الأخبار
أخبار إقليمية
موسى محمد أحمد : مساعي رسمية وغير رسمية جارية لالحاق حاملي السلاح بالحوار
 موسى محمد أحمد : مساعي رسمية وغير رسمية جارية لالحاق حاملي السلاح بالحوار


01-27-2016 11:55 PM

الخرطوم (سونا) أكد مساعد رئيس الجمهورية موسى محمد أحمد أن هنالك مساعي رسمية وغير رسمية جارية لالحاق وإشراك حاملي السلا ح والاحزاب الممانعة للحوار ، مشددا لدى مخاطبته فعاليات ختام الحوار المجتمعي بمحلية جبل أولياء البوم على ضرورة تجاوز التحديات التى تواجه الحوار والذي يعتبر مسألة استراتيجية لابديل لها بهدف التوصل للوفاق السياسي والتراضي الكامل لتحقيق لم الشمل بالبلاد والذي يدعو له الرئيس المشير عمر البشير ،ودعا الى ضرورة توافر الارادة لدى كافة الاطراف للتوصل للحلول الجذرية لكل قضايا البلاد .
وقال موسى إن المرحلة القادمة تتطلب التعاضد والتكاتف وتوحيد الصف و لابد أن يكون للجميع دور ومساهمة ،مشيرا الى أن الحوار جاء بعد أن عجزت المبادرات السابقة ،على مدى ستين عاما من نيل السودان استقلاله ،عن تحقيق المرامي والاهداف ،واعتبر موسى أن الحوار المنطلق على مستوى المجتمع هو الاهم ،باعتباره يحقق نتائج وينتج حلولا للقضايا التي تمس المواطن بشكل لصيق ومباشر ، بصورة تكتمل حلقاتها تدريجيا ،مؤكدا أن نتائج الحوار ستسهم في تطور البلاد ونهضتها والوصول للديمقراطية والاستقرار السياسي بالداخل وعلى مستوى دول الجوار.
وأكد موسى أن قيادة الدولة تصبو لتحقيق الافضل والتطور الى مصاف الدولة المتقدمة ،الأمر الذي يتطلب مشاركة واسعة من قبل الافراد والمؤسسات والاحزاب .
وقال ممثل والي ولاية الخرطوم ،وزير العمل وتنمية الموارد البشرية بولاية الخرطوم الاستاذ أسامة حسونة إن الحوار بمثابة بوصلة وخارطة طريق لحل ومعالجة قضايا السودان ،وأعلن أسامة تسليم توصيات الحوار لرئيس الجمهورية ،في مسيرة مليونية ستنظم في الفترة القادمة .


تعليقات 5 | إهداء 0 | زيارات 1338

التعليقات
#1406833 [الناهه]
0.00/5 (0 صوت)

01-28-2016 12:59 PM
السيد مساعد رئيس الجمهوريه ما قنع لسه
مفاوضات رسميه وغير رسميه فشلتا
تاني مافي طريقه تب اختموا حوار الوثبه بما فتح الله به
وخلونا في الجد جد
حوار في احدى الدول الاوربيه بحضور الامم المتحده ومجلس الامن والاتحاد الاوربي وامريكا
ده الحوار كان قلتو استنصار باجنبي ولا غيره في النهايه ده الحيحصل
المجتمع الدولي ما عنده قروش يصرف على النازحين واللاجئين اكتر من كده وامريكا واسرائيل بعد جنوب السودان ببتروله وبناء سد النهضه تاني ماعندها حاجه عايزاها بس تاني دايره هدؤ عشان تستفيد من مشاريعها الجديده دي عشان كده درتو ولا ابيتو حيجيبوكم غصبا عنكم تقعدوا مع بعض وتعملوا دستور دائم وحكومه انتقاليه ديمقراطيه والعصا والعقوبات المغلظه لمن ابى ولربما ختم الامر اذا استعصت الامور بالمحكمه الجنائيه وكل السيناريوهات وارده ومفتوحه وجاهزه
خلاص زمن الكلام الماعنده معنى ده انتهى
افيقوا فان الوقت سرقكم ومافي طريقه للف او دوران فقد اكتملت الدوره


#1406686 [د عماد تاي الله]
0.00/5 (0 صوت)

01-28-2016 08:55 AM
وهكذا تكتمل حلقات التامر علي شعبنا الابي الكريم وتابي النفوس الوضيعة الا تدوس علي كرامة المقهورين والمحرومين من شعب البجا واحرارنا في شرق السودان .
عفوا ايها المرتزق فقد استوعبنا الدرس .
مهلا ايها الخائن فنحن عقدنا العزم علي ازالة الظلم وكنس الطغيان.
ها قد عرفنا النطيحة والمتردية وما اكل السبع .
لم يعد عاقل يثق في نظام فاسد .
لم يعد الوطن يسع بنيه؟


#1406607 [عودة ديجانقو]
5.00/5 (1 صوت)

01-28-2016 05:17 AM
للعلم طبعا المدعوا موسى محمد احمد هو القاعد فى الصوره الفوق يمين عرمان وإذا برضوا ما عرفتوهوا لابس شبط تموت تخلى....ولا يسعنى فى هذه العجاله إلا ان أقول سبحان الذى يحى العظام وهى رميم.

ده ما حسد يا موسلينى لأنه أنا ما زولا رخيص


ردود على عودة ديجانقو
European Union [ابوامنة] 01-28-2016 12:04 PM
نعم المحاربين البجا تعرضوا كثيرا لغارات الصوخوى والدبابات والراجمات والالغام وتعرض مناضلوهم للمجازر والسجون والتعذيب والمحاربة في الارزاق والتشريد والتهميش .. لكنهم تعاهدوا لا استسلام .. لا خناع .. لا مساومة مع السلطة الاجرامية.
انهم ادوا القسم لا تهاون .. لا تخاذل .. لا استرخاء..
انهم سيرفعون راية النضال عالية حتي يتم سحق النظام والرمي به في مزبة التاريخ

European Union [أحمد تبارك] 01-28-2016 10:57 AM
الصورة تنبئ عن واقع الحال الذي جعلهم يحملون السلاح فهذا حال قائدهم كما ترى يا ديجانجو يلبس الشبط البلاستيكي (شدة) فما بالك ببقية الشعب البجاوي؟ هذه الصورة مدعاة للفخر والاعزاز، تتحدث عن نفسها اخي قل الحق او اصمت .. ما كان البجا ماجورين ولا كانو مرتزقة ولا كان خونة حاشا لله ان يكونو كذلك فهم رجال حملو قضيتهم محل الرجال ووصلو بها الى ما ارادوا ومازالو يكافحون من اجل شعوبهم في شرق السودان...
لا تطلق الكلمات والاحكام جزافا فتؤذي بها الشرفاء .. التحية لكل اهلنا الشرفاء بالشرق والغرب والجنوب والشمال ولكل من بذل قطرة عرق في سبيل رفعة ونهضة السودان دفاعا وعملا دؤوبا من اجل ان ننعم نحن بالامن والسلام والرفعة .. احي كل سوداني وطني (بخلاف وطنية الكيزان) حادب على مصلحة السودان وماسك على جمر القضية منافحا ومناضلا من اجل الديمقراطية وارساء دعائم العدل والمساواة.

[سيد البلد] 01-28-2016 08:21 AM
عشان يعرفوك كيف أهبل . أولاً ده الشبط البيلبسو الأرتريين بعدين الصوره توريك أنو كيف عانوا المحاربين البجا وجابوها بالجهاد وأنا اعتبر ده فخر. والله موسى أشرف منك ألف مليون مره . المحاربين البجا تعرضوا مرات ومرات للموت بالطيران الصوخوى والدبابات والراجمات لمان أنتوا كنتو قاعدين في بيوتكم وما داير أزيد أكتر تعففا ( لأنو لساني ما بعرف الشتايم) . وده المعارضة الوحيده اليشكروها المواطنين عشان ما نهبتهم.


#1406605 [باكاش]
0.00/5 (0 صوت)

01-28-2016 05:00 AM
يالحمة الخيانة قبال ما تظهروا انتو في السياسة
البجا كانوا مهابين وغزيزين جبتوا اسمهم
في الواطة ما اصلو كانو بفقروكم من زمان
اه حسه ادوك ورقة وقالو ليك امش اقراها
في الجبل عشان الناس ماينسوك ؟


ردود على باكاش
[باكاش] 01-29-2016 09:39 AM
البشير مزنوق في تولتوا وشاخي في
لباسو وخوفة اوكامبو لسة ماطالعا منو
عشان كدا بيشتم ويرغي محل مايجي وانا ماعنصري وقلت انتو واقصد الناس الوقعت
الاتفاقية المشئومة..واقرا تعليقي في شيبة
ضرار وتاني عفي الله عما سلف مافي للعملا والخونة وفي النهاية عايز تحامي
لموسي وبرضك ماعنصري!!!!!

[الاصلي] 01-28-2016 10:28 PM
باكاش انت ماعندك موضوع العنصرية والوطنيه مايتلاقوا ولا خليك وطني ولا عنصري .وين عزت البجا بتاعتك البشير في بورسودان يشتمكم ويسء موسى وامنه ضرار جنبوكم ويلات الحرب وانت وشيبه ضرار كملوا الباقي لو تقدرو


#1406571 [aaaaaa]
0.00/5 (0 صوت)

01-28-2016 01:43 AM
ياسلام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة