعيد عن القرآن " .. غايتو يا الكيزان تعملوها وتمصلوا منها ؟


#1392838 [الأزهري]
4.00/5 (4 صوت)

12-29-2015 07:14 PM
ما أولوية كيف ما انتو بتتباهو بكثرة المساجد لإثبات المشروخ الحضاري وأكلتوا قروش الزكاة بشتى الطرق والمسميات ولا خرفتي ونسيتي المتحابات في الله - وبعدين جيوش الجياع ديل ما انتو بديتو بذويهم الموظفين وشلتوهم وقطعتوا عيشتهم وشلتوا وظائفهم لأنفسكم (الصالح العام) واتحشرتوا كلكم في وظائف الدولة وأزحتم غيركم - تفتكري النتيجة حتكون شنو؟ والنتيجة دي واضحة للعيان خمسة وعشرين سنة ساكتة مالك؟ شنو الجد جديد خايفين من جيوش الجياع والمتشردين والمهمشين ديل على كراسيكم؟


#1392828 [عصمتووف]
3.00/5 (2 صوت)

12-29-2015 06:56 PM
اول مره نلتقي واتفق معك بس بكره م تفجري قنبلة من قنابلك الصوتية


ردود على عصمتووف
[جنوبي] 12-29-2015 08:57 PM
هههههههه كلامك صحي .. المرا دي اصلها ما عندها حال .


#1392797 [عبدالمنعم عمر]
1.00/5 (1 صوت)

12-29-2015 05:45 PM
كيف تكون العودة للقرآن الكريم في تربية النشءبدون وجود مساجد ودور للعباده والحفظ ؟ اول ما فعله النبي عليه افضل الصلاة واتم التسليم عندما وصل الي المدينه هو بناء المسجد وذلك لاهمينه الدينيه والاجتماعيه ودوره غي ارساء الاخلاق الحميده زنزكيه المجتمع


ردود على عبدالمنعم عمر
[أبوعديلة المندهش] 12-29-2015 09:03 PM
يا أخ هل نحن ناقصين مساجد ؟ ا اهو المساجد مالية البلد والفساد المؤسس يمشى بيننا على قدميه .


#1392786 [Ismail Hussein]
5.00/5 (1 صوت)

12-29-2015 05:14 PM
«المساجد ليست أولوية الآن، والأجدر الاهتمام بهموم الناس», «ريحوا الناس وأكلوا الناس» سعاد, إنتي نسيتي شعاركم بتاع "شريعة...شريعة ولا نموت الإسلام قبل القوت."


#1392778 [زرديه]
4.50/5 (4 صوت)

12-29-2015 04:41 PM
نحن قبيل شن قلنا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة