الأخبار
أخبار إقليمية
ارتفاع جنوني لاسعار العقارات بالخرطوم
ارتفاع جنوني لاسعار العقارات بالخرطوم
ارتفاع جنوني لاسعار العقارات بالخرطوم


06-02-2016 12:42 PM
الخرطوم: سهام النور
ارتفعت اسعار العقارات داخل محلية الخرطوم ارتفاعا جنونيا ووصل سعر العقار 1000 دولار للمتر الواحد وارجع اصحاب العقارات الارتفاع للكثافة السكانية العالية وتدفق الاجانب للبلاد بصورة لافتة ، فيما قال المدير العام لمكتب العقارات بالرياض هيثم عبدالباقي للتيار ان سبب الارتفاع الطلب المتزايد للسكن واضاف وصل سعر القطعة بالرياض مساحة( 400 – 500 متر) للمواقع المميزة (مكة – المشتل – عبدالله الطيب – الجزار) ما بين 13 – 15 آلاف للمتر الواحد التي تعتبر مواقع تجارية وتفتح على شوارع رئيسية ،أما داخل الاحياء السكنية فوصل سعر المتر الواحد 8 آلاف إلى 10 آلاف اما المنشية فوصل سعر القطعة مساحة (400-500) يتراوح ما بين 6 مليار إلى 5 مليار ،أما المعمورة فحسب المربعات من 3 مليار الى 5 مليار حسب المربع والتميز ،أما الطائف قطعة 400 متر الى 500 متر القطعة من 3.5 الى 5.5 مليار وتعتبر هذه الاسعار للـحياء السكنية اما شارع الستين المتر يتراوح ما بين 13 ألفا الى 16 ألف للمتر المربع الواحد أما العمارات تباع بسعر الدولار.. المتر الواحد حوالي 1000 دولار اما الخرطوم 2 والخرطوم 3 المساحة حوالي 210م.م مليار و700 اما مواقع جبرة فالأسعار فيها تتفاوت ما بين مليار ونص الى 3 مليار اما مواقع الديم والسجانة والحلة الجديدة حوالي 600 الف الى مليار ونصف اما المواقع الاستثمارية من الغاليى الى حجازي 3 مليار المساحة حوالي 211 م.م باعتبارها نواصي ،أما شرق النيل حي الهدى حسب المربعات 1،2،3،4،7 تعتبر درجة اولى القطعة في مربع (1) 600 متر مربع مليار ونصف اما 400 متر مربع تتراوح الاسعار ما بين 900 – مليار اما مربع (3) القطعة 800 الف مربع (4) 650 الف أما مربع (7) 600 الف جنيه.

التيار


تعليقات 24 | إهداء 0 | زيارات 34645

التعليقات
#1470608 [ضل ضحي]
0.00/5 (0 صوت)

06-03-2016 04:40 PM
الشقة في سانت بيتر روسيا خدمات مليون في الماىة وبلد نضيفة وجميلة وناس حلوين بي 20 الف دولار ويمكن تقصد تقول لي الرياض شارع المشتل


#1470563 [Al Karazy]
0.00/5 (0 صوت)

06-03-2016 01:40 PM
عندما ينهار النظام اي كان يحدث الغلاء لغرض المخارجه.بعدها المتر بقرش حدث هذا عندما إنهار حكم التعايشه بعدها المتر بمليم؟؟؟ نفس التكرار مع حكم الحمير ودوام الحال من المحال.


#1470503 [عبوده السر]
5.00/5 (1 صوت)

06-03-2016 08:52 AM
جدد رئيس لجنة الاعلام بالبرلمان عمر سليمان، اتهامه لشركات الاتصالات بالسيطرة على سوق الدولار والمضاربة في الاراضي، واضاف "اي قطعة ارض مميزة بتشتريها الشركات .

الكلام دا امبارح القريبه دى .!!!!!!!!!!!!!!!!!!!!!!!!!!!!!!!!!!!!!!!!!!!!!!!


#1470470 [Abdelazim Mekki]
4.75/5 (5 صوت)

06-03-2016 02:59 AM
بعيدا عن أسباب او معقولية الأسعار ، انخفاضها او ارتفاعها
ناس الجرايد ديل كل يرمين يرسلوا ليهم واحد صحفي تحت التدريب يمشي يمر علي السماسرة يشرب معاهم الشاي و يسألهم الأسعار ماشة كيف و السبب شنو ويجي اخر اليوم يكتب ليهو مقال خارم بارم تحت عنوان جزاب و مثير.
بدل ده كله مفترض تكون الجريدة عندها رسم بياني لاسعار الاراضي و تطورها كل ثلاثة اشهر. كل خط يُبين منطقة معينة و السعر هو المتوسط و من الافضل تكون الأسعار بالدولار لانو الجنيه نفسه ما مستقر عشان يتضح هل زادت الأسعار فعلا ام لا.
كذلك اسعار العملات الحرة في السوق الموازي من الفضل إيضاحها في رسم بياني بدل الإنشاء الطويل.
اسع عليك الله يا سهام النور الواحد يفهم من كلامك ده شنو؟
الاراضي زادت بنسبة كم ؟ بتين كانت كم و الدولار كان كم و اليوم بيكم . لو المتر كان بي عشرة مليون قبل اربعة اشهر و اليوم مثلا ب 12 مليون بقولوا عليهو زاد ؟
الله يكون في عون السودان


#1470418 [مش طايقك يا بلدي]
5.00/5 (1 صوت)

06-02-2016 09:55 PM
آهـ آهـ آه أيش نقول أنا شفت منظر في قلب الخرطوم وفي أرقى مكان في السودان وفي أحسن شارع في السودان ما أتذكره أن الشارع قادم من المطار وعلى يمينك عفراء مول وكمان فندق عريق في نفس الشارع .. وجيك سور المطار على يسارك متجه جنوب ..والشارع إتجاهين وبين الشارعيين فاصل عرضه لا يتعدى متر ... المهم بعد خروجي من النفق ماذا رأيت على اليسار وفوق الفاصل ( التروتوار )إن أصح المعنى ... رأيت حمار ميت (جيفه) وتنبعث من الجيفة ريحة كريهة جدا ويبدو لي من منظر (الفطيس ) أن الحمار لديه أكثر من يومين إلى ثلاثة أيام في نفس المكان ... عنئذٍ عرفت أنه لا بيئة في عاصمة السودان طالما هذا المنظر المشين في أرقى مكان في الخرطوم عاصمة البلاد وقمت بتصوير المنظر وقتها بواسطة كمرة جوال وكنت أحتفظ بالصورة طيلة سنتين أو أكثر ولكن عند تغيير الجوال سقط صورة لمنظر من ملفات البيانات صدقوني هذا ما رأيته في شارع المطار المتجه جنوبا إلى أركويت مارا بحي العمارات يمينا وسور المطار يسارا وبعد غيابي عن السودان أكثر من 15 سنه وكان في زهني أن الخرطوم ستكون جنتي في الأرض ولكن للأسف العكس وقد صدمني المنظر القبيج الغير مسؤووووول !!!!!! والله على ما أقول شهيد ...


#1470411 [abdualwahab]
5.00/5 (1 صوت)

06-02-2016 09:36 PM
دي نهايتكم


#1470390 [QUICKLY]
5.00/5 (2 صوت)

06-02-2016 08:14 PM
لأن الارضي أصبحت الاستثمار الانسب والملاذ الآمن لأصحاب رؤس الاموال في بلد
يعاني من الانهيار المستمر للجنية السوداني والانهيار الكامل للاقتصاد
وحكومة البشير الاسلامية الانقلابية المعزولة خارجياً وداخلياً والتى ينخرها الفساد

فقاعة ارتفاع اسعار الاراضي سوف تزول مع زوال هذا النظام لأن حينها سيكون هنالك
حكومة شرعية منتخبة من الشعب ولها علاقات دولية ممتازة مع كل دول المؤثرة أقتصادياً في العالم ثم يتدفق الاستثمارات ويتعافى الاقتصاد
وهكذا,,,,


#1470378 [مجنون]
5.00/5 (3 صوت)

06-02-2016 07:29 PM
يا جماعة الخير والله الغربة بقت ما زى زمان والسودان بقي ما فيهو خدمات موية نظيفة وكهرباء وصرف صحي وغلاء فاحش غير مبرر فالعيشة فى ارض الله الواسعة للمغتربين بدل ما ترمو قروش كتيرة كدة فى بلد ما معروف اقتصاده مبنى على شنو اساسا واسعار العقار مولعة بدون مبرر احسن الواحد ينكرب ومجهوده يشترى فى اى مكان اخر غير السودان قبرص تركيا لندن ارخص بكتير من المليارات الفارغة دي تعيش ملك حتى فى مصر القريبة دي شقة على البحر والخدمات متوفرة نصيحة يعنى


#1470360 [الداندورمي.]
5.00/5 (2 صوت)

06-02-2016 06:06 PM
والله كنته بعمل مقارنه بين أسعار المنازل في السودان
والفيلا في فرنسا أرخص ومعاها الباسبورت الفرنسي .


ردود على الداندورمي.
[ashshfokhallo] 06-03-2016 06:28 AM
سبب الارتفاع هو الكيزان لانهم القروش العندهم ما تعبوا فيها سرقوها ويشتروا باي ثمن. دا اسموا تبييض اموال


#1470346 [alwatani]
5.00/5 (1 صوت)

06-02-2016 05:37 PM
يناس والله العاقل يبيع ويطنش

دى بهلوت سياسين شيدو المبانى بالسيخ الفالسوا وعايزين يوكحوا فيها المغتربين البلدى مافيها سيوله يمن تكون الاسعا ر بطريقة دى


#1470336 [نصائح السكري]
5.00/5 (4 صوت)

06-02-2016 05:25 PM
"وارجع اصحاب العقارات الارتفاع للكثافة السكانية العالية وتدفق الاجانب للبلاد بصورة لافتة " -الاجانب ديل الحبشيات بتاعين الشاي؟ ديل مابسكنو هنا لاكين-ولا المصريين بائعي الاواني المنزلية؟ ولا السورييين اللاجئين من جحيم حربهم؟ ولا النوير الهاربين من اتون حربهم الاهلية ؟ وروني .


#1470321 [كاكا]
5.00/5 (2 صوت)

06-02-2016 05:09 PM
بلاد الله واسعة كان الله ادانا قروش نمشي نعيش محل الحياة و الخرطوم نخليها للشبر الواحد ده كان الفاتح عزالدين رضي لينا ... محن !


#1470292 [باكاش]
4.75/5 (5 صوت)

06-02-2016 03:46 PM
كلو غسيل للاموال النهبوها ما اسعار حقيقية.


#1470283 [Azan Malta]
4.13/5 (6 صوت)

06-02-2016 03:23 PM
يا جماعه هذه فلوس محروقه ورسخ انه واذا قبضوا والواحد يتحلل بربع ألقائمه ويخت الباقر فقارات وما فرقه معاهو هذه بلد العجائب من جاء هولاء ومن هم؟ لعنة الله عليهم فى الدنيا والأخرى


#1470272 [من اهل العوض]
4.50/5 (4 صوت)

06-02-2016 02:56 PM
ياربي ديل ناس زين زعلانين؟؟


#1470268 [مش طايق البلد]
4.94/5 (11 صوت)

06-02-2016 02:37 PM
سبحان الله بلد مثل السودان وعاصمة مثل الخرطوم الأرض تصل فيها هذه الأسعار .. لا كهرباء لا ماء لا صرف صحي لا صحة البيئة لا هواء نقي لا أمن ولا أمان ولا شىء تسر النظر .. على إيه .. روح إشتري ليك 3 شقق في القاهرة حدادي مدادي في مدينة النصر أو المعادي بقيمة أرضك بلاد فيها ماء وكهرباء وخدمات صرف صحي وشوارع مسفلة نظيفه وكل شىء يسر النظر ووووو ألخ خليك من القاهرة روح أديس أببا تشتري مزرعة وفله مبنية جاهزة والباقي إستثمار لك .. يا شعب الناس يا غلبان أحسن تعيش حياتك في بلاد راقية ونظيفة وتعلم عيالك فيها مش السودان الخيبة بلد مووو مثل بلاد العالم مليانة ناموس ومليانه ملاريا ومليانه أمراض فتاكه ومليانه مجاري ومليانه أوساخ وتراب وتراب وتراب ...ألخ
النصيحة لمن لديه عمارة في السودان بيعها للحرمية وإشتري في دبي أو الدوحة أو القاهرة أو لنلدن أو أديس حتى ولو في كبمالا كل حته أحسن من الخرطوم .....!!!!!!!!!!!!!!!!!!!!!!!!!


ردود على مش طايق البلد
[مهرج] 06-03-2016 12:00 AM
يا جركان فاضي الظاهر عليك من أسرة مرتاحة, كدي شوف لي واحدة من الأسرة ببيتة وكان وافقت برسل ليكمcv بتاعي. أنحنا كنا مفتكرين اللوتري لأمريكا فقط, ما مفتكرنو برضو في السودان. عندي عراقيين وجلابية لسع ما فشيتن حأخليهم للعقد.أسرع يا أبو الرجال قبل ما واحدة من البنات الحايمات في الراكوبة تقدم عرض أحسن.

European Union [جركان فاضى] 06-02-2016 05:46 PM
يا أخى انت بتقول فى كلام درر...وبخبرتك دى نرجو منك فتح مكتب عقار فى الخرطوم لبيع عقارات فى مصر واثيوبيا والمغرب ولندن...تكون خدمت كتير من الناس وغيرت حياتهم للافضل

[طافش من بلد لي بلد من أجل لقمة العيش الكريمة] 06-02-2016 05:03 PM
مع احترامي لرأيك ولكن من ترك داره......ولن نترك لهم السودان ولسوف نناضل ليرجع سيرته الاولى.ودوام الحال من المحال .لعنهم الله دنيا وآخرة .

[hatim] 06-02-2016 04:27 PM
والله كلامك عين العقل


#1470263 [NAHID]
4.75/5 (6 صوت)

06-02-2016 02:26 PM
مليون ميل كانت بلدي واعجز ان أمتلك فيها بيتا ..ماذا بعد أن نقصت الثلث ..عيش ياحمار لمن تقوم النجيلة


ردود على NAHID
European Union [جركان فاضى] 06-02-2016 05:42 PM
ان تمتلك بيت دى والله ساهلة...مش كمان بيت بل امرأة وبيت...متوفر كتير فى السودان...بس البيت العايزو انت بيت تانى...بص تحت كرعيك وشوف عندك كم بيت


#1470243 [المسلمي]
4.88/5 (8 صوت)

06-02-2016 01:53 PM
هو الغبيان منو البشتري في الخرطوم ما الفرق يسن كل القري والمدن دا غباء من الشعب يستاهل يشتري وربك يستر من كلام الشيخ فرح تعمر عمار تصل سوبا وتخرب خراب تعدم الطوبة


ردود على المسلمي
[sudani] 06-02-2016 02:08 PM
اصلو بعد السيخ المضروب السقوط يعني ح تعدم الطوبة ههههههههه


#1470232 [ابوانوار]
5.00/5 (9 صوت)

06-02-2016 01:42 PM
حاجة عجيبة بلد لا يوجد بها صرف صحي ولا كهرباء مستمرة ولا شوارع مسفلتة فالمسفلت كله حفر . ولا مصارف لمياه الامطار والاسعار تصل لهذا المستوى فالمشتري أهبل وعبيط . ففي دبي توجد شقق في حدود ارعمائة وخمسون الف درهم ما يعادل مبلغ مليار وسبعمائة مليون جنيه بالقديم والتسديد بواقع سبعة عشر مليون جنيه شهريا . يعني ما تشتري به منزل في العمارات يمكنك من شراء ثلاثة شقق في دبي أواربعة شقق في الشارقة او عجمان تسكن واحدة وتأجر اثنين . لا كهربا قطعت ولا بعوضة عضتك ولا ملاريا مسكتك .


#1470231 [وحيد]
5.00/5 (3 صوت)

06-02-2016 01:41 PM
اوفت سلطة الانقاذ بما وعدت ... كان شعارهم " حنفوق العالم اجمع" وها قد تحقق الشعار : فنحن لدينا اغلى عقارات في الدنيا نفوق نيويورك و لندن و برلين و باريس في اسعار العقار ... و نحن نفوق العالم بانه لدينا اوسخ عاصمة في التاريخ .. لا نظافة و لا صرف صحي و لا خدمات ...و نحن نفوق العالم بانه لدينا اقل مستوى دخل مع اعلى معدلات تضخم و فقنا العالم في الفشل حيث تبوانا تاني الطيش و السنة الجاية حنصلحها و نكون الطيش بلا منافس ...
بالطبع لا يمكن لمواطن حرفي او مهني ان يشتري ارض بذلك المبلغ لانه لو كتبت له 7 اعمار و توظف بمجموع السبعة اعمار دي و صام الدهر و سكن في الجامع و وفر كل مرتباته لن تشتري له بضعة امتار ... من يزيد الاسعار و يشتري هم اللصوص و تجار المخدرات و سماسرة الحروب .. هذه الاسعار هي اسعار غسيل اموال


#1470217 [الســـودانــي الــخـطــر]
4.00/5 (7 صوت)

06-02-2016 01:23 PM
غسيل أموال الكيزان لعنة الله عليهم

العقارات في الخرطوم أغلى من مكة المكرمة والمدينة المنورة

هذه أسعار غير حقيقية إنما غسيل أموال Money Laundering


#1470204 [دكتور قرفان]
5.00/5 (8 صوت)

06-02-2016 01:09 PM
كهربا قاطعة وموية مافي و تصريف مافي ويقول ليك 1000 دولار المتر هوليود ومنهاتن ارخض من السودان بس نفسي اعرف الاسعار في السما ليييه


ردود على دكتور قرفان
[جركان فاضى] 06-02-2016 06:04 PM
يا عزيزى امريكا كلها هوليوود ومانهاتن...بس السودان توجد مدينة واحدة اسمها الخرطوم....كل النشاط الاقتصادى ينحصر فى الخرطوم فى بلد زراعية رعوية...سكنت برة الخرطوم بلعك الفقر وقلة الحيلة...سكنت الخرطوم تقدر تهبش هنا وهنا وتكابس هنا هنا وكل حركة فيها بركة...عشان كدى الاراضى غالية...وهل تعلم اننى اشتريت قطعة ارض فى الخرطوم فى نهاية عام 1995 بسعر متر يعادل 7.5 دولار...وسعر مترها اليوم يقدر بنحو 250 دولار...وكلما انكب الناس على الخرطوم ارتفع سعرها زيادة


#1470195 [غسان المقتول]
5.00/5 (8 صوت)

06-02-2016 12:54 PM
زول عنده قروش زي دي يشتري في أديس بيت و يعمل إستثمار..


#1470194 [Abujabir]
5.00/5 (7 صوت)

06-02-2016 12:54 PM
كل الغلاء دا من مضاربات الكيزان وأصحاب أموال التحلل .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
4.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة