الأخبار
أخبار إقليمية
منع عمل توثيق المحامين إلا بالورق المؤمن
منع عمل توثيق المحامين إلا بالورق المؤمن


12-31-2015 02:32 PM
الخرطوم - بخيتة زايد
أصدرت لجنة التوثيقات الاتحادية، أمس (الأربعاء) منشورا يمنع عمل التوثيقات الخاصة بالمحامين الموثقين إلا بالورق المؤمن الذي تمت طباعته في مطابع العملة، وذلك من تاريخ الأول من يناير 2016. منوهة إلى أنه يمكن الحصول عليه من إدارة التوثيقات بالهيئة القضائية بالخرطوم ابتداء من يوم السبت الموافق 2 فبراير 2016 بالنسبة لكل محامي ولاية الخرطوم، ويومي الأحد والاثنين من كل أسبوع لمحامي الخرطوم الكبرى، والثلاثاء والأربعاء والخميس من كل أسبوع لمحامي بحري وأم درمان. وعلى المحامي الموثق الذهاب بنفسه ومعه بطاقة المحاماة وإيصال تجديد سلطة التوثيق لسنة 2015 مع طلب على الورق المروس العادي يحدد فيه العدد المطلوب بحد أقصى 100 ورقة

اليوم التالي


تعليقات 14 | إهداء 0 | زيارات 6056

التعليقات
#1406395 [محمد احمد]
0.00/5 (0 صوت)

01-27-2016 03:10 PM
يناير 2016. منوهة إلى أنه يمكن الحصول عليه من إدارة التوثيقات بالهيئة القضائية بالخرطوم ابتداء من يوم السبت الموافق 2 فبراير 2016

(يعنى ابتداء من الأول من يناير والحصول على الورق في الأول من فبراير بأثر رجعى يعنى ثم انه الثانى من فبراير ذاتو ما يوم سبت


#1394510 [Sarah]
0.00/5 (0 صوت)

01-02-2016 01:13 PM
عمرو التزوير ما بكون في الورقة ولكن بكون على الورقة يعني عادي ممكن المحامي لو داير يزور يجيب ورقة من اوراق سك العملة دي ويتم تزوير توقيع او خلافه ـ الخلاصة ان الورق في حد ذاته لا يمنع حدوث التزوير والمشكلة في التصرفات التي تتم في هذه الأوراق


#1394090 [الأزهري]
1.00/5 (1 صوت)

01-01-2016 11:35 AM
هي أوراق عملتكم بتاعة دار سك العملة ذاتها ما مؤمنة دايرين تلملموا القريشات من المحامين وتدعموا ميزانياتكم العجزت دي بالجبايات قال فروض قالوا ما في أي قروض عربية ولا أوروبية


#1394047 [yahya]
3.50/5 (2 صوت)

01-01-2016 08:08 AM
أنا مع فكرة انشاء ديوان الكاتب بالعدل يتبع القضاء يتولي سلطة التوثيق هذه تماما ويبعد المحامين من هذا المجال


#1393964 [إسماعيل آدم]
4.00/5 (2 صوت)

12-31-2015 10:17 PM
كارثة علي المحامين المساكين ! من المستفيد ؟ و من أحضر الورق ؟ مصيبة !


ردود على إسماعيل آدم
[السودان رجل افريقيا المريض] 01-01-2016 02:47 AM
يا اسماعيل آدم يا اخوي خليك منطقي،، كارثة شنو؟ دة شغل قانوني ولحماية المواطن والحقوق،،،، ليه ما كل المحامين يطبعوا ورقهم في حتة واحدة وبلون واحد بدل ألوان الطيف والورق المرورس كلو اخطاء في الاسم والعنوان ولخبطة في الحروف القاف والكاف والجيم كلها خاشة في بعض في الأسماء (K,Q,J,G) والخ وكل واحد يكتب بي مزاجو،،،الضبط والنظام مطلوب وكفاية تخلف
بس ات ناطي في من المستفيد? ومن احضر الورق؟
والله المصيبة التنظيرات من المنظرين الزيكن ديل،،،
أت محامي ولا رجل قانون؟. لو كنت كذلك ماكان بتفتي ساي،،،
يا اخي في كل بلدان العالم التوكيلات القانونية يتم عملها علي ورق مايء مؤمن ،،يعني يحمل شفرة يمكن بواسطتها تحديد الصحيح من المزور حتي لا تضيع الحقوق بورق ضارب وحالتنا في السودان تحتاج تقنين وضبط لان الفساد ازكم الأنوف ،،،
بعدين المحامي ليه ما يكون عندو ورق قانوني رسمي مضبوط يتم التعامل به مادام المواطن بيدفع تمن التوكيل ،،،
ياخي اي شهادة بي فلوس لانها علي ورق مؤمن للاعتراف بها حتي لا يقوم من هب ودب بطباعة شهادة وختمها وما اكثر الشهادات المضروبة لانها غير مرقمة وبي تسلسل،،،
روح شوف الشهادات والتوكيلات برة كيف وساعتها حتلقانا الوحيدين المتخلفين ويادوب بي القرار دة ماشين في الطريق الصحيح،،،
ما سمعت بي الشهر العقاري في مصر؟؟
اي توكيل او مبايعة لا تختم من قبله لا تعتمد،،، تسعين مليون مصري شغالين بيها ونحن يادوب نجي ربعهم وسايطنها ونرفض التصحيح ،،،،


#1393933 [واحد من ناس قريعتي راحت]
4.00/5 (3 صوت)

12-31-2015 08:44 PM
دحين مسعولين من الخير .. الكيزان ديل كمان جابوا لينا (ورق مؤمن ) وورق كافر .. ما عارفين بكرة يجيبوا لينا شنو ؟؟


#1393932 [كوكى قرفان]
5.00/5 (1 صوت)

12-31-2015 08:42 PM
وكيف الامر بالنسبه للولايات؟؟؟؟؟


#1393913 [المختصر المفيد]
4.00/5 (2 صوت)

12-31-2015 08:19 PM
عشان تدفع رسوم القضائية مقدما بعدد الاوراق التي تحملها
وحتى تكون تحت رحمة سلطة التوثيق .. ورق فيه ..... ورق ما في
وممكن يحبس عن غير الموالي من المحامين التابعين للمؤتمر اللا أخلاقي


#1393910 [سعيد لورد]
3.50/5 (3 صوت)

12-31-2015 08:14 PM
هذا القرار لا بأس به
و لكن بما أن القرار أمن على أن التوثيقات على غير الأوراق المؤمنة لن تكون معتمدةاعتباراًمن مطلع يناير 2016م.
فهذا يستوجب أن تكون الأوراق المؤمنة متاحة للمحامين الموثقين قبل فترة كافية من تاريخ بدءالعمل به.
و ليس من تاريخ 2-2-2016م، ما يعني منع أو تعطيل ابرام العقود و توثيقها خلال مدة لا تقل عن شهر دون مسوغ قانوني أو سبب مشروع.


#1393888 [ابوعاج]
4.00/5 (3 صوت)

12-31-2015 07:05 PM
صورة من صور ضبط التوثيقات ومتابعتها اذ لكل توثيق نمرة متسلسلة ويمكن المقارنةاذ ان كثير من المحامين كانوا بالورق العادي يوثقون مئات التوثيقات ولاتستطيع لجنة التوثيقات ضبطها ومعرفة عددها وعندما يحدث شئ لاسمح الله كتزوير وتذهب انت المواطن للجنة التوثيقات وتطلب صورة من التوثيق هذا لن تجده لانه لم يكن من ضمن التوثيقات التي احضرت للجنة وهذا الاجراء ايضا يحمي المحامي


#1393881 [فكرى]
4.00/5 (3 صوت)

12-31-2015 06:47 PM
عليكم الله ماتنسو قسيمة المأذون ودوها صك العملة برضو أصلو بكسب من وراها دهب ودا حرام شرعا فى دولة المشروع الحضارى ..


ردود على فكرى
[فكري] 01-01-2016 03:08 AM
والله لازم يعملوها في صُك العملة فكرة كويسة واقتراح جميل منك،،،
يا اخي اسهل شيء القسيمة،،،
امش دار القضاءالعالي وسلم علي الجماعة الجوة القاعدين في مظلة عربات القضاة ولابسين بدل سفاري سكنية،،، قولهم عايز لي قسيمة،، طلاق ولا زواج،،، ودخل إيدك في جيبك،،،
يمشوا معاك لي اي مأذون وبي بطاقاتهم وطبعا بعرفو كل اعماممك الماذين الجلاكين،،،وفي خمسة دقايق يقعدوك قدام مولانا عمك المأذون لو في البيت او المكتب ويطلعوا البطاقات ويكتبوا اسم العريس والعروس او المطلق والمطلقة وفي رمشة عين تاخد قسيمتك في إيدك وتمشي كمات توثقها وأمكن زاتو لا يكون في عروس ولا ومرة تطلق،،،
انا طلعت واحدة كدة بس طلاق ،،،آيه رايك؟
مش احسن القسيمة تنطبع في صُك العملة وبي رقم متسلسل؟؟
ياخي تدفع تعرس وهمي وتطلق وهمي كلو شغل ورق في ورق وتطلع اعفاء خدمة وتزوغ،،،
لو مغالطني امشي محل وصفت ليك،،،،والله يودوك حي الزهور اذا عصلجت ويطلعوا ليك الدايرو


#1393872 [جركان فاضى]
5.00/5 (2 صوت)

12-31-2015 06:19 PM
هههههها هو الدولار قدروا يزوروه( طبعا الجنيه لايمكن تزويره لان ورقه اغلى من قيمته)...قال ورق مؤمن قال


#1393840 [منصور]
5.00/5 (2 صوت)

12-31-2015 04:50 PM
اذا كان هذا يمنع التلاعب البسيط اي الذي لا يتعدى شخصين او ثلاثة وعدة ملايين عملة فما هي الطريقة التي تمنع التلاعب بميزانية الدولة و ماهي الطريقة التي تمنع الفوز بانتخابات نزهية بدل المخجوجة؟
انا ساحلق شنبي اذا لم يحصل تزوير بعد ساعة واحدة و ضمن اول عشرة اوراق تستعمل من هذه الاوراق. قوموا جاتكم داهية.


#1393836 [المحتار]
5.00/5 (2 صوت)

12-31-2015 04:42 PM
اى ورقة عليها شهود هى يجب ان تحفظ التعاهدات و الحقوق فقط هذا اجراء لجنى المال للقضائية و اللهم كن عونا للمظلوم و هدما للظالم


ردود على المحتار
[أنا سوداني انا] 12-31-2015 11:26 PM
يالمحتار،،، اي محامي عندو في درجو عشرات البطاقات المزورة ويختم ويمضي براهو ،،، تقولي اي ورقة عليها شهود؟
هذا الإجراء بالورق المؤمن يضمن حقوق الاخرين ويحمي المحامي ايضا،، لان هناك توكيلات من عدة محامين علي حاجة واحدة ،،،يعني التوكيلات غير متسلسلة للضبط والمراجعة لعدم التكرار،،وهذا يعد حماية قانونية للموكل حتي لا يتضرر،،، وكثير من الناس بيعت أراضيهم عدة مرات ورهنت بيوتهم دون علمهم بسبب التوكيلات الفالتة ،،من اي كشك او سوق تلاقي محامي يعمل ليك توكيل بي 20 جنيه ويزوغ
مش عارف ليه الناس بتكره الضبط والربط وحماية الحقوق،،،
يخلوها ليكن فاكة تتزمروا وتقولو فوضني وعدم مش آيه،،، يقرطوها عليكم بالقانون تبطبطوا ،،، مش عارف عايزين آيه؟؟
ان فكوها ليكن ووب وان قرطوها ووووبين
والله ابن آدم لا تملي عينو الا التراب
ودة الماخرنا ومخلي البلد كلها حرامية وفاسدين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة