الأخبار
أخبار السودان
الفريق عرديب يقاضي روبرت أسكندر في نيابة أمن الدولة
الفريق عرديب يقاضي روبرت أسكندر في نيابة أمن الدولة
الفريق عرديب يقاضي روبرت أسكندر في نيابة أمن الدولة


خلافات الحركة الشعبية جناح حزب البشير
01-10-2016 12:58 PM

الخرطوم: خالد فرح

قال الفريق محمد أحمد عرديب رئيس الحركة الشعبية جناح السلام، إن لجنة الحوار الوطني منعت الفريق روبيرت وليم أسكندر من حضور جلساتها، على اعتبار أنه لا يمثل الحركة الشعبية جناح السلام كما يزعم، وكشف عرديب عن تقديم بلاغات ضد أسكندر في نيابة أمن الدولة.

واتهم عرديب روبرت بمحاولة سرقة رئاسة الحزب بعد أن أغرى عدداً من أبناء ولايات كردفان بالانضمام إليه وتنصيبه رئيسا للحزب. وأضاف: أسكندر قام بهذه الخطوة أثناء فترة استشفائي بالخارج.

وأوضح عرديب أنه يمتلك مستندات تثبت حقه في رئاسة الحزب من مجلس شؤون الأحزب بتاريخ السابع والعشرين من ديسمبر العام الماضي. مؤكدا بأن روبرت أسكندر تم تجميد نشاطه من الحركة الشعبية جناح السلام وذلك عقب محاولته الصعود لرئاسة الحزب.

الصيحة






تعليقات 13 | إهداء 0 | زيارات 4563

التعليقات
#1398364 [أمير]
2.00/5 (1 صوت)

01-11-2016 08:12 AM
عرديب دا شنو ومنو دا وهل ممكن يكون في زول بي رتبة فريق يتهابل بالمستوى دا وكمان الشي الغريب الزول دا مافيهوا اي لمحة او حس عسكري في شكلوا . بس مايكون الزول الضابط الاداري الشالوهوا ناس الانقاذ الصالح العام ومشى الحركة الشعبيه ؟؟؟ظظ. العندو فكرة عن الرجل دا يدينامعلومة عن سعادة الفريق دا


#1398360 [wudoof]
2.00/5 (1 صوت)

01-11-2016 08:04 AM
هذه زمانك يا مهازل فامرحي..؟!..يتعاركون على اسم الحركة الشعبية التي صارت عمارة بدون بواب ..؟؟..يدخلها كل من هب ودب وعن طريق بوابة المؤتمر الوطني ..؟؟


#1398211 [Baka]
3.00/5 (3 صوت)

01-10-2016 07:28 PM
والله و ايامك يا عرديب قال فريق قال والله انت وكيل
عريف كتيرة عليك ،و كمان بتوزع في الرتب ؟


#1398210 [The dove above]
2.75/5 (3 صوت)

01-10-2016 07:22 PM
الزول الانتهازى والارزقى ده يا توا معركة قادها عشان يبقى فريق؟؟؟ بعدين وانا منذ الثانوى بحضر في إذاعة الحركة الشعبية التي تأسست 1983 لم اسمع بى عرديب ده----سمعنا وعرفنا رجالات الحركة التمام أمثال ياسر ومنصور ودينق الور ورياك وباقان اموم وجميس ايقا وسلفاكير. لم نسمع بهذا الدعى الانتهازى ...صنيعة مؤتمر وطنى وبعدين شن خبروا بالنضال وقيادة الجيوش؟؟ قوم لف عرديب ولا قونقليس كلوا صناعة جهاز امن المؤتمر الوطنى..Go to hell, you opportunist


#1398190 [جنابو]
3.00/5 (2 صوت)

01-10-2016 06:13 PM
رتك شراب مريسه ورقاد ضل


#1398180 [خليفة احمد]
3.00/5 (2 صوت)

01-10-2016 05:31 PM
محمد حلاوة بقي فريق....هي القيامة دي عايزه تقوم متين!؟؟؟؟؟؟؟


#1398170 [حميدوف]
3.00/5 (2 صوت)

01-10-2016 05:14 PM
سبحان الله حلاوه بقي فريق والتاجر بتاع مطار هجليج بقي فريق برضه زي ماقال هنيدي هم كده الرجاله لما يكبروا بيتهطلوا وسلام بالخرطوم بحري


#1398169 [أبو الدقير]
3.00/5 (5 صوت)

01-10-2016 05:13 PM
إسمها الحركة الشعبية جناح السلام وما قادرين تفشو السلام بيناتكم والله حكم....قوموا لفو لفاكم قطر ..


#1398157 [صالة المغادرة]
3.50/5 (4 صوت)

01-10-2016 04:42 PM
يا عرديب السجم والندم انت وتابيتا واسكندر وسكران ديمة دانيال كودى وكل القرف المعاكم عددكم ما يتجاوز ركاب امجاد تقولوا عندنا حزب انتو لو رجال صاح امشوا اطراف كاودا وقولوا نحن جناح السلام عشان يشلخوكم بالشوك حريقة فيك وفى كل احزاب الفكة السفلة الاوغاد


#1398155 [معاويـــــــــــــــــــــــــــــــة]
3.00/5 (2 صوت)

01-10-2016 04:39 PM
الفريق يشتكى فريق رحم الله الجيش السودانى


#1398118 [Truth]
3.00/5 (11 صوت)

01-10-2016 03:03 PM
فريق و فريق و زمبريطة هم كلهم بالجيش و المدنيين كم عددهم و اسكندر دا من وين هل مع الرومان و لا الاغريق و لا الفرنجة...مهازل!!!!


#1398091 [الأزهري]
2.75/5 (3 صوت)

01-10-2016 02:26 PM
تقومووا تشتكوه لأمن الدولة حتة واحدة كدا؟ ليه البلد ما فيها شرطة ولا نيابة ولا مفتكرين ياسيادة الفريق معاش ديل تبع المؤتمر الوثني وأمن الدولة من مؤسسات الدولة وليس الحزب أو النظام؟ ياخي عيب عليكم تلجأوا للأساليب دي وانتوا لسع ما شفتوا السلطة أمال لو حكمتم حتتعاملوا مع خصومكم كيف!ثم ان حزبكم دا ما فيه جمعية عمومية ولا ما بطبق الديمقراطية في داخله- لماذا لا تدعوان جمعية الحزب للفصل بينكما بالتصويت المباشر وتفضوها سيرة وفضايح- يظهر انو الكيزان جهلوا كل الشعب السودان بأحزابه السياسية ويرددون كل يوم بأن الأحزاب ضعيفة وما بستاهلوا حتى المشاركة في الكيكة أو فتاتها,,.


#1398087 [أبو السمح]
3.00/5 (4 صوت)

01-10-2016 02:20 PM
كلكلم لقطاء (FOUNDLINGS) ما عندكم موضوع
حسى لو وجهوكم للمعارك و الله الجرسة تكتر و تقولوا كردفان دي زاتها وين ؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة