الأخبار
أخبار إقليمية
السفير البريطاني: المعارضة ستوقع خارطة الطريق (بعد شويه)
السفير البريطاني: المعارضة ستوقع خارطة الطريق (بعد شويه)


06-29-2016 11:26 AM
الخرطوم: الجريدة
قطع السفير البريطاني بالخرطوم مايكل آرون بتوقيع المعارضة على خارطة الطريق التي طرحتها الوساطة الأفريقية.
وقال السفير في الإفطار الذي إقامته السفارة للإعلاميين بمنزله أمس (المعارضة حتوقع بعد شوية)، وأكد أن بريطانيا رحبت بتوقيع الوساطة الأفريقية والحكومة السودانية على خارطة الطريق)، وأضاف (بريطانيا حريصة على علاقاتها مع السودان، والعلاقات ستكون أفضل عقب خروج بريطانيا من الاتحاد الأوربي).
وتابع أن البعض يعتقد أن خروج بريطانيا من الاتحاد الأوربي (كارثة)، وأردف: (لكن بريطانيا ستتعافى خلال الفترة القادمة وستؤدي دوراً كبيراً في افريقيا باعتبارها عضواً دائماً في مجلس الأمن ومنظمات أخرى).
وأغلق السفير المجال أمام إعادة الاستفتاء على بقاء بلاده في الاتحاد الأوربي، وعزا تصويت البريطانيين للخروج من الاتحاد الأوربي إلى سبيين حددهما في اعتقادهم أن الاتحاد يخصم من السيادة البريطانية باعتبار أن القرارات تتخذ في بروكسل، بجانب هجرة الأوربيين الشرعية إلى بريطانيا.

الجريدة


تعليقات 12 | إهداء 0 | زيارات 7014

التعليقات
#1482484 [تبوجلمبو]
0.00/5 (0 صوت)

06-30-2016 08:38 AM
اكيد السفير البريطاني لما السواسيو كلهم زرق وحمر وصفر وحيدخلهم القفص والا تاني مافي حبوب حتترمي للسواسيو


#1482457 [التلب]
0.00/5 (0 صوت)

06-30-2016 06:22 AM
( المعارضه حتوقع بعد شويه ) هل قالها هكذا ؟؟ ام ظروف الترجمه وكده ؟؟ ﻷن شويه ديه ربما إنقضى اجلها ولم يتم التوقيع حتى اﻻن .. !! فهل تخلى اﻹنجليز عن دقتهم وضبط كلامهم ومواعيدهم ام اصابتهم لعنة وجودهم فى السودان وربما ﻷكثر من اربعين يوما ام نقل كلامه (بصورة غير دقيقه ) ام هى جزء من محننا التى ﻻتنقضى .. !!


ردود على التلب
[مصباح] 06-30-2016 10:17 AM
في القريب العاجل يعني


#1482356 [مصباح]
5.00/5 (2 صوت)

06-30-2016 12:54 AM
ياجماعة إنتو بتلوموا في الراجل ليه! ونازلين فيهو شتيمة! الراجل ليهو حق وعارف البير وغطاها بالضبط على مايبدو.
مش المعارضة قايدنها أشباح كل همهم وانجازاتهم كلها أسفار وتصريحات ومفاوضات ومؤتمرات !؟
ومش معاهم " الكبير " فرتاق الصفوف وممزق الإجماع دائماً وخرّاب العامرة ؟
مش قادة المعارضة صرحوا أكتر من مرة إنهم تعرضو وبيتعرضوا لضغوط خارجية !!؟
طيب اللاعبين الدوليين هم منو !؟
أمبيكي وهو راس حربة للنظام ، واضح جداً
الباقي الدول الغربية وبالأخص امريكا وبريطانيا.
يبقى إذاً السفير جايي من حتة عارف إنه فيها دخان .


#1482327 [السودان الوطن الواحد]
5.00/5 (1 صوت)

06-29-2016 11:45 PM
فلتوقع على خارطة الطريق من قبل المعارضة بعد شوية ولا بعد كتير المهم فى الأمر توافق كل أطراف المعارضة على هذا التوقيع حتى لا نرجع للمربع الأول بعد شوية


#1482310 [متابع]
4.50/5 (2 صوت)

06-29-2016 10:45 PM
يا سيد السفير بلاش كذب ونفاق, اليريطانيين ندمانين وسافين التراب على تصويتهم للخروج واذا أدوهم فرصة تانية حيصوتوا للبقاء مع أوربا بأغلبية ساحقة, التصويت للخروج يقف وراءه العنصريين دون أي نظرة بعيدة أو خطة لكيف تستطيع بريطانيا أن تنجو بنفسها اقتصاديا دون المزايا التي كانت تجدها من الاتحاد الاوربى.


#1482295 [مصباح]
5.00/5 (1 صوت)

06-29-2016 09:47 PM
مافي شئ بعيد، الغريب شنو !؟

مش قادة المعارضة مسترخين ومستمتعين بالأسفار الكتيرة حول العواصم وشغلهم ,انجازاتهم كلها مؤتمرات ومفاوضات وتصريحات!؟
ومش قايدهم الصادق المهدي!؟
معقول في خير الناس تنتظرو من وراهم !!؟


ردود على مصباح
United States [Abu] 06-30-2016 02:00 PM
Well said..... Thanks


#1482249 [سوداني]
2.00/5 (1 صوت)

06-29-2016 07:00 PM
هل السودان تحت الوصاية البريطانية والله الحكاية شنو ياناس اذا كانت بريطانيا ما زالت تستعمر السودان فهمونا وشكرا


ردود على سوداني
European Union [سودانى] 06-30-2016 04:23 PM
ياخى ياريت يكونوا مستعمرين البلد لسه هو انت قايل كان قلنا ليهم تعالوا استعمرونا تانى برضوااليوم الطلعوا بدا التدمير الوطنى ومازال مستمر وياريت نملك شجاعة الاعتراف بالفشل التام فى حكم البلد عسكريين او مدنيين.


#1482198 [مصطفى دنبلاب]
4.00/5 (1 صوت)

06-29-2016 04:16 PM
يتحدث وكأنه رئيس الجمهورية السودانية البريطانية المهدية الختمية القادرية الشاذلية.


ردود على مصطفى دنبلاب
European Union [حلايب سودانية] 06-29-2016 10:00 PM
مصطفي دنبلاب. ديل العملهم منو؟؟
مش بريطانيا؟؟
الميرغني وين؟
ورئيس الجمهورية لو لي طريقة كان جاء. قعد جنبو وساب الجمل بما حمل وارتاح


#1482192 [julgam]
0.00/5 (0 صوت)

06-29-2016 04:05 PM
ممكن توقع اذا نجحت بخرات ومحاية وعروق سيدى ابو ام سلمه..


#1482191 [عبوده السر]
0.00/5 (0 صوت)

06-29-2016 04:01 PM
مايكل ارون
ياسفير بريطانبا في الخرطوم
اسمح لي ان اقول لك أنك حمار تماما
مثل رئيس حكومتك المستقيل ديفيد كاميرون
الذى سعي لخروج بريطانيا من الاتحاد الاوروبي
ثم انقلب 360 درجه وراح يحث الناس علي التصويت
بلا للخروج من الاتحاد الاوروبي بعدما اكتشف غباوة
سلوكه.

ياريت ياسفير بريطانيا تهتم بشؤون بلادك وتترك لنا
شؤوننا نديرها بمعرفتنا .


ردود على عبوده السر
European Union [Observer] 06-30-2016 03:31 PM
يا أخ حلايب سودانية انت بتتكلم كيف والاسترلينى ضرب الدلجة وبريطانيا العظمى في طريقها للتشرزم باحتمال انفصال أيرلندا الشمالية واسكوتلندا وفقد بترول بحر الشمال ومين قال ليك معارضين النظام ربائب لبريطانيا وبريطانيا معروف عن سياستها الخارجية عدم التدخل في شؤون الآخرين عكس أمريكا وفرنسا وبكل تأكيد سفير بريطانيا هذا لن يربط أو يحل في الشأن السودانى وكل حديثه مجرد نوايا طيبة ومجاملات, الانجليز الآن مشغولين في الورطة التي وجدوا أنفسهم فيها من عدم استقرار سياسى والابحار نحو المجهول, فخليك واقعى شوية في تعليقك.

European Union [حلايب سودانية] 06-29-2016 09:46 PM
اللهم أني صايم. ومع احترامي ليك يا عبودة السر. انت احمر ،،،
لما سفير زي سفير بريطانيا وهي التي وضعت كل السيناريو الحاصل في العالم. ناهيك عن افريقيا يتكلم عن شيء. وخاصة فيما يخص المعارضة والحركات جميعها يجب ان تصدق وتسمع له لانه ببساطة الذين يتحدث عنهم السفير بالتوقيع هم ربائب بريطانيا وكل وجودهم وحركتهم في بريطانيا وكل اعتمادهم علي الدعم في ومن بريطانيا ،،،نحن متواجدين في بريطانيا ونقول الذي يقوله السفير ،،نعم سيوقعون ومراعهم فوق رقبتهم ،،، وخروج بريطانيا منوالاتحاد الأوربي فيه قوة وليس ضعف كما يعتقد الجهلاء،،،فدولة تدفع مليار واربعمائة جنيه إسترليني شهريا للاتحاد بالاضافة الي عشرة في المائة من الدعم المالي للدول المنهارة. وعشرة في المائة من قروض البنك الدولي فلا أظن انها بالخروج تضعف إنما مركزها في عالم التبادل التجاري والتجارة سيقوي لان بريطانيا دولة مستهلكة واكبر مستورد وسوق عمل ناجح ومفتوح للأوربيين علي حساب البريطانيين ،،،وكونها الدولة الوحيدة في الاتحاد تدعم وتدفع لمواطني الاتحاد الأوربي دعم مالي واجتماعي وإسكان وعلاج ومجانية التعليم. والذي لا يوجد في دول الاتحاد فكل مواطن من الاتحاد الأوربي يأتي إلينا في بريطانيا ينال كل الحقوق ولا ينال اي شيء اي مواطن بريطاني اذا ما اختار الاستقرار في دول الاتحاد فجرَّبنا ذلك وقيل لنا مسموح لكم بالبقاء ثلاثة أشهر بدون دعم وعليكم عمل تأمين صحي والبحث عن عمل ولا مجانية سكن كما في بلادكم بريطانياولم يتم دعمناكطلبة كما يدعم الطلاب الأوربيين في بريطانيا
فلك يا اخي عبودة السر ان تفكر لماذا اختار كاميرون ان يتحول 360 درجة كما قلت بدا يحث الناس علي الخروج. وهو اول الداعمين الي البقاء؟
اذا احبت هذا السؤال ستعلم ان ماتكتبه في تعليقك جانبك الثواب فيه


#1482188 [الوحدة]
0.00/5 (0 صوت)

06-29-2016 03:56 PM
انت يا سفير بريطانيا رئيس المعارضة حتي تؤكد انها بتوقع بعد شوية اذا كان لديك ما تقوله فافصح و وضح من الذي سيوقع و هل اتفق معكم علي انه سيوقع و الا تكون كاذب وهدفك ارسال رسالة سالبة للشعب عن المعارضة و كانك تلعب دور مرسوم لك من المؤتمر الوطني
نحنا عارفنكم احرص علي بقاء النظم الدكتاتورية في العالم الثالث لانها تخدم مصالحكم


ردود على الوحدة
[مصباح] 06-30-2016 12:45 AM
ليهو حق

European Union [حلايب سودانية] 06-29-2016 09:57 PM
سفير متاكد من القالو يا الوحدة اخوي،،،
ديل الصنعو المعارضة ومن ياويها ويدعمها،،، وكل الجماعة بي الميرغني وعيالوا قاعدين وين؟؟ في بريطانيا تبعا؟
كل الحركات المسلحة بما فيها الجبهة الثورية والحركة الشعبية. والخ ،،، متجدعين وين؟؟. في بريطانيا. طبعا
ناس العدل والمساواة من جِبْرِيل لاحمد حسن لي محجوب حسين والطاهر آدم الفكي ريس المجلس التشريعي و80 في المائة من يمسك بخيوط العدل والمساواة. متواجدين في بريطانيا ويحملون جوازات سفرها،،،وناس الحركة الشعبية مكتبهم الرئيسي في بريطانيا ،،،
مؤتمر لندن الكسروا لينا بي راسنا قبل فترة. من اقامه سودانيين بريطانيين في لندن ،،،وفاروق ابوعيسي. عندما كون الجبهة الوطنية العريضة في لندن. وهي مقره الدايم ،،فاطمة احمد ابراهيم جات من وين ،،، الاتحاديين. نصهم وين ؟؟ يوسف منصور العجب. بريطاني الجنسية. مضوي الترابي بريطاني الجنسية المحبوب عبدالسلام بريطاني الجنسية والأسماء كثيرة وكلها صنعت في بريطانيا ،،،،فماذا تبقي ؟.
الشعب قديما كان بريطانيا بالاستعمار
وقضايا السودان منذ الاستقلال بريطانية الصنع
فبريطانيا فعلا تمسك المعارضة من أيدها المتوجعها
فالمعارضة صناعية بريطانية
وقع ليك ليهرالسفير بقول كدة؟؟
وخلي يطّلع واحد من المعارضة يقولي ما بنوقع ويكتب أسمو واضح في فأيمة شرف. العظماء المعارضين


#1482071 [فاروق بشير]
5.00/5 (2 صوت)

06-29-2016 12:34 PM
وهل يخصم من السيادة البريطانية وحدها؟, ثم وهل يخصم منها بدون مقابل.؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة