الأخبار
أخبار إقليمية
وزير الكهرباء للصحفيين: هل انتخبكم المواطن عشان تتكلموا باسمو
وزير الكهرباء للصحفيين: هل انتخبكم المواطن عشان تتكلموا باسمو
وزير الكهرباء للصحفيين: هل انتخبكم المواطن عشان تتكلموا باسمو


بسبب الحديث عن القطوعات.. لم يتلق شكوى من أي مواطن
12-30-2015 10:43 AM
الخرطوم: مها التلب
صوب وزير الكهرباء معتز موسى انتقادات عنيفة للصحافيين بسبب تناول مشكلة قطوعات التيار الكهربائي المبرمجة، وقال إن الوزارة تدفع "قروش للإعلان" بالصحف عن برمجة القطوعات بغرض الصيانة، بيد أن الصحفيين ينتقدون القطوعات في الصفحة الثانية التي تسبقها صفحة مدفوعة القيمة، منتقداً حديث الصحفيين عن أنهم يمثلون المواطن قائلاً: "هل انتخبكم المواطن عشان تتكلموا باسمو؟".
ووجه موسى خلال حديث مع الصحفيين في خاتمة أعمال اجتماعات اللجنة السداسية المشتركة لسد النهضة الإثيوبي بالخرطوم، أمس، انتقادات حادة لمسلك الصحفيين في انتقاد القطوعات وقال: "أقروا المعلن في جرايدكم.. نحن معلنيين عن برمجة قطوعات ودافعين قروش للإعلانات وهي تذكر أن لدينا صيانة لكل الخطوط ومعروفة من سنة 1908 الناس بصينو الكهرباء في الشتاء ما عايزين نصين في الصيف يبقي قطع وزهج"، وأضاف: "القطوعات مبرمجة ومعلنة وأنا كاتب إعلان ونعتذر للحي الفلاني يجي صحفي مهمته في الدنيا أنو يقرأ ويكتب ما هو العجز ولماذا الصيانة؟، إن شاء الله نقطع الكهرباء السنة كلها مش مبررة القطوعات"، واعتبر الوزير أن الوزارة شجاعة بإعلانها برمجة القطوعات وكتابة البرمجة، وأبان أن عملية الصيانة ستنهتي في يناير المقبل، ودخل الوزير في جدال مع أحد الصحفيين حول أن الصحفي يمثل المواطن فيما ما يكتب، ورد قائلاً: "هل انتخبكم المواطن عشان تتكلموا باسمو؟"، وجزم الوزير بأنه لم يتلق شكوى من أي مواطن بشأن برمجة القطوعات، وتابع: "ما في أي مواطن اشتكى لي والمواطنين مساكين"

الجريدة


تعليقات 24 | إهداء 0 | زيارات 4796

التعليقات
#1393711 [ابو جلمبو]
5.00/5 (1 صوت)

12-31-2015 12:02 PM
ليك حق ما 60% من السودانيين الكانو بيفهمو هربو من البلد وفي 30% كيزان زيك والـ 10% ناس خلاء ساكت لافين جوه الخرطوم


#1393469 [زرديه]
0.00/5 (0 صوت)

12-31-2015 01:48 AM
فاوجس خيفه موسي


#1393387 [ود نفاش]
5.00/5 (2 صوت)

12-30-2015 06:24 PM
والله ما خليتو لينا سطر نتفشى لكن لا تنسوا نحن فى ال البشير واطرف تعليق كان تعليق وزير التربيه والتعليم قالوا ليه الشنطه اصبحت عبء على التلاميذ.قال نحن لدينا خطه لنجعل الحقيبه المدرسيه صديقه للتلميذ.اهو برضوا قال حاجه مفيده .من اين اتى هؤلايئ.....


#1393366 [صلاح بشرى]
4.63/5 (6 صوت)

12-30-2015 05:17 PM
و هل إنت جابك مواطن منتخباً ؟؟
و بالأحرى موش إنت بس , بل كل نظامك المستبد الفاسد هل أتى بإنتخاب من مواطن عشان سيادتك تستبد و تفترى الناس !!؟

إنتو ناس لا تختشون لا حياء لكم , عشان كدة مافى داعى الواحد إقول ليك: إختشى يا وزير الغفلة .


#1393364 [صابر]
3.75/5 (3 صوت)

12-30-2015 05:09 PM
صحفيين قليلين ادب ينتقدوا خال الرئيس هو لو ما متواضع و داير يخدمكم من مترجم يجى يتنازل يبقى وزير و كهرباء كمان

متخلفين


#1393362 [عبدالله احمد]
4.50/5 (5 صوت)

12-30-2015 05:06 PM
((ورد قائلاً: "هل انتخبكم المواطن عشان تتكلموا باسمو؟"، )) .

منتهى الصلف و العنجهية و الغرور ..
و هل يعلم هذا المستوزر الجاحد الجهلول بأن المواطن هو من يدفع راتبه الشهرى و بدلاته و إمتيازاته المجانية و مخصصاته و كل العز الذى و فيه ؟؟
نعم "أن الصحفي يمثل المواطن فيما ما يكتب،" يا فيلسوف زمانك , و لو كان هذا الامر لايعجبك فأترك الوظيفة العامة التى تشغلها و أذهب للشغل فى عمل خاص وعندها لا أحد سوف يسألك فيها .

كلكم من نوعية واحدة يا مسئولى النظام , لا تحترمون المواطن الذى صبر الكثير عليكم و على أفعالكم بهذا البلد و بشعبها فى 27 عاماً عجافاً ,
و كما قال الاستاذ الهادى هبانى الإقتصادى الضليع:
((تلقي شعبنا الكريم شتي ضروب السب و اللعن و التحقير و الألفاظ النابية من أعلي قمة سلطة الإنقاذ إلي أدناها و سيأتي اليوم الذي يسترد فيه الشعب كرامته و يحاسب كل من أساء إليه خلال سنوات القهر و الظلام. )) ,

و بالظبط هذا ماسيحدث حينما يسترد الشعب الحرية و يحرر بلده من أياديكم الآثمة سوف يأتى بكم فرداً فرداً للمحاسبة و للقصاص على كل جرائمكم به و ببلده الكريم , و ان غداً لناظره قريب .


#1393353 [ود الجزيرة]
4.69/5 (8 صوت)

12-30-2015 04:35 PM
والله الحمد لله الما انتخبهم الشعب.كانو
يصفقوا ويكبروا يامتخلف بدرجتك( يعني متخلف بدرجة وزير )
دي ناس ما وسخانة يااهبل


#1393333 [جنوبي]
3.69/5 (5 صوت)

12-30-2015 03:51 PM
ههههه
وزير الكهربا ده لزيز .. جيبو لينا والي في فك التسجيلات يا بشه ..


#1393331 [شجرة التبلدي]
3.69/5 (5 صوت)

12-30-2015 03:50 PM
سبحان الله !!!! بالله دة وزير دة؟؟؟!!!!!


#1393327 [الناتو]
4.44/5 (5 صوت)

12-30-2015 03:44 PM
بس أنا داير حاجه واحده من الوزير معتز ده بس يحلف لينا إنّو قبل كده مافى زول زعطو .


ردود على الناتو
[kakan] 12-31-2015 07:15 AM
بعض التعليقات سخيفة جدا الامم الاخلاق مابقيت

[جنوبي] 12-30-2015 06:52 PM
هم فالحيييين في الحليفه


#1393315 [هندسة]
3.75/5 (5 صوت)

12-30-2015 03:14 PM
سبحان الله وزير خريج آداب وعمل لفترة قصيرة ملحق إعلامى بإحدى سفارات السودان ومن هناك لسد مروى مع أسامة عبدالله تحت حماية وداد بابكر وبرضو ما عارف إنو مهمة الصحفيين هي الإعلام،،

المهم يا معتز بينا وبينك 3 شهور والصيف، كدى النشوف صياناتك دى حتعمل لينا شنو، أسرع وأسرق لأن البشير سيضحى بيك في شهر أبريل المقبل.


ردود على هندسة
[مغبونه] 12-30-2015 08:33 PM
سبحان الله خريج اداب وملحق اعلامى سابق ولا يعرف ما هى مهمة الصحافه؟ شكلو اكيد نجح تبع ناس الجهاد ولا حاجه ح يفهم فى الهندسه كيف ده


#1393305 [خالبوش]
2.50/5 (4 صوت)

12-30-2015 02:43 PM
الناس لا تشتكي لوزير الكهرباء أو لا تشتكي وزير الكهرباء نفسه لرئيسه البشير لأن الناس تعرف إن الشكوى لن تأتي بنتيجة، وإلا لكان معتز موسى الفاشل معاشياً منذ وقت ليس بالقصير!


#1393302 [ABU IXEER]
3.97/5 (6 صوت)

12-30-2015 02:32 PM
انت ورئيسك الانتخبكم منو يعنى اعلاناتك رشوة الصحف تسيبك ماتكتب عن القطوعات0000بعدين المواطن يلم فيك كيف عشان يشتكى ليك انتو عايشين فى ابراجكم العالية000هل الكهرباء بتقطع فى منزلك 000اللهم عافنا من الدلاهات ديل يارب


ردود على ABU IXEER
[Mousa] 12-31-2015 07:40 AM
ورد قائلاً: "هل انتخبكم المواطن عشان تتكلموا باسمو؟"، وجزم الوزير بأنه لم يتلق شكوى من أي مواطن بشأن برمجة القطوعات، وتابع: "ما في أي مواطن اشتكى لي والمواطنين مساكين"
هو زاتو الانتخبو منو؟

[جركان فاضى] 12-30-2015 07:37 PM
فى ضحك على الشعب اكتر من كدا...نظامه نفسه ماجاء بانتخابات نزيهة ويتكلم حتى عن انتخابات الصحفيين


#1393292 [omer]
4.00/5 (3 صوت)

12-30-2015 01:58 PM
اصبت كبد الحقيقه المواطن مسكين جدا جدا اما انه لا يعرف حقوقه و انتم لعبتم دور كبيرا جدا في ذلك حتي يكون المواطن لا يميز بين حقه وواجباتكم انتم و بالتالي يعتبر كل خدمه من الحكومه هبه و هذاما جعلكم تتفرعنو و تستنكرو حقه حتي في الشكوي دعك من الاعتراض او مقاضاتكم ما دام يدفع لكم مسبقا يجب عليك ان تكون علمي و عصري في فهمك هل الصيانه تعطيك الحق في القطع المفروض انك مرتب سلفا البديل في وقت الصيانه بل حتي البديل في حال العطل المفاجئ فهل سمعت بقطع في امريكا او السعوديه او اي دولة تحترم شعبها و لا تعتبرهم مساكين فهل سمعت بالخطه ب في حياتك كلها ثم ان دفعك للصحف ثمن الاعلانات لا يعفيهم من انتقادكم ثم ان الكهرباء اصبحت كالهواء و الماء لا غني عنها و لو ساعه انتم طعتم الماء في رمضان و لم تعتذرو او تستقيلو او تقالووقطعتم الغاز و لم تقالو حتي التي حاولت ان تستقيل رفضتم استقالتها لان هذا الشعب لا يعرف الشكوي فلذلك يا سيد معتز افعل ما بداء لك فالشعب نائم و تائه مع لقمة العيش و الكهرباء عنده رفاهيه لكن فقط اخشو من يقول
حسبي الله و نعم الوكيل ......



لا شك أن قول: "حسبنا الله ونعم الوكيل" عظيم النفع بالغ الأثر، لما فيه من تفويض الأمر لله، وإظهار التوكل عليه سبحانه، وقد قال ذلك إبراهيم الخليل عليه السلام حين ألقي في النار، وقاله محمد صلى الله عليه وسلم حين قالوا له: "إن الناس قد جمعوا لكم فاخشوهم" روى كل ذلك البخاري من حديث ابن عباس.
فقول المظلوم: "حسبنا الله ونعم الوكيل" ليس من قبيل الدعاء على الظالم، ولكنه اعتصام بالله، وركون إليه، ولا شك أن الله مطلع، ولا يخفى عليه حال الظالم ولا المظلوم.
كما أنه سبحانه يجيب دعوة المظلوم كما في الحديث: يقول الرب عز وجل: "وعزتي وجلالي لأنصرنك ولو بعد حين" رواه أحمد والترمذي وابن ماجه عن أبي هريرة.
وقال صلى الله عليه وسلم: "دعوة المظلوم مستجابة وإن كان فاجراً ففجوره على نفسه" رواه أحمد بإسناد حسن.
وقال صلى الله عليه وسلم: "واتق دعوة المظلوم، فإنها ليس بينها وبين الله حجاب" رواه البخاري ومسلم.


#1393271 [عابر سبيل]
4.00/5 (4 صوت)

12-30-2015 01:12 PM
الكلام قالوا معنز موسى طيب صورة بشة دي في داعي ليها


ردود على عابر سبيل
[جنوبي] 12-30-2015 06:53 PM
ومعتز ده الجابو منو ؟ ما اذا عرف السبب بطل العجب

[elfaith] 12-30-2015 05:41 PM
بشه مسك ملف الاعلام يا عابر سبيل لازم الوزير يتقرب ويتفش ريشه


#1393267 [الـــســـــيــــف الـــبـــتـــار]
4.47/5 (9 صوت)

12-30-2015 01:10 PM
حقا الموالمواطنين مساكين و علشان هم مساكين تجى أنت و تبقى وزير ؟
أى مبررات تتحدث عنها و أى اعلان صحفى مدفوع القيمه لكى يحتاط المواطن و يكون لديه علم بنا سيحدث و يتهيأ لانقطاع التيار لفترة محدودة لاجراء الصيانة؟
اذيدك من الشعر بيوت و لا حله كامله با وزير الغفلة ؟
لاجراء الصيانه فى خطوط الامداد الكهربائى فى أى حى من الاحياء وقبل البدء فى الصيانة يجب أن تجهز محطة توليد حرارى متحركة بالموقع و بطاقة تليدية تكفى لانارة الحى باكمله و تشغيل ما يلزم المواطن من أجهزة و ادوات ؟
اجراء الصيانة محدد و انقطاع التيار محدد بالساعات ويعود التيار من المصدر بعد الاتنهاء من الصيتنة و هذا الذى غايب عنكم يا أخوان الشواطين ؟
والصحافه تعتبر السلطه الرابعه و لا كيف ؟
اعتقد أنك مفهمنك بأن الصحافه و الصحفى طابور خامس و يحمل أجندة أجنبية و لا يحق له السؤال و لا الاستفسار و لا علاقة له بالمواطن و الوطن و المسموح لهم باجراء الحوار و السؤال هم أذناب النظام و ناقلى الهرطقات و المتلاعبين بالكلمه و الاخبار المفبركة و هؤلاء هم سدنة الدعول الذين بشرنا بهم و ما زالوا باقيين على العهد و الوعد و يعيثون فى الاخبار فسادا و فى الوطن دمارا ؟
كان من باب اولى أن تسأل البعيير هذا السؤال هل أتى منتخبا من الشعب ام على ظهر دبابة ؟
و هل تم تقليدك لمنصبك هذا كوزير دولة بما تحمله من مؤهلات و هناك محاباة و بحكم أنك من أل البيت تم توزيرك و بمخصصات و وراتب و بدلات و بدل لبس و بدل كنس و بدل كبس و بدل حبس و غيرها من البدلات التى لم ينزل الله بها من سلطان الا فى عهد أخوان الشيطان .
حفظ الله الوطن و المواطن من كيدكم و شروركم .


ردود على الـــســـــيــــف الـــبـــتـــار
[سننتصر علي الكيزان الخونة اكلة قوت الغلابة] 12-30-2015 04:30 PM
السيف البتار كيف حالك ...
والله يازول كلامك عجبني وبرد بطني ...

ناري في الصميم ... ان كان اولئك الخنازير يفهمون ويشعرون !!
الالعنة لله عليهم في الدارين ...


#1393259 [ابوبكر عطيه]
3.85/5 (7 صوت)

12-30-2015 12:54 PM
وهل انت انتخبك الشعب ....انتم تريدون صحافه للاحتفالات والتقاط الصولر لكم امام انجازاتكم الوهميه لماذا يضيق صدركم من النقد معظم الدول تقوم بعملية الصيانه ولكن ليس بقطوعات مبرمجه هل هم يخافون الشعب بل هم يحترمون انسانية المواطن ...المواطن لايشتكي فقد وجد منكم قطوعات بالايام افلا يصبر علي الساعات


ردود على ابوبكر عطيه
[جركان فاضى] 12-30-2015 07:41 PM
انا نفسى اعرف الطريقة التى ينتخب بها الشعب الصحفى...كان المفروض يسألوه عن الطريقة عشان يشطح اكتر


#1393226 [ابو جلمبو]
4.43/5 (8 صوت)

12-30-2015 12:09 PM
بالله دي عقلية وزير، ليك حق لكن ما دام الشوال الفي الصورة ده هو رئيسك


#1393218 [مندهش]
4.44/5 (9 صوت)

12-30-2015 12:03 PM
المواطن شكاكوم لالله وهو كفيل بان ياخذ له حقه منكم


#1393215 [صالح عام]
4.47/5 (10 صوت)

12-30-2015 12:01 PM
المواطنين فعلا مساكين اولا انت يا معتز موسى ماهى علاقتك بالكهرباء هل هى تخصصك انظر فى الدول التى حولك مصر مثلا وزير الكهرباء لديه دكتوراه فى الكهرباء وكان عميد كلية الهندسه وجىء به وزير كهربا بعد ما عمره قارب ال 80 سنه امشى ياجربوع قال كهربا قال كهربا تنشفك بركة الله


ردود على صالح عام
[جركان فاضى] 12-30-2015 07:43 PM
يا دكتور هشام وانت مالك...ترجمة كهربائية...أهى فى مجال الكهرباء وخلاص

[د. هشام] 12-30-2015 03:46 PM
يا صالح عام قالو الزول دا تخصصو ترجمة!!


#1393209 [alwatani]
2.69/5 (5 صوت)

12-30-2015 11:52 AM
جهل .هم موطنين يتحدثون عن انفسهم الزول سياسى ويجهل بمكونات الشعب دا الجهل بتحمل الامانة انه ظلوم جهولا


#1393191 [واحد مندهش]
3.97/5 (6 صوت)

12-30-2015 11:31 AM
الانظمة الشمولية عادة تستعين باناس غير معروفين لان الكفاءات لاتتعامل معها . هل هنالك من سمع بهذا الوزير من قبل ؟ و نسال الوزير عما اذا كان قد انتخبه الشعب بصورة ديقراطية ليشغل هذا المنصب ؟ . ان الدمار الحاصل فى البلد من ضمن اسبابه الاستعانة باهل الثقة و لبس اهل الكفاءة . على اى حال مثل هذا التصرف لا يليق من وزير و يبدو انه لايعرف ان الصحافة هى السلطة الرابعة فى ( النظم الديقراطية )


#1393177 [Muhtar]
4.00/5 (6 صوت)

12-30-2015 11:10 AM
المواطن يلقاك وين عشان يشتكى ليك ... انت فى الابراج العاجية ولا يمكن الوصول اليك .... المواطن يشكوكم لله فقط وسيأتى اليوم الذى يسألكم فيه رب العزة لا محالة ساعتها أتمنى أن تكون لديكم الاجابة التى تخارجون بها أنفسكم


#1393167 [الاستاذ - كمونيه]
4.00/5 (10 صوت)

12-30-2015 10:53 AM
انا داير اقول نكته عجبتنى شديد قلت اضحكم حبه لانى ، لامن اعلق فى موضوع خاص بالسياسه بمرقو لى ناس معاطين بمعطونى شديد عشان كده بقول ليهم خليتا ليكم السياسه اشبعو بيها
لانهم بصراجه كده غيازين شديد

المهم ما علينا بيهم .. اقول النكته حقتى ..

قال ليك اليابانيين صنعو مكنة بتقبض الحراميه ، قام ودوها الصين قبضت 100 حرامى

وتانى قامو ودوها امريكا قبضت 10 حراميه ، قامو جابوها السودان ، المكنه اتسرقت !!

وبس خلاص انتهت النكته .


ردود على الاستاذ - كمونيه
[عبد الفتاح احمد] 12-30-2015 01:16 PM
والله فعلا كمونية

[مصطفي سعيد] 12-30-2015 12:21 PM
طيب ههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة