الأخبار
أخبار إقليمية
وزير الإرشاد: إدارة الحج أصبحت عادية "والداير يشتغل كدا يقعد والما داير نحن ما ماسكين زول"
وزير الإرشاد: إدارة الحج أصبحت عادية "والداير يشتغل كدا يقعد والما داير نحن ما ماسكين زول"
وزير الإرشاد: إدارة الحج أصبحت عادية


01-02-2016 09:58 AM

البرلمان: سارة تاج السر
شكا وزير الدولة بوزارة الإرشاد والأوقاف نزار الجيلي المكاشفي من أن وزارته تستأجر مبنى سينتهي عقده بعد شهر، وقال: "ما عارفين نعمل شنو"، وذكر أنه كوزير لا يملك وسيلة نقل خاصة ويلجأ إلى "الأجرة" حال قرر الذهاب الى أي مكان.
وقال المكاشفي إن وزارته تعاني أوضاعاً صعبة ومعالجتها عصية حتى على البرلمان نفسه، وأقر بعجزه عن تصديق 10 مصاحف لأحد المساجد، وأضاف: "لو جاني إمام مسجد وعايز مصحف واحد الا أشحدو ليهو".
وفي تصعيد جديد تجاه مدير إدارة الحج والعمرة المطيع محمد أحمد، قال الوزير إن إدارة الحج لم تعد جزيرة معزولة كما كانت سابقاً وأنها الآن أصبحت مجرد إدارة عادية" وأضاف: "الداير يشتغل معانا بالطريقة دي يقعد والما داير نحن ما ماسكين زول ولا حريصين عليه".
واعترف المكاشفي، خلال اجتماع مع لجنة الشؤون الاجتماعية، بفشل الوزارة في السيطرة على المساجد لأن الدستور أحال سطات المساجد للولايات، وأشار الى أن الوزارة دفعت بطلب لتعديل الدستور في هذه الجزئية، بجانب استيعاب الأئمة والمؤذنين في الهيكل الراتبي.

الجريدة


تعليقات 5 | إهداء 0 | زيارات 3458

التعليقات
#1395131 [SUDANESE]
0.00/5 (0 صوت)

01-03-2016 05:29 PM
ود بدر باع خط هثرو...
ود المكاشفي دا بيكورك ماله؟
مالاقي شئ يبيعه لا شنو؟؟؟


#1395126 [دلم]
0.00/5 (0 صوت)

01-03-2016 05:10 PM
أطلب ما تحتاجه من المطيع الفاسد .


#1394564 [الأزهري]
5.00/5 (1 صوت)

01-02-2016 02:51 PM
المطيع وشلتو سفوا قروش الحجاج كلها في كروشهم ما خلوا ليكم حتى حق ايجار مبنى الوزارة وعدمكم حتى المصاحف أعوذ بالله من كلابا ما تشبع


#1394558 [Lila Farah]
4.50/5 (2 صوت)

01-02-2016 02:39 PM
والله ياود المكاشفي الا تكون قاعد طرطور ساى ولونحنا صدقناك نبقي
طراطير وبقنابير .!!!!!!1

اذا كان مدير اداره هلفوت عندك اسمه المطيع قاعد فوق مليارات
شى دولارات وشى ريالات سعوديه وشى جنيه سوداني وبلاوى تانيه كتيره
ده غير المثني والثلاث والرباع وعربات الدفع الرباعي وكلها ثروه
منهوبه من حجاج بيت الله الحرام تقول لي انك مفلس وماعندك حاجه ولو
داير تتمشي الا تركب تاكسي.

مشكلتكم يالاسلامويون ياتجار الدين انكم تكذبون كما تتنفسون .!!!!!
أعوذ بالله منكم ومن شروركم .
قال بيركب تاكس قال ...!!!!!


#1394494 [babo]
4.00/5 (1 صوت)

01-02-2016 12:43 PM
شكله وزير الدوله ده ما من المؤتمر الوطني راكب رديف كيف ما عنده سلطة أحسن ليه يقدم استقالته ما يتشبث بالوزارة ذي عبدالرحمن الصادق المهدي هو مفتكر نفسه مساعد رئيس الجمهورية زول ما يقدر يحرك حتى شطرنج قاعد بس يمشي الزواج الجماعي والختان الجماعي وسباق الفروسية وعزاء فلان وفرتكان


ردود على babo
[إيتام نيفاشا] 01-02-2016 07:16 PM
هو ماشى ليهم لى شنو والله معظم الصوفية اصبحوا من المؤلفة جيوبهم الا ازرق طيبة حريقة فى كل واحد يقبل الاذلال والتحقير والملطشةوتانى يجى يشتكى زى الشافع الصغير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة