الأخبار
أخبار إقليمية
لدى استقبال الكاروري له بمطار الخرطوم - تعبان دينق : نحن شعب واحد شاءت الظروف ان نكون في دولتين
لدى استقبال الكاروري له بمطار الخرطوم - تعبان دينق : نحن شعب واحد شاءت الظروف ان نكون في دولتين
لدى استقبال الكاروري له بمطار الخرطوم - تعبان دينق : نحن شعب واحد شاءت الظروف ان نكون في دولتين


06-11-2016 08:43 PM
(سونا) - وصل الى الخرطوم اليوم وزير المعادن بدولة جنوب السودان يرفقة وفد رفيع المستوى في زيارة رسمية تستغرف عدة ايام يجرى خلالها مباحثات مع نظيرة وزير المعادن د.أحمد محمد محمد الصادق الكاروري غداً للوقوف على اخر التطورات في قطاع المعادن بالسودان توطئة لنقل التجربة السودانية الى دولة جنوب السودان فى هذا المجال .
ووصف وزير المعادن د. احمد محمد محمد الصادق الكاروري في تصريحات صحفية بمطار الخرطوم عقب استقباله وزير المعادن بدولة جنوب السودان اليوم، وصف السودان بانه صار من الدول الرائدة في هذا المجال باستقطابه لعدد كبير من الشركات الدولية والمحلية اضافة لتطوير التجربة الخاصة بالتعدين التقليدي، وتابع الوزير " نحن فى السودان نعتبر من الدول الرائدة في انتاج المعادن ومازال المستقبل امامنا كبيرا"،مضيفا ان زيارة وزير المعادن بدولة الجنوب تاتي في اطار التعاون مابين الدولتين لخلق مصالح مشتركة ، لافتا الى استعدادهم التام للتعاون مع دولة الجنوب من اجل تطوير المعادن في البلدين في ظل الانخفاض الكبيرة الذى تشهده اسعار النفط والتقدم الكبير في اسعار المعادن خاصة الذهب، وزاد الوزير بقوله " لذلك هم اتجهوا صوب هذه المعادن كما اتجهنا نحن من قبل من اجل استفادة الدولتين من هذه المعادن".
من جهته اكد وزير المعادن بجنوب السودان تعبان دينق في تصريحات صحفية ان زيارتهم الى السودان تاتي بغرض التباحث مع وزارة المعادن في كيفية اسهامها في تطوير قطاع المعادن بجنوب السودان بالاستفادة من الخبرات الطويلة والقديمة للسودان في هذا الاتجاه للنهوض بحياة الناس وتغييرها للافضل واردف الوزير " ان تغيير حياة الناس اقتصاديا للافضل تلعب فيها المعادن دورا رئيسيا" في الدولتين وتابع " نحن شعب واحد وشاءت الظروف ان نكون في دولتين لذلك لابد ان نستفيد من وجودنا في الدولتين في استثمار مواردنا لصالح الشعبين".


تعليقات 10 | إهداء 0 | زيارات 7446

التعليقات
#1474981 [على]
0.00/5 (0 صوت)

06-12-2016 10:01 PM
ظروف شنو الظروف خلقها المتطرفين فى كلا الجزئين طول عمر السودان كان ارض واحدة متى كان الجنوب عبر التاريخ دولة مستقلة حتى تنفصل ربنا يهدى الطرفين ويعود ابناء الوطن للعيش مع بعض دون عقد وفى وطن يسع الجميع امين وحلايب ومثلث لومى سودانيتان


#1474777 [Mawlana]
0.00/5 (0 صوت)

06-12-2016 01:38 PM
لقد استغربت بعض السودانيين. هل تتمنى أن يرجع الجنوب السودان الي السودان؟ معناتها ان يحكم ذجون قرن من القبور وذ الترابي من تحت الأرض، نعم الجنوب يحتاج بعض التجارب لكن من وين؟ من الشمال ابداً، تعبان دينف يعرف لغة السودان لدا لااظن ان تكون هذه الزيارة في هذا المجال.
من جهة ثانية. اخواننا الصوماليين يستحقون الثنا وان نشكرهم لانه لولاهم لكان الجنوب قد مثل دارفور، والنيل الأزرق.


#1474659 [جدو]
5.00/5 (2 صوت)

06-12-2016 10:03 AM
خلاص بدينا موال الاستهبال .. شكلكم اتعلمتوا من المصريين

المصريين يشبكوك يا ابن النيل و نحنا اخوات و اجدع ناس و اول فرصة يلقاها يسرقك

هسي الجنوبيين ماشين كويس في الخطة دي ... شعب واحد و زفت واحد لحدي ما نمشي التوج

نحنا لا اخوات و لا بنعرفكم يا مصريين
و نحنا لا شعب واحد و لا دايرين نبقى شعب واحد يا جنوبيين

خلونا في حالنا بس


#1474635 [ابو فهد]
0.00/5 (0 صوت)

06-12-2016 08:58 AM
أتمنى أن يعود الجنوب الى الشمال والشمال الى الجنوب فى وحدة جديدة سمها ما شئت كونفدرالية , إتحادية كما هو الحال فى الاتحاد الاوروبى أو إندماجية لا تهم الاسماء ولكن هناك كيان جديد تحكمه مواثيق دولية ونظام حكم يحترم الخصوصية لكل أقاليم السودان .
أعتقد السودان يمتلك الخبرة الدستورية والتشريعية فى إيجاد مثل هذا الكيان السياسى الجديد
ونكون بذلك روادا سواء أكان ذلك فى الإنفصال السلمى أو العودة الطوعية .
الجنوب هو جزء عزيز على كل السودانيين ولا تأخذكم الدعايات والادعاءت الكاذبة التى تقول بغير ذلك . وأتمنى من السودانيين الشرفاء من داخل وخارج أرض الوطن تكوين الجمعيات والمنتديات وتنوير الناس فى الشمال والجنوب والعمل للعودة والاندماج كما كان السودان واستلمناه من الرعيل الاول عقب الاستقلال كاملا ومتحدا وغير مقطع الاوصال


#1474632 [مريود]
5.00/5 (1 صوت)

06-12-2016 08:43 AM
يا زول هوي ما دايرين أي لولوة.

ويوما فكانا منكم أبيض.


#1474618 [انفصالي كبير]
0.00/5 (0 صوت)

06-12-2016 07:30 AM
تعبان دينق كان من اكبر دعاة الانفصال ومن أشد الجنوبيين عداوة وكراهية للشماليين بالرغم ان اباه يقال انه شمالي وكان احد الجنود في الجنوب
كان واليا لولايه الوحده وَقّاد حروب عنيفه مع قائد النوير فاولينو ماتيب الموالي للحومه بقيادة قائد قواته تيتو انذاك


#1474530 [عصمتووف]
0.00/5 (0 صوت)

06-12-2016 01:06 AM
زرت جوبا وجدت حالنا أفضل بكتير من ف الجنوب للأسف الحزبان لم يستفيدو مما سببه. لنا ب الحروب خاصة الحرب الأخير حاليا الجنوب يعج ب لصوص وعصابات شرق افريقيا افسدو المواطن الجنوبي وجعلوًة عاطلا إحتلو الاسواق والحركة الشعبيةلم تستفيد من المواطن الشمالي المؤهل لم تغريهم بل اليوغنديز لا يعرفون اي مهنة غير الاستهبال والغش والنهب والقتل حتي حولو بعض الجنوبين الي قتلة من اجل الماد


#1474527 [نبيل حامد حسن بشير]
5.00/5 (1 صوت)

06-12-2016 01:00 AM
نحن شعب واحد اراد ، امر لا مغالطة فيه. لكن، هل سينعود كدولة واحدة مرة أخرى؟ أتمنى ذلك من كل قلبي خوفا على الجنوب ليس طمعا فيه، ولا خوف على الشما. الجنوب دولة لا تستطيع حماية نفسها من الاطماع اليوغندية والكينية، مع احتمال طمع الكنغو ايضا. وان بقي الحال على ما هو عليه الان سنجد ابناء الجنوب مواطنين درجة ثانية في بلادهم نتيجة غزو التجار الأجانب من تلك الدول والصوماليين الأثرياء. يجب فتح الحدود على مصراعيها للجنوبيين وان يعاملوا كأنهم سودانيين وهم سودانيين بالفعل، ونحن الكسبانين. قد يكون هذا سبب رئيسي للعودة للوطن الواحد واذابة الجليد، والحفاظ على الجنوب من الطامعين. هل من الممكن قيام اتفاقية دفاع مشترك؟؟؟ هل يمكن قيام وحدة كونفدرالية؟؟؟ ماهو المانع؟؟؟؟


ردود على نبيل حامد حسن بشير
European Union [Ashraf Ali] 06-12-2016 12:29 PM
يا بروف نبيل متعك الله بالصحة والعافية و اراك الله السودان واحد موحدا

European Union [جدو] 06-12-2016 10:11 AM
يا بروف تاني كان دايرين الرجوع لن نقبل الا باستفتاء يشارك فيه السودانيين فقط فكما انفصلوا باستفتاء يخصهم لوحدهم لن يعودوا الا باستفتاء خاص بنا


#1474502 [المكشن بلا بصل]
4.75/5 (5 صوت)

06-11-2016 11:30 PM
دا كلام مامنو فائدة. .
انتم تكرهون الجلابة كراهة التحريم وتتمنون فيهم يوما اسودا.. بالرغم ان كثيرون منهم يتعاطفون معكم..
لم تضعوا لهم اي اعتبار. .
سعادة الوزير خليكم في دولتكم الدولار حقها بقي يقارب الخمسين جنيه جنوب سوداني..
ومتأكد ميه المية اذا اقتصادكم اتعافي..ستتنكرون لنا.
وانتم الان تعبرون نفسكم نلتوا استقلالكم وتحتفلون بذلك بافراح عارمة..
خليكم في حالكم.


ردود على المكشن بلا بصل
[جدو] 06-12-2016 10:07 AM
والله راجل و كلامك كلام رجال .. لمتين نحنا ندسدس في الحقائق

خلي الناس البدافعوا عنهم ديل يمشوا يقعدوا في الجنوب يومين و لو جو تامين ما تديني ايدك

هناك ما بفرقوا بين المتعاطف معاهم و البكرهم كلهم عندهم مندكورو روحه و ماله حلال


#1474442 [نبيل]
5.00/5 (3 صوت)

06-11-2016 09:14 PM
اذا كان ألكلام ده صحيح ليه صوتوا كلم للانفصال......انتو دولة مستقلة والتعامل حسب المصالح.


ردود على نبيل
[عمر] 06-12-2016 03:29 PM
ياعمى والله ندموا عليها وعلى اليوم القتل قرن .شوف الجوع الواقع فيهم .زمان كان كل جعان يمشى بيوت الشماليين والمطاعم بالاضافة للمشاريع المطرية الكانو بيزرعوها الشماليين ، وين الآن الزاعة الزمان وين الأسواق وين حركة المواصلات والنقل والمنقول ، خلينا نتفرج بس.ديل لا يشكرون النعمة . تعبان دينق ده لما كان والى الوحدة مش حرق هجيليج .؟ ده جنا عقرب.

[جدو] 06-12-2016 10:09 AM
دا ياهو البنقصنا .. التعامل بالمثل

لو حدود جنوب السودان مع مصر كان وروهم الطفا النور منو لكن لقوا الطير ديل يغشوا فيهم بالكلام الفاضي دا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة