الأخبار
أخبار السودان
الدعم السريع تحت امرة رئيس الجمهورية : من يحمي من ؟
الدعم السريع تحت امرة رئيس الجمهورية : من يحمي من ؟
الدعم السريع تحت امرة رئيس الجمهورية : من يحمي من ؟


06-19-2016 02:49 PM
د محمد علي سيد الكوستاوي

باصداره قرارا يجعل قوات الدعم السريع , او بالاحري الجنجويد , تابعين مباشرة لرئاسة الجمهورية , فان البشير اثبت للملأ بانه ما عاد يثق في الجيش ولا في مليشيات الحزب الذي بدأ اسلامويا وملأ الافاق بهتافات حربية طالت حتي امريكا وروسيا مهددة اياهم بالعذاب وشديد الضراب ولكن هاهو الواقع يقول بان الانبراش والانبطاح لامريكا وروسيا وصل حدا كاد الحزب وشبابه المجاهد يصيرون خدما في البيت الابيض والكرملين .
وتتالت الهزائم المرة علي مليشيات الاسلامويين وجيشهم الذي طردوا منه الامناء والاوفياء للصالح العام وتركوه جيشا مهزوزا مهترئا بلا فاعلية وعندما اشتد الوطيس عليهم واصبح قوات التمرد بقيادة المرحوم خليل علي وشك الدخول للخرطوم مرة اخري واستلام السلطة , لجأ الحزب الحاكم ورئيسه الي استرزاق العرب المساكين لحمايتهم وكراسيهم واتوا بهم وامروهم باتباع سياسة الارض المحروقة واستهداف القري والاهالي في مناطق ديار المتمردين لكسر شوكتهم حين فشلوا لذلك ميدانيا . فاتوا بقطاع الطرق والهمباتة من الجنجويد والصقوا علي اكتافهم اعلي الرتب من غير خجل ولا حياء لان الموضوع وصل اللحم الحي ولابد للانقاذ ان تبقي.
واستمر تهميش الجيش المهزوز الذي تم افراغه من الوطنيين والشرفاء من الجنود والضباط استمر تهميشه بجعله في المرتبة الثانية بعد قوات الدعم السريع الذي يتبع الان مباشرة للرئيس لحمايته من المتمردين ومن الجيش نفسه .
فاي جندي من الدعم السريع يعادل ضابطا في الجيش الوطني لانه يستمد قوته من الرئيس شخصيا ويتمتع بحصانة منه وحماية تامة .
ولكن مثل هذا الامر هو بمثابة اللعب بالنار لانه قد زرع بذور الفتنة بين الدعم السريع والجيش والمواجهة لامحالة قادمة وحتمية.
كما وان الرئيس لن يضمن ان تتسع شهوات قادة الدعم السريع للسلطة وينقضوا علي الرئيس وعلي حكمه وحينئذ يكون الرئيس هو من حمي قادة الدعم السريع الي ان انقضوا عليه , وليسوا هم من كانوا يحمونه وكرسيه .
د محمد علي الكوستاوي
kostawi100@gmail.com






تعليقات 35 | إهداء 0 | زيارات 25414

التعليقات
#1478860 [ود البصير]
0.00/5 (0 صوت)

06-21-2016 06:53 PM
بل (رئيس) الجمهورية هو الذي بات تحت إمرة الدعم السريع .


#1478773 [د. محمد]
0.00/5 (0 صوت)

06-21-2016 02:05 PM
تبعية الجنجويد لرئاسة الجمهورية هذه اوامر حميدتي و جيشه ، وقد رضّح (السفاح) و من حوله بالأمر الواقع الذي فرضته الحشود
المسلحة التي تجوب العاصمة و الاطراف هذه الايام .
النظام بات محاصراً و لم يبقى له سوى (بعض) اجزاء من العاصمه و القصر الصيني .


#1478770 [سلومبا]
0.00/5 (0 صوت)

06-21-2016 01:55 PM
الجنرال في آخر متاهاته يحتمي بـ (عريف) !!!
رحم الله ابوكدوك و صحبه ..


#1478769 [معتز]
0.00/5 (0 صوت)

06-21-2016 01:50 PM
هوي يا من تحسبون كل صيحة عليكم حس الجيش التتباكو عليه دا وانه في جيوش موازيه ليه في البلد حارقه رزقكم انتو جيوش الحركة الشعبية والظلم ولا مساواة ما لفتت انتباهكم وواجعكم فصيل تابع لجهاز الامن الحكومي الرسمي وبالتنسيق وتحت امرة الجيش واي حكومة في الدنيا مسؤلة عن امنها وامن البلد البتحكموا ولا نخليها زي حكومة الصادق المهدي عسكري حركة يقلبها اتلموا !!!!


ردود على معتز
European Union [كاكا] 06-21-2016 06:13 PM
هوي الصيحة دي ما علينا عليكم انتو ! تمشي وين يوم حمتي يطبق فيكم النظرية بي عين قوية والله عينو قوية !


#1478752 [زول الله سااااي]
0.00/5 (0 صوت)

06-21-2016 01:07 PM
البكتب يكتب صاح,,, عشان الناس تفهم،،،
اتعلموا اللغة العربية اولا.
واي واحد فيكم لو مسكوا البلد دي اسا بتغلبوا يمشيها,,, كلامكم في حناجركم


ردود على زول الله سااااي
[mohammed tahir ibrahim] 06-21-2016 09:29 PM
لاتنهى خلق وتأتي بمثله عار عليك إذا فعلت عظيم
بالله انت بتعرف العربية وبتقول اسا؟؟؟؟؟؟؟؟؟؟؟
مابقولو اسا بقولو هسة ياعجماني!!!!!! يا الما بتشبه السودانيين!!!!!

[mohammed tahir ibrahim] 06-21-2016 09:25 PM
لاتنهى خلق وتأتي بمثله عار عليك إذا فعلت عظيم
بالله انت بتعرف العربية وبتقول اسا؟؟؟؟؟؟؟؟؟؟؟
مابقولو اسا بقولو هسة ياعجماني!!!!!! يا الما بتشبه السودانيين!!!!!


#1478575 [ُمواطن]
0.00/5 (0 صوت)

06-21-2016 07:00 AM
يا عالم البلد محتاجة تنمية اولا قولوا للمتمردين فى قطاع الشمال الذى يتبع لدولة جنوب السودان ان يوقع على السلام وعلى خارطة الطريق وعليه اكمال كل الترتيبات الامنية ثم بعد ذلك يتفرغ الوطن للبناء والاعمار والتداول السلمى للسلطة. لكن ان يظل قطاع الشمال وحركات دارفور المسلحة حاملة للسلاح فهذا يبرر للحكومة ان تستعين بكل من يستطيع حمل السلاح. اذا تريدوا سلام حقيقى انخرطوا فى السلام واعملوا على الوصول الى كيف يتم التداول السلمى للسلطة عبر صناديق الاقتراع، الوصول الى ديمقراطية حديثة تحمى وتنمى البلد.الامر الاخر الجيش السودانى كله يتبع للرئيس.


ردود على ُمواطن
European Union [أمودينق] 06-21-2016 12:13 PM
ههههههههه


#1478511 [ود شكابة]
4.00/5 (1 صوت)

06-21-2016 01:30 AM
الجيش الجيش هو في جيش كبار الضباط ردخو للمؤتمر الوطني وبقو قادة الجنجويد المرتزقة ديل اكبر قوة متمردة علي الشعب يغتصبو ويحرقو وينهبو الشعب عينك يا تاجر ويقول ليك اشتكي للبشير لو ماعاجبك ،،،،،،ليكم يوم ،،، انا متأكد لو بكرة حبشو بنية في دبتها في الدبة البشير بيصدر قرار بيعفي هذة القوة المرتزقة ،،،، والتحية للجيش الصامي غشمو تقول ما ادربو في اسد العرين ،،،، لاكن عندهم حق لان جوعوهم ،،،،وبركبو باقي ابجنجنة ،،،، خشوهم بشوية بنايات وتكيف وشركات عبدالرحيم يغير ليهم في اللبس كل سنة ويستقطع من مرتبات الجيش انتبة ليس من مرتبات المرتزقة ديل ،،،،الله يكون في عون الشعب


#1478346 [متامل]
0.00/5 (0 صوت)

06-20-2016 03:23 PM
اصبح الشعب السوداني ذليييييل من الغفير الى اب جضوم الراكب البرادو
والله عملوها فيكم الأسلامين


#1478235 [أب أحمد2]
4.50/5 (2 صوت)

06-20-2016 11:50 AM
هكذا بدأت الحرب الاهلية (الصوملة)فى الصومال بنفس السيناريو!!!!!
سلح الرئيس الصومال (فارح عديد) وقتها البدو ودخلوا مقديشو وأستباحوا حرائرها ونهبوا سكانها وووو حتى وصلت الصومال الى ما هو عليها الان!!!!!!!!!!!!!!!
الى أين تقود "الانقاذ" او "المؤتمر الوطنى" السودان؟؟؟؟؟؟؟؟؟
اللهم أرفق بالشعب السودانى وجنبه الفتن و"الصوملة" فى هذا الشهر المبارك الكريم!!!


ردود على أب أحمد2
European Union [محاسن ام الفارس] 06-20-2016 02:30 PM
امن الشمالية خط احمر!! بالله , ومال امن باقي السودان خط اخضر ؟ بالله ده كلام يقولوا زول في راسه شوية مخ وكمان عسكري . خلاص العنصرية بقت ما بتدس مش كدة . وفيها شنو الشمالية عشان امنها يكون خط احمر ؟ هو الامن بس عدم لجلجة سلاح ؟ ما السرطان برضه عدم امن , والنفايات الدفنوها هناك في صحراء الشمالية اكبر مهدد لامن المواطن المسكين.
بالله يا ناس الكيزان ما تخدعونا بحجة الامن وتجيبوا الجنجويد للشمالية الامنة الوادعه . غلبكم وجنجويدكم هزيمة ثوار دارفور بقيتوا تلفوا عكس الهواء.
في عسكري يقول امن جزء من البلد خط احمر ؟؟!! عشنا وشفنا.
ما عارف الناس ساكتة تتفرج علي الحيكومة الظالمة والمدمرة دي لمتين .
انتظروا لامن تصحوا يوم تلقوا حميدتي رئيس البلد ويطلق فيكم الهمباتة بتاعينه ديل يوروكم الما شفتوه وما عرفتوه.
سكوتكم عن جرائم الانقاذ وجنجويده في دارفور خلت دعوات المظلومين هناك تحصلكم وكما تدين تدان.
عشا البايتات الملهوف


#1478222 [محاسن ام الفارس]
4.38/5 (5 صوت)

06-20-2016 11:26 AM
ده جزاء من يسكت علي الظلم . وين كنتو يا كوستاوي لما الجنجويد يعيثون فسادا وتقتيلا في دارفور ؟ ولا ناس دارفور ما ناس؟ يلا خموا وصروا وانشاء الله الجنجويد ديل يوروكم في الخرطوم والشمالية نجوم القايلة.


ردود على محاسن ام الفارس
European Union [تييييت] 06-20-2016 08:04 PM
سلام عليك يا محاسن كلامك فتنة انت مع الحكومة عاوزه تفرقى الناس ولا انت ضد الحكومة بكلامك هذا انت بتنفذى اجندة الحكومة من غير ماتشعرى عليكم الله ساعدونا بالكلام الطيب او الصمت


#1478213 [جرية]
0.00/5 (0 صوت)

06-20-2016 11:06 AM
اقتباس:
كما وان الرئيس لن يضمن ان تتسع شهوات قادة الدعم السريع للسلطة وينقضوا علي الرئيس وعلي حكمه وحينئذ يكون الرئيس هو من حمي قادة الدعم السريع الي ان انقضوا عليه , وليسوا هم من كانوا يحمونه وكرسيه .
والله عمر البشير والذى أو الذين خلوه يتبع الدعم السريع له مباشره أغبى خلق الله, فى بدايه تجييش أهلنا بمختلف تكويناتهم قد أدخلوا للشغلانه بفبكره وخداع للبسطاء ولكن كثرة الاستغلال الأكثر من اللازم لأهلنا تعلموا من دروس عدة بالاضافة الى ذلك دخل فى اللعبه بعض من أبناءهم المتعلمون, فصارت لهم خطط وبرامج, فى كيفية التعامل مع عصابة الكيزان فى حالة ان أرادت تغدر بهم والثانى التمكين ال1ى حصلوا عليه من الحكومة ومن غنائم العمليات العسكرية كيف يستغلونه للاستيلاء على الحكم, والله يكضب الشينه.


#1478209 [بت ابوها]
0.00/5 (0 صوت)

06-20-2016 10:51 AM
الفتنة نااااااائمة ولعن الله من ايقظهااااااااا -


#1478150 [المشتهي الكمونية]
4.00/5 (1 صوت)

06-20-2016 09:17 AM
التنبل العوير الهبنقة عمر البشير يلعب بالنار ويبحث عن الأمان المفقود الذي توفره الولاءات الزائفة بحسب فهمه القاصر ، دمر الجيش القومي وجميع القوات النظامية وأحتضن عصابات الجنجويد الذين لا يملكون ولاءا لغير المال ، غدا ينقلبون عليه بحثا عن مال أكثر وعن سلطة وجاه مفقود .. رئيس أبله يمارس العوارة والغباء في أخطر الأمور ويقود البلاد نحو هاوية سحيقة ..


#1478135 [ابومها]
5.00/5 (1 صوت)

06-20-2016 08:55 AM
من المواقف للجنجويد في الدمازين انهم مشوا طلمبة وقود وطلبوا من العامل في الطلمبة انو يملا ليهم ثلاثة براميل جاز وفعلا ملا ليهم البراميل الثلاثة وعلى طول قاموا ماشين سالهم وين قروشي قالوا ليه امشي للبشير يديك قروشك .. وطوالي فاتوا المهم ناس الطلمبة بلغوا جهاز الامن بذلك وطوالي اصدروا توجيهات بقفل كل الطلمبات ومشكور قائد الفرقة الرابعة مشاه دفع ثمن الثلاثة براميل بالله شوف الاحتيال بتاع الجنجويد ..


#1478117 [الزعلان كلمو]
5.00/5 (1 صوت)

06-20-2016 07:55 AM
حد فاهم حاجه......؟؟؟؟؟؟!!!!!!


#1478110 [abuhassan]
5.00/5 (1 صوت)

06-20-2016 07:24 AM
ياصباح العويل والبكاء هكذا تقولون اوكي وماذا انتم فاعلون في هذا الامر فقط في كل المواضيع واحد ينظر والباقين يسبوا ويؤيدوا ليس هكذا الامر لابد لكل واحد راي ليس اي راي بل بالتفكير والنظر للموضوع بجميع اومن جميع نواحيه


#1478107 [مبارك محمد الفضل]
5.00/5 (1 صوت)

06-20-2016 07:22 AM
والله ما شهدته بأم عيني وغزو ما لا يقل عن ألف عربة متنوعة وتحمل كل أنواع العتاد الحربي الفتاك وهي تنخر عباب الزلط أمام منزلي بامدرمان ومصحوبة بعربات المجروس وإذاعة متحركة تعرف بهذه المليشيات ينبئ بخطر كبير داهم على عاصمة البلاد الآمنة .. وما يبدر من هؤلاء الطائشين ايضا هو نذر خراب نراه رأي العين فعلى المواطنين أخذ الحيطة والحذر وعدم الاحتكاك بهؤلاء المتهورون الذين سحبوا البساط حتى من تحت أقدام الشرطة والنظام العام . فالآن العاصمة محتلة بلا شك بل مستباحة أعراض نسائها .. اللهم إنا نسألك اللطب بالشعب المغلوب علي امره


ردود على مبارك محمد الفضل
[الدارفوري الصادق] 06-20-2016 11:26 PM
هؤلاء الجنود من اشرف الناس
وفكرة الدعم السريع هي اصلاً قوات خاصة تتبع للرئيس أو لغيرو ما مهم المهم لا جبريل ولا غيروا يحاول يغزو الطينة ذاتها ما يقدر
بالله عليكم يا اخوانا كل قوات التمرد مش قوات قبلية
وروني العدل والمساواة جنودها وقواتها من واي قبيلة
عقار من اي قبيلة
وروني مناوي قواته من اي قبيلة
عبد الواحد قواته من اي قبيلة
ابو القاسم امام من اسي قبيل
جقود قواته من اي قبيلة
خليكم صادقين لو كنتو صادقين ما حا نحل مشكلة السودان
كلها مليشات قبلية وبالشكل دا مستحيل مستحيل يحكمو القصر ولو دخلو القصر ااكد ليكم يومين ما حا يقعدوا لانه ما في حاضنة شعبية يا اخوانا
بالله سيبو احلامكم وتعالو ساعدوا في نهضة السودان
امريكا بسببكم طلعت عينا حصار


#1478103 [السماك]
0.00/5 (0 صوت)

06-20-2016 06:58 AM
الدعم السريع !! هم ما مروا بكوستي ولا شنو يا كوستاوي ؟؟.. سامعين بيهم في الدبة!!


#1478069 [أبو عفان]
0.00/5 (0 صوت)

06-20-2016 02:29 AM
وهذا ما بدأ في الحرب السورية الدائرة حالياً عندما إنضم الشرفاء من ضباط الجيش للمعارضة ضد الرئيس سوف يطبق في السودان عندما يقوم من الضباط الوطنيين إنضمامهم للمعرضة اللحظة سوف يفلت زمام الأمور من الرئيس وسوف تقوم المواجهة بين القوات المسلحة والجنجويد أي الدعم السريع وسيصبح السودان في حرب ضروصة لا أمد لها من زمن مهما فاتت الإنغاذ وعندنا اليوم الأمثلة في الأنغاذيين انفسهم عندما يواجهون ويتلاسنون بهذة اللهجات والكيل لبعضهم البعض أتمنى من الشرفاء من ضباط القوات المسلحة الوطنيين أن يواجهوا الرئيس مواجهة شرفاء وأستغرب لمن يطبلون ويقولون لا مساس للقوات المسلحة وإستفذاذها من قبل المواطنون وليس المعارضون ويتسألون المواطنون أين دور القوات المسلحة وهذه للمره الثانية عندما أعتمد الرئيس على جهاز الأمن أن يواجة ويقوم بالمعارك وأن لا وجود لأي دور للقوات المسلحة والكل يعلم في أي دول العالم ما هو دور جهاز الأمن أي من القوات المسلحة يأمره جندي من قوات الأمن ويقوم بإستفذاذة وأنه مقيم أكثر من ضباط القوات المسلحة فالأمر صراحة فات حدة إذا كان فضل من الشرفاء الذين أصلا موكل لهم إدارة العمليات والمعارك .


#1478052 [خليفة احمد]
0.00/5 (0 صوت)

06-20-2016 01:02 AM
لم يقراء احد منهم التاريخ جيدا ،،،استيلاء الجنجويد او محاولتهم السيطرة عل السلطة بعد ان صاروا هم حماتها شئ يتماشى مع منطق الحقائق والتاريخ واقربها لنا سيذرة المماليك عل حكم مصر وسيطرة الفرس جنود الدولة العباسية على مقاليد الحكم والسلطة،،والان ليس هنالك شئ يمنع حميدتي ورهطه من المرتزقة عل السيطرة وحكم البلاد اليس هم من رئيسها ووزراءه من الشعب!!!!!!!!


#1478032 [AAA]
4.00/5 (2 صوت)

06-19-2016 11:37 PM
غوغاء مليشيا جنجويد الدعم السريع..هم عصابة مرتزقة وأجراء..ليست لديهم عقيدة قتالية لحماية وطن..والوطن في عقليتهم هو محل بهايمهم بتسرح فقط..لذلك هي مليشيا استعراضية للتخويف والارهاب وما يدخلوه من رعب في قلوب العزل نتيجة للهمجية العالية التي يتمتعون بها..وتكتيك الارهاب في شكل مجموعات..يستحيل تجد اتنين تلاتة منهم مطرفين ولو مسحلين..
* هم وجدوا في هذا النظام ضالتهم كمصدر دخل بالنسبة لهم بالاضافة للنهب والسلب والاغتصاب الذي هو عادتهم..وليس ذلك عيبا في ثقافتهم..الواحد فيهم ما حافظ قل هو الله أحد..ولا قبل له بحاجة اسمها الوضوء..تقول لي يحمي نظام كيزان!!
* صدقوني اذا الحارّة جات..سيهربوا بالعربات كغنائم من الحكومة..وسبق ان قال موسى هلال " دار ابوك كان خربت شيل ليك منها شلية"..


#1478015 [Rebel]
5.00/5 (2 صوت)

06-19-2016 10:57 PM
إقتباس: "...الرئيس لن يضمن ان تتسع شهوات قادة الدعم السريع للسلطة وينقضوا علي الرئيس وعلي حكمه وحينئذ يكون الرئيس هو من حمي قادة الدعم السريع الي ان انقضوا عليه , وليسوا هم من كانوا يحمونه وكرسيه" .
* هذا هو المرجح و المتوقع حدوثه بالضبط, يا أخى!..ما لم يستبق ما تبقى من الشرفاء فى الجيش و القوات النظاميه, و بالتضامن مع فصائل المعارضه و منظمات المجتمع المدنى و شرائح الشعب السودانى الناشطه, لتنظيم "إنتفاضه شعبيه محميه بالسلاح", لا تذر و لا تبقى من أثر للبشير و مؤتمره اللاوطنى و جنجويده,,


#1478014 [ود الفاشر]
0.00/5 (0 صوت)

06-19-2016 10:55 PM
أنا لا أعلم لماذا يجوب قوات الدعم السريع الولاية الشمالية والخرطوم حاصل شنو فى هذه الايام بالضبـظ


ردود على ود الفاشر
[مجنووووووون] 06-20-2016 08:41 AM
تعبوا من اكل العصيده فى الغرب ورايحين ياكلوا القراصة فى الشمالية


#1477988 [ممكون]
5.00/5 (1 صوت)

06-19-2016 09:30 PM
دي حاجه شفناها الايام الفاتت مليشيا الجنجويد اخذت باكو سجاير من بتاع المحل وقالت ليهو ما عندنا قروش امشي للبشير يديك يا ناس الهمبته بقت جوه العاصمه والله العظيم طفح الكيل


#1477985 [اسحق ابكر اسحق]
5.00/5 (1 صوت)

06-19-2016 09:22 PM
هذا المقال الان على ارض الواقع و الرئيس عمر في غفله لا يعلم شيئ عن السياسة قوانين الدعم السريع قوات اشواعية وينقلبوا في تحت ايو لحظة. ممكن عن يطيحوا بالرئيس وهذا شيئ وارد و قريبا انشاء الله


#1477983 [suraj]
3.00/5 (2 صوت)

06-19-2016 09:15 PM
اذا النظام لديه جيش ويثق فيه لما لجأ لتكوين مليشيات موازية للجيش


#1477982 [السيد]
4.91/5 (6 صوت)

06-19-2016 09:10 PM
دا ضرب لقوة القبائل العربية في دارفور وتدمير شبابها وبعدها فصل دار فور علي اساس عرقي وحينها تكون قبايل العرب لاحول لها ولا قوة ...قريبا هناك تكون محارق لقوات الدعم السريع من قبل الحكومة


#1477963 [karbinto]
5.00/5 (2 صوت)

06-19-2016 07:40 PM
الفاطميةاو دولة المماليك قامت حين تراخي العرب للاستمتاع و تركوا المماليك حراسا لهم
بدون الرمز او الاستقطاب ما اشبه اليوم بالبارحه ....


#1477948 [مسألة زمن]
4.82/5 (8 صوت)

06-19-2016 06:52 PM
الجيش يستاهلوا
جلدة العميد بواسطة مليشيا الجنجويد وتصريح حميدتى إنو لما الحكومة تعمل ليها جيش وضحت الصورة تماما وما هى إلا مسألة وقت إما تمرد من الجيش بسبب الإهانة ومحاولة إنقلاب وأما فكر حميدتى القفز لكرسى البشير والحقيقة أن البصير أصبح عاجزا ومرعوبا يهرب من المؤتمرات الدولية هروب الأرنب من الذئب.


#1477942 [عدو الكيزان وتنابلة السلطان]
5.00/5 (4 صوت)

06-19-2016 06:20 PM
هو ده جيش ده ؟ديل مجرد تنابلة همهم ملء كروشهم من فتات الطاغية، والجري وراء الامتيازات والمخصصات، هذا الجيش يجب اعادة تاسيسه من جديد عند الاطاحة بهذا النظام المجرم،،


#1477931 [متامل]
5.00/5 (2 صوت)

06-19-2016 05:43 PM
غايتوا جربنا حكم بتوع المدارس والمتحذلقيين كدي نجرب الهمباته ديل امكن يظبطوا الحال هههههه


ردود على متامل
European Union [القريش] 06-20-2016 06:36 AM
تماما أويدك ومافيش حد أحسن من حد مالحكايه كلها تجريب وعبث واستهبال وقداسه من زمن الاستقلال!


#1477925 [الفارس]
3.00/5 (2 صوت)

06-19-2016 05:04 PM
قوات الدعم السريع نفسها تحت امرة الجيش و كل القواد من الجيش .. فلا داعي للفتنة بين الجيش و قوات الدعم السريع فكلهم يعملون من اجل حماية المواطن و الوطن


ردود على الفارس
[وليد] 06-21-2016 06:57 PM
تحت أمرة الكديس وتحت جزمة الرئيس
والله ما فاهمين حاجة .. نحنا وين ؟؟
وفي اى بلد رأيتم مثل هذه الخرمجة والعواسة


#1477908 [حلايب سودانية]
5.00/5 (2 صوت)

06-19-2016 04:18 PM
ما جبت جديد يا كوستاوي
معروفةً للجميع من يومها الجنجويد تحت إمرة رئاسة الجمهورية بين عثمان طه والبشير
لذلك مطلوب البشير للاهاي بسببها وليس بسبب الجيش


#1477901 [ابوالمر]
3.50/5 (3 صوت)

06-19-2016 04:02 PM
والله ماقلت الا الحق ي د محمد علي سيد الكوستاوي . اعتماد البشير على قوات الدعم السريع اعتراف ضمنى بعدم الثقة فى القوات المسلحة . حقيقة البشير الان اصبح لايثق فى القوات المسلحة كما كان فى السابق . السؤال
هل هناك صراع وسط قادة القوات المسلحة ؟؟ وهل اصبح البشير يتوجس من كبار قادة القوات المسلحة ؟ وهل هناك فئة تناصر البشير واخرى معارضة وسط الضباط والافراد؟؟ وكيف اذا انقلبت قوات الدعم السريع كما ذكر الكاتب واستهوتها السلطة ؟؟ حينها من سيحمى النظام ؟؟ يومئذ سيضيع المواطن والوطن يومئذ ستنهار الدولة وتعم الفوضى وتراق الدماء وتزهق الانفس .
اذا لابديل للجيش الا الجيش . اللهم جنب بلادنا الفتن ماظهر منها وما بطن . اللهم الهم ولات امورنا الصواب وابعد عنهم بطانة السوء يا الله


#1477893 [sudanese]
5.00/5 (5 صوت)

06-19-2016 03:36 PM
عجبني والله تهميش الجيش...
لانه همش الشعب حينما انقلب علي الديمقراطية....
وكما تهين تهان... وما الله بظلام للعبيد...



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة