الأخبار
أخبار إقليمية
البشير : شقيقتي قالت (البقرا طب زول مجنون في البلد دي 6 سنوات تنتهي بالعمل في بيئة متردية)،
البشير : شقيقتي قالت (البقرا طب زول مجنون في البلد دي 6 سنوات تنتهي بالعمل في بيئة متردية)،


أختي قرت إعلام 4 سنوات هسي قاعدة في مكتب نضيف ومكندش
02-26-2016 11:52 AM
البشير: (في ناس ما عندهم حق التاكسي أو الركشة للوصول للمستشفيات)
الخرطوم: ندى رمضان
أكد رئيس الجمهورية المشير عمر البشير، رضاء الحكومة عن جهود وزير الصحة بولاية الخرطوم برفيسير مأمون حميدة، لما وصفه بنجاحه في نقل الخدمة من المركز للأطراف وفقاً لسياسات حكومة ولاية الخرطوم.
وقال البشير: (أنا لما كلفت مأمون عارف كلفت منو، ومأمون ما حصل خذلني)، وزاد: (ربنا يتقبل منك يا مأمون، وفي ميزان حسناتك لأنك ضحيت عشان تقدم للناس الخدمة)، وتابع: (حميدة ما محتاج لي وظيفة أو سمعة أو مكانة أدبية لأنو حققها مبكراً، ورغم كده يتعرض للنقد والهجوم).
واعترف البشير بوجود أشخاص يعيشون حد الكفاف ولا يمتلكون ما يعينهم للوصول للمستشفيات بقوله: (في ناس حق التاكسي أو الركشة ما عندهم)، وأوضح أن نقل الخدمة من مستشفى الخرطوم لمركز التميز للحوادث والطوارئ يستهدف المواطنين المعدمين، وقال: (البتكلموا عن الفقراء، الفقراء موجودين في الأحياء الشعبية، امتداد الدرجة التالتة والكلاكلات وجبرة وفي الصحافة ومعظمهم من أصحاب المعاشات البياخدو 250 جنيه بس في الشهر وديل المستهدفنهم بالخدمة الصحية).
وطالب رئيس الجمهورية منتقدي سياسات الصحة والذين يتحدثون عن تحسين بيئة العمل باستحضار (النقالات المليانة دم والأرضيات المليانة جبص)، وأشار لتأسف شقيقته خلال زيارة قاما بها لحوادث الخرطوم في وقت مضى لحال الأطباء بقولها/ (البقرا طب زول مجنون في البلد دي 6 سنوات تنتهي بالعمل في بيئة متردية)، وأبان أنها استشهدت بوضعها وقال (أختي قرت إعلام 4 سنوات هسي قاعدة في مكتب نضيف ومكندش)، واستدرك قائلاً: (دا قدر أخوانا الأطباء يقدمون الخدمة للمحتاجين ليها تحت كل الظروف).

الجريدة


تعليقات 51 | إهداء 0 | زيارات 14316

التعليقات
#1421082 [ناصح]
0.00/5 (0 صوت)

02-28-2016 08:47 AM
الكيزان ديل خلاص جربوا فينا كل سوء ... باقي الاستخفاف بالدم وفقع المرارة


#1420944 [tariq]
0.00/5 (0 صوت)

02-27-2016 09:14 PM
بئه مترديه البشير دة فى المعارضه ولا ايه


#1420936 [عمر الحاج حلفاوي]
0.00/5 (0 صوت)

02-27-2016 08:47 PM
بروف مامون اكثر شخصية مثيرة للجدل بالسودان واكثر من يكون حوله ردود قراء الراكوبة وغيرها من الصحف ووسائل التواصل -انا شخصيا في حيرة من امره -اجد خريجي جامعته يذينون مستشفيات الدنيا-اسمع عن مراكزه الطبية التي انشأها واجدها علي مستوي مقبول ثم اجد زملاء المهنة له ومن هم علي كفاءة عالية ينتقدون اعماله اخذت عمي رحمه الله قبل سنوات لمستشفي الملك خالد التخصصي للعيون بالرياض ووجدت فني طبي سوداني يعمل بالمستشفي أخبرني ان السعوديون يتفاخرون بتخخصي العيون وقال لي اننا كنا نجري عمليات معقدة اكثر منهم في مستشفي العيون بشارع النيل بالخرطوم العام1962م سالت طبيبا عن مستشفي العيون اخبرني ان د.مامون باع لمستثمر وتم تصفية المستشفي -ايضا مستشفي الخرطوم لماذا يادكتور لا تحافظ عليها علي الاقل علي المستوي السابق اذا لم تقم بتطويرها وبدل تشليحهاوهل لبناء حديث يجب ان نهدم القديم -سبحان الله مرات أستغرب لماذا أنتم خصوم لتاريخ السودان -جامعة الخرطوم وغيرها انا في حيرة...


#1420934 [ود بانقا]
1.00/5 (1 صوت)

02-27-2016 08:41 PM
عمر البشير دائما أقواله شاذة ولا تشبه أقوال رؤساء الدول. كلماته دائما عليها مسحة من السذاجة والركاكة.
• اختي قرت إعلام هسه قاعدة في مكتب مكندش. أسأل أختك قول ليها أول دفعتك وين ؟ حتقول ليك لا زالت تبحث عن عمل. يبقى الكندشة جات نتيجة أخوها يمارس المحسوبية البغيضة .
• مأمون حميدة عارفو ما بيخذلني. إذا مامون حميدة خذل السودان بأجمعه ، وما قام به من أعمال ، أنكرها حتى زملاؤه في المهنة وناس أصحاب علم ودراية بأمور الطب ، مما أفرز هجرة أطباء لم تحدث في تاريخ السودان. يعني قام بعمل البصيرة أم حمد ذبحت العتوت وكسرة الجرة.
• جبت ليكم والي هدية لولاية الخرطوم . وإلى الآن الكل في حيرة من أمر هذا الوالي وأين هديته وإبداعاته للخرطوم. وقد عمل من قبل واليا بدارفور ووزيرا للداخلية ووزيرا للدفاع ولم يجد السودان فيه غير العبء الثقيل والتكلفة العالية بلا مقابل . بل هو صاحب النظرية التي حيرت وزراء الدفاع بالعالم وأركان القوات ( نظرية الدفاع بالنظر ).
• اخترت ليكم أحسن والي عندي يا ناس الجزيرة. والحال في الجزيرة يسير من سيء إلى أسوأ ، والكل في إنتظار حسنة واحدة. تدهور المستشفيات وخصوصا غسيل الكلى ، تدني خدمات البيئة والكهرباء والمياه والمواصلات والغاز والتعليم ، ومع كل ذلك يقوم بممارسة هوايته مهرجان التسوق.
• قدرنا يالبشير أن تكون أنت المعوال الذي يهدم السودان من جميع أركانه الاخلاق والمروءة والامانة فتوجت نفسك سفاحا أفريقيا فريدا في مصاف بشار الاسد وشارون ، ولم يبق لك إلا المشهد الاخير الذي بعده سوف يسدل الستار ويأتي الجلاد وينفك الحصار.


#1420859 [مسطول]
0.00/5 (0 صوت)

02-27-2016 04:08 PM
يا كافي البلا لا خلقة ولا اخلاق ده رئيس ولا كديس


ردود على مسطول
[نوبي] 02-28-2016 09:28 AM
هههههههههههههههههه
دا بعشوم كلامه دراب وقال قدرهم يعملوا في بيئة متردية وقدركم انتوا يا الحرامية تلهفوا البلد تلهفكم جهنم انشاء الله من دنيتكم دي تتناولكم احياء كف كدا


#1420823 [ابوابراهيم]
5.00/5 (3 صوت)

02-27-2016 02:52 PM
المجنون ما القرأ طب في البلد دي ولكن المجنون وكلنا كذلك من سمح لك ايها المغفل الجاهل ان تصبح رئيسا .اختك ايها الفاسد جلست في مكتب مكندش ومريح لانه اختك وليس لان لديها كفاءة


#1420741 [سامي]
0.00/5 (0 صوت)

02-27-2016 11:40 AM
(المستخبي يبان ) ..ايه مستشفي التميز ومادراك مالتميز . نحن عاوزين مستشفي الغبش والكادحين .. وان يكون العمل في المستشفيات الجديدةوالعلاج لابناء الطبقات المسحوقةالغير قادرةعلي ان لاتباع المستشفيات العريقة وتظل هي المستشفيات التعليمية . يجب عدم تصفية المدارس والمستشفيات والمدارس والمراكز الصحية وبيعها . ..يجب ان يكون عملكم خالصا لله واياكم من الغش والخداع فالكذب حبله قصير .


#1420673 [naselhalfaya]
0.00/5 (0 صوت)

02-27-2016 09:05 AM
حقيقة الاختشوا ماتوا - آمنت بأنه شيزوفرنك


#1420653 [عادل محمود محمد محمود]
0.00/5 (0 صوت)

02-27-2016 08:28 AM
لا انت نافع ولا مامون حميدة نافع بعدين اختك قاعدة في مكتب نظيف ومكندش ليه اسال نفسك عشان قرت اعلام والا عشان هي اخت البشير احسن رجعونا محل ما بداتم .


#1420650 [ود احمد]
0.00/5 (0 صوت)

02-27-2016 08:23 AM
من اين اهديت جيبوتي مستشفى اليس ذوي القربى اولى بالمعروف
كلكم حرامية في حرامية
واي سمعة حققها المدعو جميضة قبل الانقاذ ما عندو التتعك


ردود على ود احمد
[رابسو] 02-28-2016 12:19 PM
أهدي جيبوتي المستشفي من جيب أبو أم الجابو


#1420579 [Zorba]
5.00/5 (12 صوت)

02-27-2016 12:31 AM
العيب ما فيك .. العيب في الشعب اللي يخلي واحد زيك بالمفهوم الضحل ده و اللغة السوقية دي يتحكم في مصيره.

تعبنا من الكلام و الكتابة و التعليق و عرفنا أنك حمااااااار .... و كل يوم تثبت لنا أننا ظلمنا الحمار كثيرا ... فماذا بعد


ردود على Zorba
[QUICKLY] 02-27-2016 10:16 AM
أوجزت جبت المفيد ... أجمل تعليق كفيت ووفيت


#1420571 [ديك المسلميه]
5.00/5 (6 صوت)

02-27-2016 12:04 AM
لا حول ولاقوة الا بالله
اللهم كما ابتليتنا بهذا الدعي فاكشف عنا هذا الغمه
والله ياشباب ان الخطب لكبير ،، والبشير المثير يفقع مرارتنا يوميا كفقع الصراصير
والله دي مشكله كبيره خلاص
البفكنا من الزول ده شنو
#هبنقه_القرن_الحادي_والعشرين


#1420562 [ما براي المفتح]
3.00/5 (2 صوت)

02-26-2016 11:07 PM
في واجد من الاخوة قال شيء
لما زهلت من غفلتنا
من كان ان هناك تضاد من ان تكون هناك مستشفيات فرعية مؤهلة و مستشفي مركزي مرجعي تحول اليه الحالات التي تتطلب التحويل
طيب ما انحنا عندنا حكومات ولائية يا السيد الرئيس ما تتحلوا انتو في المركز و توفروا لينا مصاريف ما في داعي ليها


#1420548 [الســــــيــــــف الــبــتـــار]
5.00/5 (1 صوت)

02-26-2016 10:29 PM
شهادتك مجروحة وأنت من عينه وزيرا للصحه و لم يقدم ما يمليه عليه منصبه و مركزه الجزبى او توزيره لوزارة الصحه و أستلم منصبه و تبدل الحال من بعد الانقلاب الفشستى ما زلنا نعانى من القرارات التى ر تخدم الوطن و المواطن من ناحيه الرعاية الصحية التى اصبحت عبئا على المواطن البسيط و الراتب المحدد الذى لا يفى باهم كتطلبات الحياة لاسرته و تجفيف اهم مستشفيات فى العاصمه المثلثة و نقل الرعاية الى الاطراف لن تحل ازمة بل ستذيد من معاناتنا و كان الاجدى أن تقام منشأءات جديدة كمراكز صحية بفريق طبى متكامل و الحالات التى تحتاج الى رعاية و عنابة مركزة و تحاليل و فحص و زراعه و غيرها من الفحوصات التى لا تتوفر فى المراكز الصحية تحال الى الخرطوم القديم ليصبج تعليمى و تخصصى فرضا ؟
اما شقيقتك يكفى أن التحق اخاها بكلية الطب فى الزمن الجميل و غادرنا الى بريطانيا للدراسة و لم يعد و حصل على الجنسية البريطانية و حضوره الى السودان للزيارة فقط و اما عبدالله ترك معهد شمبات الزراعى و غادر الى مصر على نفقته الخاصه ليدرس الطب فى مصر و حسب مؤهله لا يحق له الانتساب الى كلية البيطرة ناهيك عن الطب و ما رغبات و جهد واجتهاد ومؤهلات ؤهلك لذلك ؟
خليك فى مكتبك و كندشتك و لو ما من أل البيت كان اليوم العلينا دا شغاله فى شركة الكبريت تعبى القش و ترصى فى الطبالى لان شهادتك دى ما بتشغيلك بدون واسطه و تاكلى باسطه ويا بختكم قالوا السعيد بجاور اهل السعد ؟؟؟


#1420544 [aboha]
0.00/5 (0 صوت)

02-26-2016 10:14 PM
البروفيسور الدكتور الوزير سيد الجامعة والمستشفى المذيع البلدوزر!!!! عشنا وشفنا زمن الواحد البيمسك فى كل شى يخدم مصالحو بيها، الوزارة يقفل بيها المنافسين ويحول بيها المستشفيات لجامعتو، البرنامج يعمل بيه دعاية لمستشفاه، ويجيك واحد متخلف يقول ليك حميدة ما محتاج لي وظيفة أو سمعة أو مكانة أدبية لأنو حققها مبكراً!! اخ يا بلد.


#1420532 [جركان فاضى]
5.00/5 (1 صوت)

02-26-2016 09:14 PM
قالوا الكيشة كفتو واعتذر ليه...طيب نقلت الخدما لاطراف العاصمة فماذا عن اراضى هذه الخدمات الاستراتيجية فى قلب العاصمة؟...عايز تبيعا للتجار وتضيع قروشها كما ضيعت قروش اراضى السودان...لا مانع ان تحول الخدمات الصحية لاطراف العاصمة بس يا أخى حافظ على أراضى الدولة حتى نستفيد منها فى شئ اخر...وصدقونى صدقونى صدقونى..البشير بينقل فى المستشفيات والوزارات والمصالح الحكومية وميادين المواصلات لاطراف العاصمة لاخلاء هذه الاراضى الاستراتيجية بغرض بيعها وأكل قروشها


#1420524 [jkoma]
5.00/5 (3 صوت)

02-26-2016 08:56 PM
كلام اخته ادانه له من حيث لايدرى ولايفهم
انا اتأكدت تماما انه الزول دا غبى !!
بالله داكلام يقوله رئيس ومسئول..
اولا بيئة المستشفيات هى مسئوليته وتدهورها ادانة له ولنظامه
ثانيا اخته صحفية وتعمل فى وظيفةمريحة و مكتبها مكندش . هذه هى
الواسطة والمحسوبية..
ما اغباك ياعمر


#1420511 [شلعوها الكيزان]
5.00/5 (3 صوت)

02-26-2016 08:31 PM
الزول ده أكان مسكوهو ناس المحكمة الجنائية أول شيء حيعرضوهو لفريق طبى للامراض النفسية والعقلية لانو سجلو الاجرامى فات عيدى أمين وبوكاسا.


#1420509 [Bdrtaha]
5.00/5 (4 صوت)

02-26-2016 08:30 PM
بالله البلد دي ما فيها راجل يطخ الحيوان بطبنجه في راْسه الفاضي دا رئس البلد الهامله وصعاليك وحثاله نواب رئيس ووزراء يشتموا فيكم بالفاظ شوارعيه وقلت أدب ما حصلت بلد عدمت الرجال والله الحاصل في السودان
لو في اي بلد تاني كان الرصاص يلعلع لكنس هؤلائ الشرذمه لقد بلغ السيل الذبي شعب فقد كرامته ويقبلبالذل والشتائم ليل نهار ولا يحرك فيه ساكنا فعلا بلد حيث ضحك القدر


#1420503 [جلال عثمان]
3.00/5 (2 صوت)

02-26-2016 08:03 PM
والله مأمون حميدة طالما داير ينقل مستشفي الخرطوم للأطراف يبقي عندو وجهة نظر ما بتخيب والناس مفروض تسيبو في حالو لسبب بسيط جداً وهو أنو راجل علامة وبروفيسور وعالم في مجال الطب.. الناس الذين ينتقدون حميدة هؤلاء سواء كانو مهندسين أو أساتذة جامعات أو علماء فلك أو حتي صحفيين ومزارعين وعطالة مفروض يصمتوا ويسيبوا العيش لخبازه كما يقول المثل.. والبشير هو الداعم الرئيسي لمأمون حميدة عشان كده أي حاجة يقولها حميدة الرئيس موافق عليها وأي زول يقيف في طريق حميدة الرئيس حيوقفو عند حده حتي لو كانو ناس البرلمان العاملين فيها خبراء في كل حاجة ديل وهم ليسوا سوي منظراتية.

وبخصوص مستشفي الخرطوم فالبشير قال لأعضاء البرلمان كلمة من ذهب: (نحن لسنا عبدة أصنام ومستشفي الخرطوم ليس صنم يٌعبد)!!

يعني كون المستشفي تم إنشاءه قبل 100 عام في زمن الإنجليز فهذا لا يعني أنه صنم نعبده أو آثار تاريخية نحافظ عليها.. الدنيا تغيرت والعاصمة كبرت وتمددت وأصبح يسكنها 8 مليون مواطن وملايين الأجانب وبالتالي لو المصلحة تقتضي تفكيك المستشفي وترحيله للأطراف يبقي لازم نفككو ونرحلو.


#1420490 [الدرب الطويل]
4.94/5 (7 صوت)

02-26-2016 07:33 PM
البيئة المتردية وعدم وجود مستشيفات في الاطراف والمعاش الما بكفي ووووووو..
دي مسئوليتك انت!!.. لو عترت سخلة في ام كدادة لكنت انت المسؤول عنها يا عمر!!..

بالله الزول المتخلف دا ازرعوا ليهو العروة الصيفية الجاية كولها عيش ريف وخارجوهو مننا.. اصلو رايح ليهو قنقر من زماااان..


#1420487 [jas]
3.00/5 (2 صوت)

02-26-2016 07:14 PM
دي فوضي وحةل سياسي ساكت


#1420478 [Azan Malta]
4.00/5 (3 صوت)

02-26-2016 06:40 PM
قال الأطراف أمشى شوف الدروشاب كلها مليانه بالجرب وأتحدى لو توجد ورشته واحده فى مركز الدروشاب جنوب 5سنوات ونقل اليه كل الأخصائيين لكنهم وجدوه خرابه وكلهم شردوا حرام عليك تقول خدمه فى الأطراف


#1420464 [عبدالواحد المستغرب اشد الإستغراب!!]
5.00/5 (5 صوت)

02-26-2016 05:45 PM
والله واثناء متابعتى للكلام السخيف التعيس والما اتعس منه غير الذى تفوه به قفز الي ذهنى أغنيه كانت ترددها البنات في المناسبات وهى (لبن أبو لى بيه!!) ورغم جهلى ببقية كلمات الاغنيه إلا ان ظنى يقول ان الكلمات مطابقه لما قاله رئيس جمهورية السودان في هذا المقام ومن خلال معرفتنا به طوال الربع قرن الماضيه الرجل لم يخرج من فمه افضل من كلمات هذه الاغنيه وغيرها من الاغانى الهابطه !! ياسياده الاهطل الغبى نذكر بحديث ثابت كالجبال الراسيات لرسول الله صل الله عليه وسلم (لا تجتمع امتى على ضلال) وانت اذا عايز تكذب سيدنا محمد فهذا شأنك فرجالك ونسائك كلهم على ضلال ونذكرك بماده قطع شك تكون قرأتها في المدرسه الاوليه تتحدث عن فرعون وقلة عقله ففرعون سار في موكب مهيب محاطا بحاشيته وكان قد فصل له جلباب خفبف شفاف يظهر الجسد بكامله (العده والبلابيط والمؤخره!!) واثناء سيره في موكبه كان هناك صبيه يلعبون والتفتوا للموكب وراؤا ملكهم فرعون وصاح احدهم وهو يشير اليه مخاطبا اقرانه انظروا الى ملكنا العريان وسبحان الله ها هو التاريخ يعيد نفسه والفرق ان الرئيس هو الذى لا يرى بطانته الغريانه ملط الجابت ليها غلاط مع شعب بأكمله وليس حفنه من الصبيه!! وإيه حكاية إختى دى .. دى والله جديده ياريس هي متين جات من حوش بانقا عشان كمان تفتى وبصراحه معاها حق تهين الدكاتره والسسترات وجميع العاملين في الحقل الصحى وتقول لهم طظ في شهاداتكم!! وإيه كمان؟!! إهانه رسميه بمرسوم دستورى ومعلوم تصريحات رئيس الجمهوريه لها قوة القانون والدستور !! يعنى مافيش حاجه إسمها دكتور والعايز يتعالج يمشى لاحمد بلال عثمان لانه المسئول عن الاعلام في البلد !!.


ردود على عبدالواحد المستغرب اشد الإستغراب!!
[عبدالواحد المستغرب اشد الإستغراب!!] 02-27-2016 05:36 PM
البلابيط كما جاء في الزمخشرى يا أبو محمد البتاعتين الورا البتاع (اللى لا ترمترم ولا بيخلو من النجاسه) اها..ان شاء الله وقع ليك ؟!! علك ما عندك زيهن تكون مصيبتك مصيبه؟!!!.

[ابو محمد] 02-26-2016 09:37 PM
البلابيط ديل شنو ما عرفتهن ؟


#1420461 [ALIIIIIIIIIIIIIIIIIIIIIIIIIIIIII]
5.00/5 (3 صوت)

02-26-2016 05:36 PM
انت ياعمر البشكير اصلا ماعندك مخ بتفهم بيهو مامون حميدة زفت هذاالعار علي مهنة الطب بدمر في المستشفيات الحكومية علي حساب المستشفيات الخاصة وده القاعد يحصل يامفغل وانا بتحدي اي واحد يقول اني كذاب ولا كلامي غلط وبعدين اختك البليدة اصلا اي خريج طب في السودان بقي مبلغ اماله الهروب والخروج والهجرة للخارج هربا من جحيمك وجحيم المرجوم مامون حميدة انت بتغش في نفسك ياخي انت مخير انت عايش في هلاوسك وضلالاتك انت مخير لكن انحنا مابنتغش ماياهو شايفين عمارك 27 سنة من سئ لاسؤ يعني انت فاكر روحك عملت حاجة تشكر عليها انت دمرت اي حاجة بتخص الحكومة وابقي سلم لي علي صندوق النقد الدوالي ياامعة


#1420459 [سامي]
4.50/5 (4 صوت)

02-26-2016 05:32 PM
يا ود بلال والشعب السوداني بلو راسكم وزير الاعلام الجاي اخت الرئيس اصلا هي كوزة من الابتدائي


#1420456 [سامي]
5.00/5 (1 صوت)

02-26-2016 05:28 PM
يا احمد بلال بل راسك وزير الاعلام الجاي اخت الرئيس


#1420455 [فيودور ميخاليوفتش]
5.00/5 (3 صوت)

02-26-2016 05:21 PM
المناطق الافقرت الانقاذ اهلها ديل كانوا نخب العاصمة الخرطوم قبل مجيئ الانقاذ اصبحوا فعلا فقراء الجريفات والصحافات والامتداد والديم والسجانة والحلة الجديدة والقوز ....
الخ


#1420454 [التاج محمد احمد]
5.00/5 (2 صوت)

02-26-2016 05:18 PM
اختك اكان ماقرت اعلام 4 سنين كانت بتكون جالسه في مكتب مكندش وبيت مكندش وسياره مكندشه لا تضرب لنا مثلا كالذي نسي خلقه


#1420453 [رئيس هبنقا]
5.00/5 (2 صوت)

02-26-2016 05:18 PM
ولماذا يتم توزيع الموجود للاطراف ولا تبنى جديدة ومن المعروف ان الدولة تحتاج لمئات المدارس وعشرات المستشفيات سنويا نسبة لزيادة السكان ونزوح الناس للمركز لانكم اشعلتم اقاليم البلاد حربا ودمار.

انها حكومة تقسيم المقسم وتوزيع الموزع من زمن الانجليز


#1420452 [قرنتيه]
5.00/5 (4 صوت)

02-26-2016 05:15 PM
يعني يا ***** قصدك العندو قروش يموت بالمرض ولا يفتشو بالتكسي؟؟ رئيس ***** و ما عندك فهم.... ياخي دي خدمات بتساوي فيها الغني و الفقير زي المويه و العلاج و التعليم ديل انت لو بتفهم صحي صحي مفروض تسيبو المنشئآت القديمه في حالها و تفتحو منشئآت جديده في الاطراف لكن ليس من حقك و لا حق اي كلب متسلط في البلد دي انو يصنف الناس علي اساس استحقاق الخدمات الاساسيه .... انا ما عارف الخروف ده بقي رئيس كيف؟؟
هسه بالله الترابي ما لقي ليهو زول يوديهو القصر غير ده؟؟؟

اللهم لا تمحنا لا تبلينا!!!


#1420430 [Hozaifa Yassin]
4.75/5 (11 صوت)

02-26-2016 03:46 PM
ان القول ان مامون حميدة مامحتاج للوظيفة او الشهرة لا يسنده الواقع فالعكس هو الصحيح هو محتاج جدا لهما لتسيير مستشفياته الخاصة ولوضع القوانين التى تخدم مصالحه وتحارب الاخرين وهذا ما يفعله الان فى مواجهة كل منافسيه من المستشفيات الاخرى فهو يعمل على تدميرها. واغلاقها لتصبح مستشفياته الوحيدة العاملة.هذه الحقيقة يعلمها الجميع فهل يعقل ان يكون الرئيس لا يعلمها؟اما القول ان بعض المواطنين ماعندهم حق الركشة وان المعاشيين معاشهم 250 جنيه فلا يحتاج لتعليق لانه الظاهر انه الرئيس بقى معارض للحكومة فها هو ينتقد فى الصحف نتاج سياساتها.


#1420424 [bigdashnaser]
4.72/5 (18 صوت)

02-26-2016 03:36 PM
طيب على من تقع مسؤولية تلك البيئة المتردية؟؟؟ حكومة كمبوديا مثلا


ردود على bigdashnaser
[اندروس] 02-26-2016 06:59 PM
الغريبة انه شاف بعينه مع اخته (النقالات المليانة دم والأرضيات المليانة جبص)،طيب ياهبنقة انت ما رئيس البلد عملت شنو؟ بعدين دى لو ما اختك كانت اشتغلت فى المكتب المكندش البتحكى بيهو ده؟ حلات لقلق كان تشمه قدحة لو ابوها او اخوها مواطن عادى ... الزول ده بقا زى جحا

European Union [moiez] 02-26-2016 06:19 PM
هههههههههههههه ههههههههههههههههههههههههه


#1420414 [القذافي 40 سنة وصدام كم وعشرين والبشير لا زال ينتظر.]
4.47/5 (12 صوت)

02-26-2016 03:15 PM
حاجه عجيبه .لا مانع من بناء مستشفيات حديثه للأطراف لمساعدة الفقراء في أماكنهم ما في زول معترض علي ذالك .بالعكس يمكن أن يحسب ذالك إنجازا عظيما ولكن مع الاحتفاظ بالمستشفيات القائمه اصلا وتطويرها وجعلها مراجع متقدمة ومراكز للتعليم والتدريب والبحوث زي ما بحصل في كل أنحاء العالم المتقدم. لكن قفلها وتفكيكها بحجة نقلها للأطراف هذا هو الحق الذي أريد به الباطل والفساد عينه. مهما دافعتم ولمعتم عن منفذ سياستكم الخرقاء. الناس أصبحت تشك في كل ما تقومون به .لأنهم يعلمون ليس هنالك خيرا يرجونه منكم حسبنا الله ونعم الوكيل.


ردود على القذافي 40 سنة وصدام كم وعشرين والبشير لا زال ينتظر.
[جركان فاضى] 02-26-2016 09:25 PM
انتظر بعد مايخلوا المستشفى ...وتعال شوف الارض حيعملوا بيها ايه

[الشانق طاقيتو] 02-26-2016 05:13 PM
احسنت والله


#1420412 [عبدالرحيم]
4.61/5 (13 صوت)

02-26-2016 03:11 PM
طبعا كلام لا يقنع طفل في رابع ابتدائي والعالم كله من اصغر دولة الى اكبر دولة لم يقل بهذا الكلام ولم يتم نقل مستشفى بحجة توزيع مستشفى مركزي وتشليعه..

فما الذي يمنع ان يكون مستشفى الخرطوم في مكانه ويتم عمل مستشفيات وحوادث وطوارئ في كل المستشفيات الأخرى؟ ليه الاصرار على نقل مستشفى الخرطوم؟؟ ولماذا لا ينطبق الموضوع على مستشفى بحري القديم او مستشفى امدرمان او مستشفى مدنى ؟ وايه الحنية الجاتكم فجأة وعايزين تمشوا الى الفقراء في جبرة ؟؟ والصحافة؟؟

وليه الاصرار على تشليع مشروع الجزيرة وليه الاصرار على تشليع السكة حديد؟؟

كل ما يتم يتم من اجل تشتيت شمل النقابات العمالية وتحسبا للأضرابات السياسية عن طريق تشليع واغلاق جميع النقابات التي لعبت دورا كبيرا في الثورات السابقة..

ولكن سوف تأتيتكم الطامة من حيث لا تحتسبوا فما الله غافل عما تعملون..


ردود على عبدالرحيم
[جركان فاضى] 02-26-2016 09:23 PM
يا عبد الرحيم يا عزيزى...كل المستشفيات التى ذكرتها حينقلوها لاطراف العاصمة...عينهم على اراضيها الاستراتيجية ... فبعد ما باعوا ميادين المواصلات قبلوا على اراضى الدولة من اراضى مستشفيات ووزارات وغيرها...لازم يخلوا اراضيها

European Union [مواطن سودانى] 02-26-2016 05:37 PM
يا عبد الرحيم انت راجل طيب الله يديك العافيه
انت رجل حسن الظن اتمنى يكون كلامك ده صاح (حمايه النظام لنفسه فى ظل الظروف الراهنه محمده).. لكن الواقع غير ذلك الواقع يشيب منه الصغير.
الهم اجعله خير... نحن برضو ذيك يا عبد الرحيم شغل نقابات و كده....


#1420411 [ابو الخير]
4.35/5 (9 صوت)

02-26-2016 03:04 PM
مامون حميدة شريك وداد واخوان البشير والله لو ما شريك ما يخلو يتمطع كدة
الكيزان ديل الترابي علمهم مايشبعوا من مص دم الفقراء
لعن الله الترابي وكل من تبعه
اخو مسلم / حرامي
اخو مسلم / حاقد
اخو مسلم / كذاب
اخو مسلم / مضر
اخو مسلم / استففر الله منه
اخو مسلم / طماع
اخو مسلم / كلـ...........


#1420410 [AAA]
4.38/5 (14 صوت)

02-26-2016 03:00 PM
(النقالات المليانة دم والأرضيات المليانة جبص) ما شفناها الا في عهدكم القذر..وأحيانا نقالة بدمها زاتو ما بتلقاها لاسعاف مريض من الباب للعتبر..


#1420409 [Bdrtaha]
4.65/5 (13 صوت)

02-26-2016 02:58 PM
بالله الحيوان دا رئيس دوله وأهلها نايمين ربع قرن مخدرين وما دارين يخرمج في البلد ولم المتعوس علي خايب الرجاء سرقوا ونهبوا وعاثو في الارض فسادا انا ما عارف الحصول للسودانيين شنو
ما في راجل يطخو بي طبنجيه غايته الله يعينكم هسع الكلام القالو دا كلام زول نصيح اختي قالت لي. انت قولك شنو ياظربون وذو الجهالة في الشقاء ينعم آه با سودان


#1420408 [Rebel]
4.25/5 (8 صوت)

02-26-2016 02:57 PM
* ليه كده يا ناس "الركوبه"!..هسه ده كلام زول عاقل ساكت, خليكم من رئيس دوله!
* الله اخيبك!..دايما كلامك ميت و باطل, يا الما بتشبه السودانيين!


#1420407 [الاختشوا ماتو]
3.25/5 (6 صوت)

02-26-2016 02:56 PM
يا الرقاص كفاية مهازل واستهتار كما يقول كمال ترباس فى اغنية هبت ثورة الالغاز


#1420406 [سلمان الضيب]
2.25/5 (6 صوت)

02-26-2016 02:51 PM
مامون حميدة ماسوني يا بشيرنا اوع وفتح عيونك يامجوك كفاية غشغيش ياخي ماتبقي ياخي زي التور سوي ليك عقل فكر بيهو براك بلاش نصايح حاشية ديل كلهم فسدة قال ماعايز وظيفة وشهرة قال وبعدين البيئة المتردية والحاجات التقول فيها دا كلو مسئولية في عنقك يوم الدين ولا انت رئسنا وماعارف واجباتك تجاه المرؤوس


#1420404 [mohamed]
1.75/5 (5 صوت)

02-26-2016 02:34 PM
بتقرييييي في ايه كلمينا ياسلام .."الجريده" الفنان محمد الأمين.
ياناس بتقرا طب ولا هندسه ولا ايه ماعارف بيكون إستخدام ماسليم وخاطئ. الصحيح بتدرس ياسيد الرئيس.
قال أختي بتقرا يقرر روسينا نحن ديل ان شاء الله.


#1420402 [احمد]
3.75/5 (6 صوت)

02-26-2016 02:22 PM
خلوه .. هوا موخد راحتو على الاخير في الكلام مافي شعب يرد عليهو للاسف


#1420399 [سودانية]
4.38/5 (7 صوت)

02-26-2016 02:15 PM
بشة ده خرف وللا شنو قايل الخرطوم زي زمان اول ماجو بتنتهي عند الحزام الاخضر ...يابشة الخرطوم بي هنا وصلت جبل اولياء وفاتت كرري بهناك والجيلي وقربت لحوش بنقا وشرقا ناس ام ضوا بان بقو وسط الخرطوم ...اصحي قبل ماتجيك انتفاضة تطير ليك الخرفة دي انت وصاحبك مامون


#1420389 [Truth]
4.00/5 (4 صوت)

02-26-2016 01:52 PM
اتسبدلون الذى هو ادنى بالذى هوا اعلى


#1420388 [الجــــــــــــــزيرة ابـــا]
4.22/5 (11 صوت)

02-26-2016 01:51 PM
نقل المستشفيات للاطراف خالص .. لحدى جيبوتى مش ؟!!
مامون قعونجة بنتقدوه ﻻنه نسف الطب ونسف جهود الفقراء فى العلاج وخلاهم على الكفاف يتسولون الطب البديل ( اعشاب مضروبة )
وﻻنك راضى عنه رغم النقد فاقول كما قال رب العباد حينما ذكر فرعون حين نصحه قومه : قال ( قال فرعون ما أريكم إلا ما أرى وما أهديكم إلا سبيل الرشاد ) ...
ونذكّرك بقول رب العباد ( وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ (11) أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ )

وقال تعالى فى النصح ( وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالْإِثْمِ ۚ فَحَسْبُهُ جَهَنَّمُ ۚ وَلَبِئْسَ الْمِهَادُ )
اختار يا مجنون السودان من اﻻيات وشوف روحك انت وين !!
قال اختى قال .. سبحان الله الذى جعلك ﻻ ترى اﻻ ال بيتك وعشيرتك واهلك والمجانين المفسدين فى اﻻرض .. تقتل وتسفك وﻻ يرمش لك جفن
وسبحان الله انك بتمشى الحج وتحج بقروشنا وتشحد باسمنا من الخليجيين وتقنبلنا باﻻنتنوف واﻻوباش الجنجويد والهمباتة اوﻻد اﻻمن المقاطيع


#1420387 [المتغرب الأبدي]
3.50/5 (7 صوت)

02-26-2016 01:44 PM
الأهبل الأهطل عمر البشير


#1420385 [ابوبشير]
4.25/5 (8 صوت)

02-26-2016 01:36 PM
قلنا ليكم زمان لمو الفضيحه ده مافى زول اشتغل بينا !!!!


#1420374 [صادميم]
3.50/5 (5 صوت)

02-26-2016 12:55 PM
مستشفى التميز الذي اقامه مامون حميدة يقع في نطاق مستشفى الدرجة الثالثة او المستشفى الاكاديمي الذي استولى علية من وزارة الصحة الحكومية ليكون مستشفاً تعليمياً لطلبة طب جامعته الخاصة دون ان يكلف نفسه ببناء مستشفى لكليته كما فعلت الجامعة الوطنية اما مستشفي التميز هذا فسيكون قسماً خاصاً لا يدخله الا المرضى الذين يملكون الملايين بحجة انه مستشفى مميز.


ردود على صادميم
[عصمتووف] 02-26-2016 03:33 PM
للمعلومية م انني كنت من مواليد الامتداد حتي صرت صبيا ولعبت ف ميدان الرابطة الحالي الي ان رحلت شهدت بناء هذا الصرح واكوام الخرصانة والرمال نشهد وتشهد علينا المهم كان ملك لرجل البر ابراهيم المرضي وكان مشيدا علي وشك التوضيب تعميش وتركيب الابواب والشبابيك يعني التشطيب النهائي توفي هذا الرجل قبل اكمال المشروع وورثة لم يواصلوا م قام به المرحوم الله يرحمة وابونا وبحكم صلتي لم ولن تنقطع ب الامتداد واهلة الرائعون القدامي من الحلة الجديد والديم والسجانة شهدته مصرع مركز ساره ووغنيمة للتوليد المشيد علي نفقة الكريمتين الكويتين سارة وغنيمة المرزوق عاصرته من البناء الي العمل استولت علية منظمة الدعوه الاسلامية وشغلته بمبالغ رمزية كان يخدم حتي ساكني عشش فلاتة ومايو والسلمة باعتة منظمة لاحد تجار التعليم والدين لم اعرف اسمة وبعد وحولة بعد ان كان مستشفي الي جامعة السودان علي م اذكر تخصص اسنان وتبث من داخلة اذاعة اف ام 106 وب المناسبة كان يريد ان يستولي علي مركز سمير وحاول عدة مرات لكن سكان حي الامتداد وقفوا له ب المرصاد بعد هذه المعركة خرج منتصرا ب الاستيلاء علي مربع الاسعاف المركزي ومكاتب التحصين جنوب المركز انه كادر مؤتمر وطني صاحب ه1ا المفحل الماسوني حميده ليس وحده

[عصمتووف] 02-26-2016 03:32 PM
للمعلومية م انني كنت من مواليد الامتداد حتي صرت صبيا ولعبت ف ميدان الرابطة الحالي الي ان رحلت شهدت بناء هذا الصرح واكوام الخرصانة والرمال نشهد وتشهد علينا المهم كان ملك لرجل البر ابراهيم المرضي وكان مشيدا علي وشك التوضيب تعميش وتركيب الابواب والشبابيك يعني التشطيب النهائي توفي هذا الرجل قبل اكمال المشروع وورثة لم يواصلوا م قام به المرحوم الله يرحمة وابونا وبحكم صلتي لم ولن تنقطع ب الامتداد واهلة الرائعون القدامي من الحلة الجديد والديم والسجانة شهدته مصرع مركز ساره ووغنيمة للتوليد المشيد علي نفقة الكريمتين الكويتين سارة وغنيمة المرزوق عاصرته من البناء الي العمل استولت علية منظمة الدعوه الاسلامية وشغلته بمبالغ رمزية كان يخدم حتي ساكني عشش فلاتة ومايو والسلمة باعتة منظمة لاحد تجار التعليم والدين لم اعرف اسمة وبعد وحولة بعد ان كان مستشفي الي جامعة السودان علي م اذكر تخصص اسنان وتبث من داخلة اذاعة اف ام 106 وب المناسبة كان يريد ان يستولي علي مركز سمير وحاول عدة مرات لكن سكان حي الامتداد وقفوا له ب المرصاد بعد هذه المعركة خرج منتصرا ب الاستيلاء علي مربع الاسعاف المركزي ومكاتب التحصين جنوب المركز انه كادر مؤتمر وطني صاحب ه1ا المفحل الماسوني حميده ليس وحده


#1420366 [hjazee]
3.00/5 (8 صوت)

02-26-2016 12:17 PM
هذا الرجل فقد عقله تماما واصبح يهضرب دون وعي. كل حرف قاله في هذه الخترفات يدينه بشدة من راسه ، لو عنده راس أصلاً، لاخمص قدميه لانه افشل حاكم مر ليس على السودان وحده بل في تاريخ البشرية. لم أصدق وانا اقرا حديثة بان انسان ما يدين نفسه بهذا الوضوح ويظل مستمسكا بالسلطة. اها رايكم شنو يا ناس المؤتمر لالوطني في كلام كبيركم الذي علمكم السحر هذا.حسبي الله ونعم الوكيل ولا حول ولا قوة الا بالله.


#1420365 [عصمتووف]
3.75/5 (7 صوت)

02-26-2016 12:16 PM
مررت علي صديقي ب الامتداد مربع 6 بعد ان دعاني لمشاهدة المهازل وكانت الساعة ب الضبط 4 عصرا المناطق سوق الجوهرة وملعبين ميدان كانت بها تلال من الانقاض والاوساخ رايت والحمدلله علي ليلة الافتتاح ان قامت المحلية بتوفير القلابات 6 وقريدرات 4 حملوا تلك البلاوي التي عاشرت سكان تلك المربعات 3 و6 و4 واصبحت صديقة لهم غير صيانة المجري بين مشرحة الاكاديمية والمسجد تم صبه ب الاسمنت بعد ان كان مكشوفا ب السنين من اجل خداع الباشا قامت المحلية ب التنظيف لتسر عينية اما باقي الامتداد بعد ان جلت فيه نغس الحال شوارع ك طبق البيض الا ناحية مركز سمير وجدته اثر حرث كراكة ف اعضاء المحليات او موظفي الدولة عامة يضللون المسئولين ب انه كل شئ تمام سعادتك كما قال علي عثمان قال م مفتكر حياة الناس كده سقوط دولة السلطان البشير الي زوال وهو جالس علي كرسي ارجلة من طين لو بصقنا فيه لانهار
ولي عوده بعدين المساء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة