الأخبار
أخبار إقليمية
البرلمان يسقط إجابة وزير الدفاع بشأن الرسوم المفروضة من الخدمة الوطنية
البرلمان يسقط إجابة وزير الدفاع بشأن الرسوم المفروضة من الخدمة الوطنية


عجز عن الرد على استجواب وأسئلة من النواب
01-05-2016 10:58 AM

البرلمان: سارة تاج السر
أسقط البرلمان أمس، إجابة وزير الدفاع الفريق أول ركن عوض ابن عوف، بعد عجزه عن الرد على استجواب وأسئلة فرعية أخرى من النواب، بشأن الرسوم الباهظة والمتنوعة التي تفرضها الخدمة الوطنية، وأكد الوزير عدم علمه بإلغاء القانون الذي فرضت الرسوم بموجبه، فيما اعتبرت مقدمة السؤال مروة جكنون أن إجابة الوزير غير مقنعة لأن قانون الخدمة الوطنية لعام ١٩٩٢م الذي اعتمد عليه في فرض الرسوم ألغي بموجب قانون ٢٠١٣م.
وقالت جكنون: المادة (٢٠) (١) من الدستور الانتقالي تنص على عدم فرض ضرائب او رسوم او مستحقات مالية الا بموجب قانون، وأضافت مخاطبة وزير الدفاع " كنت أتوقع في إجابتك أن تسعى الوزارة لتعديل القانون بفرض أو إلغاء رسوم"، وصوت النواب ضد رد الوزير بالأغلبية.
ورفض الوزير تلاوة الإجابات التي دفع بها مرافقوه رداً على استفسارات النواب الفرعية، وألقاها جانباً وقال " ما قادر أقرأها"، وفشل ابن عوف في تحديد إجمالي قيمة الرسوم المحصلة سنوياً، وذكر " هي غايتو تسعتين، تسعة وأربعين، ثلاثة وأربعين ألف "٩٩٤٩٤٣ بس تبقى كم ما بعرفا".
وأبدى الوزير استعداد وزاة الدفاع للتكفل بدفع الرسوم المتحصلة من المواطنين عبر الخدمة الوطنية سواء كانت مليون أو ١٠٠ مليون، وأوضح الوزير أنها مفروضة بموجب قانون الخدمة الوطنية لعام ١٩٩٢م وتحصل عبر أورنيك ١٥ وتورد لوزارة المالية.
وأبان الوزير أن تلك الرسوم تتمثل في توثيق شهادة بمبلغ ٢١ جنيهاً، إذن التعيين ١٠ جنيهات، إذن استخراح شهادة جامعية ١٦ جنيهاً، إفادة حاسوب ٥ جنيهات، إذن استخراج شهادة سودانية ٦ جنيهات، خلو طرف من الخدمة الوطنية ١٣ جنيهاً، إذن السجل الدائم للكوادر الطبية ٢١ جنيهاً، كرت السفر للحج والعمرة ١٥ جنيهاً، تتحصل منها الخدمة الوطنية العسكرية على جنيهين فيما تأخذ الباقي الشركة المنفذة للبطاقات "دايموند"، بجانب بطاقة أداء الخدمة للعسكريين بالمعاش ٣٠ جنيهاً تتحصل منها الخدمة على ٤ جنيهات، بالاضافة الى بطاقة اعفاء لغير اللائقين طبياً ٤ جنيهات، وبطاقة تعيين ١٥ جنيهاً، وبطاقة مجند ١٥ جنيهاً.
ونفى الوزير علمه بقانون الاعتماد المالي السنوي وقال "والله ما بعرفو أنا ما قائد الخدمة الوطنية مابعرف تفاصيل التفاصيل".
واعتذر ابنعوف للنواب وقال "في أسئلة رايحة مني يا جماعة"، ووعد بمراجعة كل ما يتعلق بالخدمة الوطنية العسكرية، كما أكد أن أبواب الوزارة مشرعة لتلقي أسئلة النواب والإجابة عليها.
وامتنع الوزير عن الإدلاء بأية تصريحات بعد خروجه من الجلسة وقال للصحفيين " أنا عيان شوفو لابس شنو" في إشارة الى ارتدائه جلابية وعمامة وعباءة بدلاً عن الزي العسكري.

الجريدة


تعليقات 18 | إهداء 0 | زيارات 6289

التعليقات
#1396490 [علماء الحداثة]
0.00/5 (0 صوت)

01-06-2016 02:17 PM
والله انه اسداد الكداد .. بس انتوا ما بتعرفوه ..ابشري يا بلد .. وااسفاي كان ما جيتعا من زي ديل ..ده قائد 11 معركه غير المشاركات خاج البلاد يا امه يا ناس لموا خشومكم ....والمامبتحصلوا فلعوا


#1396288 [عباس ركس]
0.00/5 (0 صوت)

01-06-2016 08:40 AM
انتو لسة شغالين بورنيك 15.............الالكتروني ما جاكم؟؟؟ بالله التجديد بي كم؟


#1396278 [الحمد لله علي كل حال]
2.00/5 (1 صوت)

01-06-2016 08:17 AM
تري الرجل النحيف فتزدريه وفي اثوابه اسد هصور
ويعجبك الطرير فتشتهيه فيخلف ظنك الرجل الطرير


اهلا باعداء اصحاب النجاح .. قبل ماتحكموا عليه شوفوه كيف كانت مساهماته في الجيش السوداني .. واي معارك خاض .. واشرحوا جيدا النياشين التي تقلدها .. وكيف علا الي ان وصل (فريق اول ).. عجيب امركم حياتكم كلها هامش حتي نقدكم هامش .. خليكم علي كده .


ردود على الحمد لله علي كل حال
[ممغوص] 01-06-2016 01:38 PM
الزول ده ممكن يكون قائد عسكري ناجح بس ما بالضرورة يكون وزير ناجح


#1396269 [عبدالله رشيد]
0.00/5 (0 صوت)

01-06-2016 08:09 AM
لو راجعت الرسوم المذكور فى اجابة الوزير تجده12نوع من الرسوم والله صحيح السودان بلد جبايات


#1396259 [صباح الخير]
4.00/5 (1 صوت)

01-06-2016 07:08 AM
القصة يا اسامة عبدالرحيم ما قصة قوة البرلمان انا شايفا والله قوة الوزير الما داير يكضب .. اتكلم عديل لكن البرلمان عايز الكضب.. يعني النواب المحترمين ماعارفين القانون بتاعهم ما شغال ولا ما عارفين الخدمة الوطنية مدورة ولا ماعارفين قروشا؟ وليه حارسين الوزير الزمن دا كلو؟ ما كلهم بمشوا يدفعوا.. اها. الوزير ابي يكضب..قال ليهم ياتو قانون ؟ هسه هم صوتوا ضد الوزير الليمشوا يجيبوا القروش


#1396214 [Zorba]
0.00/5 (0 صوت)

01-06-2016 12:57 AM
عرفتوا ليه الحكومة بتصرف اكتر من 70% من الميزانية في الامن؟
عشان يغذوا وزير الدفاع الجعان العيان دا


وقال " ما قادر أقرأها" ليه؟ وزير دفاع و نظرك ضعيف دا اللمبي اب نظارات لما كان وزير دفاع ما كان عندو غير الدفاع بالنظر وانت النظر ذاتو ما عندك؟


وفشل ابن عوف في تحديد إجمالي قيمة الرسوم المحصلة سنوياً، وذكر " هي غايتو تسعتين، تسعة وأربعين، ثلاثة وأربعين ألف "٩٩٤٩٤٣ بس تبقى كم ما بعرفا".

"بس تبقى كم ما بعرفا" هو انت قلت ٩٩٤٩٤٣ يعني شنو تبقى كم ما بعرفا دي؟


ونفى الوزير علمه بقانون الاعتماد المالي السنوي وقال "والله ما بعرفو أنا ما قائد الخدمة الوطنية مابعرف تفاصيل التفاصيل".

ليه مابتعرف اللي بيحصل في وزارتك انت فارش قي سوق البصل و قائد الخدمة الوطنية في زنك اللحمة ما كله سوق خضار.


" أنا عيان شوفو لابس شنو" في إشارة الى ارتدائه جلابية وعمامة وعباءة بدلاً عن الزي العسكري.
"أنا عيان" تبري انت من المرض عشان كده الحيكومة الرشيدة وضعت ليك اكتر من 70% من الميزانية

"لابس شنو" جلابية
صدقت في دي الشعب السوداني كله لابس جلابية يعني شعب عيان.

"جلابية وعمامة وعباءة"
لبسك دا بيلبسوا كمال ترباس في الحفلات انت بتلبسه في المرض تبري انت من المرض


#1396156 [الأزهري]
0.00/5 (0 صوت)

01-05-2016 10:01 PM
مقدمة السؤال مروة جكنون! لينا أكثر من 26 سنة وانتي جالسة في ذات المقعد ما سمعنا صوتك إلا الليلة! لكن سؤالك فعلاً في محله والموضوع ما بنسكت عليه بعد ما نشفوا دم قلبنا وأولادنا الذين تخرجوا ودفعوا كل هذه الخزعبلات لم توظفوهم ولم تتركوهم يتخارجوا ويأكلون من خشاش الكورة الأرضية بعيدا عن هذه البؤرة النتنة المسماة بسودان الكيزان. أنتم سبة للسودان والدين والمسلمين لعنة الله عليكم في الدنيا والآخرة


#1396141 [الهلباوي]
0.00/5 (0 صوت)

01-05-2016 09:22 PM
ردود علي ابوالليل
مربي شعر فهمناها انو العساكر ممنوع يربو الشعر ،، لكن ابيض دي ما سمعنا بقانونا في الجيش انو ممنوع يكون شعرك ابيض


#1396089 [خالبوش]
0.00/5 (0 صوت)

01-05-2016 06:53 PM
الكوز اليعيا ما يطيب!


#1395990 [أسامة عبدالرحيم]
5.00/5 (2 صوت)

01-05-2016 02:23 PM
أنا متأكد أن غالبية القراء سيعلقوا عن الجانب السلبي (عدم علم الوزير بتفاصيل كذا وكذا) ويتجاهلوا تماماً الجانب الإيجابي، وهو قوة البرلمان السوداني ممثل الشعب، والذي يُوقف وزير الدفاع ويستجوبه شأنه شأن أي موظف حكومي.

هذا هو برلمان الشعب السوداني ويستحيل أن نجد برلمان عربي يفعل في وزير الدفاع ما فعله برلماننا الآن.. بل يستحيل أن نجد صحف في الدول العربية كلها تنشر مثل هذا الخبر الذي يُعتبر سلبي في حق الوزير لكن صحفنا الحرة فعلتها.

كلمة أخيرة: أنا بطبعي رجل إيجابي أميل للجوانب الإيجابية في كل شئ حتي في المصائب، وبهذه المناسبة فقد ذهبت قبل فترة لصديقي لتعزيته في وفاة والده الذي كان مريضاً جداً وملازماً للمستشفيات لسنين طويلة، وبعد العزاء والفاتحة قلت لصديقي بطيب خاطر: (قل الحمدلله فقد أراح والدك نفسه وأراحكم)، أي: أنظر للمصيبة نظرة إيجابية، فما كان من صديقي إلأ أن غضب مني وثار في وجهي وإعتبرها إهانة ههههههههه. وبعد شهر قابلني وإعتذر لي عن غضبته تلك لكنه قال لي مُعاتباً: (أنت مجنون يا أسامة وما كان مفروض تقول كلامك داك في العزاء، يعني أبوي مات وريحني كيف يعني يا أسامة؟!)

أللهم أرحم العم حسن عباس رحمة واسعة يا أرحم الراحمين.


ردود على أسامة عبدالرحيم
[تأشيرة خروج] 01-07-2016 02:43 PM
الله مايرحمك لا دنيا لا آخرة ياكوز ياقميء يامنتفع ياواطي تفو عليك وعلى بشيرك


#1395980 [Lila Farah]
0.00/5 (0 صوت)

01-05-2016 02:07 PM
وزير عيان وضلو ميت من يومو.!!!!


#1395950 [الشيخ محمد]
5.00/5 (1 صوت)

01-05-2016 01:01 PM
هذه مسؤليتك


#1395941 [الكاشف]
5.00/5 (1 صوت)

01-05-2016 12:46 PM
دي مستنينو يحرر حلايب والفشقة طيب


#1395937 [ali]
5.00/5 (1 صوت)

01-05-2016 12:28 PM
باللة دى حالة دى بلد ماشة ام فكو


#1395933 [كان زمان]
5.00/5 (1 صوت)

01-05-2016 12:26 PM
70 الف رسوم إعفاء مؤقت - (إذن سفر)


#1395911 [ابوالليل]
5.00/5 (1 صوت)

01-05-2016 11:44 AM
ده وزير شنو ده في عسكري بربي شعر راسو كده وابيض كمان الزول ده وكيل عريف كتيره عليهو


#1395894 [ود الريف الحريف]
5.00/5 (1 صوت)

01-05-2016 11:22 AM
وزير أخرنق,,, ده جابوه من سرير كان راقد فيهو تحت ضل نيمة في بيتو ...
ده لا يعرف طز من سبحان الله ,,, كان مركون ومقرش لكن بما انو كل البلد صايعة ولايعة فلازم يتقدم الصفوف
أنا أشك حتى في مستواه العسكرى ’’’’
ودقى يا مزيكة الفوضى


#1395893 [كشيب]
5.00/5 (1 صوت)

01-05-2016 11:21 AM
لازم يعني وزير الدفاع يكون كده ؟ يبدو أن من مؤهلات وزير الدفاع أن يكون عبيطا لا يفهم ولا يعرف !!!!


ردود على كشيب
[المحتار] 01-05-2016 05:22 PM
و ليس له هيبة العسكرى زى ناس المجاعة فى 84

[سوداني قهران] 01-05-2016 02:51 PM
صحي والله صدقت كل اليجي على شاكلة الزول دة المفروض وزير دفاع (العسكرية اانتهت في زمن الجماعة ديل)لاحول ولاقوة إإلابالله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة