الأخبار
أخبار إقليمية
الشعبي : سنقفز من سفينة الحوار و(نقلبها) حال استمرار انتهاكات حقوق الانسان
الشعبي : سنقفز من سفينة الحوار و(نقلبها) حال استمرار انتهاكات حقوق الانسان
الشعبي : سنقفز من سفينة الحوار و(نقلبها) حال استمرار انتهاكات حقوق الانسان


نطالب بإخراج الوحدات الجهادية من الجامعات واخلاء الجامعات من أي سلاح،
06-02-2016 10:59 AM
الخرطوم: سعاد الخضر
هدد أمين حقوق الانسان بحزب المؤتمر الشعبي، حسن عبد الله الحسين، الحكومة بخروج الشعبي من سفينة الحوار ويقلبها حال استمرارها في الاعتداءات والانتهاكات في مواجهة الطلاب ووسائل الاعلام بسبب فرضها عقوبات خارج النطاق القانوني، وطالب بإخراج الوحدات الجهادية من الجامعات واخلاء الجامعات من أي سلاح، واعتبر ان قانون الصحافة لايعلا عليه.
وأكد الحسين تراجع موقف حقوق الانسان منذ الانتخابات، واستند على ذلك بتزايد عمليات قتل الطلاب داخل الجامعات، بالاضافة الى اقتحام الشرطة للحرم الجامعي، ولفت الى أن ذلك يولد الاحتكاكات مع الطلاب، وشدد على ضرورة اعطاء الطلاب حقهم في ممارسة العمل السياسي داخل الجامعات.
وأعلن امين حقوق الانسان بالحزب رفض الشعبي لفصل طلاب جامعة الخرطوم واتجاه البرلمان لتشريع قانون لمنع طلاب الحركات المسلحة بالجامعات من ممارسة العمل السياسي، ووصفه بالأمر الخطير، وكشف عن تشكيل الحزب لجنة من (3) اساتذة من جامعة الخرطوم لمتابعة ملف الطلاب المفصولين.
وحول مطالبتهم باخراج الوحدات الجهادية قال الحسين (نحن لسنا ضد الجهاد، ولكن يجب ان تكون هذه الوحدات خارج الحرم الجامعي)، وأعلن أن جهاز الأمن أبلغهم بأنه يحتجز 3 طلاب فقط.
ودعا الحسين الحركة الشعبية شمال، لفتح الممرات الفرق تطعيم الاطفال من الحصبة.

الجريدة


تعليقات 8 | إهداء 0 | زيارات 5056

التعليقات
#1470450 [النورس]
0.00/5 (0 صوت)

06-03-2016 12:54 AM
تقلبوا شنو ؟ انتو جنكم انقلابات
ياخي نحن لاعايزنكم ولا عايزنهم


#1470329 [بودوين]
0.00/5 (0 صوت)

06-02-2016 05:16 PM
المؤتمر الشعبي والامة والاتحادي ديل سبب بقاء العصابة الاجرامية في الصباح ينتقد وبالليل ياخدوا المعلوم ويتحكحكو في الحكومة الله لا جاب باقيكم ما حاسين بالشعب السوداني البيعاني الامرين . دة كلو من وراء رأس الهالك الترابي


#1470325 [بودوين]
0.00/5 (0 صوت)

06-02-2016 05:12 PM
المؤتمر الشعبي والامة والاتحادي ديل سبب بقاء العصابة الاجرامية في الصباح ينتقد وبالليل ياخدوا المعلوم ويتحكحكو في الحكومة الله لا جاب باقيكم ما حاسين بالشعب السوداني البيعاني الامرين . دة كلو من وراء رأس الهالك الترابي


#1470279 [المتابع الاممي]
5.00/5 (1 صوت)

06-02-2016 03:13 PM
حتي ينجح الحوار لابد من الأخذ في الاعتبار مبدأ المحاسبة ل 26 سنة من القتل والفساد !! لا يعقل أن ينجوا هؤلاء القتلة دون مسائلة بعد كل هذا الدمار في كل أوجه الحياة !!!


#1470248 [توفيق عمر]
5.00/5 (1 صوت)

06-02-2016 02:01 PM
الجماعة بتاعين شيخ حسن الترابي شامين ريحة شنو ياربي
ما عارف غايتو هم شامين ليهم ريحة فيها بت عفنة هابة من جهة من الجهات
امكن من امريكا وسفر الاسد النتر لحضور هلافيت الامم المتحدة
افتكر وصلتم اخبار من نوع ما ان الراجل حا يدوهو الفيزا
وبعدها هاك يا كنكشة وعلي لاهاي
عشان كدا بداوا من هسع يلعبوا دور البطل
ما نحيا ونشوف في السودان دا
من الرمم التي لم يعرف من اي حفر نبجت


#1470247 [قلام الفقر]
5.00/5 (1 صوت)

06-02-2016 02:01 PM
الله ... الله.... وصدق من سن الحكمة الحكيمة : (وكل يحمل جرثومة فناءة فى داخلة )


#1470157 [أبو محمد الأصلي]
5.00/5 (1 صوت)

06-02-2016 11:42 AM
وحدات جهادية في شنو وضد منو ، يعني ضرب الطلاب في الجامعات تعتبروه جهاد . بالله في إساءة للدين اكتر من كده ، وأنا اقول ليه بعض المواطنين تنصروا وطلعوا من الدين الاسلامي ، والله ما أساء للدين إلا انتم يا كيزان ، بس الدين ليه رب يحميه . للأسف كل كلامكم وسلوككم باسم الدين اصبح منفراً للشعب السوداني . وقديما قال غازي صلاح الدين لو الانقاذ ذهبت حيكون الدين في خطر ، كلمة حق اريد بها باطل . بس اعتقد انه كان بيقصد أنه الشعب ما حيلتفت لاي حزب اسلامي في السودان لمليون سنة قادمة في حال ذهاب الانقاذ . وليس الدين ، الدين الذي نعرفه في قلوبنا وسلوكنا وليس دينكم يا حوش .


#1470141 [صديق عبد الله]
5.00/5 (1 صوت)

06-02-2016 11:28 AM
ماهى الحوجه لهذه الفرق الجهادية وتجاهد فى منو وفى شنوواصلا هى تبع منووتعليماتها بتجى من منو( يعنى البدوا للطلاب خارج الجامعه ) خليك واضح يا جميل واحكيلى عن كل الحصل!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة