الأخبار
أخبار إقليمية
عبدالواحد محمد نور : الحكومة تحارب كلما هو اصيل لذلك تستهدف النوبيين
عبدالواحد محمد نور : الحكومة تحارب كلما هو اصيل لذلك تستهدف النوبيين


نوجه قياداتنا وقواعدنا للتضامن والتحرك مع النوبيين داخل وخارج السودان فوراً
02-16-2016 04:17 PM
عبدالوهاب همت

استطلعت الراكوبة أراء بعض القيادات حول اصرار حكومة المؤتمر اللاوطني على تهجير النوبيين وبناء السدود في شمال السودان تحت دعاوى توفير الطاقة الكهربائيه , والامر في حقيقته هو طمس لآثار حضارة ضاربة الجذور واستهداف للموروث الثقافي والاجتماعي
, بدأت بالقائد

القائد عبدالواحد محمد نور رئيس حركة جيش تحرير السودان قال: تحت دعاوى الصالح العام وهو صالح (خاص جدا) حاربت الحكومة الخدمة المدنية , فأحالوا الاصول وأتوا بالتقليد لذلك انهارت الدولة السودانية تماماً وبأسرع مما هو متوقع.
الهجمة على الحضارة النوبية الان تحت دعاوى قيام السدود هي كذبة كبرى , والسودان الذي شهد التسامح والتعدد بين المسيحيين الاقباط والجنوبيين وفي جبال النوبه واليهود ,هؤلاء جميعاً ضمتهم الدوله السودانيه وكل منهم كان يحترم معتقد الاخروعاشوا في أخوة ومحبة.
جاءت الانقاذ بسيرتها القبيحه وأفعالها الذميمة فاشعلت الحروب في الجنوب وفي جبال النوبة تحت دعاوى انهم غير مسلمين , ألحقتها بحرب ضروس في دارفور والان تقدح زنادها في الشمال وسؤالي أليس هناك في السودان من هم أكثر اسلاماً من أهل دارفور والنوبيين ؟ .
الدولة السودانية كلها أصلها نوبي وتاريخها ضارب في الاعماق وحضاراتها شامخة يأتي اليها العلماء والباحثون ليدرسوها ويفكون طلاسمها وأرض النوبة في الشمال شهدت أول عملية لصهر الحديد قبل 7 ألف عام , اختلاط النوبيين مع غيرهم هو الذي أنتج دولة السودان , وهم أصحاب لغة جاءت قبل نحو5 ألف عام قبل الميلاد , فكيف للانقاذ أن تفكر في بناء السدود لدمار وتدمير الاثار والتاريخ والحضارة المتوارثة جيلاً عن جيل.
تحت أكاذيب ودعاوى أن السدود سوف تغذي السودان من الطاقة الكهربائية بل وستصدر ذلك تم تشييد سد مروي فأين هي تلك الوفرة وكم انخفضت أسعار الكهرباء من العام 2009 وهل انتهى مسلسل انقطاع التيار الكهربائي؟
نقول لأهلنا النوبيين في الشمال قاوموا هذه المخططات التي تريد أن تشردكم وتجعلكم هائمون بلا وطن ولاتاريخ ولتكن تجربة تهجير أهالي حلفا عظة وعبر ونعلم مخططات الحكومة القبيحة التي أفضت الى حرق أكثر من 200 ألف شجرة نخيل حتى الان والغرض مكشوف. نحن من جانبنا نعلن استعدادنا الكامل لمسانتدكم بكلما نملك , ولن نكتفي بذلك بل ندعو الاخرين ليدعموا وقفتم اابطولية وقد شاهدنا النساء يتدافعن قبل الرجال تأكيداً على رفضهن للتشريد.
الدواعش في السودان يريدون القيام بما قامت به طالبان بعد أن دعموها ورسخوا اقدامها,وتأتي الان خطوات التدمير التي يجب ان نقاومها حتى الرمق الاخير.
يريدون ان يهجروا السكان ليأتوا بالارهابيين أعداء الثقافة والتنوع , علينا جميعاً ان نتحرك للوقوف مع النوبيين في قضيتهم العادله وهي ..لا للتهجير .. ولا للتدمير ولنتحد جميعاً لاسقاط النظام والشعلة التي انطلقت في مشكيلة وغيرها من المدن النوبيه يجب ان تستمر وتصل مدن السودان الاخرى ونوجه قواعدنا داخل وخارج السودان للعمل مع النوبيين اينما كانوا للتضامن والتظاهر في كل مسيرات النوبيين المناهضة لبناء السدود.



تعليقات 14 | إهداء 0 | زيارات 6035

التعليقات
#1416649 [عبدالله احمد محمد]
5.00/5 (1 صوت)

02-18-2016 11:00 AM
هنالك من يجيدون الصيد فى الماء العكر .... هل دافور هدأت بعد اشعلتموها نارا صالية تحرق الواطيها من ابناء دارفور العظيمة وانتم ترفلون فى نعيم اسرائيل وباريس اتقوا الله فقد شردتم ورملتم وهنالك يتامى ورحل ورعب وخوف ونهب واغتصاب اتقوا الله وارحموا من فى الارض يرحمكم من فى السماء الناس ما ناقصة حروب وضنك عيش جكموا ضمائركم ان ربك لبالمرصاد هذا توجيه ونصح ونصيحة للجميع حتى للحكومة التى اعلنت بالا زيادة فى الميزانية الجديدة ولكنها زادت رغم انف الجميع الغاز والمياه ... الموية حقت الله كما زادوها ... هنالك ثلاثة اشياء لم يجعل لبشر كان اليد فيه .. النفس والزرع والموية والرابع الصحة كلكم راع وكلكم مسئول عن رعيته


#1416468 [Aola Tah]
5.00/5 (1 صوت)

02-18-2016 03:08 AM
والله عفارم عليك قلنا احذروا الحليم اذا غضب ونحنوا النوبييين اتحملنا بما فيه الكفايه واليوم خلاص فاض الكيل ويا الثوري عبد الواحد النوبيين يمدون اياديهم ويفتحون ابوابهم لكم ضد الطغيان في الشمال والشرق واليوم كل النوبييين الشرفاء متوحدين علي قلب رجل واحد وهذا ليس ضعف منا يد الله مع الجماعة واليد الواحدة ما بتصفق والثورين او نداء السودان براهم ما بيادوا الغرض لازم الوقوف معا ضد الشيطان وفي الجماعه قوه وكل يوم تقولوا عايزين تغيير يا ترى هو التغيير والحريه والكرامه بتجي براها ولا لازم يكون هناك تضحيه وحان الان بان تسترد السودان وتتعالج من السرطان الذي اصابها واخيرا احنا ما منتظرين زول يحسسنا علىوجعنا وجعنا عارفينه ديا ديا


#1416345 [QUICKLY]
1.38/5 (4 صوت)

02-17-2016 06:58 PM
طيب والله أصيل وكلامك في الصميم!!
عشان كدا جداد كتير ظهر هنا وان حاول بعضهم التظاهر بعكس ذلك


#1416200 [عماد الدين]
0.00/5 (0 صوت)

02-17-2016 02:43 PM
ياشباب لازم نعرف أن كل اطراف النزاع الدائر في السودان هم سودانيين نختلف مع من نختلف معه ولكن حتي لا ندخل في أحقاد ضد بعض. البشير سوداني وعبد الواحد سوداني والترابي سوداني وياسر عرمان سوداني والصادق والميرغني وووو لكن المشكلة إننا متخلفين وحرامية وكل واحد عامل فيها السودان ده حقو براه والباقين يشربوا من البحر والرايح فيها الشعب السوداني . خليكم محضر خير بين الجميع وشوفوا المناسب شنو عشان الناس تعيش مافي زول حايرحمنا إذا ما رحمنا أنفسنا والسلام.


#1416120 [فدائى]
0.00/5 (0 صوت)

02-17-2016 12:53 PM
هو انتو عندكم حاجه واحده نفعت مما اطلت وجوهكم القبيحه الكريهه علينا ما انتوا اصلا وش خراب ودمار ومستحيل تعملوا حاجه نافعه ولا ينتفع منها انسان لانو طبيعتكم الخلقتوا عليها ضد الانسان والانسانيه بلا اخمكم ياوسخ الدنيا


ردود على فدائى
European Union [Konda Saeed Koudi] 02-17-2016 02:31 PM
لا داع لسب رب العالمين، أن الذي خلقهم هو الله عز وجل، فاحترم الله علي مخلوقاته


#1416079 [مهدي إسماعيل مهدي]
0.00/5 (0 صوت)

02-17-2016 11:55 AM
يا عبد الواحد، كفاية تنظير.

عُد إلى دارفور وأنقل الحرب إلى المركز إن كنت تستطيع، فالتغيير لا يتم إلا من هناك.

العين بالعين والسن بالسن والجروح قصاص، والحقوق تؤخذ ولا تُعطى.


#1415995 [مبارك محمد الفضل - السودان]
0.00/5 (0 صوت)

02-17-2016 09:50 AM
يا عبد الواحد وجد الله واصدق فى قضيتك من اجل اهلك فى دارفور ووفر لهم اﻻمن واﻻمان قبل ان تبحثه للنوبة . نعم هى حسنة ان تتفاعل مع كل قضايا المواطنين فى اى موقع بالسودان ولكن وضع اقليمك دارفور هو اﻷسوأ واﻷكثر مأساوية من غيره فالتركيز عليه هو اﻷولى .. اترك اسرائبل وفرنسا ورابط مع أهلك فى اﻻحراش واﻻدغال لتعيش همومهم ساعة بساعة لتأتى دعواك صادقة نابعة من الواقع .. خلاص يمفيهم عويل ونعيق كالسراب يحسبونه ماء حتى هلكوا ظمأ وجوعا


#1415946 [ماهذا]
0.00/5 (0 صوت)

02-17-2016 08:34 AM
انت تقوم بأسلوب المديدة حرقتنى لتشعل النيران كذلك فى الشمال كما اشعلتها فى الغرب وتديرها بالريموت كنترول وانت مستلقى على أسرة الحرير والديباج بفنادق الخمسة نجوم وتريد لمن تبقى من شباب السودان ان يواجهوا الحكومة بصدورهم العارية لتحصدهم أسلحة الحكومة الفتاكة لتأتوا أنتم وتلتهموا الكيكة جاهزة ، اهلنا فى الشمال قالوا كلمتهم وأعلنوا رفضهم بالطرق السلمية وسيواصلوا نضالهم سلميا الى انت تحل قضيتهم ولن ينتظروا لتأتي انت لتنظر لهم لان فاقد الشيء لا يعطيه


#1415845 [yahoo]
4.25/5 (5 صوت)

02-17-2016 01:40 AM
كلام حق يراد به باطل للاسف الفتنه ناءمه لعن الله من يوغظها كفايه النار اللي ولعتها وهربت خليت المساكين فيها اتقي الله


ردود على yahoo
European Union [عقيل] 02-18-2016 01:36 AM
(( يوغظها ))
ما قادرين تنقلوا كمان ؟؟

[ibrahim] 02-17-2016 11:02 AM
وين الباطل هنا في زول بتضامن مع شعب من شعوب السودان بتدمر حضارتو بل حضارة السودان ككل تحت دعاوي التنمية كان الاولي ان توجه كلامك دا للسلطة لكن يبدو انك جزء من هذا النظام الفاسد

[الدجاج عامل ازعاج] 02-17-2016 10:43 AM
اسكت ايها الكوز المأفون ..
لعنة الله عليكم اجمعين محرضنك اسيادك تجي تتكلم بدون فهم وبدون وعي يا دجاجة يا خبيثة تفوووووووووو


#1415802 [ashraf]
5.00/5 (3 صوت)

02-16-2016 10:47 PM
تصريح المناضل عبد الواحد في غاية الاهمية,"الدواعش في السودان يريدون القيام بما قامت به طالبان بعد أن دعموها ورسخوا اقدامها,وتأتي الان خطوات التدمير التي يجب ان نقاومها حتى الرمق الاخير".


#1415785 [ادم برقو]
3.00/5 (3 صوت)

02-16-2016 09:42 PM
والله يا عبد الواحد قالة قلبتها حماتها جات تادب جارتها
يعني دي عنصرية عديل
طيب سؤال الناس الدخلو السودان ليهم 200 و300 و400 1000 سنة وين يمشو
ثم الثابت من التاريخ ان سلطنة دارفور كان تقع في تشاد كل شرق تشاد
الارض حقت الحكومة الا من سجل
ما فيش حاجة اسمها حاكورة او بطيخ
ناس دارفور زاتهم عندهم راي في ان يسمى الاقليم بدار فور
اذا استمريت في عنادك لا انت تستطيع تسقط الحكومة ولا تستقر في دارفور
لا تغامر باولاد الفور
لا يمكن لحركة مكونة من قبيلة واحدة تحارب 350 قبيلة
وهذا ما انتهى اليه العاقلين من دبجو والسيسي فقد عرفو ان مناطحة الحكومة مستحيل
عد وخد وزارة وريحنا


ردود على ادم برقو
European Union [حميرطي] 02-18-2016 01:38 AM
الفاشل السيسي ودبجو وزولك ( البرقو) ده

[ظفار] 02-17-2016 02:40 PM
عبدالواحد ليس عنصري ولكنه فاشل


#1415779 [الاختشوا ماتو]
4.88/5 (6 صوت)

02-16-2016 09:18 PM
البندقية البندقية والبندقية ولاشىء سواها وارموا قدام يا النوبيين وكونوا اول من اشعل شرارة اللهيب الذى سيحرق عصابة الرقاص عشان تاخدوا الشكرة من الشعب والجزاء الاوفى من الله


#1415746 [أبو محمد]
0.00/5 (0 صوت)

02-16-2016 07:49 PM
في اثيوبيا المجاورة توحدت المعارضة والحكومة في قيام سد النهضة وفي السودان اكتوى المواطن الغلبان في الشجار بين المعارضة والحكومة فلا المؤتمر الوطني وطني ولا المعارضة وطنية فكيف تصلح القضية سدود له ايجابيات وبعض السلبيات فسد مروى مثلا ساهم في إنارة دارفور والسودان عموما على الرغم من سلبياته.


ردود على أبو محمد
European Union [شرقلي] 02-18-2016 01:41 AM
القاليك الكلام ده منو ؟؟؟
يا خي سد مروي ما ساهم في انارة الشمالية .. تقول لي دارفور البعيده دييك !!!!!!

[عودة ديجانقو] 02-17-2016 02:29 AM
ذكرت الايجابيات ..أها خليك شاطر واذكر السلبيات.
الكهرباء بتاعتوا وصلت دارفور يلاء ما علينا مشى..والنبى يابكرى عندك واحده من ابوفيل أعدل بيها راسى؟؟

[بعانخى] 02-17-2016 12:13 AM
عندكم عقدة اسمها دارفور
سد مروى شنو الساهم فى انارة دارفور
هى كهرباء مروى طلعت من مروى
شكلك جدادة خبيثة او عنصرى بغيض عقدتك مع دارفور
اطلع من كركورك ده وشوف دارفور انارتها من وين ..
قال انارة قال

[من ارض السودان البكر] 02-16-2016 11:20 PM
بسم الله ساهم في انارة دارفور وين ؟ مع اني مع قيام السد بدون ضرر للاهالي وارى ان المعارضة حاقدة فقط


#1415698 [صالح ود سنقيد]
4.79/5 (6 صوت)

02-16-2016 05:33 PM
الله واحد..عبدالواحد شعب واحد..جيشا واحد..كلام واحد.. سودان واحد.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة