الأخبار
أخبار إقليمية
الدولار والريال يسجلان أسعاراً قياسية جديدة
الدولار والريال يسجلان أسعاراً قياسية جديدة


04-17-2016 11:47 PM
واصلت أسعار العملة الاجنبية في ارتفاع أسعارها مقابل الجنيه السوداني واليوم أالأحد 17 / 4 / 2016م قال أحد التجار للراكوبة إنهم يبيعودن الدولار بسعر يتراوح بين 13800 و13900 جنيه والريال السعودي يتراوح سعره بين 3600 و3650 جنيه.

وسبق ان صرح الخبير الاقتصادي الهادي إدريس هباني " للراكوبة " قائلاً : يعود انخفاض الجنيه السوداني مقابل الدولار و العملات الصعبة الأخري في الأساس لأسباب هيكلية بحتة تتلخص في انهيار معدلات الإنتاج في كافة القطاعات الإنتاجية و الخدمية علي رأسها القطاع الزراعي ، خاصة المحاصيل النقدية التي اشتهر السودان تاريخيا بتربعه علي قمتها عالميا كالصمغ، القطن، السمسم، الكركدي، و غيرها بما يتجاوز ال65% عما كانت عليه قبل 1989م ، نتيجة للسياسات الإقتصادية الخاطئة التي أهملت تلك القطاعات و اثقلت كاهلها بالضرائب و الرسوم و الإتاوات فارتفعت تكاليف انتاجها لمستويات غير مسبوقة فقدت معها (علي انخفاضها) قدرتها التنافسية العالمية و فقدت البلاد بالتالي ما يزيد عن 90% من حصيلتها من العملات الصعبة في حين تضاعفت فاتورة الاستيراد ، والمعروف أن الجزء الأكبر من فاتورة الاستيراد مخصص للسلاح و أجهزة الأمن و القمع و السلع الغذائية الرئيسة. و بالتالي فإن أي حلول غير هيكلية تستهدف استنهاض القطاعات الإنتاجية و الخدمية و إصلاح السياسة المالية و النقدية تصبح مجرد ضجة إعلامية و حلول مؤقتة لن تنجح في استعادة عافية العملة المحلية. لذلك فإن ارتفاع الدولار في ظل هذا الواقع أمر محتوم حتي لو شهد بعض موجات الانخفاض المتقطعة في بعض الأوقات لأسباب عابرة إلا أن الاتجاه العام سيظل هو اتجاه الصعود ،،،


تعليقات 24 | إهداء 0 | زيارات 21015

التعليقات
#1447040 [محمدالمكيتبراهيم]
1.00/5 (1 صوت)

04-19-2016 09:35 AM
اول مجيئهم للحكم فال فائلهم احنا جينا عشان الدولار ما يبقى بعشرين جنيه والآن صار باربعة عشر في طريقه الى العشرين ولكي لا يحدث ذلك عليهم ان يذهبوا فهو السبيل الوحيد للحيلولة دون بلوغ ذلم الدرك الاسفل مع ملاحظة ان العشرين الاولي بالجنيهات والثانية بالالوف بعد حذبهم ثرثة اصفار


#1446895 [حاج علي]
1.00/5 (1 صوت)

04-19-2016 04:47 AM
الاخوان المسلمين والاسلام السياسي دمر السودان
قاعدين ليه ما تقوموا تروحو
كرهتونا ديننا الحنيف


#1446849 [ابن السودان البار ***]
3.00/5 (2 صوت)

04-19-2016 12:21 AM
الفي الصورة دا قرفان من عفنة عملته ؟؟؟ وطبعا واحد ماكل فول بي كمونية حا تكون ريحة عملته كيف ؟؟؟ الله لا بارك فيه هو وعصابته دمروا سودانا الحبيب ؟


#1446831 [كوز سوداني]
3.00/5 (2 صوت)

04-18-2016 10:52 PM
ألهب ظهر المواطن السودانى ولن يترك الاسلاميون الحكم


#1446830 [كوز سوداني]
3.00/5 (2 صوت)

04-18-2016 10:50 PM
ألهب ظهر المواطن السودانى سلمت يداك


#1446771 [جركان فاضى]
1.00/5 (1 صوت)

04-18-2016 08:01 PM
الدولار بحرو حمر....الفيضان جاكم


#1446762 [عابدين]
2.50/5 (2 صوت)

04-18-2016 07:46 PM
فعلا صورة قميئة جدا


#1446704 [حاجي تشقند]
2.50/5 (4 صوت)

04-18-2016 05:00 PM
ياجماعة كله كوم والصورة الفوق دي كوم ياخ ماتجيبوا لينا صورة الزول ده جابت لينا الكاروشة


#1446687 [الجوكي]
2.63/5 (4 صوت)

04-18-2016 04:43 PM
والله يا جماعه واحد في السودان قال فكه اسه الدولار بي 14900

الكلام ده قبل 20 دقيقه


#1446656 [الحقيقة]
1.25/5 (3 صوت)

04-18-2016 03:50 PM
بعد نقاطات المشاركة في عاصفة الحزم والمقاطعة الأمريكية وعزوف المنظمات المالية الدولية في التعامل مع النظام الحل الوحيد هو أن يأكلوا من سنامهم وهى المليارات التي خزنزها وإستثمروها في الخارج بإشراف عوض الجاز.


#1446635 [AAA]
1.38/5 (4 صوت)

04-18-2016 03:23 PM
الدولار والريال يسجلان أسعاراً قياسية جديدة.. ولِم لا؟!! والحسادة لزومها شنو!!!


#1446597 [إيتام نيفاشا]
2.38/5 (4 صوت)

04-18-2016 02:39 PM
الجنيه السودانى بقى زى قرع ودالعباس 10 بقرش و100هوادة الله يغطس حجرك يا الرقاص ياناس المعارضة السودان لحق امات طه الحقوا البلد الاقتصاد تعدى مرحلة الانهيار الى مرحلة القلع والنهب .


#1446591 [عصفور حر]
2.13/5 (4 صوت)

04-18-2016 02:34 PM
شعارنا العالى برفع والعالم كلو بيسمع فلناكل مما نزرع ولنلبس مما نصنع

لو ما الانقاذ جات كان الدولار بحصل 20 جنيه والأن الدولار فى السوق ومن طرف14000 جنيه تباً للكيزان .


ردود على عصفور حر
[إيتام نيفاشا] 04-18-2016 09:19 PM
يا عصفور نتم ليك القصيدة ولنضحك مما نسمع. الريس ما نورييغا الريس اقسى وافظع وحنشلع نحن بلدنا ونبيع مكنات المصنع وحنشيع نحن بلدنا ونشيل الفاتحة ونرجع عليك الله ياعصفور البلد دى كان عندها وجيع ماكان دق صيوانو وفرش عليها


#1446590 [شمنتود]
2.38/5 (4 صوت)

04-18-2016 02:32 PM
ياناس ألحقو بلاد السودان إنه ينهار إقتصاديا قبل أن ينهار حكومته ... ويا مواطن حتدفع الثمن غاليا عندما يصل الدولار 20 جنيها ...!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟
الله أكبر الله أكبر العزة للسودان والعار لمن لبسووووو هذا الثوب الضيق للسودان الواسع حسبنا الله ونعم الوكيل ... فيكم .


#1446567 [ابوعلي]
2.32/5 (5 صوت)

04-18-2016 01:59 PM
بلد طالما علي راسها هؤلا الجهله والمرتزقه ماذا تنتظرو منهم غير الدمااااار والخراب


#1446558 [تاجر عملة]
2.19/5 (5 صوت)

04-18-2016 01:48 PM
قبل قليل الساعة الواحدة والنصف بتوقيت السودان إشتريت مبلغ 5000 دولار بقيمة 14 جنيه بالرغم من أن السعر السائد اليوم يتمحور حول 13 جنيه و85 قرش وأنا كتاجر عملة لا أبيع الدولار هذه الأيام بل أشترى فقط مع توقعات أن يرتفع السعر تدريجيا إلى ما بين 16 إلى 17 جنيه قبل شهر رمضان.


ردود على تاجر عملة
[كوش] 04-18-2016 04:54 PM
إنت أديتنا الزيــــــــــــــــــت ..!!!


#1446485 [هيثم]
1.88/5 (4 صوت)

04-18-2016 12:16 PM
الشعب ما محتاج انتفاضه اديهم شوية وحيقولوا الروووووووووووووووب
الله يرحم السودان والسودانيين


#1446472 [الجوكي]
1.25/5 (3 صوت)

04-18-2016 12:00 PM
غايتو انا وقفت التحويل احدي ما اشوف السعر بيقيف وين


ردود على الجوكي
[واحد قرفان جدا] 04-18-2016 02:39 PM
كان كدا ياكا الما حولت ابدا ... غايتو جماعتك المعتمدين عليك بعد الله اليشيلوا الصبر ... و الله يكون في عونهم


#1446462 [واحد قرفان جدا]
2.49/5 (9 صوت)

04-18-2016 11:41 AM
كل شيء يهون بس صورة العلج الفوق دا تجيب الضغط و تقلب البيعة ... يا إدارة الراكوبة ارجوكم رجاء خاصا و لطفا بقرائكم الكرام ان تسحبوا صورة هذا الحمار .. بطمم البطن


#1446424 [القلم الحر]
2.33/5 (14 صوت)

04-18-2016 10:27 AM
لسع ماوصل خمسه جنيه الريال عايزنه اكتر من كده عندى شوية ريالات داسيهن


ردود على القلم الحر
[سوداني] 04-19-2016 01:43 AM
وشنو حتستفيد بعدد الريالات اللى داسيهن يا زول

European Union [جركان فاضى] 04-18-2016 07:49 PM
يا أخ ammar وهل شكى اهلك فى السودان من ارتفاع الدولار؟....وكان شكوا فعلا كان طلعوا الشارع

[Ammar] 04-18-2016 01:39 PM
ياخ فكر في أهلنا الموجودين في السودان المكتوين بنار انخفاض قيمة الجنيه قبل ما تفكر في ريالاتك "الداسيهن". عالم تعشق الأنانية.


#1446385 [abbas]
2.63/5 (7 صوت)

04-18-2016 09:24 AM
بكرة 15


#1446353 [د/ عماد تاي الله]
2.19/5 (8 صوت)

04-18-2016 08:54 AM
لقد انهار كل شئ في هذا العهد المشئوم


#1446334 [ابو احمد]
2.25/5 (6 صوت)

04-18-2016 08:32 AM
الحل الوحيد هو الانتاج وزيادة حصيلة الصادر والمشكلة هو انهيار كل البنيات التحتية وسياسة التمكين التي اقعدت الدولة.


ردود على ابو احمد
European Union [الزعلان كلمو] 04-19-2016 10:40 AM
يا أخ [شمنتو]....انت من الافنديه ولا مع الكيزان ؟؟؟ والله الشباب البتتكلم عنو ده ما باقي ليهو الا ينتحر ... وينو الشغل ؟؟ الواحد يقرا ويتخرج ويخدم بعد ده يقعد عاطل بالسنين ... البلد ما فيها شغل نهائ والقاعدين مع ستات الشاي ديل كلهم منتظرين تأشيرات خروج ليس الا!!!! انا ما مؤيدم بس الجمره بتحرق الواطيها

[شمنتو] 04-18-2016 09:38 PM
يا أبو أحمد كيف السودان حينتج و75% من شباب السودان جالسين مع ستات الشاي في أغلى أوقات الإنتاج والعمل من الساعة 9 صباحات حتى 3 شظهرا ومن الساعة 6 مساء إلى 9 مساء ... شوف السوق العربي شوف ضواحي الخرطوم شوف وشوف الحاص في البلد شنو بالله عليك ده بلد ستات الشاي في الخرطوم فقط حوالي 4000 ست يعني حيجلس معاها حوالي 100 فرد يوما أقل ما يكون يوميا 400 ألف شاب إذا عملوا ساعتين في اليوم يساوي 800 ألف ساعة شوف كيلف البلد حيطور وحينتج الوضع هكذا !!!!!!!!!!!!!!!!!!!؟؟؟


#1446269 [خواجة]
2.44/5 (17 صوت)

04-18-2016 05:10 AM
سمير ماشي.


ردود على خواجة
[حاج علي] 04-19-2016 04:40 AM
ياخواجة
سمير ماشي بناعة طه حمدتو

[الأشـعـة الـحـمــراء] 04-18-2016 01:10 PM
و بـشـارة مــاشــي ,, و بـشـارة مـاشــي .. و بـشـارة شــايـت .. قــووون ..!!
يـا حـلـيل .. الـسـودان .. ّّ

[قرنتيه] 04-18-2016 12:47 PM
و لسه ماشي.... هههه حليلك يا خواجه

[جملون] 04-18-2016 11:40 AM
ههه حلوه يا خواجه
الله يسترنا من مرض سمير الذى لا يذر

European Union [سودانى متحييييير] 04-18-2016 09:55 AM
عزيزى خواجة،
سمير ماشى دى من تعابير الزمن الجميل، رحم الله سمير ومنزول وبرعى والمحينة، أما جماعتنا ديل أكيد مابعرفوا ولا واحد من ديل، ناس الوالى والكاردينال ومن يقف خلفهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة