الأخبار
أخبار إقليمية
الامين العام لجهاز المغتربين يثمن دور السودانيين بالخارج في الحوار الوطني
الامين العام لجهاز المغتربين يثمن دور السودانيين بالخارج في الحوار الوطني


01-19-2016 03:32 PM
ثمن السفير حاج ماجد محمد السوار الأمين العام لجهاز تنظيم شؤون السودانيين بالخارج دور المهاجرين والمغتربين السودانيين فى الحوار الوطنى ودعم جهود إحلال السلام فى السودان ، جاء ذلك خلال لقائه صباح اليوم بمكتبه بعدد من المشاركين فى الحوار الوطنى من أبناء ولاية جنوب كردفان من عدد من دول المهجر مبيناً دور الجهاز فى رعاية السودانيين بالخارج والإنجازات التى تحققت فى سبيل ذلك مؤكداً أن الحوار الوطنى من أهم التحولات الكبيرة التى يشهدها السودان ، وكان لدور السودانيين بالخارج فيها دور مقدر ، وأشار سوار إلى ماتم تنفيذه خلال العام الماضى من جهود لتبسيط الإجراءات والتقنية الحديثة فى الإجراءات وافتتاح فروع جديدة فى الولايات مشيراً إلى خطة العام 2016م التى تركز على استكمال مشروعات التقنية والحوسبة
وأعرب دكتور أزرق زكريا خريف رئيس وفد أبناء النوبة بالمهجر عن سعادته بالمشاركة فى الحوار الوطنى التى جاءت تلبيةً لدعوة الدولة وتقديراً لدور السودانيين بالخارج قائلاً : جئنا لدعم الحوار الوطنى ومعالجة السلبيات التى أدت إلى خروج عدد كبير إلى الخارج ونأمل أن تنفذ مخرجات الحوار الوطني بما يعزز الأنتماء وتوحيد الكلمة من أجل الوطن.
وأعلن رئيس الوفد عن شروعهم فى إجراء حوارات وسط المواطنين المتأثرين بالحرب وفى المؤسسات للتوعية بخطورة الحرب مبيناً انها وجدت استجابة إيجابية ، ودعا حاملي السلاح للمشاركة فى الحوار ونبذ الحرب .
من جانبه أكد الدكتور أمين بشير فلين عضو الوفد أهمية دور جهاز المغتربين فى تخفيف الضغوط الاقتصادية والسياسية على السودان من خلال أبناء السودان بالخارج بالتنسيق مع الجهات ذات الصلة ، كما أكد المتحدثون من أعضاء الوفد على أهمية الحوار الوطني فى تعزيز التواصل مع الوطن وأهمية برامج وأنشطة جهاز المغتربين فى ربط أبناء المغتربين بالوطن وتعريفهم بثقافته وموروثاته.

اعلام المغتربين


تعليقات 6 | إهداء 0 | زيارات 749

التعليقات
#1402983 [مدحت عروة]
0.00/5 (0 صوت)

01-20-2016 12:12 PM
وانا كمغترب اقترح ان تكثر الدولة من الاناشيد الوطنية التى تمجد الوطن وتدعوا الى حبه لان الوطنية تاتى من كثرة ترديد الاناشيد الوطنية وليس وضع هياكل الدولة ومؤسساتها التى تضمن الحرية والديمقراطية والعدل والمساواة امام القانون وفصل السلطات وان الحاكمية للشعب الخ الخ الخ هسع ما تشوفوا مصر كيف متطورة وفاقت العالم اجمع بكثرة اناشيدها وغناها فى حب مصر وكيف اوروبا الغربية وامريكا متخلفين وبيشحدوا لانهم ما عندهم اناشيد كتيرة فى حب بلدانهم!!!
بس نقعد نغنى سودانى الجوه وجدانى بريدو بعد داك البلد بتتطور!!!!!!!!!!!!
وعمرها الديمقراطية والحرية وسيادة القانون وفصل السلطات والعدل والمساواة ما طوروا ليهم بلد حتى اسالوا ناس المؤتمر الواطى اكان ما قالوا ليكم انه كلامى ده صاح!!!!


#1402829 [عادل محمود محمد محمود]
0.00/5 (0 صوت)

01-20-2016 08:25 AM
حوار الطرشان . حوار ايه وبطيخ ايه انتو عملتو شنو للمغتربين عشان يخشوا للحوار
ادوا المغتربين حقوقهم حتي يشاركوا في نهضة الوطن .


#1402781 [طارق الياس]
5.00/5 (1 صوت)

01-20-2016 06:32 AM
هولاء أيها الدباب الإرهابي ماجد سوار لا يمثلون المغتربين ولا السودانيين هم ثلة من كيزانكم الارزقية عينتوهم لحضور الخوار بالخاء ..... لا يمثلون ملايين المغتربين الذين يكرهونكم ويطلبون ويعملون علي زوالكم الي مذبلة التاريخ انت ومؤتمرك الوطني ورئيسك وبقيت الفُساد وتاكد ان خواركم فاشل بنسبة 200% ولا تتحدث باسم المغتربين انت ولا ادارتك لا تمثلونا وحل هذا العبث نراه قريبا وترونه بعيدا وحتشوف......


#1402737 [سيزر]
0.00/5 (0 صوت)

01-20-2016 01:03 AM
= وأعرب دكتور أزرق زكريا خريف رئيس وفد أبناء النوبة بالمهجر
= من جانبه أكد الدكتور أمين بشير فلين عضو الوفد
= من جانبه أكد الدكتور آدم جمال أحمدعضو الوفد
= من جانبه أكد الدكتور موسي عثمات بابو ( المهندس )
= من جانبه أكد الدكتور آدم الإحيمر ( كومنست ) عضو الوفد
= من جانبه أكد الدكتور صلاح بركات عضو الوفد
= من جانبه أكد الدكتور محمد موجو شلالي العضو



أيه الحكاية يا جماعة ؟؟؟؟؟ فهمونا !!!1


#1402545 [خالد جاكسون]
0.00/5 (0 صوت)

01-19-2016 03:59 PM
طعمك مسيخ يا غربه ليلك طايل
وجوك خريف بالهم سحابك شايل
منظر جميل من بره ناصع وخايل
وجوه القلب جرحك مغور وسايل

برقك بريق فاضي ورعودك داوية
وسحبك للعليم شكل أو مناظر خاوية
تبدين للغرور للخير بلادك حاوية
زي الشرك تحت الزهور الهاوية

املك سراب شفناه لمن جينا
وعشنا الضياع قايلين بنلقى الزينه
نحلم بالغنى يستر إلهك بينا
ما نرجع نعود نبكي ونمد يدينا

فارقت الأهل من يوم بديت الغربه
لاقيت الهوان في البعد عايش كربه
ما تشوفو الغريب يقدل بزاهي الجبه
ميت هناك يا اخواني ناقص التربه

يا ريح الغرب الجايه من اوطانا
شوف يا نسيم بالله كيفن حالنا
بحر البعاد بي موجه غطى وشالنا
وحب الأهل في الغربة شاغل بالنا

تمضي السنين بي سرعه فيها غريبه
وكل ما تمر سنين تأمل برجعه قريبه
لكن المراد دايما يصادف خيبه
والعود ينحني يكسو السواد الشيبه

أولادك كمان في الغربه كم بيعانوا
قفله وسجن في الشقة طول ازمانو
ما بلقي اللعب وبفقد كمان اقرانو
ما بفرز يمين ايديه من كيعانو

تعليمن هناك في الغربه زي النار
تدفع للقسط ويجيك كمان ايجار
ان قلت تسفرن دابك بقيت محتار
ان تمشي الوطن دي الجامعه بالدولار

يا الله الكريم نرجع نعود لي بلدنا
كمل الصبر وانهد فيها جلدنا
طول البعاد في الغربه يا خي جلدنا
وباين الجلد في راسنا أو في جلدنا

في شمبات هناك ارجع اقابل احبابي
اجلس في البرش بره وبفتّح بابي
اشبع بالحنان الفقدو كان في غيابي
إمكن بالسرور ارجع اعود لشبابي


#1402528 [ياسين ياسر ياسين]
0.00/5 (0 صوت)

01-19-2016 03:48 PM
عالم مركب بالغلط
طاحونه بتبيع أيسكريم
راكوبه في نص الزلط
غنماية لابسه فنيله كط
مستر عتوت لابس شبط
الحفله راابه وسط الظلط
التيس يبشر في الغنم
وخرفان مسنسنه واقفه لط
عالم مركب بالغلط
=======
والديك يزغرد منسدح
والنعجة شايلة حواجبها
ولابسة العقد
والفيل يقسم فى العشاء
شايل الصحانة ومنبسط
وسوسيوة جات قالتلو
يا عمو
صاحباتى فى الصف الورا
دايرين عشاء
ودايرين تلج
الببسى حار ماب يتشرب
========
ما فى فيلا فى راكوبة
في وسط الهجير منصوبة
بى شوك الكتر مزروبة
بي دغلوبة ناكل لوبة
بابها حصير
وعادمه سرير
الصرصور في الشمس زغلل عيون صرصار كان مليان بالعشم ...
سحلية بتقطع في اللحم ...
والضب يمعط في الشعر ...
يعاتب في ضفدع ما جات في المواعيد الوهم ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة