الأخبار
أخبار إقليمية
مشاعر تطالب مسؤولة أميركية رفيعة برفع عقوبات بلادها
مشاعر تطالب مسؤولة أميركية رفيعة برفع عقوبات بلادها
مشاعر تطالب مسؤولة أميركية رفيعة برفع عقوبات بلادها


04-24-2016 07:14 PM
طالبت وزيرة الرعاية والضمان الاجتماعي بالسودان مشاعر الدولب، الأحد، مسؤولة أميركية رفيعة، تزور الخرطوم حالياً، بضرورة قيام بلادها برفع العقوبات الأميركية الظالمة المفروضة على السودان منذ 19 عاماً، وتقف أمام الجهود الحكومية لتعزيز وضع المرأة والأسرة والطفل.

واستقبلت الدولب مسؤولة قضايا المرأة العالمية بوزارة الخارجية الأميركية السفيرة كاثرين روسل التي بدأت زيارة للسودان تستمر لمدة يومين.

واستعرضت الوزيرة، خلال لقائها، المكاسب الكبرى التي حققتها المرأة السودانية في المجالات كافة، فضلاً على جهود الحكومة الرامية لترقية وتعزيز وحماية المرأة السودانية، بما في ذلك كفالة المشاركة السياسية لها، وتمكينها اقتصادياً واجتماعياً وسياسياً، إضافة إلى حمايتها من العنف.

وطالبت الوزيرة بضرورة رفع العقوبات الأحادية عن البلاد، والمفروضة منذ العام 1997م وتقف أمام الجهود الحكومية لتعزيز وضع المرأة والأسرة والطفل.

وأكدت الوزيرة أهمية العمل المشترك وتعزيز التعاون بين البلدين في المجالات كافة، وخاصة المتعلقة بترقية قضايا المرأة والأسرة والطفل، والجهود الجارية لتطوير خطة القرار 1325 الصادر من مجلس الأمن والخاص بالمرأة والسلام والأمن.

من جانبها، عبَّرت روسل عن سعادتها بزيارة السودان وعن تقديرها للجهود التي تبذل، لتمكين المرأة والذي يدفع ويعزز تنمية ويحقق النمو الاقتصادي.

وأشارت السفيرة إلى الجهود الجارية من الدولتين لرفع العقوبات الاقتصادية.


شبكة الشروق


تعليقات 14 | إهداء 0 | زيارات 3111

التعليقات
#1450399 [فيلق]
0.00/5 (0 صوت)

04-25-2016 07:48 PM
مشاعر دي فاكره نفسها بتشحد ليها طايوق بتاع عواسة ولاشنو...الامريكان ديل يااختي مازيكم جاهلين ديل بتعاملوا بتقارير وحاجات كتيرة مجلس شيوخ وووووووو
احسن تشوفي بت تور الدبة وتخشى معاها في خته صندوق تستفيدي زي ماقال احد المعلقين


#1450244 [عبوده السر]
0.00/5 (0 صوت)

04-25-2016 02:19 PM
ثم قالت مشاعر للمسؤولة الامريكيه الرفيعه كاثرين روسل بعد الاجتماع:

اتي ماتدخلي معانا ياكثرين الخته انشالله بنفرين تعملي ليك قرشين ينفعوك
الدنيا مامعروفه ياكاثرين ياختي .!!!!!!!!

مشاعر ياحماره يافاقدة لأى مشاعر ركزى في شغلك ماتبقي زى الفاشل حاج ماجد
سوار بتاع جهاز المغتربين الوليه كاثرين دى مابتقدر تعمل ليك أى شى.

قبل كده من هم أكبر وأحمر منك حاولوا في موضوع العقوبات دى وماقدروا يعملوا
أى شى رغم انو الموضوع في غاية البساطه لذلك ياريت تنصحي رئيس عصابتكم الفاشل
الكضاب يعمل علي استحقاقات رفع العقوبات المطلوبه لتقوم الاداره الامريكيه برفعها
بدل ماتقعدوا تحنسوا اى زول امريكي والا شايل الجواز الامريكي فضحتونا الله يفضحكم
في العالمين .

يامشاعر ياحماره الراجيكم كتير في حالة فوز اى من المرشحين كلينتون او ترامب
ديل هاتشوفوا منهم نجوم الليل عز الضهر وترومب بالذات قالها صريحه ناوى يطلع
ميتين ابو اى كلب ارهابي اسلاموى متاجر بالدين وهاتبقي استمرار العقوبات ساعتها أحد أمانيكم ياحماره وماهاتعرفوا تقبلوا وين ياعديمة المشاعر.
قال مشاعر قال .!!!!!!!


#1450241 [الهميم]
0.00/5 (0 صوت)

04-25-2016 02:15 PM
قالت ليها يا مشاعر يا أختي بكلم ليك ابواما دا حبيبنا وما برد لي طلب ................ونحن فيالإنتظار وشايلين شعار يا أمريكااختينا محال في يوم تهدينا .................لما ضهرنا اتهده.


#1450128 [عبوده السر]
0.00/5 (0 صوت)

04-25-2016 11:22 AM
ثم قالت مشاعر للمسؤولة الامريكيه الرفيعه كاثرين روسل بعد الاجتماع
اتي مادخلي معانا ياكثرين الخته انشالله بنفرين تعملي ليك قرشين ينفعوك
الدنيا مامعروفه ياكاثرين ياختي .!!!!!!!!


#1449974 [كككككككككككاك]
0.00/5 (0 صوت)

04-25-2016 07:32 AM
حاضر يا مشاعر رفعنا العقوبات انتى عويرة يا بت؟؟؟؟؟


#1449961 [karazy]
0.00/5 (0 صوت)

04-25-2016 06:31 AM
بتحنسي في الكفره معناه الكيزان كيسهم فاضي واكبر ماسوره في السودان!!فالقينا بالمشروع المعرص بتاعكم دا وطلع فشوش.طيب قاعدين ليه؟؟؟؟؟فذو فذاكم بلايخمكم


#1449945 [المتأمل]
0.00/5 (0 صوت)

04-25-2016 05:05 AM
طالبت وزيرة الرعاية والضمان الاجتماعي بالسودان مشاعر الدولب، الأحد، مسؤولة أميركية رفيعة،

امريكا دولة مؤسسات مش دولة همباتة زي دولتكم ياوزيرة كفاية بروزة لصورتك الباهته بي طلعات ما ليها لازمة


#1449937 [Sinnarist]
0.00/5 (0 صوت)

04-25-2016 02:47 AM
سبحان الله
"جهود الحكومة الرامية لترقية وتعزيز وحماية المرأة السودانية"
وهل ما حدث في تابت غائب عن العالم؟


#1449877 [ahamazole]
5.00/5 (1 صوت)

04-24-2016 10:08 PM
بالغتي يا شعرورة بس ما عرفنا زي دا بي كم


#1449865 [معاويـــــــــــــــــــــــــــــــــــة]
3.50/5 (2 صوت)

04-24-2016 09:30 PM
مشاعر دى اصلا ما عندها شعور باى حاجه لو عارفه الحاصل شنو فى السودان والله كان اغتربت لكن لانها تعيش فى ترف من المال المنهوب تنادى برفع العقوبات على السودان حتى تزيد حصتها من اموال المعونات لتنهب اكبر كميه


#1449847 [Zombie]
0.00/5 (0 صوت)

04-24-2016 08:36 PM
كلما رأوا وزيراً أو سفيراً أو مندوباً أو مفوضاً أمريكياً إلا وأسمعوه هذه الإسطوانة التي صارت مشروخة ومخجلة وسمجة ( أرفعوا السودان من قائمة الإرهاب وأرفعوا العقوبات الإقتصادية).

كلما رأوا بشراً أجنبياً يحمل الجنسية الأمريكية إلا وأوصوه وحدثوه وحملوه أمانة وأسمعوه الإسطوانة إياها.

في الحقيقة ممكن نقول معاهم حق ( حكومة البشير) لأنهم لا يستطيعون الذهاب إلي الكونجرس الأمريكي لمخاطبته كبقية الدول وليس هناك فرصة لإجتماع الرئيسين ( أوباما- البشير)في المحافل الدولية كبقية رؤساء العالم لمناقشة العقوبات المفروضة علي السودان ورفع السودان من قائمة الدول الراعية للإرهاب....

أكاد أجزم لو جاء مغنياً مخنثاً يحمل الجنسية الأمريكية لأسمعوه تلك الإسطوانة.

الكل في نظام البشير يطالب , سفير صادف سفير أمريكي, والي استقبل مفوض أو مندوب أمريكي, وزير إتحادي قابل موظف أمريكي من السفارة الأمريكية في مأدبة في سفارة أجنبية أخري, وزير دولة قابل رئيس شركة أو مؤسسة أمريكية,وزيرة رعاية إجتماعية تقابل مسئولة رفيعة كما في الخبر أعلاه ومن الخبر نفسه لم نتعرف علي تلك المسئولة "الرفيعة" وطالما هي مسئولة رفيعة ربما تكون في مستوي أوباما أو وزير الخارجية... من المحن حتي المسئولة الأمريكية لا تريد الوزير كشف كُنهها للشعب ... كل شيء عند الحكومة "غِتيتي وغُميتي وسُكيتي".


#1449843 [باتمان]
0.00/5 (0 صوت)

04-24-2016 08:24 PM
رفع العقوبات من إختصاص الكونغرس وليست الإدارة التنفيذية،، تجرو جرى الوحوش وما حتنفع.


#1449814 [A.rahman]
5.00/5 (1 صوت)

04-24-2016 07:32 PM
و يا ربي حكت المسؤولة الامريكية عن جلد النظام العام و استكتابه تعهدات لاثنين و أربعين الف من النساء، و اللا يخيل ليها انه المرأة الزائرة دي جاياها و هي لا تعلم شيئا عن نظام الانجاس؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة