الأخبار
أخبار إقليمية
الخرطوم تستورد بصات كبيرة لمعالجة أزمة المواصلات
الخرطوم تستورد بصات كبيرة لمعالجة أزمة المواصلات


01-22-2016 11:14 PM
الخرطوم: كشفت ولاية الخرطوم عن استيرادها 50 بصاً جديداً من دولة الصين للمساهمة في معالجة مشكلة المواصلات، وأوضح مدير عام شركة مواصلات العاصمة سليمان صديق، أن متوسط طول البص منها 18 متراً وبسعة 175 راكباً.

وأكد صديق لوكالة السودان للأنباء، اكتمال إجراءات استيرادها لتصل تباعاً خلال الأيام القليلة القادمة.

وأعلن إعداد الشركة برنامجاً متكاملاً لتأهيل البصات الحالية، البالغة 1000 بص، بالإضافة إلى إنشاء ورشة مركزية لتكون في جاهزية قصوى لمواجهة الأعطال التي قد تحدث للبصات القديمة أو الجديدة، وذلك لضمان استمراريتها في العمل.

ونبَّه إلى ابتكار الشركة نظماً حديثة للتشغيل، من بينها نظام الطوارئ الذي يستهدف مناطق الزحام وتكدس المواطنين بالعاصمة والمناطق الطرفية للولاية، مثل الكلاكلة اللفة والحاج يوسف وغيرها، إلى جانب إعداد دراسة بواسطة الخبراء والمختصين لإدخال نظام التذاكر وتتبع البصات إلكترونياً، وتبني نظام التشغيل النموذجي للمرحلة القادمة.

وأشار المدير العام إلى مشروع الخطوط الطويلة العابرة للمدن الذي تنفذه الشركة بالتعاون مع إدارة النقل والبترول بوزارة البنى التحتية والمواصلات بالولاية، مبيناً أن عدد هذه الخطوط في هذا المشروع يبلغ 22 خطاً بدأ التشغيل الآن في بعضها، ويهدف للوصول للوجهة النهائية دون توقف لتوفير الوقت.

الصيحة


تعليقات 14 | إهداء 0 | زيارات 2478

التعليقات
#1404764 [حسكو]
0.00/5 (0 صوت)

01-24-2016 01:41 PM
الرخيص بي رخصتو اضوقك مقستو يا نصابين المانيا دي مابتشوفوها جاريين الصين


#1404621 [خليك واعي]
0.00/5 (0 صوت)

01-24-2016 09:06 AM
البلد ما فيها ازمة مواصلات..

البلد فيها ازمة شوارع وكباري وانفاق....


#1404553 [عبير]
0.00/5 (0 صوت)

01-24-2016 04:55 AM
البصات الجابوها ديييك ما بتقدر تمشي مرتاحة لانها كبيرة جدا بل انها عملت زجمة في الشوارع. والسواقين السايقنها متهورين وما شغالين بزول لانهم عارفين انو الضهر مسنود. بدل البصات يا سعادتك زيد عربات النفايات البلد وسخانة.


#1404552 [عبير]
0.00/5 (0 صوت)

01-24-2016 04:54 AM
البصات الجابوها ديييك ما بتقدر تمشي مرتاحة لانها كبيرة جدا بل انها عملت زجمة في الشوارع. والسواقين السايقنها متهورين وما شغالين بزول لانهم عارفين انو الضهر مسنود. بدل البصات يا سعادتك زيد عربات النفايات البلد وسخانة


#1404532 [حاج احمد]
0.00/5 (0 صوت)

01-24-2016 01:36 AM
ايام قروش البترول ليه ماعملتو مترو الانفاق في الخرطوم..الان الخذينه فاضيه والانتاج صفر عايزين تحلو مشاكل البلد هههههه


#1404434 [دلدوم جمعة]
0.00/5 (0 صوت)

01-23-2016 07:09 PM
اللمبي ياخطير دي عملتها كيف !!! أوصي بمنح جائزة نوبل للمواصلات للوالي العبقري صاحب نظرية بالنظر. الرجل المتفاني في عمله .


#1404274 [محمد العربي]
5.00/5 (1 صوت)

01-23-2016 11:10 AM
من الان بصات ماسورة قبل ما نشوفها !!!!!!!!!!!!
دي مأكلة جديدة بصات منتهية باسعار كبيرة كمونشنات ورشاوي وسرقة لا بارك الله فيكم يا حرامية يا اولاد الكلب


#1404244 [Kmal]
5.00/5 (1 صوت)

01-23-2016 10:18 AM
لمبي


#1404240 [دايره صبر]
5.00/5 (1 صوت)

01-23-2016 10:10 AM
يا ترى بصات جديده ؟
ياترى متوفره ليها قطع غيار ؟


#1404239 [صادميم]
5.00/5 (1 صوت)

01-23-2016 10:07 AM
هل درس هولاء طرق الخرطوم و مدى امكانياتها لاستيعاب هذه البصات الصخمة حمولة 175 راكباً!!!!؟ وهل توجد بصات اصلاً تتسع لمثل هذه الحمولة ولماذا دائما نستورد البصات من الصين و قد اثبتت كل التجارب فشل بصاتها في السودان


#1404237 [هبه الرحمن]
5.00/5 (1 صوت)

01-23-2016 10:02 AM
ما يصلحوالبايظه دى .........................ولا نسيت اصلا ماتعبانين فى القروش شخت واسكتو الناس


#1404193 [محمد نور]
5.00/5 (1 صوت)

01-23-2016 08:04 AM
ربنا يوفقكم


#1404168 [منور]
5.00/5 (1 صوت)

01-23-2016 06:47 AM
يا حلاتو كل والي بي بصاتو ... يعني والي الخرطوم بقه شغله يجيب بصات ولا شنو !!!!!؟؟؟


#1404123 [SUDANESE]
5.00/5 (1 صوت)

01-23-2016 12:58 AM
دي حاتكون ذي بصات عبدالرحمن الخضرسئ الذكر.....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة