الأخبار
أخبار إقليمية
أحزاب وثبة البشير : المبلغ الذي تدفعه لنا الحكومة ضعيف ولا يتناسب مع الجهود التي نبذلها في الحوار
أحزاب وثبة البشير : المبلغ الذي تدفعه لنا الحكومة ضعيف ولا يتناسب مع الجهود التي نبذلها في الحوار


حذرت : الخلاف حول النثرية قد يؤدي الى انهيار الحوار
01-09-2016 11:12 AM
الخرطوم:
رفضت أحزاب المعارضة بآلية الحوار النثرية التي اقترحتها الحكومة للمشاركين بالحوار باعتبارها ضعيفة ولا تناسب الجهود التي بذلها المشاركون في الحوار خلال الفترة الماضية، وحذرت أحزاب المعارضة من أن الخلاف حول النثرية قد يؤدي الى انهيار الحوار.
وأبلغت مصادر أن النثرية التي دفعت بها الحكومة 600 جنيه للعضو الأساسي و300 جنيه للعضو المناوب. ودعت الأحزاب إلى دفع نثرية تتناسب مع الحد الأدنى لجهود المشاركين لأن الدولة ومنظمات المجتمع المدني المحلية والدولية لها عرف لتخصيص مبلغ يومي محدد لكل فعالية.
وكان آخر اجتماع لآلية الحوار "7+7" أمن على دفع نثرية للمشاركين في الحوار الذين يبلغ عددهم 600 مشارك.

الجريدة


تعليقات 40 | إهداء 0 | زيارات 5365

التعليقات
#1398112 [سننتصر علي الكيزان الخونة اكلة قوت الغلابة]
0.00/5 (0 صوت)

01-10-2016 03:51 PM
هي لله ... هي لله ...
لا السلطة ولا للجاه ...

ياجماعة الخير ادفعوا ..... افوووو .... بتخلوا الناس اجتمعوا ليكم بالجوع ... عيب كدي.. يعني انتو بتدفعوا كل حاجة ...وقفت بس عند عليقة الحمار الوطني ..


#1398052 [ممغوص]
5.00/5 (1 صوت)

01-10-2016 01:42 PM
انتوا صدقتوا الناس ديل ؟؟؟ حوار شنو ديل جايين ياكلوا ويشربوا ويقبضوا المعلوم
ويشتتوا


#1398036 [زول]
4.75/5 (4 صوت)

01-10-2016 12:46 PM
الزول في الصورة دي 10/10 استاهل زيادة نثرية الحق يقال نبح نبحي الحن


#1398023 [مغبون]
5.00/5 (2 صوت)

01-10-2016 12:24 PM
h,اول اشوف في التاريخ من يحاور عدوه ان يدفع له
ام انتم تابعين لهم

عليكم اللعنة جميعا
طيب مش اولى تحاوروا مجان عشان يكون عندكم كرامة وموقف مساوي لهم

وليه القروش في الحوار دا حوار ام مهرجان تسوق


#1397993 [Sarah]
5.00/5 (5 صوت)

01-10-2016 11:27 AM
والله انتوا ناس لذيذين خلاص ..شابكننا حوار من اجل الوطن والمصالح العليا وشنو شنو وهسع بتتشاكلوا في حق الفطور ؟؟؟؟ بلا يخمكم بي حكومتكم


#1397987 [الناهه]
5.00/5 (2 صوت)

01-10-2016 11:12 AM
يخسي عليكم .. كالتى قالتها د. سعاد للبرلمانيين ...
صبر جميل سينتهي حوار الوثبه
وسينال البعض المناصب وتفتح له خزائن الشعب السوداني على فقره لينهل منها كما شاء .. وسينال الكثيرين ركله على مؤخرتهم حتى يقعوا على بطنهم
احزاب لا وزن جماهيري لها ولم نسمع بها ولم نسمع عن قادتها من قبل تشارك المؤتمر الوطني في كل ما يدعو اليه ولو على باطل لانها لاتخشى شيئا وليس لها جماهير ترفض ولا تؤيد
ما تدوهم ولا مليم من مال الشعب
يلا بلا لمه فارغه


#1397903 [كاكا]
5.00/5 (3 صوت)

01-10-2016 08:11 AM
قروش شنو تاني؟! مش انحشيتو فطور وغدا وعشا وكوفي بريك كمان !


#1397897 [Sam-7]
5.00/5 (3 صوت)

01-10-2016 07:56 AM
حذرت أحزاب المعارضة من أن الخلاف حول النثرية قد يؤدي الى انهيار الحوار


#1397867 [Zorba]
5.00/5 (2 صوت)

01-10-2016 05:39 AM
لو قدر الحركة العاملها بيدك في الصورة ... صحي 600 جنيه ما بتقضيك .... ولاشنو؟


#1397856 [عودة ديجانقو]
5.00/5 (2 صوت)

01-10-2016 05:04 AM
المكنات يا معلقين بقت تمشى فيكم بدون رت رته... الموضوع ومافيهو المؤتمر الوطنى شعر بفشل الحوار والسيناريو ده اساسا جاهز من بداية الحوار عشان يكون مخرج يحفظ ماء الوجه.


ردود على عودة ديجانقو
[الفقير] 01-11-2016 12:45 AM
أبو جاكومة و ديجانقو ، الحكمة عندكم.
مع تحياتي

[ابو جاكومه] 01-10-2016 04:44 PM
تخيل يا عودة ديجانقو الكيزان ديل أي شيء دخلوا فيه خسروه كان إنتخابات . كان حوار . كان مناظره . كان البرلمان . كان الجنه . في شيء واحد سوف ينجحوا فيه ألا وهو دخول النار والعياذ بالله .


#1397842 [Zorba]
5.00/5 (4 صوت)

01-10-2016 03:38 AM
مش انت و شيخك النرابي العراب اللي ارسلتوا العساكر لجنوب السودان و ماتوا في الجنوب عشان راتب شهري 200 جنيه.

يعني البيموت عشانكم سعره عندكم 200 جنيه و اللي بيطق حنك في الفاضي سعره 600 جنيه و يرضو ما راضين ... يا بلاش. قال حوار وطني قال ... هو وينو الوطن اللي يعملوا ليهو حوار ما انتهي يوم ما شفنا وجوهكم العكرة يا حوار.

قي الحوار بيدوك 600 جنيه في الفاضي وانت ما راضي يعني المؤتمر الشعبي بيدك اكتر عشان تكون حوار للنرابي شيخك وتاج راسك و اهو كله حوار.

حوار وطني ولا حوار للشيخ ما فرقت المهم عندك من يدفع اكثر .... صحي عبد و عامل فيها بني هاشم.


#1397818 [Wad Al Khartoum]
0.00/5 (0 صوت)

01-10-2016 12:35 AM
I remember in 2004 Sadiq Al Mahdi paid us a visit at our studios in Dubai.
There were a lot of my Non Sudanese colleagues wanted to just see how he looked like.
Anyway when we sat down as a Sudanese I had to keep up the conversation with Mr. Al Mahdi. I remember I asked him why are the rounds in Abuja talks at the t imd are so many and it has become hard even for us journalists to follow up the updates.
He replied that because of the "per Diem' which is BADALAT in English they keep it that way but eventually they have to sign to an agreement. I asked him why? He replied that there is a BIG stick been raised to them which he meant the US administration.

It was quite embarrassing in front of many non Sudanese journalist to learn how Sudanese fighting factions in clouding the ruling junta milk out the Sudanese people of their daily living.


ردود على Wad Al Khartoum
[Hisho] 01-10-2016 07:21 PM
You tried to pass your impression for us , the main idea, you are being embarrassed by the answers of the PM at that time , Sudanese are people like others in the planet ,all are runing after money, nothing to feel soory about it
I liked your expression in Englsih , it is so academic , it seems you learned Englsih in English Language Training Institute.


#1397716 [abushihab]
5.00/5 (1 صوت)

01-09-2016 07:33 PM
وهذا دليل آخر غلي فشل الحمار الوطني سوري الخوار الوطني.


#1397707 [قساس فادي]
5.00/5 (2 صوت)

01-09-2016 07:15 PM
لا بارك الله في هذا الجمع بالله ديل رجال نحن نفوضهم يحلوا مشكلة البلد ومن قولة تيت يطلبوا مقابل .. وياريت لو طلبوا المقابل بعد اكمال عملهم .. ارجو أن يطرد كل هؤلاء المؤتمرون وهناك رجال على استداد لحل المشكل السوداني دون اجر او مقابل بل سيبدفعون من حر مالهم ... لعنة الله عليكم تهوززوا رجلينكم قبل ما تركبو . طيب حلو المشكلة وطالبوا بعدين بالماقبل ....... أشك في سودانية هؤلاء


#1397702 [المحتار]
5.00/5 (6 صوت)

01-09-2016 06:52 PM
علينا جاى طراجى بى 100 الف و كمال عمر 500 الف و عضو الاتحادى ب50 بس جابوا بالطيارة و فاوضوهو بالخسارة علينا جاى


ردود على المحتار
European Union [Atef] 01-10-2016 03:36 PM
عايذين لينا دسته من ديل...نردم بيهم بلاعة المنتزه...ممكن تدينا تخفيض...؟؟؟
يا يوم بكرة ما تسرع وتخفخ لي نار ألمي...

[المشروع] 01-10-2016 07:32 AM
والكودة بي كم؟ تخيل الجماعة واقفين امام الصراف وهم يتدافعون ليصرفوا النثرية قبل ان تخلص..

بعد شوية يقوم الكيزان يأخروا النثرية ويخلوا الجماعة مشغولين في النثرية جاء والنثرية ما جات وينسوا الحوار الوطني او يطالبوا بتأجيل وتمديد اجل الحوار الوطني والحكومة تعلن مع تاجيل الحوار زيادة النثرية في الفترة القادمة والجماعة يوافقوا..

عشان كدا قلنا الحوار خدعة للمواهيم لا الجواب يكفيك من عنوانه فالذي جاء بغير الحق وواصل بالكذب والنفاق لا يمكن ان يصدقك القول مرة اخرى..

تخيل الحكومة موقعة اكثر من مائة اتفاقية مع الكثير من الجبهات والان تعمل شنو مع الاتفاقيات دي اخرها اتفاقية دبجو الثانية واتفاقية غندور هلال بالجنينة.. وغندور جاء الى الخرطوم بطائرة عسكرية واستقبل استقبال الملوك والامراء وحاشيته ملأت فندقين..

لقد ملأنا البر حتى ضاق عنا
وماءالبحر نملأوه سفينا
واذا بلغ الفطام لنا صبي
تخر له الجبابرة ساجدينا

تخيل مؤتمر وطني يحتفل بإمراة سليطة اللسان بذيئة اللغة تعاني من عقد نفسية شديدة منتظرين منها تحل ازمة السودان.. وازمة السودان اصلا هي من امثال هؤلاء اي المنافقين والكذابين والدجالين


#1397700 [الوجيع]
5.00/5 (1 صوت)

01-09-2016 06:41 PM
لو احس علماؤنا بجدية الامر لتدافعوا اليه دون مقابل مادى خدمة لوطنهم ولابتعد عنه المتسلقون والانتهازيون وعطالى السياسة وغيرهم ممن اتت بهم النثريات والحوافز اليس كذلك؟


#1397679 [إيتام نيفاشا]
4.94/5 (5 صوت)

01-09-2016 05:43 PM
يا خى ما تخجلوا العلماء امثال احمد زويل والطيب صالح وعبد الله الطيب نضموا فى القاعة دى مجانا خلى انتو ورجغتكم الفارغة دى كمان عايزين نثريات حريقة فيكم وفى الرقاص وعصابتو يا بغاث الطير يا حثالة البشر وسقط المتاع عليكم اللعنة احياء واموات .


#1397675 [Ashred]
4.75/5 (3 صوت)

01-09-2016 05:23 PM
قصدك انو المبلغ شويه على الضمير البيتباع فى السوق ...
معاكم حق الضمير تمنو غالى ....بس البيبيع ضميرو بالرخيص مره ...بيسهل عليو بيعو كلو مره ...


#1397667 [[email protected]]
4.75/5 (3 صوت)

01-09-2016 05:10 PM
ألاعيب سياسية ونفاق أنتم تغشون المسلمين،حوار في شنو وحوار من ومن من ، سبحان الله و إتقوا الله، نحن كشعب سوداني في أمس الحوجة لأيادي وطنية أمينة تخاف الله.


#1397666 [ابو وليد]
4.88/5 (4 صوت)

01-09-2016 05:08 PM
يعني في النهاية اصبح الجميع موظفين عند المؤتمر الوطني ... لاتعليق!!!!


#1397648 [نافع البكاي]
5.00/5 (5 صوت)

01-09-2016 04:02 PM
غايتو تاني ما عندنا ليكم الا دقيق الفتريتة والويكة والشرموط والما عاجبو يلحس كوعو


ردود على نافع البكاي
[mag] 01-10-2016 04:05 AM
يا نافع البكاي الفتريته و الويكة و الشرموط لو كانوا متوفرين ما كان حتكون هناك معارضة ولا مظاهرات ولكن الحاجات دي بقت رفاهية للشعب المطحون .


#1397629 [abuahmed]
0.00/5 (0 صوت)

01-09-2016 03:02 PM
As Mohamed Ahmed Representing the Sudanese we can agree to bay every one Million USD at the end of the dialogue provided that the deliverable will solve the Sudan Problems which I did not believe at the end of the day it Will be just BS


#1397623 [ااسمع كلامك اصدقك اشوف يوميتك استعجب!!!]
4.75/5 (3 صوت)

01-09-2016 02:44 PM
خلاص جيبو عمال يوميه تانيين!!!!نحنه مستعدين للحوار معا اي حد!!بس سندوشت وبارد من ابوجنيهين!!!! قال حوار قال!!!!


#1397618 [خايوت بعانخى]
5.00/5 (2 صوت)

01-09-2016 02:30 PM
مع من يتحاورون ؟؟ع بعضهم البعض ؟؟ ليس فى يدهم شىء ولا فى يد الاجعص منهم ..الامر كله فى يد من فى يده الامر ..عمر البشير فقط ..المفروض ان يطلب منه ان يحاور نفسه ويعود الى الاخرين بنتيجة تفاوضه مع نفسه ..اتركوه فى خلوة للفترة لزمنية التى يختارها يوم يومين عشرة مية الف الفين ويجينا كاتب الاستقالة بتاعته لتذهبوا معه الى تلفزيون الشروق ويكونوا ناس الجزيرة حاضربن ..يا احزاب الفكة انتم لا تستحقون الا الفكة كان ميه كان ميتين فى الشهر يا اكلى القمامة والفطيس ..


#1397610 [عصام حمزة]
4.88/5 (4 صوت)

01-09-2016 02:11 PM
دي حال السودان وحد الطموح الشخصي ملء البطون وإستلام النثريات
بالله عليكم منذ أن أتت الإنقاذ كم مؤتمر إنعقد وكم جلسة حوار عقدت
وماهو معدل الصرف عليها والنثريات ....
وفي النهاية العبرة بتنفيذ التوصيات ...
فهل حدث ذلك أم أننا مازلنا ندور في فلك الصرف والرفاهية الشخصية متانسين تماما رفعة البلد وإنسان البلد ....حسبي الله ونعم الوكيل ...


#1397607 [الرجرجاوي المتأسلم]
4.38/5 (4 صوت)

01-09-2016 02:05 PM
رب العمل قال ليكم. ان طالبتو بزيادة الراتب بفصلكم بدون مستحقات نهاية الحوار ...
من لايملك قوته لايملك قراره ..


#1397602 [ابو الخير]
4.13/5 (4 صوت)

01-09-2016 01:37 PM
حوار شنو يا الكيزان
بالله العظيم ما تجيبو الا الجوعانين
العايزين الفكة
ديل طبعا الحكاية كلها تقسيم كيمان

حايمشي يقول للسعوديين انا خلاص عملت الحوار
ادوني الفكة
سنة يا الوثبة


#1397600 [محمد عمر عبدوت]
4.69/5 (5 صوت)

01-09-2016 01:21 PM
ارجو ان يكون الحوار والمحاورين دون مقابل .
على تكون وجبات غداء فقط مع توفير الماء والكركدي على حساب المتحاورين
لكي لاتكون مدخل انتقاد ...الواحد بيصلى لله وليس عشان الرزق بل للعبادة
وهذا واجب .


#1397595 [Imad Eldeen]
4.85/5 (6 صوت)

01-09-2016 12:54 PM
مرتزقه لكل واحد ثمنه
وليس للوطن قطرة من حب في قلوبكم
عفن


#1397594 [elfaith]
4.57/5 (5 صوت)

01-09-2016 12:50 PM
عطاله وخرخارين كمان


#1397585 [amir]
4.38/5 (4 صوت)

01-09-2016 12:23 PM
هم جايين يحلوا مشاكلهم المادية الخاصة ولا مشكلة البلد


ردود على amir
[قرفننااا] 01-09-2016 02:41 PM
عندنا اخو من نيويورك سافر السودان لعرس.بنتو لقي ليه حزب جديد لنج بطل العرس ولا اجله ومسك الميكروفون


#1397584 [كونن]
4.63/5 (6 صوت)

01-09-2016 12:22 PM
ههههههههههه شوف اختلفو في اية نسو القضية الجائين من اجلها ياهو حال السياسين في وطني لك الله يا وطني


ردود على كونن
[abushihab] 01-09-2016 07:38 PM
لك الله يابلادي, اوع تقول يا وطني.


#1397583 [ابو جاكومه]
4.69/5 (5 صوت)

01-09-2016 12:19 PM
( 1 )
لقد أتي بكم للبصمه فقط وليس لقسمة الكيكه لزومها شنو الشحده البسيطه .

( 2 )
أيها الواثبون الى أين وصلتم بالحوار وما هي مخرجاته المتظره لإخراجنا من هذا الكابوس (المؤتمر الوطني) ؟

( 3 ) عدة أسئله للوثابون الجدد والقدامه :
1- كم عدد أحزاب حوار الوثبه ؟
2- كم عدد الحركات المسلحه في حوار الوثبه ؟
3- كم عدد الحركات المشلحه في حوار الوثبه التي جرى تشليحها وجمع أسلحتها في حوار الوثبه ؟
4- كم عدد الأشخاص الذين باعوا أنفسهم ببخس الفلوس في حوار الوثبه ؟
الإجابه من الجميع على هذه الأسئله حا تكون .. لا أعلم .. أعفيني من هذا السؤال .. السؤال هذا لا يعنيني .. تقريبا .. سؤال محرج حقا .. أنا لم أتي للإجابه على هذا السؤال .


#1397572 [يحيي العدل]
4.38/5 (4 صوت)

01-09-2016 11:55 AM
600 جنيه مقطوعية أم شهريا أم يوميا أم كل ساعة أم كل هتاف ؟؟؟؟؟
ليس هذا خبرا كاملا اعاننا الله عليكم


#1397570 [awad]
4.88/5 (4 صوت)

01-09-2016 11:55 AM
يا اخي انتو جيعانين جداً.....


#1397567 [عبد الله]
4.25/5 (5 صوت)

01-09-2016 11:46 AM
انا اهاجر الى الخليج ، اعمل فى الجبال ارعى الاغنام براتب الف ريال فى الشهر ، آكل الخبز بالصلصه لاوفر مبلغا من المال ليعطى لهؤلاء القوم نظير حوارهم !!!


#1397566 [بدر السماء]
4.69/5 (5 صوت)

01-09-2016 11:44 AM
600x600= 360000 يوميآ .
تدفعها الحكومة وتجلبها من ستات الشاي وبتاعين الدرداقات الغلابة .


أه لوآه تفيد .


#1397565 [حاج علي]
4.38/5 (4 صوت)

01-09-2016 11:44 AM
يعني الفته والعضة ما كفاية
قال مجهود قال


#1397564 [صادميم]
5.00/5 (6 صوت)

01-09-2016 11:43 AM
اول مرة اعرف انه الكلام الفارغ بفلوس


ردود على صادميم
[Lila Farah] 01-09-2016 03:34 PM
والله اتا الظاهر عليك طيب ودرويش يا صاد ميم
27 سنه ودابك عرفت انو الكلام الفارغ والقوالات بقروش
ونحن البندفعا!!!!!!!!!!!


#1397562 [حماده بشير]
5.00/5 (5 صوت)

01-09-2016 11:41 AM
ما قلتو من اجل الوطن والمواطن مصلحتكم فوق كل شي الله يخزيكم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة