الأخبار
أخبار إقليمية
البشير يصدر قراراً بفتح الحدود مع جنوب السودان
البشير يصدر قراراً بفتح الحدود مع جنوب السودان
البشير يصدر قراراً بفتح الحدود مع جنوب السودان


01-27-2016 10:56 PM
(سونا) - أصدر المشير عمر البشير رئيس الجمهورية قرارا اليوم يقضي بفتح الحدود مع دولة جنوب السودان ، كما وجه سيادته الجهات المختصة باتخاذ كافة التدابير لتنفيذ هذا القرار على أرض الواقع.


تعليقات 17 | إهداء 0 | زيارات 7244

التعليقات
#1407090 [صالح الطالح]
5.00/5 (1 صوت)

01-28-2016 11:51 PM
مصلحة للطرفين فتح الحدود مع الجنوب لانسياب السلع ..تعود الفائدة للمواطنين بعيدآ عن السياسة


#1406822 [حلمان]
5.00/5 (1 صوت)

01-28-2016 11:47 AM
التعليمات صدرت لسلفا من قتلت قرنق
(( هذا مخطط رهيب ربما يكون بداية النهاية للسودان.))........
#يتم انزال السلاح في دارفور بكميات
#يتم ادخال السلاح في ابيي كذلك،،
#يتم ادخال الجنوبيين لأطراف العاصمة واغلبيتهم مدربين في اسرائيل.
#تجهيز الخلايا النايمة في العاصمة والولايات.
#دخول اللاجئين باعداد تزيد من تفاقم الوضع الاقتصادي
#دعم التمرد بواسطة حكومة سلفا
وبذلك يحققوا السودان الجديد...
نصيحة...اغلقوا الحدود لا شمال لا جنوب
(ما تطبظوا عيونكم باصابعكم).....


ردود على حلمان
[Floors] 01-28-2016 01:04 PM
يا أخي لو كان الهدف كما تقول مرحباً بالجنوبيين ونتمنى أن نتعامل مع الشيطان لتخليصنا من إخوان الشيطان والشاويش عطية مادام رعايا السودان جبناء وفي ثبات عميق لأكثر من ربع قرن خليكم نايمين ولربما يرسل الله لكم جنوداً من السماء لإزالة الشاويش !!! هيهيات لكم ذلك ياكسالى !!!!


#1406815 [ود احمد]
0.00/5 (0 صوت)

01-28-2016 11:41 AM
لا بد لارض المليون ميل ان تعود وهل يا ترى يصلح الزمن ما افسده السياسيون


#1406810 [الناهه]
5.00/5 (1 صوت)

01-28-2016 11:32 AM
ما هو الثمن
ياجماعه في استفتاء تقرير المصير اكتر من 99% قالوا ما دايرين الشمال
لكن اصبروا اسرائيل قربت من اعادة هيكلة جنوب السودان فيما بين سلفاكير ومشار وما زلت تطمع في النيل الازرق حيث خزان سنار وجنوب كرفان حيث باقي ابار البترول
يعني بالعربي كده في نيفاشا2 و3 منتظراكم
وطبعا هذا المستوى من التفكير غير مطلوب من حكومة المؤتمر الوطني بحكم انها هي التى وقعت على المشئومه اتفاقية نيفاشا الام ببروتوكولاتها الثلاثه وغرزت ثلاثه خناجر في خاصره الوطن دون وعي ولا هدى
وليس هذا فحسب انما سيتم تطبيق اوامر قبض المحكمه الجنائيه ومن داخل السودان وليس عن طريق الكر والفر خارج السودان وما عليكم الا تحري بلوغ سد النهضه الاثيوبي الصهيوني حدا معينا واعادة هيكلة دولة جنوب السودان سياسيا بعد كده حتشوفوا بعينكم ما سيحصل ولا عزاء للاغبياء والبلهاء
ما استعجلتو شويه في فتح الحدود
الاغبياء البلهاء يحسبونه اعتدال وحسن جوار ولكن الامر يخفي لهم الكثير المثير الخطر وما اقصر نظرهم
اللهم هل بلغت فاشهد


ردود على الناهه
[زول قرفان] 01-28-2016 12:49 PM
تحليل في الصميم يا الناهه لكن السذج فقط فالحين في الدوس على الشعب المسكين


#1406783 [فكرى]
0.00/5 (0 صوت)

01-28-2016 10:49 AM
خطوة فى الطريق الصحيح وتمثل لبنة للعودة الطوعية كونفدرالية كانت أم وحدة جاذبة هذا طبعا بعد زوال من أصدر القرار ورهطة الغير ميامين الذين يتسسرب منهم الصواب فى كل عشرة سنة مرة ..



الحرية لوليد الحسن وكل المعتقلين فى السجون


#1406743 [jime fan]
4.00/5 (2 صوت)

01-28-2016 09:46 AM
ي اخوانا روقو المنقا شوية ما قال االوحدة بل فتح حدود زي بتاع مصر وارتريا ثيوبيا والسعودية ودى رحمة للتجار السودانيين البجازفو يوصلو بضاعتهم للجنوب بشتي الطرق اولا وبعداك رحمة للبخيت ود البخيت.قيلو عافية١!!!!!!!!!!!!!!!!!!١!!!!!!!!


ردود على jime fan
[سوداني الهوي] 01-28-2016 10:49 AM
ههههههههه.... بخيت ود البخيت دا منو يا Jime Fan؟؟؟؟؟
و بعدين نروق المنقه كيف ياخ؟؟؟ و الله انا شخصياً لو لقيت فرقه امشي الجنوب كداري ما بتردد..
الله يجازي محنك!!!


#1406718 [عماد الدين]
4.00/5 (3 صوت)

01-28-2016 09:14 AM
خلونا نساعد السودان شوية بمناسبة عودة الصلات الطيبة مع الجنوب نرجو أن تتوقف الحروب في جنوب السودان وفي الغرب ونعيد توزيع مهام المدن السودانية بدون عرقية ولا جهوية مثلا : جوبا :- نخليها مدينة عالمية ، فنادق خمسة نجوم وأندية عالمية فيها كل حاجة محلي ومستورد. وبورتسودان :- نبني فيها مدن وقري ساحلية وسياحية تكون شبة المناطق الحرة يعني قوانين خاصة بيها مع تنشيط المهرجانات السنوية .. الدندر والرهد وعموم النيل الازرق نخليها مناطق صيد وتخييم وسفاري عالمي مع توفير الخدمات الضرورية .. والمرّة الجاية نشوف باقي المدن السودانية ..الشمالية وماأدراكما الآثار والجزيرة وكسلا وعموم الغرب خاصة جبل مرّة والابيض .. بالله قدّروا المشاريع دي بتجيب كم مليار في السنة الواحدة.


#1406696 [Zorba]
3.00/5 (1 صوت)

01-28-2016 08:18 AM
عقبال باب اسرائيل


#1406652 [ابو جلمبو]
3.00/5 (1 صوت)

01-28-2016 07:11 AM
البشير ده زي الراجل مع ست الشاي لما ادتو كباية شاي حاره ومسكها وهر زغردت، قام الراجل قعد فوق نار الكانون، بشة متخلف واحمق، والاحمق ما بينفع في السياسة ولا في اي شي


#1406630 [الاختشوا ماتو]
4.00/5 (2 صوت)

01-28-2016 06:07 AM
والناس الصادرتو بضاعتهم وعرباتهم والذين لازالوا خلف القضبان والذين ماتوا اواصيبوا بجراح خطيرة حتعملوا ليهم شنو والزول القال للجيش والشرطة والامن shoot to kill ده بعدين حسابو كيف مع ربه والله انتو سياساتكم كلها رزق اليوم باليوم عشان كده غطستو حجر البلد واتنيلنا معاكم ب60 نيلة الله لاغز فيكم بركة ولابارك الله فيكم الاحياء والاموات يا عصابة الرقاص حفدة قوم لوط وخلفاء ابليس فى الارض .


#1406619 [سوداني في كمبالا]
3.00/5 (2 صوت)

01-28-2016 05:00 AM
تعالوا كمبالا وشوفوا كمية البضاعة الداخله جنوب السودان! الغريب قابلت بعض السودانيين باخذوا بضاعة من كمبالا حتي معسكر ايدا القريبة لهجيليج واللامم المتحدة ترحل بضاعة التجار بنصف القيمة وبالطائرات كمان....تعالوا كمبالا اروا بارك فندق جوبا وفندق دارفور وفندق السودان عشان تشوفوا الدولارات والله اصغر تجار راس ماله ربع مليون دولار


ردود على سوداني في كمبالا
[مصاحب غرابى] 01-28-2016 09:46 PM
والله ياغرابى انت عبيط شديد .. هسه الزول دا جاب كلمة الغرابى فى تعليقو دا انت زول معقد ساي وحتى لو قال غرابى الحارقك شنو فى الكلمة دى .. واذا كان كلمة الغرابى شتيمة انت مسمى حالك غرابى ليه يا بهيمه .. والله ناس عقد اعوذ بالله على كلام شبونه

[غرابي] 01-28-2016 08:05 AM
تقصد شنو بكلهم غرابه يعني حتي التجاره في نظركم مفترض تكون محتكره لجه معينه ياخي سيب النظره الاستعالائيه بتاعتك دي انت وين فاكر الغرابه زي زماان تعليم ضعيف وماعندهم امكانيات ..الغرابه خلاص عبرو ومشو بعيد فهم كل التخصصات والشهادات العليا من افضل الجامعات العالميه وممكن تكون عارف دا لو ماكدا ماكان وصلو للاماكن الانت وامثالك حاسدنهم عليها


#1406611 [yahoo]
4.00/5 (3 صوت)

01-28-2016 04:38 AM
يوجه بفتح الحدود؟ حديده في صلعتك يااهبل يا هبوله يا يااااااااااا شعبك في المعسكرات والكراكير جيعان مرضان حيران ياءس باءس ولا علي بالك. انت الله ما بتخافو ولا ماعارف تحكم ,ياخي ابقي راجل واتنكر واغترب لمدة شهر بس عشان تعرف الحاصل سيبك من الكرور المعاك ده من مساعد ومستشار وما عارف ايه .اصحي يا اعمل ليك سطر مشرف في كتاب التاريخ


#1406596 [حاج علي]
4.00/5 (4 صوت)

01-28-2016 03:19 AM
ما قلت تاني بصلة ما تصل الجنوب
والكوز كمال فال تاني مافي جنوبي ياخد حقنة ..حقنة تفرقت راسكم
اما خالك الذي ضبح تور خلي يموت بغيظه


#1406591 [كلام عجيب]
4.00/5 (2 صوت)

01-28-2016 02:52 AM
والله يابشير الهنا

حتي سلفاكير فهم اللعبة زي المصريين وبقي يلعب عليك

ياخوي قالوا الشكرو قدامو نبذو

بقرة زنقة الجنوب بتروح وسلفا بوريك الوش التاني

المشكلة اختذلت السلطة والحكومة والشعب كله في شخصك

البشكرك معناها بشكر السودان وبتمني ليه الخير


القرار دا متسرع جدا وبدون اي ضمانات لمتين تبطل دغمسة ياريس
خلي الاوضاع تستقر في الجنوب وكردفان والنيل الازرق ودارفور بعد كدا اتخذ قرار كهذا

اما غير كدا حوارك دا بلو واشرب مويتو ساكت حاتولع ليك نار تاني جديدة


#1406587 [Rashid]
2.00/5 (2 صوت)

01-28-2016 02:22 AM
ابحث عن فضولى ! تلقاه وراء قرار الملك البشير !


#1406582 [جانا الخبر]
4.00/5 (3 صوت)

01-28-2016 01:48 AM
أقفل البلف
أفتح البلف
أقفل البلف
أفتح البلف
أقفل البلف
أفتح البلف
.
.
.
.
.
.


ردود على جانا الخبر
[AL-Kiran] 01-28-2016 04:09 AM
Light on.. light off.. light on.. light off.. light on.. light off.. light on.. light off....................................on.... ...........................................no............off.........


#1406580 [SUDANESE]
2.75/5 (5 صوت)

01-28-2016 01:37 AM
وريني توجيه للبشير نفذ؟ اللهم الا ان يكون فيه مصلحة لبني كوز~ قاتلهم الله.


ردود على SUDANESE
European Union [مليون ميل مربع] 01-28-2016 07:40 AM
نحن قبيل شن قلنا - ما قلنا الطير بياكلنا - الإنفصال كان وبال على الجنوب و الشمال لو الناس بطلت الإرتزاق و المصالح الشخصية فالوضع الطبيعي للسودان في المليون ميل مربع - و كما قيل فالإتحاد قوة الضعاف - هكذا حال الجنوب و الشمال رغم أن الجنوب الآن أردأ حالاً بفعل الطبيعة و الحروب و ضاع في الغلبان - الوحدة جميلة مربحة-

European Union [مليون ميل مربع] 01-28-2016 07:36 AM
خطوة مباركة ليرجع السودان بهيكله القديم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة