الأخبار
أخبار إقليمية
ازرق طيبة يطرح مبادرة لبناء الثقة وتحقيق السلام
ازرق طيبة يطرح مبادرة لبناء الثقة وتحقيق السلام
ازرق طيبة يطرح مبادرة لبناء الثقة وتحقيق السلام


01-12-2016 09:09 AM

الجزيرة: مزدلفة يوسف
اعلن خليفة السجادة العركية ورئيس السجادة القادرية الشيخ عبد الله ازرق طيبة، طرحه المبادرة الوطنية لبناء الثقة وتحقيق السلام، وذلك خلال احتفال الحزب الوطني الاتحادي بالذكري ال60 لاستقلال السودان بطيبة الشيخ عبد الباقي..وقالت المبادرة التي تحصلت (الجريدة) علي نسخة منها الخميس الماضي ان هنالك لقاءات عقدت مع مجموعة من الوطنيين مستجيبين للنداء من منطق المرحلة الحرجة التي تمر بها البلاد،، وذلك لاخراج الوطن من ازماته الحاليةمن عدم الاستقرار السياسي وانعدام التوافق الوطني واندلاع الحرب من مناطق مختلفة مما يشير الي ان الوطن يسير نحو التمزق والتشظي ودعت المبادرة الجميع للقيام بدورهم الوطني لاحداث اختراق في المشهد السياسي ..واشار بيان المبادرة الي انها تهدف الي ايقاف الحرب والتحول الديمقراطي وسيادة دولة القانون والاتفاق علي برنامج اصلاح اقتصادي بوقف سياسات الافقار وتحسين علاقات السودان الدولية واكد البيان ان المبادرة تخاطب السلطة الحاكمة والمعارضة بشقيها المسلح والسلمي.. بالاضافة الي الشعب السوداني بكافة قطاعاته عبر هيئة المبادرة للاتفاق حول حوار وطني شامل.. وكشف البيان عن عوامل انجاح المبادرة عبر الاتصال بكل الفرقاء السودانيين لتهيئة المناخ لاجراء عملية الحوار بمشاركة الجميع..وادارة حوار مع حاملي السلاح للوصول الي اتفاق وعقد مؤتمر الحوار الجامع واعلان دستوري قومي وتشكيل حكومة قومية انتقالية لمعالجة كافة القضايا الاقتصادية والامنية والخارجية وانشاء مفوضية مستقلة للخدمة المدنية...
ودعا ازرق طيبة الجميع لتاييد المبادرة والالتفاف حولها للوصول الي حلول عادلة وشاملة لكل قضايا الوطن..


تعليقات 13 | إهداء 0 | زيارات 3771

التعليقات
#1399639 [مدحت عروة]
0.00/5 (0 صوت)

01-13-2016 12:26 PM
يعنى الانقاذ او الحركة الاسلاموية تخلى مشروعها الجات تنقذ السودان من اجله وتحافظ على وحدته واستقراره وتنتشل اهل السودان من الكفر وعبادة الاصنام والجيش المحاصر القدس الآن يفك حصاره ويخلى اسرائيل ترتاح؟؟؟
لا لا لا اول حاجة نخلى الانقاذ او الاسلامويين يكملوا مشروعهم ويتم اسلمة كل اهل السودان (بس باقى شوية جيوب لم تسلم) ويحرروا القدس بعد داك ممكن نلم الشمل ما بيكون كل اهل السودان دخلوا المؤتمر الوطنى آسف دخلوا الاسلام ويكون عاد للدين مجده وللسودان عزته ووحدته واستقراره ولا انت عايزنا نرجع تانى لعبادة الاصنام والكفر وانفصال الجنوب والحروب والتمزق بعد ما الانقاذ انتشلتنا من كل هذه الكوارث؟؟؟
كسرة:هسع كنتوا يا اهل السودان قبل الانقاذ بتعرفوا اسلام او وحدة او استقرار وسلام او جيشكم محاصر القدس او حتى بتعرفوا حاجة اسمها هوتدوغ او بيتزا او بيرغر؟


#1399467 [ود ديم المشايخة]
0.00/5 (0 صوت)

01-13-2016 07:57 AM
كلهم يدعون علم الغيب وشيوخ نسوان وكيزان.... ليل وخمر وشفاه


#1399457 [علماء الحداثة]
0.00/5 (0 صوت)

01-13-2016 07:41 AM
ههههاي رجعنا للزمن الجميل الدراويش وست الودع


#1399299 [الدرب الطويل]
5.00/5 (1 صوت)

01-12-2016 07:19 PM
تقريباً دا الشيخ الصوفي الوحيد الما قدروا الكيزان يستميلوهو عليهم لأنو عارف نفاقهم كويس.. عشان كده مسمينو الشيخ الشيوعي لإغتياله معنوياً.. هو إتحادي معروف من زمن الشريف الهندي..


#1399162 [المعز مختار حسن]
5.00/5 (2 صوت)

01-12-2016 02:00 PM
اثنان في وطننا يرتعدان من صحوة النائم___اللص والحاكم___؟؟؟؟


#1399130 [الباشا]
5.00/5 (1 صوت)

01-12-2016 01:08 PM
دييييييييييييييييييييشك. ولما لا اذا كان الامين منو كدا ماعارف كان موفدا من قبل رئاسة الجمهورية لاصلاح العلاقة مع الامارات . في حد احسن من حد؟


#1399102 [عبدالرحيم]
5.00/5 (1 صوت)

01-12-2016 12:11 PM
انتو الصوفية ديل غيروا نهجهم ولا شنو؟ وفد صوفي في امريكا وواحد صوفي مقبوض في الامارات والان ازرق طيبة يعمل مبادرة.

مشكلتنا يا شيخ ازرق معروفة تماما وهي وجود الكيزان في سماء السودان.. وقضائهم على الاخضر واليابس . باسم الدين


#1399086 [Zorba]
4.00/5 (2 صوت)

01-12-2016 11:37 AM
كلامك صحي اليومين ديل شيخ الامين مقبوض في الامارات و لازم تحاول تظهر في اليومين ديل لانه القصر الجمهوري عنده نقص حاد في الدجالين و المشعوذين و الدروايش.

تقول نحن ناقصين دروايش ... يا راستا مان كفانا


ردود على Zorba
[Zoalcool] 01-12-2016 07:20 PM
والله حرام عليك ظلمته الراجل دا ظلم الحسن والحسين.الزول دا راجل متقدم جدا ويناصر قضايا المزارعين بالجزيرة بكل شجاعه.ومهموم بالوطن وبالمناسبة راجل متقدم ولم دخل جامعة الخرطوم كانت جميله ومستحيله بحق وحقيقه.واضح انك تجهل الرجل تماما.


#1399057 [حامد الرضي]
5.00/5 (1 صوت)

01-12-2016 10:56 AM
ﻋﺎﻭﺯ ﺗﻤﻮﺕ ﻣﻦ ﺍﻟﺠﻮﻉ
ﻳﺎ ﺗﺸﺘﺮﻱ ﻋﺮﺑﻴﺔ ﺑﺎﻟﺘﻘﺴﻴﻂ
ﻳﺎ ﺗﺪﺧﻞ ﺃﻭﻻﺩﻙ ﻣﺪﺭﺳﺔ ﺧﺎﺻﺔ
ﻋﺎﻭﺯ ﺗﻤﻮﺕ ﻣﻦ ﺍﻟﻐﻴﻆ
ﻳﺎ ﺗﺘﻔﺮﺝ ﻉ ﺍﻟﻘﻨﻮﺍﺕ ﺍﻟﻤﺤﻠﻴﺔ )ﺧﺼﻮﺻﺂ
ﺍﻟﺴﻮﺩﺍﻥ)
ﻳﺎ ﺗﺘﻔﺮﺝ ﻉ ﺍﻟﻨﺸﺮﻩ ﺍﻟﺠﻮﻳﺔ
ﻋﺎﻭﺯ ﺗﻤﻮﺕ ﻣﻦ ﺍﻟﺰﻫﺞ
ﻳﺎ ﺗﺴﺘﻨﻰ ﺍﻹﺷﺎﺭﺓ ﻟﻤﺎ ﺗﻔﺘﺢ
ﻳﺎ ﺗﺴﺘﻨﻲ ﻳﺸﻐﻠﻮﻙ ﻓﻲ ﺍﻟﺤﻜﻮﻣﻪ ﺑﺪﻭﻥ
ﻭﺍﺳﻄﻪ
ﻋﺎﻭﺯ ﺗﻤﻮﺕ ﻣﻦ ﺍﻟﻬﺒﻞ
ﻳﺎ ﺗﺴﻤﻊ ﺗﺼﺮﻳﺤﺎﺕ ﺍﻟﻤﺴﺆﻭﻟﻴﻦ ﺑﻌﺪ ﻛﻞ
ﻛﺎﺭﺛﻪ
ﻳﺎ ﺗﺘﻔﺮﺝ ﻋﻠﻰ ﻣﺎ ﻳﺤﺪﺙ ﻓﻲ ﺍﻟﺒﻼﺩ ﻋﻠﻰ
ﺣﻖ ﺍﻟﻌﺒﺎﺩ
ﻋﺎﻭﺯ ﺗﻤﻮﺕ ﻣﺸﻬﻮﺭ
ﻳﺎ ﺗﻈﻬﺮ ﻓﻲ ﺃﻏﺎﻧﻲ ﻭ ﺃﻏﺎﻧﻲ
ﻭﻻ ﺗﺘﻈﺎﻫﺮ ﺃﻭ ﺗﺴﻜﺮ ﻭ ﻳﻘﺒﻀﻮﻙ ﻧﺎﺱ
ﺍﻟﻨﻈﺎﻡ ﺍﻟﻌﺎﻡ
ﻋﺎﻭﺯ ﺗﻤﻮﺕ ﻣﻦ ﺍﻹﺳﺘﻐﺮﺍﺏ
ﻳﺎ ﺗﺸﻮﻑ ﺻﻤﺖ ﺍﻟﺸﻌﺐ ﺍﻟﻔﻀﻞ
ﻳﺎ ﺗﺴﻤﻊ ﺗﻨﻈﻴﺮﺍﺕ ﻣﺴﺆﻭﻝ ﻳﺎﺩﻭﺏ
ﻟﻠﻜﺮﺳﻲ ﻭﺻﻞ
ﻋﺎﻭﺯ ﺗﻤﻮﺕ ﻣﻠﻴﻮﻧﻴﺮ ¿
ﻳﺎ ﺗﺒﻘﻰ ﻛﻮﺯ ﻭ ﻣﺎ ﺃﻱ ﻛﻮﺯ ﺍﻟﺰﻣﻦ ﺩﻩ
ﻳﺎ ﺍﻟﺸﺮﻳﻒ ﻳﻜﻮﻥ ﻣﺒﺴﻮﻁ ﻣﻨﻚ
ﻋﺎﻭﺯ ﺗﻤﻮﺕ ﻭﺭﺍ ﺍﻟﺸﻤﺲ
ﻳﺎ ﺗﻔﺘﺢ ﺧﺸﻤﻚ
ﻭﻻ ﺗﺸﻐﻞ ﻣﺨﻚ
ﻋﺎﻭﺯ ﺗﻤﻮﺕ ﻣﻦ ﺍﻟﺤﺰﻥ
ﻳﺎ ﺗﺨﺖ ﺍﻟﺤﻜﻮﻣﺔ ﻓﻲ ﺑﺎﻟﻚ
ﻳﺎ ﺗﺘﺎﺑﻊ ﺍﻟﻜﻮﺭﻩ ﺍﻟﺴﻮﺩﺍﻧﻴﺔ
ﻋﺎﻭﺯ ﺗﻤﻮﺕ ﻣﻦ ﺍﻟﻀﺤﻚ
ﻳﺎ ﺗﺴﻤﻊ ﺗﺼﺮﻳﺤﺎﺕ ﻭﺯﺍﺭﺗﻲ ﺍﻟﺼﺤﻪ ﻭ
ﺍﻟﺘﻌﻠﻴﻢ
ﻳﺎ ﺗﺸﻮﻑ ﺗﻨﻈﻴﺮﺍﺕ ﺍﻟﻮﺍﻟﻲ
ﻋـــــﺎﻭﺯ ﺗﻤـــــﻮﺕ ﻓﻲ ﺣﺎﻟـــــﻚ
ﺃﻋـــــﻤﻞ ﺭﺍﻳـــــﺢ ﻭ ﻣﺎ ﺗﺸﻐﻞ
ﺑـــــﺎﻟﻚ


#1399041 [طارق الياس]
5.00/5 (1 صوت)

01-12-2016 10:34 AM
نسمع رأي المؤتمر اللاوطني


#1399039 [على حمد ابراهيم]
5.00/5 (1 صوت)

01-12-2016 10:33 AM
يا شيخنا ما هو الجديد فى هذا الطرح فهو نفس الطرح الدائر الآن بضبانته ولا ينقصه الا الدخول فى القاعة البهيجة والاستمتاع بالنثريات والوجبات الفاخرة لزوم الهندسة الجسمانية والوجوه الكالحة من وطأة الشظف - السجادة اخسن يا شيخنا هذا طرح دون تجقيقه عرط القتاد وكمان داير النظام يتبرع لكم به مجانا وبدون كشكرة نضالية من جانبكم ما اغلى المطلوب وما أبأس الوسيلة


#1399013 [alseeni]
5.00/5 (1 صوت)

01-12-2016 10:00 AM
والله ياهو الفضل خلي يقص شعرة مايكل جاكسون دي قال ازرق ، زرقة تمسكم يا كيزان تعدكم نفاخ الحطب وهم انتو قال ازرق طيبة


#1398994 [شر البلية]
4.50/5 (5 صوت)

01-12-2016 09:34 AM
وليحفظ الله مولانا شيخ عبد الله ازرق طيبة الطود الاشم الرجل الذى لم تهزه كل رياح واعاصير النفاق والدجل .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة