الأخبار
أخبار السودان
سعادالفاتح: (المليس والمجاملة في قضية حلايب ما بنفع)
سعادالفاتح: (المليس والمجاملة في قضية حلايب ما بنفع)
سعادالفاتح: (المليس والمجاملة في قضية حلايب ما بنفع)


06-14-2016 07:03 PM
الخرطوم: عبد الرحمن صالح طالبت النائبة بمجلس الولايات سعاد الفاتح الحكومة باتخاذ موقف قوي وواضح في قضية حلايب ، وقالت «حلايب قضية طبطيب ومليس ومجاملة ما بنفع فيها « ، وأكدت أن القضية تحتاج الي مواجهة قوية من الحكومة مع مصر «برجال قارشين الجمر ونسوان محزمات» -على حد تعبيرها- وقطعت سعاد في مداولات النواب لتقرير والي البحر الأحمر بمجلس الولايات أمس بأن التعدي على حلايب تعدٍ علي حرمة الوطن وكرامته ، وقالت هذه مسألة كرامة لابد أن يقف فيها الشعب وقفة جادة «مش مليس وطبطبة» ، وتخوفت من التفريط في حلايب وشلاتين، وأكدت أن بذهابهم سوف تذهب بورتسودان كلها لمصر .

اليوم التالي






تعليقات 17 | إهداء 0 | زيارات 7431

التعليقات
#1476321 [على]
0.00/5 (0 صوت)

06-15-2016 07:59 PM
اها اتحزمى ياحاجة وحزمى جماعتك امكن ما تحتل بورتسودان وحلايب سودانية


#1476232 [شهنور]
5.00/5 (3 صوت)

06-15-2016 02:56 PM
(وقالت هذه مسألة كرامة لابد أن يقف فيها الشعب وقفة جادة «مش مليس وطبطبة» ،)

وما دخل الشعب تعملوها وتنادو فى الشعب الغلبان .

روحى الله لا ريحك فى الدنيا ولا الاخره.


#1476187 [ابوجلمبو]
5.00/5 (3 صوت)

06-15-2016 01:30 PM
يملسوكي في حيطة باسمنت


#1476182 [ناصر]
5.00/5 (1 صوت)

06-15-2016 01:23 PM
د سعاد الفاتح المقرة
المراة التي كرمت من رئيس الجمهورية ونالت وسام من رئيس الجمهورية
هل نيلك للوسام من باعوا حلايب صحيح وهل بكل شجاعة سودانية سوف ترفضي الوسام من اجل بيع حلايب ارجو الاجابة منك د سعاد حيث انك من انزه السودانيات الاصيلات حسب علمنا .


ردود على ناصر
European Union [الناصح] 06-15-2016 06:06 PM
علمك ضارب, أصحى يا بريش!


#1476173 [هبوب]
4.50/5 (4 صوت)

06-15-2016 01:11 PM
ما ترسلوا ليهم حميدتي كلب البشير و كلابو مش عاملين فيها رجال


#1476119 [عبده]
4.82/5 (6 صوت)

06-15-2016 11:06 AM
محزن ان يصل الانسان الي ما فوق السبعين عاما ولا يزال منطفىء العقل ..


#1476101 [سودانية]
5.00/5 (4 صوت)

06-15-2016 10:38 AM
الرجال القارشين الجمر والنسوان المحزمات مرقو وفاتوها ليكم مخضرة زماااااان ...البركة فيك انتي ياختي بس حددي موقفك زي مهيرة بت عبود انت تبع الرجال القارشين الجمر وللا النسوان المحزمات ؟؟؟


#1476087 [جربوع]
5.00/5 (3 صوت)

06-15-2016 10:09 AM
الوطن وكرامته)
الوطن اختزلتموهو في نحن(حزب الشيطان)
كرامته هي ما نهبتموهو وبنيتم به ابراجا وعمارات


#1476078 [عبد الرحيم]
5.00/5 (3 صوت)

06-15-2016 09:55 AM
يلا اتحزمي انتي وريني شطارتك؟

دا كلام ساكت للإستهلك المحلي وما في كوز ود مرا هو راجل المرحلة ولن يستطيعوا المواجهة اطلاقا ..

الكيزان يجيدون العمل السري وفي الخفاء والضرب من الخلف ويريديون استلام السلطة عشان يكونوا اكبر قدر من المليشيات ويحرموا الناس التانين من مثل هذا الحق ومن ثم القيام بإضهادالناس وتعذيبهم برجال الامن والمخابرات.

كمان الكيزان لا تهمهم قضية حلايب او الفشقة او جنوب النيل الأزرق هم فقط عينهم وما يهمهم الخرطوم وحي المجاهدين والشهيد طه الماحي والمنشية وعمارات شارع عبيد ختم ويثرب وغيرها من الاحياء الراقية ..

الكيزان همهم دعم حماس واخوان مرسي وتلقي الدعم التركي والقطري والايراني ..


لا اعتقد ان دعت الحكومة الى نفرة ما في حد حايشارك فيها.. لانو الشعب كشفكم تماما وما انتو رجال الوحدة الوطنية ..

الان الكيزان همهم الاكبر كيف يجتمعو مرة اخرى بعد ان فرقت الغنائم والانفال بينهم ..يجتمعون مرة اخرى وهي المرة سيكونون اخطر من المرات القادمة لان كل واحد جايب معاه بدل شوال شوالين عشان يخم حق المرة الفاتت والمرات الجاي


#1476046 [Rebel]
5.00/5 (3 صوت)

06-15-2016 06:15 AM
ليه يا سعاد نافخه "الاوداج"!..ما "الطبطبه" و الكضب و الانبطاح..
ده حال "أخوانك" من زمان!..
مش واحد فيهم مشى "القصر"..و التانى إتوكل ع "الحبس"!
مش قلتو "تسودوا العالم اجمع"..و "الوطن" ذاته "قسمتوه إتنين"!
مش "هى لله" طلعت فالصو..و "شيوخ الدين" بقوا نصابين!
مش "الشهداء" طلعوا فطائس..و "الجهاد" أصبح نكاح!
مش "امريكا دنا عذابها"..و الحين غندور آخر "إنبطاح"!
مش "الوثبه" أصلها كذبه..و "دخلت نمله و شالت حبه"!
مش الحوار اى كلام!..و حاله حال "جراب الحاوى"!
و إشمعنى حلايب بس!..مش برضو تشوفوا "شلاتين"!
من سنين قلعوها الحلبه..و السيسى حالف ستين يمين!
بكره كمان تجي "كردفان"!..و إنتو تجونا بى "شلاتين"!
بس حقيقه ياهو حالكم!..يوم لصوص, يوم ناس "دين"..!
و "شيخ الدين" راح الآخره!..و على عثمان فى ستين داهيه!
دنيا عجيبه و ناس غريبه.."شيوخ" النفاق و الدجالين
بقوا "وطنيين"!


#1476032 [مصطفى حاج اخمد]
5.00/5 (1 صوت)

06-15-2016 03:13 AM
ما اخذ بالقوة لا يسترد الا بالقوة ... جمال عبد الناصر .


#1476019 [ود احمد]
5.00/5 (3 صوت)

06-15-2016 01:58 AM
هذا الحزب لو ماعارفاهو اعرفيه انه ممكن يحكم القصر الجمهوري وتوتي بس وفي سبيل الكرسي ممكن يضحي باي شيء والدليل عندما امريكا اعطت مفاوضين نيفاشا وقت محدد لابرام الاتفاق او التدخل وقعوا على نيفاشا وبذلك خلقوا اكثر من جنوب في السودان النيل الازرق ازمة وجبال النوبة ازمة وابيي ازمة وزيادة على ذلك دارفور
اذن هذا الحزب ميكافيللى المنهج وعنده الغاية تبرر الوسيلة ففي سبيل الكرسي ممكن يضحي باي شيء واسوأ خبر عندما صرح المعتوه بتاع المجلس قال حلايب ماعندي بيها شغلة مع انه رئيس لجنة الامن للبلد وليس للتنظيم
الحل هو زوال هذه الحكومة من غير رجعة لانها فرطت في السيادة الرطنية للبلد بدءا بالجنوب وانتهاء بحلايب فهل من مجيب


#1475990 [باكاش]
5.00/5 (3 صوت)

06-14-2016 11:20 PM
ياخالة هم عارفين دي مسالة كرامة
لكن خايفين المصريين يطلعوا ليهم
ملف محاولة اغتيال حسني مبارك
الممكن يوديهم للمحكمة الجنائية
وبالنسبة للجنائية يفرق كتير لمان
الشاكي يكون دولة وكمان عضو
موقع علي نظام روما من ان يكون
جماعة او منظمة .


#1475981 [السودان الوطن الواحد]
4.82/5 (5 صوت)

06-14-2016 10:40 PM
يبدو أن التصريح محاولة لتخفيف الضغط على المجلس الوطنى وتوجيه الأقلام على مجلس الولايات / الحكاية بقت محفوظة


#1475964 [ابومحمد]
5.00/5 (1 صوت)

06-14-2016 09:52 PM
ده الكلام لا مليس ولا طبطيب في قضية حلايب فهي قضية الوطن والهوية والشعب كله يطالب بموقف قوي تجاه مصر ويعلن جاهزيته للتضحية بالروح والدم وان اضطر الامر الى اعلان الثورة على النظام اذا ظل يتهاون في مثل هذه القضايا وللصبر حدود


#1475960 [فيلق]
3.00/5 (2 صوت)

06-14-2016 09:47 PM
والله انتي الفيهم... بوركتي
انتي احسن من التهامي القال ما عندي بيها شغلة


#1475959 [مواطن مهضوم]
5.00/5 (1 صوت)

06-14-2016 09:45 PM
كل يوم يمضي البلد راجعه لورا و السودانيين منقسمين اثنين مع الحكومه و يلهطو في خيرات البلد او معارضين اما في السجون او وراء شاشه يصارعون الكيبورد شتيمه و ترديد شعارات كازبه و باليه .مصر استغلت ضعف هزا البلد المريض شعبا و حكاما و اصبح المصريون يتمادون و يقولون الكزب حول تبعيه السودان لمصر اقسم بالله


ردود على مواطن مهضوم
[الحلومر/خريج الابتدائية] 06-15-2016 09:30 AM
انت ألان بتعلق علي سبورة مدرسة



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة