الأخبار
أخبار السودان
وزير الكهرباء: مافي قطوعات ولا برمجة وكلو شغال مية مية
وزير الكهرباء: مافي قطوعات ولا برمجة وكلو شغال مية مية


انفاذاً لوعد الرئيس عمر البشير.
06-09-2016 10:49 AM
البرلمان: سارة تاج السر
أكد وزير الكهرباء معتز موسى، عدم وجود أي نقص في توليد الكهرباء خلال شهر رمضان وما يليه وعزا انقطاع التيار في بعض المناطق لإعطال فنية بسبب زيادة الأحمال على الشبكة.
وطالب موسى في تصريحات صحفية بالبرلمان أمس، المواطنين بضرورة الإبلاغ عن الأعطال حتى يتم معالجتها فوراً، مشيراً الى توفر الكهرباء في كل القطاعات زراعي، سكني ،صناعي، طوال شهر رمضان وما بعده. وقال « مافي قطوعات ولابرمجة كلو شغال
مية مية » انفاذاً لوعد الرئيس عمر البشير.


الجريدة






تعليقات 20 | إهداء 0 | زيارات 6444

التعليقات
#1473880 [إسماعيل آدم]
5.00/5 (1 صوت)

06-10-2016 10:30 AM
في ذات تصريحه للبرلمان ذكر معتز بان سد النهضة هو الضامن الوحيد لمياه السودان وهو كلام ينم عن جهل شديد ! كيف يكون سد النهضة الضامن الوحيد لمياه بلدك ؟ هل يُعقل هذا الأمر ؟ لا بد لأي بلد محترم أن تكون له خيارات شتي في موارده الأساسية مثل المياه و الكهرباء.للأسف هذا الشاب غير مؤهل لقيادة وزارة الري ! وهو خريج إقتصاد و في الاقتصاد لم يكن مبرزاً ! مؤهله الوحيد أشتغل في إدارة السدود مع أسامة يعني زي الكاروري .
كما أن الأرقام التي أوردها غير صحيحة ! ذ1كر د.عثمان التوم في محاضرة بجامعة الرازي قبل حوالي 3 شهور بأن الزيادة في كهرباء مروي في حدود 7% و هي نسبة جيدة !
رد هذا الوزير يحتاج إلي مساءلة !


#1473827 [Zorba]
5.00/5 (1 صوت)

06-10-2016 04:06 AM
أكد وزير الكهرباء معتز موسى، عدم وجود أي نقص في توليد الكهرباء خلال شهر رمضان

وعزا انقطاع التيار في بعض المناطق لإعطال فنية بسبب زيادة الأحمال على الشبكة

انجليزي سا مرسي؟؟؟؟؟؟؟


#1473813 [سوداني قرفان من حكم الكيزان]
5.00/5 (1 صوت)

06-10-2016 02:16 AM
كذاااااب ومناااااافق لو كلامك ده صحيح ناس جبره طلعو مظاهرات ليه واشعلو النار في الشارع ليه يكونو بردانين مثلآ ولا عاملين عيد ميلاد في الشارع ياخي اختشي علي دمك كرهتونا ابو البلد زاته الله يلعنكم من عمر البشير بتاعكم لاصغر صعلوك عندكم يامنافقين ياكذابين


#1473809 [Rebel]
5.00/5 (2 صوت)

06-10-2016 01:57 AM
* "مافى قطوعات و لا برمجه كله شغال ميه ميه"!!..الراجل الإسمه معتز موسى ده باين ما مهندس!..الراجل ده يا "تعلمجى جيش", يا بتاع "دفاع شعبى"!!
* طيب يا جنابو..طالما "كله شغال ميه ميه!", ليه وزير الماليه يكذب و يقول "إشترينا كهرباء من أثيوبييييا"!!


#1473756 [واحد]
5.00/5 (2 صوت)

06-09-2016 10:27 PM
يشتغل 100% انفاذ لوعد الرئيس .يعني ما عشان ده واجبكم؟!!!! امر غريب وعجيب


#1473732 [الباشا]
5.00/5 (1 صوت)

06-09-2016 09:33 PM
يااخي الشعب السوداني دا شوطن ساكت ...اصبح مجنون يعني... شعب عايش احسن من ناس دول اسكندنافية ودبي ....بعد دا يجي يشكو... ولا ما كدا ايها السادة اصخاب المزرعة الكبرئ المسجلة باسمك تحت مسمئ السودان؟ ولله يا عم شوقي بدري كلمة محن ذاتا رقيقة.... ياربي دي بروفا لجهنم ونحنا ما عارفين؟


#1473702 [Kamal Satti]
5.00/5 (1 صوت)

06-09-2016 07:50 PM
هل حصل يناس انا كضبت عليكم؟ وهذا الشبل من ذاك الاسد


#1473690 [كلينت استوود]
5.00/5 (1 صوت)

06-09-2016 06:59 PM
كضااااااااااب.


#1473689 [abushihab]
5.00/5 (2 صوت)

06-09-2016 06:56 PM
طالما ريسنا قال ما في قطوعات يعني مافي قطوعات , يعني انتو حتطلعو الريس كضاب ؟حاشي لله!! بعدين الريس ياتو يوم كضب عليكم؟ شعب عجيب يا خي!!!!!!


#1473687 [ود الحبر]
5.00/5 (1 صوت)

06-09-2016 06:55 PM
ههههههه والله لكن كلام. من وين جبتو الكهربا ????:76


#1473681 [الفاروق]
5.00/5 (1 صوت)

06-09-2016 06:40 PM
كذب بدليل المشاهدة . لماذا تورط نفسك فى كذب بائن . نحن الشعب تعودنا ياعادل امام نصدق ونعيش بالوهم وغش انفسنا لكى ترضى الغبر وولاتنا .


#1473668 [عبدالواحد المستغرب اشد الإستغراب!!]
5.00/5 (2 صوت)

06-09-2016 06:01 PM
يعنى الحمار ده عايز يورينا إنو بخاف من البشير أكتر من خوفوا من رب البشير وفضل أن يكذب علينا وعلى (خالقه حسب إعتقاده!!) المسمى عمر البشير !! اعطال إيه يا لوح برمجة القطوعات مستمره ولن اكذب كما كذب مسيلمة العصر القطوعات قلة ساعاتها نسبيا بالمقارنه على ما كان عليه الحال وده اشك ان تكتيكا جديدا قد اتبع بمعنى (اقطع هنا ووصل هناك ثم اقطع هناك ووصل هنا) امس إنقطع التيار من منزلى في (السابعه صباحا)ليس وقت زروه كما تلاحظون وطبعا من كل المنطقه وعندما ذهبت الى عملى إنقطع بعد وصولى بساعه مع ملاحظة سكنى في مكان يبعد عن مكان العمل بحوالي أربعة كيلو مترات والخطان مختلفان تماما!! الناس ديل ما سمعوا بأن الكذاب قرين الكافر بالله حسب حديث ثابت لرسول الله صل الله عليه وسلم. الايخافون ان يكتبوا عند الله إنهم كذابون؟ الرئيس يكذب والوزير يكذب ورئيس المجلس الوطنى يكذب وأعضاء هيئة علماء الدجل والخرافه ولهم عذرهم يكذبون!! وامين حسن عمر يكذب، إيه العفن ده،، إيه العفن ده؟!! ديل الايمانهم بوجود خالق سيحاسبهم معدوم ما بيخجلوا من أولادهم وآهلهم وزوجاتهم القدام عيونهم؟!!.


#1473633 [hassan]
5.00/5 (3 صوت)

06-09-2016 04:01 PM
كذاب ثم كذاب ايها الوزير
انها اسوء من ذي قبل
با اخوانا جنس دة يسمو شنو
ولكن كبيرهم الذي علمهم الكذب


#1473612 [فيلق]
5.00/5 (4 صوت)

06-09-2016 02:49 PM
ميه ميه سعادتك ماشاء الله ونحنا بنعرف اكتر من الحكومة علي قول عادل إمام
يا عزو انت عارف اهو فايدة قطوعات الكهرباء الناس تستخدم الاسلاك تشر فيها الملابس لكن المشكل موية للغسيل مافي
انت زول منافق والبشير اكبر زول كذاب والاتنين الله عليكم


#1473589 [ahamazole]
4.00/5 (5 صوت)

06-09-2016 02:10 PM
عليكم الله حسا الحيوان دا يقولو عليهو شنو . حسبنا الله و نعم الوكيل


#1473561 [hamad]
5.00/5 (2 صوت)

06-09-2016 01:27 PM
طمام يا فندم
ياخي اختشوا


#1473541 [محمد]
5.00/5 (2 صوت)

06-09-2016 12:58 PM
تمام سعادتك كله 100% ياربي ناس الحكومة ديل مجانين ولا نحنا بقينا مجانين ولا الحاصل شنوو


#1473509 [معمر حسن محمد نور]
5.00/5 (3 صوت)

06-09-2016 12:10 PM
باين عليك حافظ النكته البتقول انت حتصدقني أنا وللا حتصدق الحمار !!؟


#1473506 [وحيد]
5.00/5 (3 صوت)

06-09-2016 12:07 PM
« مافي قطوعات ولابرمجة كلو شغال مية مية »
طيب وين كانت قبل رمضان؟ و دي جبتوها من وين و داسنها لي شنو؟


#1473486 [صديق عبد الله]
5.00/5 (3 صوت)

06-09-2016 11:34 AM
بدون تعليق!!!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة