الأخبار
أخبار إقليمية
طلعنا الشارع و ما بنرجعْ
طلعنا الشارع و ما بنرجعْ
طلعنا الشارع و ما بنرجعْ


04-29-2016 10:23 PM
للشاعر / د. عمر بادي

طلعنا الشارع و ما بنرجعْ
لحدي ندُك عرش الطُغيان
و برضو ننادي الناس أجمع
يمُرقوا معانا يعلّوا الشان
الخوف جُوانا يمين بِطلع
لما نقابل جُبن الكيزان
كُلْ واحد فينا حجارتو جمع
يشتت بيها قُوى البُهتان
صامدين و هُتافنا يزيد يصدَع
يغطي علي كل الأركان
دين الإسلام للرحمة شرَع
فيهُ الحرية في أسمى مكان
ما يهم لو حتى كمان نصرع
في دِمانا , فداءً للسودان
الموت الحق وهجوُ بيسطع
كيف الواحد يلقاهُ جبان
لو من رصاص أو من مُدفع
أو من تأثير غازات بُمبان
شُهدانا مكانهم فوق و أرفع
عند المولى في قُصور و جِنان
أعلنّا نضالنا و لن نركع
للذُل من تاني و لن نِنهان
لن نرضى بلدنا يصير مرتع
للصوص العسكر و الأخوان
---------------------------
28 أبريل 2016


تعليقات 6 | إهداء 0 | زيارات 7304

التعليقات
#1453232 [النويري سلمون]
0.00/5 (0 صوت)

04-30-2016 03:34 PM
لن نرجع ولن نركع .. نحن مرقنا الشارع واحزابنا مرقوا الشارع واماتنا مرقن الشارع وابواتنا مرقوا الشارع واولادنا مرقوا الشارع وبناتنا مرقن الشارع واطفالنا مرقوا الشارع الشعب السوداني مرق الشارع ولن نرجع ولن نركع .. وانها لثورة حتى النصر ....

مظاهرات واعتصامات وعصيان مدني...
مظاهرات واعتصامات وعصيان مدني...
مظاهرات واعتصامات وعصيان مدني...
هذه نهاية الكيزان ...
مظاهرات واعتصامات وعصيان مدني...
مظاهرات واعتصامات وعصيان مدني...
مظاهرات واعتصامات وعصيان مدني...
مظاهرات واعتصامات وعصيان مدني...
مظاهرات واعتصامات وعصيان مدني...
هذه بداية الحرية ... هلموا للشوارع يا ابطال احفاد مفجري ثورتي اكتوبر 64 وانتفاضة ابريل 85 ,,,,


#1453172 [محمد ابراهيم الشيخ]
0.00/5 (0 صوت)

04-30-2016 01:13 PM
لن نركع لن نركع


#1453145 [الناهه]
0.00/5 (0 صوت)

04-30-2016 12:19 PM
يبدو ان الامور قد اخذت منحى مختلف جدا من مجرد مظاهرات يتم قمعها واخمادها
يبدو ان هنالك قناعه تامه واخيره واجماع بعدم التراجع حتى تحقيق الهدف
نرجو من الجميع ضبط النفس واللحؤ الى الوسائل السلميه
وعلى حكومة المؤتمر الوطني الانصياع لارادة الشعب وعدم الاسراف في القتل والقمع حتى لا تتعقد الملفات اكثر مما هي معقده اصلا


#1453055 [osama]
0.00/5 (0 صوت)

04-30-2016 10:11 AM
له المغفره زميلي محمد الصادق
وربنا يصبرنا علي فقدانه
وربنا يصلح حال جمعتنا ونرجع لدراسه


#1452970 [حاج علي]
5.00/5 (1 صوت)

04-30-2016 06:46 AM
قصيدة جميلة
تعرف يا عمر احسن حاجة عملتها اصبحت عمر بادي
لان هناك واحد كوز شين اسمه عمر محمد صالح الناطق الرسمي لمجلس وزراء عصابة الانقاذ


#1452926 [Dasher Dasher]
5.00/5 (1 صوت)

04-30-2016 01:35 AM
قل للذين يوزعون الظلم باسم الله في الطرقات
الله فينا الله حي لا يموت
البحر يا صمت النساء الأمهات
القحط يا صمت الرجال الأمهات
الله فينا الله حي لا يموت

أديل انحن القالوا فتنا وقالوا متنا
وقالوا للناس انتهينا جينا ذي ما كنا أول
جينا حضنك احتوينا
ولما فارسك فينا هبا وعباء حجرك بالمحبة وبالاماني
وصحه نار الثورة تاني
جاءنا داخل ذي شعاع الشمس من كل المداخل
جاءنا أقدر خته من فوق كتفك ايدوا وهزا بالمنشور وبشر
يوما فرهد قصن أخضر وفرع انضر
والسلاسل ي جميله اليوم أكان ميلاد شهيدك
ويلا غني ولاقي عيدك ولثمارك لقي إيدك
جيل مكافح حل جدك وحل قيدك
ولغضبنا الحر ولافح ياما باكر من زنازين العساكر
نبني مجدك ومهرجانك وكل قطرة دم عشانك
ولجديدك ويلا غني ولاقي عيدك ولثمارك لقي ايدك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة