الأخبار
أخبار إقليمية
تعليق الخارجية الأمريكية على طلب زيارة البشير "فيديو مترجم " : "إعلان الطلب طقوس من البشير لإثبات وجوده
تعليق الخارجية الأمريكية على طلب زيارة البشير


وإذا واصل في الأمر سنتخذ خطوة واحدة في زمن محدد
05-29-2016 10:32 PM

ترجمة : الهادي بورتسودان

تحدث المتحدث بإسم الخارجية الأمريكية مارك تونر عن إعلان البشير بأنه تقدم بطلب للحصول على تاشيرة لزيارة الولايات المتحدة لحضور إجتماعات الجمعية العمومية للأمم المتحدة في سبتمبر المقبل ، و قال : " إنه أمر إعتادوا عليه خلال السنوات الماضية وهو جزء من طقوسة السنوية في التهديد لإثبات وجوده "
وقال إنه لا يعلم إن كانت الأمم المتحدة قد قدمت له الدعوة أم لا، و إن هناك العديد من الإعتبارات توخذ في الحسبان عند النظر لمثل هذه الطلبات ،وستعمل الولايات المتحدة وفقاً لتعهداتها القانونية ذات الصلة ، وكما هو معلوم فإنهم لايمكنهم الإدلاء بأي تفاصيل بشأن طلب أي تأشيرة لأي شخص ،ولكنهم حتى وإن كانوا غير موقعين على ميثاق روما الذي أنشأ المحكمة الجنائية الدولية فإنهم يدعمون بقوة جهودها في محاسبة المسؤولين عن إرتكاب الفظائع ، وخاصة الجرائم ضد الإنسانية وجرائم الإبادة الجماعية في دافور .
وقال المتحدث حسب علمه إن البشير لم يصل إلي نيويورك في السابق ، وإذا واصل في ذلك الأمر" فإنهم يستخذون خطوة واحدة في زمن محدد " لإنهم يعتقدون إن البشير ينبغي إن يحاسب على جرائمه .
ولمزيداً من إستيضاح تلك الخطوة سأله الصحفيون بشكل مباشر " هل ستقبضون عليه إذا حضر لنيويورك ولو أنكم لستم أعضاء في ميثاق روما ؟؟؟ اجاب : " بأن هناك أيضاً إلتزامات قانونية معقدة ستوخذ في الحسبان بوصف الولايات المتحدة بلد مضيف لمقر الأمم المتحدة فسينظر إليها جميعاً مع غيرها من الأعتبارات المتعددة الأخرى وسيتصرفون وفقاً لإلتزاماتهم القانونية.
وقال إنهم إعتادوا على مثل هذه الأمور من قادة سيئون حول العالم ، وليس من البشير وحده وعلى العموم إذا قدر له أن تابع في عزمه وواصل في الأمر ،فسيقومون بما يجب عليهم القيام به .

.


تعليقات 40 | إهداء 0 | زيارات 30859

التعليقات
#1469341 [الباشكاتب]
0.00/5 (0 صوت)

06-01-2016 01:03 AM
غايتو يا البشير يا خوى الخواجه ده كتل ليك الدش يطريقه بطاله خلاص . كان اابيت تمش ووب وكان مشيت ووبين .


#1469289 [صلاح حسن]
3.00/5 (3 صوت)

05-31-2016 09:09 PM
للرد على [Ali Taha] :

الجنرال مانويل نورييغا رئيس بنما السابق كان من أكبر حلفاء امريكا و عميلها الساطع , و فجأة إنقلبت عليه أمريكا وقامت بالقبض عليه بعد استنفاد غرضه وقامت بإرساله لأمريكا حيث تمت محاكمته بتجارة المخدرات لمدة عشرين عاماً قضاها فى أعتى السجون الامريكية حراسةً , و بعد إتمامه فترة العقوبة ب20 عاماً تم تسليمه إلى فرنسا التي كانت قد حاكمته غيابيًاً في عام 1999 بتهمه غسيل الأموال من تهريب المخدرات.

بعد إنقضاء عقوبته فى السجون الفرنسية تم إرساله لبنما التى طالبت باسترداده لمحاكمته في قضايا اختفاء معارضين و انتهاكات لحقوق الإنسان ارتكبت في سنوات حكمه .

ف يا أستاذ علي طه , دة كان جنرال و رئيس من أكبر عملاء أمريكا فى امريكا اللاتينية و كان ملك أكتر من الملك نفسه فيما يتصل بمصالح الولايات المتحدة و مع كل ذلك باعته أمريكا و تنكرت له و خطفته من داخل قصره و أرسلته للسجن الامريكى .

الاهم عند أمريكا مصالحها حيث لا توجود عندها صداقة دائمة مع أحد أو وفاء لعهد أو حماية اصدقاء (كانو عملاء لها) , المعيار الوحيد هو المصلحة الأمريكية و بس .
امريكا تنشأ رؤساء و توجدهم لقمع شعوب أوطانهم خدمة لمصالحها في المنطقة لتتخلى عنهم سريعا بتُهَم مختلفة مثل إيواءالإرها أو الاتجار في المخد رات أو إنتهاك حقوق الإنسان و غيرها من التُهم و ذلك حينما تشعر أمريكا بأنهم (أى العملاء) لا فائدة جديدة منهم أو ظهور بديل آخر يمكنه أن يقدم خدمات أفضل , حينما ظن هؤلاء العملاء بأن قوة الولايات المتحدة يمكن أن تضمن لهم الاستمرار في السلطة ونسو و تناسو أن الضمانة الوحيدة هي ضمانة شعوبهم و مواطنيهم الذين أذاقوهم سوء العذاب .


#1469023 [Anwar KUKU]
0.00/5 (0 صوت)

05-31-2016 12:08 PM
هل ستقبضون عليه إذا حضر لنيويورك ولو أنكم لستم أعضاء في ميثاق روما ؟؟؟ اجاب : " بأن هناك أيضاً إلتزامات قانونية معقدة ستوخذ في الحسبان بوصف الولايات المتحدة بلد مضيف لمقر الأمم المتحدة فسينظر إليها جميعاً مع غيرها من الأعتبارات المتعددة الأخرى وسيتصرفون وفقاً لإلتزاماتهم القانونية.
وقال إنهم إعتادوا على مثل هذه الأمور من قادة سيئون حول العالم ، وليس من البشير وحده وعلى العموم إذا قدر له أن تابع في عزمه وواصل في الأمر ،فسيقومون بما يجب عليهم القيام به .


#1469001 [alrshid slih Alnoor]
4.00/5 (1 صوت)

05-31-2016 11:35 AM
" إنه أمر إعتادوا عليه خلال السنوات الماضية وهو جزء من طقوسة السنوية في التهديد لإثبات وجوده "


#1468944 [احمد البقاري]
4.25/5 (5 صوت)

05-31-2016 10:23 AM
غايتو يا Ali Taha، أنت طلعت زول أهالي أووي
يا زول أمريكا لو رغبت في أعتقال البشير يشيليوه من أحضان وداد، دون أن يخدشوا خصوصيتها ... أنت قايل نواريقا ما عندو جهاز أمن ودفاع جوي والذي منو.. يا أخي ديل القذافي حاول يستفزهم في عام 1986، ردوا عليهو بارسال صور شخصية له وهو قاعد يستحما... من ديك أنقطم حتى وافته المنية أم عود ...

خلي ده كلوا، أنت قايل ناس بكري ومحمد عطا وعبد الرحيم، إذا قبضوا البشير حيشتغلوا بيوه، وحيقبضوا أعضاء السفارة كما تتخيل ... لا ما زي ما بتفكر أنت .. ديل على طول حيلجأوا للعبارة البكرروها في العزاءات "الحي أولى من الميت" ... وعلى طول تلفون من محمد عطا إلى أمريكا، حنسلمكم عبد الرحيم واحمد هارون وبقية الجوغة، بس تضمنوا لينا أنا وبكري حسن صالح مافي زول يجيب سيرتنا... أوكي ... أوكـــــي مان


ردود على احمد البقاري
[AAA] 05-31-2016 10:14 PM
تعليق رائع رايع.. تسلم اخي احمد البقاري..


#1468823 [سوداني]
5.00/5 (1 صوت)

05-31-2016 05:26 AM
يا جماعة علي عثمان محمد طه (Ali Taha) ده ما قال اعتزل السياسة!


ردود على سوداني
European Union [معتصم عبد اللطيف] 05-31-2016 07:44 PM
و هو علي عثمان محمد طه (أو Ali Taha) ذاتو موجود فى قائمة ال 51 المطلوبين من محكمة الجنايات الدولية , و مافى حد أحسن من حد , فى الاول المشير و بعده تأتى باقى العصابة .
قريباً ح يقبلو على باقى القطيع لكى يتم إصطيادهم فرداً فرداً لأن جرائمهم لا تسقط بمرور الزمن و هى باقية طالما المتهمين باقين على قيد الحياة .


#1468742 [mubarak]
5.00/5 (4 صوت)

05-30-2016 09:14 PM
يا بشة روق المنقة كلها كم شهر و ترامب يستلم الحكم و اكيد حا يديك تاشيرة و يستقبلك في المطار كمان بس ابقي جعلي و امشي ليهو


#1468735 [ود لقمان]
4.00/5 (1 صوت)

05-30-2016 09:02 PM
لن تمنحه تأشيرة لأن امريكا فى حالة منحته فيزا فهى ملزمة بحمايته حسب ميثاق دولة المقر الموقع فى العام 1947 كما ان امريكا غير موقعة على ميثاق روما وأى محامى "جربندى" يستطيع أثبات ذلك ولا تنسو الاتحاد الافريقى سيتدخل وخادم الحرمين وقطر واثيوبيا فى النهاية يمكن احتجازه كم ساعة لزوم "كرىمة الكابوى" وبعدها يرجع عادى والمحير امريكا التى تتشدق بالجنائية ما تنضم ليها وتريح نفسها أكبر وأقوى بلد فى العالم ومقر الامم المتحدة فى أرضها وترفض الانضمام للمجكمة معناها الحكاية فيها ان العم سام تتنطبق عليه الآية ( أتأمرون الناس بالبر وتنسون أنفسكم وأنتم تتلون الكتاب أفلا تعقلون (البقرة 44 ) )


#1468731 [حمزة عباس]
5.00/5 (6 صوت)

05-30-2016 08:49 PM
هذا المتحدث الأمريكى كلامه واضح بالرغم من كل الإنشاء الدبلوماسية التى رددها وهو يعنى بأنه لو تم إعطاءه تأشيرة دخول فإن امريكا إذا لم تقبض عليه مباشرة فإنها ستسلط عليه احدى الدول المجاورة لامريكا التى تمر بها طائرة البشير لتقوم بإيقافه , لذلك كرر المتحدث الأمريكى قوله بأن امريكا "ستعمل وفق تعهداتها القانونية ولكننا ندعم بقوة ميثاق روما المنشئ للمحكمة الجنائية الدولية وندعم جهودها لمحاكمة مثل هؤلاء حتى وان كنا غير اعضاء ومحاسبة المسئولين عن الجرائم وخاصة الجرائم ضد الانسانية وجرائم الابادة الجماعية فىدارفور" (انتهى) .

الكلام دة معناهو بصريح العبارة من غير دبلوماسية ح يوقفوه ويحاسبوه فى محكمة الجنايات .
يعنى البشير لو راجل خليهو يعتب الاراضى الامريكية او جوارها.
يعنى الكرة الان فى ملعب البشير وعصابته ونشوف حيعملو شنو .هل ح يقبلو التحدى ام انهم سوف يجُرو واطى . و سبتمبر قريب .


#1468703 [AAA]
2.00/5 (2 صوت)

05-30-2016 06:48 PM
الموضوع بسيط..يا امريكا أدي البشير تأشيرة.. بشرط الطائرة تعمل كونكشن في مطار امستردام بهولندا.. وخلوا الباقي...

** كما ذكر المعلق Mubarak وأضيف.. البشير لو أدوه قرين كارد زاتو ما حيمشي..دي كلها حركات عنترية و "مرجلة" على الفاضي..

** امريكا ولحساباتها الخاصة..قد لا ترغب في توقيف واعتقال البشير.. والا لكان قامت باللازم من زمان..امريكا زاتها بقت بتاعت حركات!!!!

تلعب مع نظام الكيزان توم آند جيري للتسلية فقط لاغير...


ردود على AAA
[AAA] 05-30-2016 10:29 PM
لك التحية زميل الراكوبة العتيق النشط الاخ [جركان فاضي]..
وبرضو عندي مقترح اخر للاخ "الزميل" بانكي مون..عشان ما ندي الكيزان ديل فرصة وعذر برفض امريكا منح التأشيرة للبشير..ممكن يحول الجلسة دي في لاهاي زاتها..وحكومة هولندا تدي البشير تأشيرة "خروج وعودة"...بشرط ما تكون "خروج نهائي".. والباقي على الله... هههههههه

European Union [جركان فاضى] 05-30-2016 09:28 PM
جبتها يا AAA يا رهيب...نعم تأشيرة دخول لامريكا على ان تكون الرحلة : الخرطوم -القاهرة-لاهاى-نيويورك....او فى حل اخر: ان يطلب البشير التأشيرة من سفارة امريكا فى لاهاى....ويلاك معاى لاهاى هاى هاى هاى ...تلقى الشباب هاى هاى ...يا شباب مدنى...يلاك معاى ودبهاى


#1468624 [سوداني بس]
4.88/5 (6 صوت)

05-30-2016 03:33 PM
الكوز البقول البشير ليس كصدام حسين صدق ليه؟
اولا رغم انني ضد دخول صدام لدولة الكويت لكن الواقع العراقي كان ايام صدام كالاتي.
- رفاهية وتوفير المستلزمات الاساسية لكل المواطنين من مسكن وملبس وأفضل تعليم وصحة.
- اقامة مشاريع وبنية تحتية بالبلاد حتي اصبحت بغداد اكثر مدينة تطورا بالمنطقة.
- خطابات الرجل كانت تحمل معاني عميقة وكلمات موزونة لاصراخ ولا تكبير نفاقا ولارقص ولاهز.
- كانت العراق وجهة لكل من يقصدها حتي الخليجيين اغتربوا بالعراق ونعم بخيرها الكل .
مافي مقارنة ياكوز لكن صدام أخطأ وتحمل أخطائه.اما البشير فقد دمر بلاد كاملة جزئها انفصل والباقي مهدد وجزء منها محتل.
تفووووووووووووووووووووو علي الرجل الذي يصرخ ويحكم قبضته علي الفقراء والمساكين ويقهر الرجال ويركع نعامة للاقوياء


#1468606 [Rebel]
5.00/5 (6 صوت)

05-30-2016 03:11 PM
* من الملاحظ أن عقول "رؤساء" دول البطش و الظلم و الإفقار و الفساد, صغيره حد العدم!!..و تفكيرهم و حدود طموحاتهم فى الشأن الوطنى و القومى, لا يتعدون حدود رغباتهم الذاتيه الحسيه و "الماديه"!..مع حرصهم الشديد على تلبية شهواتهم البهيميه, أو إشباع غرائز نفسياتهم المريضه و المعقده, على حساب الهم "الوطنى"!
* و لذلك, فإن "أحاديثهم و تصريحاتهم" دائما ما تكون متواضعه لغويا, و هبلاء!..و هى أقرب للتهريج و التحدى!..و خاليه من الدبلوماسيه و العقلانيه و الواقع!..و دائما ما تركز على محاولة إثبات "الذات الفاشله"!..و لذلك لا يمكن مقارنة تصريحات "هؤلاء" و تصريحات المسئولين فى دولهم, مع ما يصدر من "تصريحات و أحاديث" المسئولين فى الدول الناميه الأخرى, نهاهيك عن تصريحات مسؤولى و رؤساء الدول المتقدمه!!
* إن تصريحات و أحاديث و سلوكيات "البشير" و زمرته من "التنابله البلهاء", و اللصوص و الفاسدين, تماثل تماما تصريحات و احاديث و سلوكيات و افعال "الشماشه" و "الصعاليك" و "قطاع الطرق", فى كل الامكنه و الازمنه!!
* و لذلك فهم مكان سخرية "الناس" فى الداخل!..و إستخفاف المسئولين بهم فى الخارج,,


#1468597 [قلام الفقر]
4.88/5 (4 صوت)

05-30-2016 02:56 PM
اخوتى قراء صحيفة الراكوبة العملاقة: هنا خبر يهنا كسودانين غاية الاهتمام, وهو تم اليوم الحكم على الرئيس التشادى السابق حسين هبرى بالسجن المؤبد, لاقترافة جرائم حرب وجرائم ضد الانسانية والاغتصاب.
هنا نعود للبشير, يا البشير فى مثل سودانى يقول: ( أن زينو لاخوك بل راسك) سمعتبيهو يا البشير, دحين (بل راسك), بالرغم من السجن المؤبد لحسين هبرى لكل هذه الجرائم, يعتبر سجن مخفف جدا نظرا لجرائمة, اذا ما قورنت بجرائمك التى تفوق جرائم هبرى, اعتقد انت عقوبتك ستكون الاعدام رميا بالرصاص لا محالة. دحين ابقلى رقيق وبل راس (وسردب), وكما قال الشاعر: ( اذا لم يكن من الموت بد فمن العار أن تموت جبانة) دحين هبت عليك رياح سقر, يامغضوب العباد ورب العباد. وابقى راجل الدور عليك.


#1468584 [فى الصميم]
5.00/5 (2 صوت)

05-30-2016 02:12 PM
المدعو على طه وحسب ماذكر إنو البشير لا يسافر الى أى دولة إلا إذا ضمن وجودسفير تلك الدولة فى الخرطوم وهذا لايعقل وهل توجد دولة محترمة فى العالم تقبل أن يكون سفيرها رهينة . وإذا سلمنا جدلاً إنو كلام المذكور صحيحا (ومن سياق كلامه يدعى معرفته ببواطن الأمور فى الدولة ) فهذا يعنى إنو البشير عايش فى رعب وشبح الجنائية يطارده الى الممات والمثل بقول ( كتلوك ولا جوك جوك ) فصدقنى هذه ليست حياة أسد كما تدعى ياطه ، هذه حياة جرزان فأفضل له ألف مرة أن يسلم نفسه للجائية الدولية ويثبت للعالم أنه برىء ، هكذا الأسود تكون فقل لسيدك أفعلها لحظتها حق لك أن تسميه بما شئت لكن أن يكون رئيساً ومطارد هذه لعمرى ليست من شيم الأسود وكفى .


#1468582 [ود الفاضل]
5.00/5 (3 صوت)

05-30-2016 02:05 PM
الشيئ المحزن والمخزي لشعب السودان انه لايوجد فى الكرة الارضية كلها رئيس مطارد للقبض عليه ومنبوذ غير البشير ورغم ذلك نجد من يعتبره رئيس محترم وهو فى واقع الامر ( الفضيحة تمشي على رجلين ) ... والامريكان اعتقد اذا كانوا اعضاء بالمحكمة الجنائية الدولية ، لكان اخذوا البشير من غرفة نومه كما فعلوا مع نورتيقا رئيس بنما ... ولكن رغم ذلك الكل يعلم ان امريكا هي صاحبة اليد الطويلة فى الكرة الارضية الان بعد تلاشي الدب القطبي الروسي ...
وكما عبر المتحدث باسم الخارجية الامريكية البشير تعود على استعراض عضلاته كل فترة فقط ليثبت انه موجود وذلك للفضل من السودانيين داخل البلد وهم اما نساء خوالف او رجال قواعد او اطفال سذج لايعرفون الفرق بين البشير وأوردوقان !!!! وسواد الشعب الاعظم احباش ونازحي غرب افريقيا - وابناء السودان شتو فى المهاجر والمنافي فى اركان الكرة الارضية الاربع فرارا بكرامتهم من ان تعبث بها ايدي المجانين !!!


#1468565 [ود المكي]
4.82/5 (6 صوت)

05-30-2016 01:37 PM
قالوا ، خير الكلام ما قل ودل .... أثبت للعالم بأن من يحكمنا ، لدية عقل طفل صغير ، ونحن هنا فى السودان ، قد تعودنا على كلام ( الضكرنة ) ، والأيام دول ، أها كان راجل... بس أصلهم ، وخلينا من اللعلعة الكتيرة .


#1468543 [مواطن]
4.00/5 (3 صوت)

05-30-2016 01:02 PM
ههههههههههههههههههههههههههههاي


ردود على مواطن
[sasa] 05-31-2016 06:47 AM
يالاهاااااااااااااااااااااااى


#1468521 [mubarak]
4.19/5 (8 صوت)

05-30-2016 12:11 PM
واللة لو ادوك جواز سفر امريكي دبلوماسي مش تاشيرة بس برضو ما حا تسافر دي مسرحية فاشلة
وبعدين امريكا و الدول الغربية ما عندهم مصلحة في القبض علي البشير لاسبب امنية في المنطقة


#1468480 [Kori Ackongue]
1.00/5 (1 صوت)

05-30-2016 11:15 AM
Ali Taha, the false analyzer can you tell me how Al Shifa Pharmacy Secret chemical weapons company was destroyed?? Just like that, by the way I was inside Khartoum at that time, and we saw that faster light of the missiles coming from Western Omdurman and shortly all Khartoum North Industrial area was lightened and then now one talks and after over one and half hour Mr. Kamal Hamid of BBC had his short statement, but no officials stated anything for a while because all of them had fled through Khartoum North -Shendi Tarmac Highway line, including Al Basher and the late Dr. Majzoub Al Khalifa, the governor of Khartoum at that time. Can you tell me weather the power you are talking about was there or not? NCP Sudanese, it seems that you do not know what you are talking about really, just emotions people and the supporters of the genocide proven man. By the way all those in Africa and other countries to support Al Basher are dictatorship or one rule systems government, who do not believe but only on their interests and Sudan is one of their best store for multi-profit and cheap business country for al most free charge because corruptions style are here calculated as far as 87% reach standard globally. Go and search this fact please first and then talk about your power. Actually compared to the dictator Saddam Hussein you are nothing. Just keep it as secret between me and you only. See how SPLM/A - N doing it to your power on the ground, only you are able to kill the children, rape women and work for war of stealing the properties, and sure that will stop soon as I think it.


#1468468 [Ali Taha]
3.00/5 (2 صوت)

05-30-2016 09:53 AM
الاخوة المعلقين علي حديثي لم يفهموا كيف تفكر الحكومة السودانية وسخروا من كلامي عن أننا سنضع مسؤولي السفارة الامريكية في سجن كوبر لو إعتقلوا البشير في أمريكا.. الكلام ده جديد لنج بالنسبة ليكم لكن خلوني أقول ليكم حاجة مهمة جداً.. كل زيارات البشير الخارجية للدول القريبة أو حتي للدول البعيدة ذي الصين والهند بيكون فيها ترتيبات أمنية معقدة وواحدة من الترتيبات دي أن البشير لا يسافر لأي دولة ألأ إذا كان سفيرها موجود في الخرطوم لزوم الضمان.. هي اللعبة الأمنية كده.. عودة لكلامي إذا وافق الامريكان أعطاء البشير فيزا ثم قاموا بإعتقاله فإن هذا سيكون ضد كل مواثيق وأعراف الدبلوماسية لأنه ما ممكن تدعو الضيف لبلدك ثم تغدر به.. لكن ده لو حصل فنحن حنمارس سياسة المثل والعين بالعين.. والبادئ أظلم.. وحنهجم علي السفارة الامريكية ونعتقل كل الموجودين فيها من القائم بالاعمال الأمريكي وحتي أصغر موظف وسكرتير وضباط المخابرات وحنضعهم كلهم في سجن كوبر.. وصدقوني لا في كوماندوز ولا بطيخ في السفارة.. بلاش عبط معاكم.. السفارة لو فيها دبابات ما حتقدر تصمد أمام 20 جندي من الامن والجيش وحيقبضوهم ذي الفئران.. ولو أمريكا أرسلت فرقة كوماندوز لتحريرهم كما قال أحد المعلقين فصدقوني حنبلعهم إبتلاعاً عديل كده.. السودان فيهو حكومة باطشة وعندها ضراع.. والسودان علاقاته مع الصين وروسيا ذي العسل.. يعني التخطيط علي نطاق واسع ومافي حاجة للحظ والظروف.

ده كلو طبعاً غير الاحتياطات الامنية التانية (الاكبر من فهمكم الضيق بتاع الكوماندوز ده).. الامن السوداني واضع يده علي مصالح وأسرار أمريكية لا تعد ولا تحصي في العالم ده كلو.. وأي قلة أدب من أمريكا وإعتقال البشير حتشتعل حرائق في العالم كله.. المتحدث الرسمي الامريكي الفي الفيديو ده فاهم وعارف المصائب الممكن تجي من وراء السودان لو إعتقلوا البشير في أمريكا عشان كده كلامه كلو كان متلعثم وما قادر ينطق زاتو.. وما تقولوا لي سوريا ولا ليبيا ولا صدام حسين.. نحن أقوي من ديل كلهم وأكبر من ديل كلهم والله أكبر.

بالمناسبة الصحفية التي سألت أول سؤال قالت عمر البشير رئيس جنوب السودان.. أها ده أكبر دليل أنو الامريكان ما عارفين كوعهم من بوعهم ولا عارفين البشير ده منو والسودان ده وين وأكييييييد ما عارفين الحصل شنو في دارفور.. وتقول لي كوماندوز ؟!! لا خلاص خوفوتنا تب.. أساساً ديل لو رسلوا لينا كوماندوز حينزلوا بالغلط في جوبا ههههههههه (أمريكان وهم).

بدل الفهلوة والمغالطات واللف والدوران ده خلوا أمريكا بس تتشجع وتقدم فيزا للبشير لحضور مؤتمر الامم المتحدة وحتلقوهو ذي الأسد في أمريكا.. والأسد ما بخاف من أمريكا لكن أمريكا هي الخائفة منه لأنها عارفة لو لمست البشير حيحصل شنو في أفريقيا والشرق الأوسط.. والله القائم بالاعمال الامريكي ممكن نعلقوا في عامود كهرباء مش ندخلو سجن كوبر بس.. أيوة نحن كده عفنين عفانة شديدة.


ردود على Ali Taha
[Salah Ibrahim] 05-31-2016 09:56 PM
قلت لقبه منو (الأسد).. الذي أدمن الجري الهروب. والله انتو يا كيزان ما تخجلوا!!

[ALIIIIIIIIIIIIIIIIIIIIIIIIIIIIII] 05-31-2016 06:06 PM
طبعا ذكرتني بايران سنة 1979 لمن احتجزوا الرهائن في السفارة الامريكية ههههههههههههههه اول حاجة ياعبقري السودان ليس ايران ثانيا نحن مافي سنة 1979 نحن في سنة 2016 والعالم اتغير 180 درجة عسكريا واجتماعيا واقتصاديا وسياسيا وامنيا وحتي لو حكومة السودان عملت الحكاية دي تاكد ياعبقري ان ذلك سيعني مالات كارثية علي حكومة السودان وليس اقله تدخل عسكري مباشر في السودان اما بخصوص المارينز فهم موجودون في السفارة ودي انا باكدها ليك ياعبقوري صدقت ام لم تصدق واخيرا عمر الحمار او البشكير بتاعك ده لاهو نورييقا ولا عندو التحكتح وبعدين انو لحدي هسع ماعارفين مصنع الشفا الضربوا منو وجاي سيادتك تتفلسف..نصيحة ماتتكلم كلام اكبر منك لانك مابتقدر للكلام لاانت ولا عمر البشكير بتاعك

European Union [Observer] 05-31-2016 05:51 PM
U R apathetic moron

[سوداني] 05-31-2016 04:59 PM
بنغو درجة اولي هضربة الف هههههههههههههههههههههه تعلق شنو يا اخو مسلم يامغتصبين السلطة ومقسمين البلاد زي كيمان المرارة رجالتك دي اعملها مع الحلب عشان يبلوك بل قلعوها منكم وقاعدين فراجة يا اخوان يامسلمين

[طالب تية] 05-31-2016 10:36 AM
الرد على امثال علي طه مضيعة للوقت.. فهذا الرجل يريد ان يطمئن نفسه ليس الا... فاتركوهوا في غيه يعمه.. وليقم البشير بخطوته تلك.. فامريكا ليست جنوب افريقيا او نيجيريا او يوغندا.. فليعلم علي طه بان التاشيرة التي يتقدم بها البشير هي لحضور اجتماعات الامم المتحدة وليس لزيارة امريكا..والفرق واضح..

European Union [ليدو] 05-31-2016 09:04 AM
هههههههههههههه الصنف ممتاز ، دة بنقو الدمازين واللا شنو ؟

[كعب البنقو الكعب] 05-30-2016 09:47 PM
هههههههههه الصنف البتضرب منو علك ادينا منو لانو ما لقيت لي زول خيال وااااسع بالطريقة دي

European Union [Ali Taha] 05-30-2016 07:52 PM
المعلقين البيتكلمو عن إعتقال البشير أو عن الكوماندوز في السفارة الامريكية وبيصور ليهم عقلهم الصغير أن السفارة الامريكية في الخرطوم دي مصفحة فده إنسان مش فاقد للوطنية وبس بل فاقد للعقل وللرجولة كمان.. وحنعلقوا في عمود الكهرباء جنب القائم بالاعمال الامريكي لو إعتقلوا البشير.. وحنعلق معاكم شفع الكوماندوز والمارينز الفرحانين بيهم ديل كمان.. وحيكون مكان التعليق في الساحة الخضراء عشان وسائل الاعلام الدولية كلها تصور الامريكان معلقين في العمدان والاسلاك بالمقلوب الرأس تحت والكرعين فوق.. وأنا بفكر أننا نقلع ملابسهم ويكونوا ملط لكن الاداب العامة لا تسمح لينا.. ما مشكلة.. بنخليهم بملابسهم.. وحيتعلقوا 3 أيام كاملة.. خلال الفترة دي لو رجعوا لعقلهم وأطلقوا سراح البشير كان بها وإن ما أطلقوا سراح البشير يبقي حنعمل حاجة ما فكر فيها الشيطان الرجيم زاتو.. حنسحب كل القوات العسكرية من الساحة الخضراء ونخلي الامريكان والعملاء السودانيين معلقين بين السماء والارض.. حنسيبهم ونمشي بس.. وبعد كده الشعب الطيب الصابر ده حيشوف شغلو النضيف معاهم.. وحيحصل شغل بتاع طوب وحجارة وحيأكلهم أكل.. وبعد ده لو رفضوا يطلقوا سراح حبيبنا البشير يبقي حنشغل العقلية القديمة بتاعتنا ونجنن الأمريكان.. القاعدة وبوكوحرام وداعش وهلمجرا.. كلهم عارفينهم وعارفين سككهم وعارفين ناسهم ومداخلهم ومخارجهم.. زمااااااان فجرنا سفارات أمريكا في دارالسلام ونيروبي.. وفجرنا البارجة الامريكية كول في مضيق عدن بالبحر الاحمر.. وكنا ماسكين أسامة بن لادن الذي جنن العالم كله.. وقبضنا علي الثعلب كالروس الذي جنن مخابرات أمريكا وفرنسا 20 سنة.. بإختصار يا معلقين يا أصحاب العقول المجهرية نحن لو قمنا علي العفانة فنحن أسيادها وممكن نجنن أمريكا لامن تقول الروب.. لأننا بنعرف نمسكم من الحتة البتوجعهم.

European Union [مواطن] 05-30-2016 07:40 PM
الكويز ده بقول ليكم بأختصار اذا اعتقل البشير حتقوم حرب عالمية تالتة ودى حتكون نهاية أمريكا ونهاية العالم, شوفوا أمخاخ دى الكيزان ساحت لياتو درجة!!

[kokab] 05-30-2016 07:00 PM
على طه طبعا كما هو معلوم انك من قوم سيدنا لوط وفعل الفاحشه انت واحوانك الكيزان هو احد اركان دينكم الذي تؤمنون به ايها الكيزان والدوشه البتسوي فيها دي كوووولها هي عباره عن مكاكا ... يعني انت قاعد تكاكي عسى ولعل تظفر لك بديك يلبي تطلعاتك المريضه ولكن هيهات هيهات سوف لن تنال مرادك الخسيس الدنيء لانك مستودع للامراض والمايكروبات والجراثيم اذا اتى خنزير من عمق الزباله سوف لن يعيرك نظره فما تتعب نفسك في الفاضي ساي ... ضعف الطالب والمطلوب.....

[المهندس سلمان إسماعيل بخيت على] 05-30-2016 05:47 PM
سنضع مسؤولي السفارة الامريكية في سجن كوبر لو إعتقلوا البشير في أمريكا..
يا [Ali Taha] لو فعلتم ماقلت سوف تنزل المارين على أسوار سجن كوبر بعد أن يتم تخضير وشل كل أجهزة التصنت والرادارات كما فعلوا حين ضرب مصنع الشفاء ويخدوا ناسهم ولمان نصحى الصباح ونجى نشرب الشاى نفاجأ بأن سجننا خالى من الأمركان
أها سترسل كوماندوز سودانيين لفك اسر الرئيس
لمان تكتب ماتكتب بعاطفتك وأناملك ولكن أكتب بعقلك ثم أناملك
الترويكا بالأمس رجعتنا للمربع القديم والترويكا ضلع منها بريطانيا وانتم فرحانين بزيارة سفير بريطانيا للدامر
والله العظيم أنت فى السياسة صفر ولو انا محلكم لحددت اقامة سفراء الترويكا فى مساحة لا تتجاوز مساحة سفارتهم حتى يملوا ويعودوا لو طنهم
انت صفر سياسة
صفر اقتصاد
صفر اجتماع
PASS HISTORY
بس شهادة زى بتاعت نميرى

Russian Federation [بومدين] 05-30-2016 04:50 PM
-----------------------------


منو القال ( مناضلو الكيبورد ) نبزه ؟؟؟
في ظل ..
صحافة مدجنه .. أو مرتزقه .. أو مصادره ..
وقنوات تلفزيونية .. لا تسبح إلا بحمد السلطان ..
وأخرى إذاعية .. " مطلوقه " للفارغه والقرقره ..
ومنابر عامة .. تصاريحها حكرا" على الموالين ..
ومخاطبات .. يعقبها إعتقال .. بمبان .. ورصاص ..
وغياب فضائية حره .. تتلقف زمام الحقيقة ..
كان ما ( مناضلو الكيبورد ) ..
من وين كان البسطاء حيعرفو ( محمد الصادق ) و ( أبوبكر ) ..
الله يرحمهم ..وجميـع شـهـداءنا الأبرار الأطهار الأبرياء الـعــزل ؟؟
منو الكان حيعرف إنه ( بدر الدين صلاح ) و ( مي عادل ) و ( دقنو ) ..
وكـل المـعـتـقلين الـشـرفاء
في زنازين الظلام .. من أجلنا ..
كان ما ( مناضلو الكيبورد ) ..
منو الكان حيعرف .. أطنان الفساد النُـشرت بالصورة والقلم ..
( مناضلو الكيبورد ) .. هم الأعلام البديل ..
وسـائل التواصــل الإجتماعي ســلاح الـعـصــر
وسائل التواصـل هي ترجمه لقوله جــل وعــلا :
( يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم إن الله عليم خبير )
تـعـارفـوا .. تـعـني ان الـمـعـرفـة حـق طبيعـي ومشــاع ومشــروع ، لـكـل إنســان ..
مــن حـق أي إنســان مـعـرفـة حـقــوقـه .
الـعـالـم أضـحـي ( شـقـة ) نتبادل الأراء والأفـكـار والـخبرات والتجــارب ..
وســائل التواصـل تربط الشـعـوب بأوطانهـا وقـضـاياها .. أينما كانوا فـوق سـطـح الأرض وتـحـت الـشمس ..
وسائل التواصل هي السيف البتار الذي يخيف الطغاة ويقض مضاجعهم
ويجعلهم يتبولون علي أنفسهم ، وكلابهم الضالة المسعورة
وجدادهم المصاب بســمير
وجيوشهم الالكترونية الفاشلة المجيشة
لأن الطغاة لايستطيعون مصادرته ، وتكميم افـواه الشرفاء الأحـرار فيه
وسـائل التواصــل الإجتماعـي ســلاح خــارج عـن الـســيطــرة ..
إعلاميا .. إتحملت براها .. رسالة التوعية .. والتعبئة ..
تقلق مضاجعهم .. بالحقيقة ..
وما أقسى الحقائق على الأفاكين .. الأفاقين .. المنافقين ..
يهابون الكلمة .. كما لا يهابون الله عز وجل خالقهم ..
يرتعدون من قصفها .. أكثر من قصف الدانات ..
فالكلمة وعي .. والوعي عدو الظلام والظلم ..
فـي الـبدء كـانت الـكـلـمـة ..
( مناضلو الكيبورد ) .. ديل .. سخرتم لمحاربتهم مليارات الشعب ..
تصرف على " السواقط " .. و " الاغــبياء " .. وأميي التكنلوجيا ..
وما عارف الصيـع من جيف الـ ( جداد ) .. الـما نافـعين ..
ويقولوا ليك ( مناضلو الكيبورد ) .. كأنها نبزه !!!
طيب ليه خايفين منهم كده ؟؟؟
بوركتم يا من نلتم شرف تسمية ( مناضلو الكيبورد ) ..
وبورك كل من سطر كلمة .. تنير العقول .. وتزرع وعيا ..
يانعا" .. مزدهرا" .. ثماره تدنو قطوفها يوما" عن يوم .
وتبديد وتجفيف الأكاذيب الساذجة
( مش أحسن ما نبقى زي سوريا والعراق وليبيا واليمن ؟! ) ..
مقولة شهيرة يرددها إعـلام العصابة ، وكلابها الضالة المسعورة نهــار ولـيـل .. نؤكــد أنهـا تطبيقا عـمليا فـعـليا وحرفيا للمغالطة .
حيث يتم تهديد الناس ضمنا بالثمن الذي سيدفعونه في حال رفضوا مساوئ الواقع الحالي الفاســد البـغـيض ، وبحثوا عن نماذج أفضل !!.
إن الطغاة والسفاحين يحاولوا دائما إقناع الناس بأن غيركم حاولوا الوصول للحرية لكنهم وقعوا في الفوضى .. وهذا ما سيحدث لكم ..
في حال رفضكم للسلطة الحاكمة رغـم اجرامها و فســادهـا وضـلالها وخرابها ودمارهـا و عـهـرهـا وتـفـسـخـهـا ؟؟ .

[حاجي تشقند] 05-30-2016 04:26 PM
وقت عندك المقدرة دي امشي اوفي بي نذرك بتاع نحتفظ بحق الرد كل ما اسرائل تديك علي قفاك اسفين ويطلع الحمبرة اللمبي نحن ماشفنا الطيارة لانها طافية انوار والبتاع كان في الهناي ووووووووووو

[جنرال زمان] 05-30-2016 02:04 PM
دحين يا الحبيب وبدون تعليق على كلامك الخارم بارم دا، عندي سعال صغيير كدا، هو انت اسمك Ali Taha ولا Tahra Ali؟؟؟؟؟؟؟

[failag] 05-30-2016 01:59 PM
يا اخ علي ...نحنا خلينا ...بس انشاء الله بشكا امشي عشان تشوف براك البحصل شنو وناس السفارة ديل عوجه مابتجيهم لا انت ولا جيشك ولا اي زول بهبشن ديل رعايا امريكان مكتوب في جوازاتن ( محمي فوق اي ارض وتحت اي ارض
وصدقني اول ما البشير اتمسك طوالي الهيلمة الشايفنها دي بتنكمش وما بنلقي اي زول قاعد
الجماعه الايام دي قايمين في موضة جديده اسمها الهجرة الي الله
اللهم عليك بهم وانصرنا نحن عبيدك شعب السودان علي الكيزان ومن لف لفهم ومن شايعهم

United States [عودة ديجانقو] 05-30-2016 01:22 PM
يا على طه انا بسحب تعقيبى على تعليقك وبعتذر لأنه مفتكر نفسى بتعامل مع انسان سوى....لكن إتضح ابوجهل بالنسبه ليك آينشتاين.

[ميمان] 05-30-2016 12:45 PM
هل مررت بقرب السفارة الامريكية في سوبا؟ إذا مررت عندها ستددرك تماما أن كل جيشك لن يستطيع أن يطال أحد من المارينز الذين يحرسونها

[sasa] 05-30-2016 12:20 PM
اخوتى المعلقين للأسف الشديد المدعو على طه هذا دقسنا كلنا وخلانا نرد عليه لكى يشبع غروره فهذا على ما اظن ( ان بعد الظن اثم) واحد مخروووووووووش وضارب كيمياء ورايحاليهو حاجة كده

فاتركوه وماتكبروا ليهو راسه الفاضى



او هو عيييل امنجى موهوم مغشوش مضحوك عليه

[sasa] 05-30-2016 12:14 PM
اسالك بالله ياعلى طه ان تخبرنى من اين لك هذا المخدر والمهلوس هل هو بنقو اثيوبى معدل جديد بالساحة السودانية ام خرشة تركيب ( حاشية: مكون من بنقو و0.001 هيروين وشاش وسبيرتو لزوم الخلط)

لا خلاص الامريكان ارتعبوا وخافوا من كيزان السجم والرماد ... لما انتوا بهذه الرجالة والذكاء والقوة ... اين حلايب وشلاتين والفشقة ومستقطعات الحدود مع اريتريا .... عالم وهم ...

[Alkarazy] 05-30-2016 11:48 AM
ولماذا المشوار الطويل دا..بسيطه جدا توجيه الطائره عبر الاطلسي بعدين خلو الباقي على الطيران العكسي.وذكرو الطيار بان يقول توكلنا على الله .سمك القرش في الاطلسي لونه ازرق.اعوذ بالله نهايه صعبه

European Union [فري] 05-30-2016 11:39 AM
كلامه كلو كان متلعثم وما قادر ينطق زاتو.
--------------
تعليقي علي كلامك المقتبس أعلاه, أما بقية كلامك مضحك جدا وخيالي ...الظاهر عليك بتشاهد الأفلام الجاسوسية.
تلعثم المتحدث الأمريكي ليس خوفا من توابع إعتقال البشير, تلعثم المتحدث - رغم أنه غير مسلم- لا يريد أن يكذب هؤلاء القوم يحرصون جدا في حديثهم ولا يتعاملون بردود الأفعال فهم قوم لا يكذبون مثلما يكذب سيدك البشير وأي كلمة تُصدر من هذا المتحدث يُحاسب عليها , لذلك لا يتحدثون بلغة التحدي إنما بلغة القانون....

[الدنقلاوى] 05-30-2016 11:26 AM
ياخى انت زول مقرف ومقزز بدل ماتشكر أمريكا انها حاتعمل اللى نحنا ماعرفنا وكلاب الافارقه نعمله تقول كلامك الفاضى المقرف زيك ده
و لاانت ولا جيشك ولا ميلشياتك السريعه تقدر انك تهوب بس ناحيه السفاره الامريكيه وفرقه واحده من قوات البحريه الامريكيه تحتل لك خرطومك ده في ساعه ياسجم الرماد
البشير قاتل الشفع والنسوان البشير صاحب الاباده الجماعيه للاعراق البشير اللى بيستحل شرف حرائر الغرابه للجعليه استحى على وجهك يالوطى ياديوث ياامنجى ياكوز


#1468442 [جركان فاضى]
3.00/5 (3 صوت)

05-30-2016 08:59 AM
حتى لو حصل البشير على التاشيرة فالرمالة قاعدة...فتوى علماء السلطان بأنه لاتجوز زيارته لامريكا...حركات منو وبس


#1468403 [Kori Ackongue]
3.00/5 (2 صوت)

05-30-2016 08:08 AM
I can just say that: I deeply very consistent, precise and to the point of lawful, diplomatic and logic statement of the Greatest Nation in the World Government's spokes persons/lady, to the attention of the people and the genocide committed presidents and all those who might be concerned all through. Full stop.


#1468394 [ود التوم]
3.00/5 (2 صوت)

05-30-2016 07:33 AM
الكلام واضح يا كيزان هههههههههههههههههههههههههههههههههه


#1468391 [عبد الرحيم]
3.00/5 (2 صوت)

05-30-2016 07:20 AM
شكرا لك الأخ الهادي بورتسودان على الترجمة الممتازة وعلى اختياراتك المفيدة للحكومة اولا وللقراء والمتابعين في الشأن السوداني.. احييك تحية خالصة لقدراتك المميزة في الترجمة والترجمة على الشريط ايضا..


1- على العموم البشير تقدم بالطلب لاثبات وجود

2- الولايات المتحدة لن تعطي البشير تأشيرة لأنها ملتزمة اخلاقياً امام الرأي العام وطالما انها لم تعطيه تأشيرة في السابق فإن اعطاءه تأشيرة في الوقت الحالي سوف يدمر خطط الحزب الديمقراطي في سعيه للبيت الابيض.

3- لو اعطي تأشيرة البشير لن يسافر الى امريكا

4- اذا كان رجل قوي فعلاً ومستعدة للمحاسبة وانه بري مما ارتكبته قواته فعليه الذهاب مباشرة الى الجنائية قالت الشاعرة وهي تمدح اولاد توتي(الجري دا ما حقي).

5- اذا كان الرئيس يعتقد جازما انه غير مسئول عن قتلى دارفور وجبال النوبة ومتظاهري سبتمبر وانها معارك قبلية او جهات لا يعلمها فهذا يعنى انه عجز عن حماية السودانيين من المليشيات المتفلتة وعليه الذهاب الى لاهاي وتسليم نفسه الى المحكمة كما فعل نائب الرئيس الكييني.

6- هل من القوة والشجاعة ان يتفلت الرئيس ويتخفي من وقت لأخر ليذهب الى هذه الدولة او تلك ؟؟

كنت اتمنى ان يذهب بنفسه الى لاهاي ؟


ردود على عبد الرحيم
[Ali Taha] 05-30-2016 08:15 PM
إقتباس: لو اعطي تأشيرة البشير لن يسافر الى امريكا.

خانك المنطق يا أخ عبدالرحيم.. البشير حيسافر لو أدوهو فيزا وهو ليهو 7 سنين يطالب بفيزا.. لو أنت متأكد أنه لن يسافر خلي أصدقائك الأمريكان الذين تحبهم يعملوا ليهم شرك أو كمين ويقدموا ليهو فيزا عشان يحرجوه.. والله الضحك يشرطكم ونحن اللي حنحرجكم وحبيبنا بشة حتلقوهو قاعد في الصف الامامي وخالف كراعو كمان.

البشير ما بيسمع نصائح هئية علماء السودان وفتاويهم بخطورة السفر.. وأنتو عارفين كويس.. عاش البشير.

[Alkarazy] 05-30-2016 11:56 AM
الروح حلوه مش بعزقك...بشبش بهوش علشان الاوضاع الداخليه زي الزفت والزفت احسن....لذا إستعانا ب إشغل اعدائ باانفسهم ....بشبش مش الكيزان عملوهو خليفه؟؟؟؟ خلاص بعد شويه على الزريبه .في الدنيا كلها شوفتو عسكري سلم دقنو لكوز؟؟؟؟ الا كبيرنا هذا؟؟


#1468385 [قلام الفقر]
4.00/5 (3 صوت)

05-30-2016 06:46 AM
الله ... الله... عليك مارك تونر فى قولة بالعبارة ( قادة سيئون حول العالم), واردفها بعبارة ليس البشير وحدة, وهذه الاضافة من قبيل احترام المواطن وادبياتة بالعموم, وواضح انة لم يرد اسم اى قائد من القادة حول العالم الا البشير, فشكررررررررن السيد / مارك تونر على هذه المؤدبة الموصفة للبشير بمنهى الدقة, وهذا وجهة نظر كل شعوب العالم وقادتها عن هذا (السئ عمر البشير).
تكفينا واسلجة صدورنا هذه الاهانة المتناهية للبشير من امريكى يعى ما يقول تماما, منصفا فى وصفة الدقيق لشخصية عرفت بالسوء للعالم.
وانت لو راجل ياسئ امشى امريكى لاجتماعات الامم المتحدة هذه, وبعدين حتى لو مشيت وما قبضوك, الا تكفيك نظرة القادة الاخرين تجاهك وانت بؤرة الاساءة للقاصى والدانى وانت زليل حقير ممتهن ليس لك اى صفة اعتبارية كرئيس دولة, امشى وستعلم مقدارك الحقيقى وسط القادة الاصليين, وليس قائد سئ.
وكذاب يا البشير كعادتك, وانا ونحن على قناعة بانك تناور فى الذهاب الى امريكا, لاثبات ذاتك الضعيفة, وبصدر مكشوف كأنك غير مهتم بالجنائية, وشوفونى ماشى لامريكا ذاتها, كل هذا من قبيل المناورة المغشوشة.
نحنم متأكدون تماما, لو اعطوك التأشير من وصفوك باسوء قادة العالم, فانت جبان بمكان لن تذهب, وخير دليل لما ذهبت الية هو (1. هروبك من جنوب افريقيا, 2. هروبك من يوغندا) والتاريخ مسجل لك اروع واسمى جبان على ظهر البسيطة يا عمر يا بشير.
اعلمت الى اى درجة وصلت مهانة ومزلة العالمين لك من حولك, وتولى شنو وتقول لى منو رئيس دولة, هههههههههههههههههههههههههههههههههههههههههههههه.


#1468382 [غبي منو فيه]
3.00/5 (2 صوت)

05-30-2016 06:42 AM
انه بشة وتلك حركاته


#1468375 [عمر]
3.00/5 (2 صوت)

05-30-2016 06:16 AM
وفي الحالتين البشير منتصر كما قال علي طه .. ويا بكري الصائغ كلام علي طه وقع ليك ؟؟؟؟


#1468368 [الجــــــــــــــزيرة ابـــا]
3.94/5 (5 صوت)

05-30-2016 05:54 AM
ياخى الحتة دى حااااااااااااااااامضة يا اميركا ( وهو جزء من طقوسة السنوية في التهديد لإثبات وجوده ) حوﻻااااااا .. الزول انتهيتوا منه كلو كلو
وهو حى ... خليتوه دارع سفنجاتو فى اباطو طول السنة .. مرة يجى راجع بفردة ومرة ينساهن اﻻتنين من الجرى جرى الوحوش .. وكمان بقيتوا تضحكوا عليه فى الزعيق والكواريك السنوية .. حوﻻااااا يا ود زقدة البتقول عليهم تحت جزمتكم شغالين ياكلوا بكلامك تسالى ملفوف فى صحيفة اﻻنتباهة ويكشحوا ليك القشر فى كافورى تجرى عليه وتكشكش يا مكشكش


#1468365 [هدهد]
4.00/5 (7 صوت)

05-30-2016 05:46 AM
اجابة دبلوماسية والامور غير واضحة والبشير اجبن من النعامة فلن يسافر في مثل هذه الاجواء الغير صافية وهو يخشى ان يعتقل ويزج به في السجن لذلك لن يغامر ولن يسافر حتى لو اعطيت له تأشيرة فهو اجبن من النعامة في مثل هذه المواضيع . هذه مجرد حركات يعلمها كل عام كي يلفت النظر اليه وهو اصبح كمريض الجزام الدول كلها ترفض مقابلته وخاصة الامريكان والاوربيين اما الافارقة فلا فائدة سواء جاءهم ام لم يأتي . البشير اصبح كمريض الجدري .


ردود على هدهد
[الفاروق] 05-30-2016 06:20 AM
نحن كشعب لماذا نتحمل اخطاء المرضى . فلننظر للمصيبة التى ابتلانا بها الله . والمشكلة فى قوات الدعم السريع (جانجويد ) وموت القوات المسلحة الوطنية البلد ضاعت يابشر وذلك ماتريده دول العدو . نحن وحمارنا الكبير حمير الا اذا قبضناه نحن وظبطناه مع الزمرة .


#1468362 [عودة ديجانقو]
4.00/5 (4 صوت)

05-30-2016 05:35 AM
الاخ المعلق على طه
صدقنى فهمك لا يتعدى ظلك فى منتصف الظهيره تعرف ليه لأننا فى السودان كما هو معروف بنخاف من مصر اللى بتقع من طولها لما تسمع قحة امريكا...ونحن بنخوف امريكا البتخوف مصر..مش دى المحن السودانيه بعينها على قول استاذنا شوقى بدرى؟
ياأخى عنى شخصيا انا عايش فى البلد دى من سنين طويله ومكان عملى فى واشنطن العاصمه وما حأضيف ليك أكتر من كده.
إستغربت من كلامك فى حكاية وضع اعضاء السفاره فى زنازين سجن كوبر..صدقنى يا أخ على لو ده حصل أمريكا حتكتفى بأرسال فرقة كشافه من مدرسة تى سى وليامز لتحريرهم...حتى قبل إرسال اولاد الكشافه ديل لو جبت حميدتى وابنعوف واب رياله ما بقدروا يقيفوا على بعد 100 يارده.
تعرف يا أخ على الامريكان عادة لما يضحكوا ما بوروك اسنانهم ...لكن ان ماعارف وين الغضاضه لو عملنا علاقه جميله مع هذه الدوله ونحن المستفيدين برضو احسن ما كل يوم رئيسك ماشى تشاد وجيبوتى ويوغندا دول كسيحه لا تقوى على الوقوف كبقيه الدول..تعرف ليه لأن قادتها على شاكله تمساح الدميره بتاعنا...لو عندك وقت راجع الجزء المتعلق بزيارة عبود الشهيره من مذكرات جاكلين كينيدى إمكن تفهم حاجه...والمصيبه تلقى ليك عنقالى يسب ويلعن فى امريكا ولو سألتوا عن السبب يقول ليك لأنهم دمروا افغانستان والعراق.
والله ياأخ على لو جمعتنا الظروف فى السودان او اى مكان خارج السودان حأحكى ليك اشياء لما تستغرب مافى ليها مجال فى المنبر ده...ولكن لو نحن محظوظين كان مفروض يكون عندنا علاقه جميله مع البلد دى لأن (قطر) والامارات والسعوديه والكويت ما أشطر مننا ولكنهم طلعوا اشطر مننا ونحن راكبين راسنا فى الفارغه وسابحين دائماعكس التيار وده الغطس حجرنا.

تخريمه
ده المتحدث بأسم الخارجيه وليس البيت الابيض

تحياتى


ردود على عودة ديجانقو
[اللورد] 05-30-2016 02:42 PM
يا عودة دجانقو
يا ريت تشتغلوا برضه في مجال الترجمة وتجيبوا وجهات النظر الغربية عن البشر والنظام ، الإعلام المحلي مصور البشير كانو بطل قومي ومتحدي الغرب ، وهو طرورة معروف لكل الناس

United States [عودة ديجانقو] 05-30-2016 12:27 PM
الأخ الحبوب حسين المتكسي
تتصور مره كتبت عن تجربة اصدقاء سودانيين حولى والنجاحات الحققوها فى بلد الفرص الولايات المتحده..نطت على واحده من المعلقات ووصفتنى بالكذاب لأنه قريبها هنا وحكى ليها عكس ماقلت وطبيعى ان تأخذ برأى قريبها.
بأختصار دى بلد عمليه جدا ويستحيل تلقى واحد قاعد فى ضل نيمه منتظر معجزه تنزل ليهو من السماء...وطبيعى جدا كلما تقعد كتير كلما تفهم الوضع اكتر.
الأستاذ الكابلى كانت بجينا زيارات وبرجع ولكن المره دى إستقر معانا استغرب فى المعاملات الراقيه وكتب موضوع فى الحته دى لو قريته.
هنا كبير الجمل لأن القانون هو سيد الموقف وكل الناس بتخاف منو.

المهم فى اقتراحك أنا فكرت فيهو لكن كان فى كاريكاتير قبل يومين للفنان ود أبو افتكر بقول فيهو منو البقنع الديك.
تحياتى

European Union [حسين المتكسي] 05-30-2016 09:20 AM
الأخ الكريم .. عودة ديجانقو .. تحياتي لك ...

تابعت باهتمام .. ردك علي المعلق طه .. وانا من المتابعين دوما لردودك العميقة ...
ياأخي .. الراكوبة منبر يتسع لكل شيء .. فلماذا ياأخي لا تكتب لنا عن أمريكا ..فيما ذكرت عرضاعن أشياء كثيرة... اتمني عليك ان ترفدنا بمواضيع راتبة .. سمها مثلا ( أمريكا التي لا نعرفها ... أو الوجه الاخر لامريكا ... )
نحن في الانتظار ..
لك احترامي وتقديري ....


#1468353 [Sebit]
3.00/5 (3 صوت)

05-30-2016 03:25 AM
Not a member but will follow their obligations you hear that Mr criminal

Conservative owyeeee


#1468349 [Yahia Ahmed]
4.00/5 (4 صوت)

05-30-2016 02:32 AM
Mr Ali Taha
خلي سيدك ياشر ويجي. هو كان خريان في جنوب افريقيا, هنا سيرقص من البكا.
مسوءل الخارجيه كلن يختار الكلمات وفق ماهو مسموح به (ليس له الحق في التحدث بتفاصيل في امر اي فيزا قيد البحث) ولكن سيدك ابدا ما بفكر يجي لانو مشغول هو وشلته باللهط ,ليش يدخل السجن وتروح عليه كسبر الثلج والمساج والبطيخ البارد .


#1468344 [عبوده السر]
4.00/5 (5 صوت)

05-30-2016 02:03 AM
وعلى العموم إذا قدر له أن تابع في عزمه وواصل في الأمر ،فسيقومون بما يجب عليهم القيام به .

آها ياغندور كلامك شنو وردك شنو علي الود الامريكي القدر عيالك دا؟!!!!!!


#1468338 [الدرب الطويل]
3.00/5 (4 صوت)

05-30-2016 01:20 AM
برضو ما فهمنا حاجة غير المسائل المعقدة والإلتزام القانوني القاعد يرددهم المتحدث دا!!.. تقاطع المصالح بيلعب دوره..

البشكير وجماعته اجرموا في حق السودان.. والشعب هو الوحيد البيقدر يحاسبهم الحساب المناسب.. يا ناسنا هوووووي انسوا حاجة اسمها محكمة جنائية..


#1468335 [واحد مهموووووووووم]
1.00/5 (1 صوت)

05-30-2016 12:52 AM
ده كلام شنو ده
عني لو إعتقلوا البشير في أمريكا فإن كل مسؤولي السفارة الامريكية بالخرطوم سيتم وضعهم في زنازين سجن كوبر.. أمر محسوم ومؤكد.
ده دجاج كا كاك


#1468334 [جربوع]
3.94/5 (5 صوت)

05-30-2016 12:45 AM
دي نفخات ورل ساكت
هو في ج.افريقيا حالتو بقت زي الفار المزنوق


#1468330 [Ali Taha]
3.25/5 (5 صوت)

05-29-2016 11:55 PM
الرجل كان متلعثم ومتلخبط جداً في كلامه ويبدوا أن البشير نجح في مسعاه لإحراج الامريكان سنوياً بأن يتحداهم أن يعطوه فيزا.. لو أعطوه أو لم يعطوه فيزا ففي الحالتين البشير هو المنتصر وهم يحسون بالاحراج وبالمناسبة حتي لو اعطوه البشير فيزا وسافر لأمريكا فلن يستطيعوا أعتقاله لأن القوانين معقدة والمصالح متشابكة كما قال المتحدث الرسمي بإسم البيت الابيض.

يكفي أن البشير يحرجهم سنوياً بطلب الفيزا وكأنه يقول لهم (أنا مستعد أجيكم).

والامريكان رافضين وخايفين ومتوترين يسمحوا له بالحضور لأن البشير سيستخدم نفس طرق سفره لدول كثيرة ولن يستطيعوا القبض عليه.

الأمريكان عارفين سبب نجاح البشير في زياراته لكل الدول.. والسبب هو أن أي دولة تحاول إعتقال البشير فلن يسلم سفيرها وسفارتها في الخرطوم من الاعتقال وتسويد العلاقات لأقصي درجة.

يعني لو إعتقلوا البشير في أمريكا فإن كل مسؤولي السفارة الامريكية بالخرطوم سيتم وضعهم في زنازين سجن كوبر.. أمر محسوم ومؤكد.


ردود على Ali Taha
[السماك] 05-30-2016 12:02 PM
علي تاها .. أنت مسكين ساي وأحسن تشوف ليك درس عصر في الكيزان والسياسة!!

إذا إعتقل البشير في أمريكا جماعتو هنا حيصدقوا؟؟
حيكتروا حبالو عشان يتغدوا بيهو قبل ما هو يتعشى بالبعثة الدبلوماسية لأمريكا في الخرطوم..

"تحسبهم جميعاً وقلوبهم شتى"

[Asim] 05-30-2016 08:34 AM
صدقني يا علي طه أنت لا تفقه في السياسة شيء ولا تستطيع تحليل الأمور بالطريقة الصحيحة ولا أريد أن أطيل عليك وخليك على وهمك .

[Bit messames] 05-30-2016 08:34 AM
وووووب علي فشفاش مصاريني....! يا ناس الراكوبة "الجهلول" دا بي صحو....و لا بهذر ساكت!

[معاويـــــــــــــــــــــــــــــــــــــــــــة] 05-30-2016 08:19 AM
صدقنى لو قبضوه طاقم السفاره الامريكيه فى الخرطوم يعمل له تكريم

[541] 05-30-2016 05:45 AM
صدقني امريكا مستفيده من عمر البشير فكل ما يقوم به في صالح امريكا والدول الغربية فهو كديك العده ...امريكا والدول الغربيه مصالحها فوق الاعتبرات الانسانيه وخير مثال سوريا...
صدقني متي ما تقتضي مصالحهم ابعاد البشير سوف يتم ابعاده وامريكا عندها الف طريقه

[ود كركوج] 05-30-2016 03:22 AM
انت اهبل و لا عبيط؟ كككككاااااك.

European Union [الطيب مصطفي] 05-30-2016 02:34 AM
هههههههههها ههاآآآآآآ

شوف ليك نبلة ألعب بيها ..

و المارينز داخل السفارة في انتظاك مع صوايخ الكروز

[زول ساي] 05-30-2016 02:30 AM
دي ما لعثمة دي دبلوماسية، تفتكر لو قال آآآييي لو جاء بنقبضوه كدة البشكير بكون قطع الشك باليقين ولو أدوه التأشيرة ومعاها حق الطيارة والوفد المرافق تاني لشاد القريبة دي ما يطير

[Nubawi] 05-30-2016 01:46 AM
I doubt if you are in a sound mental capability or the scorching heat of sudan takes it's tool .you are hallucinating MR.
I'm not sure how old was Alghadafi when a log of wood finds it's way in his behind .
mark my word omer will receive the same tell him to widen up cause only God knows how big the expected log would be.
salam from Kauda.

[شجرة التبلدي] 05-30-2016 01:42 AM
والامريكان رافضين وخايفين ومتوترين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
========================
هههههههههههههههههههههههههه...انت بتغش في نفسك يا اخي

[ahmed ali] 05-30-2016 12:58 AM
يا علي طه
فرضاً نحن صدقناك فهل أنت مصدق الكلام الكاتبه ده !!!!
أولاً في حالة القبض علي البشيرفإن أول من سيشكر الإمريكان هم الذين حوله . راجع رأي الترابي في هذا الموضوع .
ثانياً صدام حسين رئيس دولة تملك خامس أقوي جيوش العالم أعطاه الأمريكان الضؤ الأخضر لغزو الكويت وبدها دمروه و دمروا العراق .
أنت تهدد الأمريكان بالقصاص من الدبلوماسيين الذين في الخرطوم فهل أنت واعي لما تقوله ؟؟؟ دعك من الدبلوماسيين هل تستطيع أنت أو حكومة السودان القبض علي مواطن أمريكي عادي ؟ فكر فيها مرتين .
هتفتم قبل ذلك لصدام ... بالكيماوي يا صدام ... وعدتم تبكون و تعتذرون عن ما صدر منكم .
كوكو تيه حايم جنب البيت الأبيض متصور مع آدماية فهل يستطيع بشيرك أن يطأ الأراضي الأمريكية ؟؟؟؟

European Union [واحد مهموووووووووم] 05-30-2016 12:53 AM
عني لو إعتقلوا البشير في أمريكا فإن كل مسؤولي السفارة الامريكية بالخرطوم سيتم وضعهم في زنازين سجن كوبر.. أمر محسوم ومؤكد.
يا راجل انت صدقت بشه والا تكون كاك كاك كاك


#1468328 [بكري الصائغ]
1.75/5 (5 صوت)

05-29-2016 11:48 PM
وقع لك الكلام يا عمر البشير؟!!


ردود على بكري الصائغ
European Union [سوداني] 06-01-2016 12:53 AM
يا عودة ديجانقو سلام
وسلامة معرفتك،،، منو القاليك قَص ولزق ؟ ات قائل براك الفاهم وقاعد برة وفي أمريكا ؟
انا برضو قاعد برة في الضفة المقابلة ليك في الاطلنطي و قبلك وقاري القانون مرتين ،،، العام والدولي وقبلها في السودان ايام كانت القراية ودخول الخرطوم بالبوكسنغ ،،،وعارف موضوع قانون المقر دي ،، وحكاية الامم المتحدة عندها بوليس دي بالغت فيها وكمان قوات ؟
لا يا حبيبي القبعات الزرق شغلها داخل المقر والاجتماعات وهي تنظيمية اما المقر من خارج البوابة تحت حماية الدولة المضيفة ،،،وهناك فرق بين بروتكول انشاء وحماية المقر والاعضاء والوفود،،،
أمريكا ملزمة بحماية البعثات الدبلوماسية للمقر في أماكن سكنهم اما مكاتبهم داخل المقر تحت حماية القبعات الزرق،،،
اما قانون 1947 الجبتو دة ادخل أعيد قراءته،،،واعتماد المناديب الدائمين داخل المقر من اختصاص الامين العام وليس أمريكا ، وأمريكا رفضت طالبي لانها لا تستطيع ان تامن له الحماية من مقر سكنه حتي المقر الدايم للأمم المتحدة وبالعكس لانه سيكون عرضه للتعدي عليه كونه مشارك في احتلال السفارة في طهران وهي قالت انها لا تستطيع ان تضمن سلامته ،،

نعم الولايات المتحدة ملزمة بحماية الوفود لان اتفاقية المقر اشترطت ذلك وهو تأمين الوفود من الدخول حتي الخروج،،،، وأساسا قانون منح التاشيرة للوفد الدبلوماسية في كل العالم يحتم علي البلد المضيفة توفير الحماية ولا جدال في ذلك ،،،راجع اتفاقيات المقرات الدولية الآخري والتزامات الدول والتي منعتها من القبض علي البشير،،،
فانا أتكلم عن قانون وبالقانون ولست عنقالي (جكسا) كما اشرت وعندما قلت الولايات الامم المتحدة ملزمة بالحماية بموجب الاتفاقية التي تلزم الطرف المضيف ،، وأكرر الامم المتحدة ليس لديها بوليس ولا قوات خاصة بها ولا توجد لها قيادة قوات،،،ما تطلع بي كلام مش موجود في لوائح الامم المتحدة وقوات حفظ السلام الدولية هي تضع شعار الامم المتحدة وقبعاتها الزرق وتتكون من الدول التي ترغب وتحت مدة زمنية وبتعاقد رسمي ،،،ادخل باب قوات حفظ السلام الدولية تجد التوضيح في لوائح الامم المتحدة وبروتوكولات قوات حفظ السلام،،،
اذا كانت الامم المتحدة لديها قوات وبوليس فلماذا لا تستغلها محكمة الجايات الدولية في القبض علي المطلوبين؟
راجع بيانات اوكامبو حول عدم قيام المحكمة باعتقال المطلوبين والمسببات،،،ستعرف اذا كانت الامم المتحدة تملك التي ذكرته انت ام لا ،،، ثم اذهب الي مقر سكن اي مندوب تابع للأمم المتحدة وتأكد بنفسك هل القوات التي تامن السكن امّم متحدة وبوليسها ام المارينز؟
فما معناها قلت انك في انك في أمريكا عارف كل شيء ،،جيناها وعشنا فيها وعرفنها كويس

United States [عودة ديجانقو] 05-30-2016 01:10 PM
والله يا سودانى إنت الما فاهم وناقش اى شئ بس وصلتك معلومه متداوله اليومين دى بخصوص قانون المقر وعملت ليها قطع ولصق فى دماغك ونمت على كده.
نعم انا معاك فى بعض ما قلت ولكن باقى بيت القصيده كالتالى:
فى 26 يونيو 1947 تم التوقيع على قانون المقر بين الامم المتحده والولايات المتحده...القانون ألزم الولايات المتحده بتسهيل إجراءات اجراءات التأشيره لدبلوماسيين الدول الاعضاء ولكن فى نفس الوقت أعطى الولايات المتحده الحق حماية نفسها تجاه أمور تتعلق بالامن القومى.. الارهاب او لأعتبار سياسى.
الرئيس اوباما رفض ابوطالبى الذى رشحته أيران ليكون مندوبها الدائم معتمدا فى ذلك على قانون 1947 لأن أبوطالبى كان هو العقل المدبر لعمليه الرهائن الامريكيين واحتلال السفاره الشهيره التى وقعت احداثها عام 1979... وايران كانت تعلم جيدا بأنه سوف يكون هناك رفض فى أعتماد ابوطالبى ولم تجعجع وتزبد لأنهم فاهمين قانون المقر جيدا.
بعدين يا جكسا منو القال ليك الولايات المتحده ملزمه بحماية الوفود وانت بعضمة لسانك بتقول الوفود دى جايه للامم المتحده ما امريكا ودى كانت الاجابه الصحيحه منك لأن الامم المتحده عندها البوليس والامن الخاص بتاعها المسؤل عن حماية الوفود دى.

[ميمان] 05-30-2016 12:52 PM
بلى يا سوداني قبل كدا حصل ورفضوا دخول ياسر عرفات فانتقلت الجمعية العمومية بكاملها إلى جنيف
انت الما ناقش حاجة

European Union [سوداني] 05-30-2016 05:58 AM
والله يا عّم بكري باين عليك ما ناقش حاجة في القانون الدولي ولا لوائح مقر الامم المتحدة واي مقر لمنظمة دولية ،،، حسب القانون بما ان الدولة المضيفة لمقر المنظمة الدولية او لاجتماع منظمة دولية لها أعضاء فتقع علي عاتقها تسهيل دخول وخروج الأعضاء المدعوين لحضور دورة الاجتماع السنوي المقامة في المقر. ولا يحق لها رفض تأشيرة اي عضو قدمت له الدعوة الرسمية وحسب الاعراف والقوانين الدبلوماسية ،،،
والولايات المتحدة اذا قدمت المنظمة الدولية دعوة للبشير فلزاما عليها تسهيل دخوله وخروجه ولا يحق لها رفض التاشيرة لان الغرض ليس زيارة الدولة وانما لحضور اجتماع دوري سنوي للأعضاء والسودان عضوا في المنظمة ،،،واذا تم رفض التاشيرة او توفير الحماية فتكون دولة المقر أخلت بالنظام الأساسي لاستضافة المقر او الدورة المنعقدة،،،
فبشة الأهبل وضع أمريكا في الفخ ان وافقت ووب وانما وافقت ووب،،،ففي كل الأحوال ناجح في المراوغة،،،فامريكا عليها التزامات دولية بخصوص المقر ولابد من ان تستجيب،،،
فيا صحفي المستقبل الذين نعول عليكم بالله كونوا عقلانيين واطلعوا علي البروتوكولات المؤسسة للمنظمات الدولية ومن ثم احترموا عقول القرّاء لان فيهم من يحفظ القانون الدولي عن ظهر قلب،،،
نعم نتمني ان يقبض علي البشير ويسلم للاهاي ولكن للأسف حتي الان كل الدول تجبن في التنفيذ وتجعجع علي الفاضي،،،
اذا أمريكا فعلا دولة تريد تنفيذ العدالة فيجب عليها إعطاء البشير تأشيرة لحضور الدورة وبعد ان يغادر لديها الإمكانية بان تجبر طائرته علي الهبوط في اي قاعدة او جزيرة او دولة في المحيط الاطلنطي او اي دولة موقعة علي بروتكول روما للمحكمة الجنائية وتفادي وأجبها في الحالتين الموافقة علي الدخول وتوفير الحماية وتنفيذ العدالة الدولية بعد ان يغادر أراضيها ولديها الامكانات والجراءة علي تنفيذ ذاك وسوف لن يستطيع احد ان يعترض ،،،دولة عظمي ووحيدة في العالم اليوم

فيا استاذ بكري اذا كنت تناشد العدالة فسيبك من كلام السوق دة ووقع ليك الكلام يالبشير دة،،، وكذلك اناشد كل صحفي وكاتب حر يقف مع العدالة ان يوجه نداء لامريكا ان توافق علي تأشيرة البشير لحضور الدورة للجمعية العامة ،،، ليشهد العالم كله هل البشير حادي في طلبه الحضور ام مناورة ،،، واذا ما تم منحه التاشيرة واتجابن وما سافر يبقي فعلا خايف ونطيطو دة هنا وهناك حرمات بهلوانية وخيخة ساي لا رئيس ولا أسد افريقيا النار ولا حاجة ،،،
فار بس،،وقاديننا بي الكورس بتاعو بي الدلاليك والتفخة الكضابة
وأناشد أمريكا بوضع البشير في كانك اليك ومنحة التأشيرة النشوف حيسوي طوط وين؟؟


#1468326 [فيلق]
3.88/5 (6 صوت)

05-29-2016 11:42 PM
اها يا ناس امريكيا روسيا قد دنا عذابها علي ان لاقيتها ضرابها
انت لو راجل جد يا بشير خش امريكا ويا نافع جاك السم القدر عشاك


#1468323 [سوداني]
2.50/5 (4 صوت)

05-29-2016 11:37 PM
ياناس لغة الإشارة بالله عليكم فكوا لينا شفرة هذه الصورة الوقفة ووضع اليد اليمني علي الخد الأيسر واليد اليسري علي الخنصر الأيسر اما وقفة الريس واضحة امشي قوليليهم الكلام ده هناك هناك ربي زدني علما جديدا


ردود على سوداني
[BB] 05-30-2016 05:49 PM
Please اضحك مع اللمبى البشكير العوير

https://www.youtube.com/watch?v=6in15mJRRqw

[ashshfokhallo] 05-30-2016 07:39 AM
قالتليهو بالانجليزي اكان مشيت حيجرجروك
قاليها بالانجليزي الفصيح:

I will go above their eyes

يعني
ماشي فوق عينم

فما فهمت الكلام من الدراب دا

European Union [سوداني سوداني] 05-30-2016 06:05 AM
يا سوداني اخوي بتقولي البنية دي لي البشير
اجي يا بشة اخوي ات بالع ليك شيء ولا السجارة قوية؟؟
والمحيرني نسوانك وينن فاكاتنك ساي ،،،بت خالد دي لي هسة بتقرا ما خلصت ؟
ولا وداد التانية ساكة المولات من جدة لي دبي لي الدوحة؟
والله حالك حال العدو،، تساسق من هنا لي هنا لي غاية ما الكجلة مسكتك وصواميل ركبك ساحن،،، دحين لاهاي ما اخير ليك من الدواحات ديل لا ولد لا تلد ؟؟

United States [عودة ديجانقو] 05-30-2016 05:52 AM
بشه قال ليها اصبرى شويه لما أصل نيويورك شوفينى بعمل شنووو.
هى قالت ليهو أحلق دقنى يا ود هديه لو مرقت منها المره دى.

[مهرج] 05-30-2016 04:37 AM
الشفرة هي إنو المرا متحيرة إنو الزول بيقول في شنو؟ الدراب حجارو كبيرة.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.57/10 (11 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة