الأخبار
أخبار السودان
الدولار يحطم أسعاره السابقة والريال السعودي يصل الى 4000 جنيه
الدولار يحطم أسعاره السابقة والريال السعودي يصل الى 4000 جنيه
الدولار يحطم أسعاره السابقة والريال السعودي يصل الى 4000 جنيه


07-27-2016 01:01 AM
واصلت أسعار العملة الأجنبية في الارتفاع المذهل أمام الجنيه السوداني وفي جولة للراكوبة مساء الثلاثاء قال أحد تجار العملة أن الارتفاع مستمر على مدار الساعة بالنسبة الى اليوم وقال إنهم يبيعون الدولار بسعر يتراوح بين 14900 و15000 جنيه ويبيعون الريال السعودي بسعر يتراوح بين 3900 و4000 جنيه






تعليقات 37 | إهداء 0 | زيارات 50642

التعليقات
#1494397 [مدحت عروة]
0.00/5 (0 صوت)

07-27-2016 11:19 PM
البيصلح الاقتصاد و يخلى الجنيه قوى امام الدولار هو الرجوع لقصة الاعدامات للمتاجرين فى العملة واقصد المتاجرين بالدولار من المعارضين و ليس الاسلامويين او الانقاذيين لان هؤلاء بيتاجروا بالدولار لاجل الدين وشرع الله وبعدين الاقتصاد ما بيتصلح بالاستقرار السياسى بالتراضى بين السودانيين ووقف الحرب والاهتمام بالريف والانتاج والتصدير والتعليم والصحة الخ الخ الاقتصاد زى ما قالوا ناس الانقاذ اول ما جو لازم يكون فى حزم وقسوة مع تجار العملة خاصة الما اسلامويين!!!
كسرة:هسع ما شايفين امريكا وبريطانيا والمانيا وهلم جرا ودول الخليج شغالين اعدامات فى تجار العملة؟؟ما عشان كده اقتصادهم قوى!!!!!!
الله يرحم مجدى محجوب وجرجس واركانجلو.
كسرة اخيرة:ما انفع اكون خبير اقتصادى كبير فى حكومة الكيزان او الانقاذ او المؤتمر الواطى آسف الوطنى؟؟؟؟؟


#1494305 [عبدالقادر ابراهيم احمد]
0.00/5 (0 صوت)

07-27-2016 06:10 PM
انها مصيبة تجر وراءها كثيرا من المصائب فالذي في جيبه مائة جنيه الآن ستصبح قيمتها صباح الغد اقل كثيرا من قيمتها الحاليه


ردود على عبدالقادر ابراهيم احمد
[جركان فاضى] 07-27-2016 08:05 PM
هههههههها هو المواطن زاتو عندو قيمة عشان تخاف على قيمة الجنيه


#1494269 [حموري]
5.00/5 (2 صوت)

07-27-2016 04:49 PM
في الثلاثة اعوام الاخيرة صار معظم التعامل التجاري في بيع و شراء الاراضي و العقارات و السيارات الفخمة يتم بالدولار مباشرا --- كثير من الناس و منذ فترة حولوا مدخراتهم الي الدولار و احتفظوا بها في منازلهم او تم تهريبها خارج البلاد و دخولها مصارف الدول المحترمة --- معظم االاسلاميين اموالهم ( المنهوبة من الشعب السوداني ) توجد في مليزيا و اندونيسيا و الامارات و تركيا في استثمارات ضخمة --- و يطلبوا من الآخرين الاستثمار في السودان ---
عشان كدا ما في زول جاهم يستثمر عندهم في السودان --
التوقعات وصول الدولار الي 20 الف جنيه قبل نهاية العام الجاري 2016 --
بلغوا تحياتي للعميد / صلاح كرار ----


#1494243 [Naseh]
2.50/5 (2 صوت)

07-27-2016 03:53 PM
أخر طرفة من بني كوز واحد كوز خبير إقتصادي قال ليهم أنا عندي فكرة بنت كلب قالوا له أيش فكرتك يا الخبير. قال ليهم نحن سوينا أي شيء من أجل التمكين من حرام و حلال و الوضع من سيئ إلى أسوأ أيش رايكم نشتغل تزوير عملات دولار يورو استرليني على مستوى الدولة منها نكبح ارتفاع الدولار و نضرب الإقتصاد العالمي
الجماعة كبروا و هللوا و قالوا هذة فكرة لا تأتي إلا من كوز لأن الكيزان عباقرة


#1494214 [واحد ما فاهم حاجة]
0.00/5 (0 صوت)

07-27-2016 03:02 PM
منو البرفع الرفع داه....فهمونا....منو برفع منو!!!!؟؟؟؟؟ جزاكم الله خير.....


#1494213 [KOZE KADDAB]
5.00/5 (1 صوت)

07-27-2016 02:57 PM
ارتفاع الدولار لن يحدث اي تغيير سياسي فروبرت موقابى سيحكم زمبابوي حتى يموت.
الاقتصاد السوداني يعتمد على المغتربين وبعد انهيار الجنيه السوداني سيتعامل الناس بالدولار، وبما ان الكيزان هم المتحكمين في التجارة فسوف تزيد كل اسعار السلع بالنسبة للدولار. المغترب الذى يرسل مبلغ الف دولار لعائلته سيضطر لارسال مبلغ الفين دولار لمقابلة نفس الالتزامات تجاه عائلته. الزيادة التي أُخذت من المغترب هي دخل لحكومة الكيزان.
الخاسر هو المغترب وعمر بشير سيسافر لحضور اي مؤتمر قمة واليسع
حيبقى يسعين وعشرة غسان.


#1494202 [حجا السوداني]
1.00/5 (1 صوت)

07-27-2016 02:29 PM
عشان ينتعش الجنيه لابد من محاربت المفسدين والمفسدين معروفين يعني هم ناس الحكومة لأن تجار العملة هم اساس تدهور الاقتصاد لأن هنالك اكثر من عشرة مليون مغترب بما فيهم افراد السفارات يحولون فلوسهم عن طريق هؤلاء التجار لأنه من المنطق مافي شخص عاقل بحول فلوسو بالبنك في ظل الفرق الكبير بين هذا وذاك بحيث الف دولار في السوق الاسود يعادل 14 مليون وفي البنك 7 مليون وكذلك الريال الف مقابل مليون وسبعمائة في البنك وعند التجار 3مليون وثمانمائة يعني فرق الليل لي النهار والمصيبة معظم تجار العملة في داخل هم مسؤلين كبار .....1
ولكن الشيء الحير بأن هذه الحكومة حينما استلمت السلطة قامة بإعدامات لبعض تجار العملة وكذلك الزج ببعضهم في السجون وأما الأن سكم بكم لاتستطيع ان تفعلاً شيئاً رقم ان الدولار تجاوز حد المنطق ياخوفي وزير المالية زاتو يكون من تجار العملة والمضاربات


#1494186 [Salah ALDeen P]
0.00/5 (0 صوت)

07-27-2016 01:55 PM
البلد دايرة اجراءات تقشفية عاجلة أهمها بسط السلام وبسط الحريات وبعدين القوات المسلحة عددها كبير لازم تقليل الجيش وإلغاء ما يسمى قوات الدعم السريع أو الجنجويد وعدم استيراد اسلحة (لي شنو اصلا يستوردوا) والدستوريين (عددهم لازم يكون النصف أو الربع) والوزراء ومساعدي الحلل (اي واحد واقع في حلة تطلع من الحلة وتديهوا حقوقو ويتخارج) بعد الاجراءات الإدارية دي لازم الاهتمام بالتعليم والانتاج


#1494175 [فضلاً...دعوني أحلم]
5.00/5 (2 صوت)

07-27-2016 01:29 PM
يعني بعض المغتربين الآن يصبحون مليارديرات في السودان لو حولوا ما عندهم ( للجنية - من الجن ) أقصد للجنيه السوداني , طيب حاليا أملك 150,000 ريال سعودي لو حولت في حساب 4000 فقط يكون الناتج 600,000,000 , يا سلااااااااام الواحد ينزل السودان كده ويعمل ليهو مزرعة في الجريف ولا الكلاكلة ولا جبل أولياء ولا في الكدرو ولا ولا ولا , ويجلس علي كرسي متحرك يطوطح رجليه في رومانسية وجنبه طاولة فيها شاي أحمر ولبن وجك عصير لا والله ما عايز عصير... وحات الله ما عايز عصير علشان عندي السكري , والسيارة الجديدة حديدها واقفه لامع زجاجها مع شمس العصرية كده, والأطفال يجرون هنا وهناك ويلعبون بالطين ........ الخ.
الله يلعن إبليس ... لا والله بالجد مش فرحان زعلان جدا كيف أفرح لنفسي وغيري في السودان لا يملك شيئا, وإن كان وقع ارتفاع الدولار والريال جميل لدينا نحن المغتربون فهو سيء جدا لأهلنا بالسودان , نسال الله أن يدمر البشير ونظامه ومن يواليه ويسانده ويؤيده. نسأل الله أن يعود لسودان العافية خاليا من بني كوز وغيرهم.


ردود على فضلاً...دعوني أحلم
[جركان فاضى] 07-27-2016 06:17 PM
هههههههها يا أخى 600 مليون قروش تخليك تحلم.؟..كدى قول عندك طالبين فى الجامعة يدرسوا بالقروش...طلع ميزانيتهم وبعدين تعال احلم

European Union [القبيلة] 07-27-2016 04:20 PM
يا ابني 600 مليون دي ما تسقيك موية ..إمش جرب .. هي مجرد رقم مهول لكن بلا قيمة ..

[alwatani] 07-27-2016 03:43 PM
اسأل مجرب . انا لدى ارض ملك حر على بعد 17 ك من السوق العربى وعلى النيل الابيض سنويا بيصرف اربع مبلغك الزكرته والعايد خسارة كبيرة والله حتى عربتى تهلهلت ابوسبعيت السبابة يرموه فى الوطا والبصل تكلفة الانتاج عاليه والبامية والاسود والعجور من المزارع رخيصة جدا عشان كدا نصية سودانى بالداخل دعها بالبنوك السعودية وهتذيد بزبادة الريال بالسودان

وانا منتظر لوسقط ترامبت سوف اهاجر امريكا لان الزراعه حلمها جمبل وعايدها قليل بس فى السودان تجد ترتر المحلية كبير ونرتر الحرت صغير والفدان بسئ الفلانى


#1494168 [لحظة لو سمحت]
0.00/5 (0 صوت)

07-27-2016 01:20 PM
علقت قبل ايم على تصريح احد المشرطين من هبل المتأسلمة بخصوص اللقاء التحضيري و قلت أنى أرجأت تحويل مبلغ للسودان حتى يصل 1600 لكن ان شاء الله كمان يومين نحصل سعر أحسن
جنيهنا بقى ذى الالكترونيات كل يوم فى تتطور
بس يا شباب العكاز من الكلب و كلاب البلد زادت كلاب


#1494132 [هميم]
3.75/5 (5 صوت)

07-27-2016 12:29 PM
وسيستمر البشير الفاشل في الرقص والضحك! قلبو ميت - الله يموتوا هو ذاتو ويريح البلاد والعباد من شره ومن شر جماعتو!


#1494067 [المغبون]
3.25/5 (3 صوت)

07-27-2016 10:47 AM
يا جماعة الحكاية دى الى اين البلد ما خلاص انتهت والمواطن خلاص حا تغلبو العيشة مع هذا الطوفان الحاصل للعملة وارتفاع الاسعار اليس فى البلد رجل رشيد ينقذها من هذا الهلاك المحدق .


#1494066 [المتابع الاممي]
4.00/5 (3 صوت)

07-27-2016 10:47 AM
يا أخونا ياسر والله قد فازوا هؤلاء البشر في نهاية المطاف كنا نمني النفس بإقرار مبدأ المحاسبة اين راحت كل هذه الأرواح التي زهقت !! والأموال التي نهبت !!والظلمات التي وقعت علي الناس !! والتعذيب الذي ازل كثير من الناس والمناضلين !!
صدقني من غير مبدأ المحاسبة القاسية والعقوبات الرادعة سوف يكررون هذه الممارسات طال الزمن أو قصر ...
هذا الخروج الآمن بعينه !!!!!!!
اتمني أن تعيدوا النظر في ما توصلتوا إليه !!
كم أنا حزين !!!!!!!!!!


#1494051 [جون سينا]
3.50/5 (4 صوت)

07-27-2016 10:27 AM
الله يعينك ياوطني العزيز الغالي والله شي محزن ومؤسف يارب فرجك على السودان واهل السودان ماليهم احد غيرك ياالله


#1494025 [الاستاذ- كمونية - محلل سياسي]
4.00/5 (3 صوت)

07-27-2016 09:57 AM
يروى فى الاثر :

ان حزيفة بن اليمان ، امين سر المصطفى قد سال النبى صلى الله عليه وسلم : عن
متى الساعة ؟ فأطرق رأسه وبكى حتى بل لحيته وقال له يا حذيفة أخبرتني عن أمر عظيم اقتراب الساعة حين يصير الملك كالأسد والقاضي كالذئب والوالي كالثعبان والفقير كالشاة الضعيفة يا ويلها من شاة ضعيفة ما بين سبع وذئب !!.


#1494011 [المشتهى السخينه]
4.00/5 (5 صوت)

07-27-2016 09:41 AM
دخلنا مرحلة دولة زمبابوى . والصورة الفى الخبر الزول ده ماشى يشترى طبق بيض . واخر خبر اصبحت عملة زمبابوى غير مقبوله ويتم التعامل بعملات جنوب افريقيا وكينيا .
وصلنا الميس وتمت سرقة ما كان يعرف سابقا ب جمهورية السودان . سرقوها ناس الجبهة الاسلاميه بعد ما غشوا الناس وقالوا ليهم نحن جينا عشان ندخلكم الجنه وربط قيم السماء بالارض والله اكبر .
عملة امير المؤمنين راعى الدولة الاسلاميه بتطبع بالطن بدون حساب للعواقب والاغرب ان ورق الطباعة والاحبار بالدين وما بيدفعوا حقها للموردين وتراكمت عليهم الديون .وحتى بنك السودان لديه سماسره فى السوق العربى بيشتروا الدولار للحكومه عشان تقدر تشترى السلاح والذخائر لمواصلة الجهاد ضد شعبها .
وغرقت الاسواق بالعمله الفشنك . ونحن بقينا ناكل السخينه من عيد لعيد .


ردود على المشتهى السخينه
[هدهد] 07-27-2016 02:27 PM
ههههها صدقت لجماعة يطبعوا العملة بالمليارات ويشتروا بيها الذهب من المواطنين باسعار بخسة ويبيعوهو باسعار مبالغ فيها عشان كدا اق4قتصاد مبني على السسرقة والنهب لون تقوم له قائمة . خلاص كل شيء انتهى مافي منتجات زراعة تدمرت مصانع تدمرت سكة حديد تدمرت كل شيىء تدمر وتم بيعه خلاص ماشين على النهاية وعلى شفا حفرة من القاع . بني كوز سرقوا ونهبوا وباعوا البلد وحولوا العملة للخارج وتركوا المواطن بائس جائع فقير معدم
وللسع الرقاص يرقص وينهب واخوانه وجماعة حزبه لم يتركوا شيىء قضوا على الاخضر واليابس نصف البلد الان مبيوع .


#1493982 [سودانى]
3.69/5 (5 صوت)

07-27-2016 09:13 AM
اللهم فرج كربنا
هذا من جشع التجار الذين لا يخفون الله علي المواطن والسبب الرئيسى هو قدوم وقت حجاج بيت الله الحرام وهذا يعتبر موسم لذوى القلوب الضعيفه ومستغلى الحوجه من ضعاف النفوس وللاسف ليس لدينا ضبط ولا رقابه من حكومتنا التى كل من فيها يصب تفكيره فى مصلحة نفسه الشخصيه وليست الشعب او اى قطاع كان .
حسبي الله ونعم الوكيل فيكم اللهم أرنا فيهم عجائب قدرتك


#1493977 [الناهه]
4.32/5 (6 صوت)

07-27-2016 09:08 AM
ليس هنالك اي مؤشر يشير الى كبح جماح العملة الاجنبيه
حكومة المؤتمر الوطني تشغل الشعب بحصاد مياه الامطار وزيادة اسعار السلع الضروريه وغيرها وتلهيهم بحوار الوثبه واخيرا برز من ينفي وجود الفساد ويستميت في الدفاع عنه ويتحدثون عن الاستثمار الوهمي الذي لا ينعكس واقعا ملموسا
لن يجني الشعب غير اللماضه
ان لم تهزمهم المعارضه
وان لم يهزمهم الشعب
فان الله سلط عليهم الاقتصاد ليضع حدا اخيرا لهم


#1493958 [عبدالواحد المستغرب اشد الإستغراب!!]
4.25/5 (4 صوت)

07-27-2016 08:43 AM
نصيحتى للمغتربين ابقو بالحيل عشره على دولاراتكم وريالاتكم ودراهمكم لانها قبل عيد الأضحى المبارك الدولار سعره سيصل على الأقل عشرين برطوش وقيسوا على ذلك بقية العملات،البنك المركزى بداء بتجفيف (البرطوش من فئة الجنيه)وأقل فئة ستكون فئة(الخمس براطيش)لحين إشعار آخر!! بلد لا يعترف فيه (المتسول) بالجنيه ويرده بإلقائه في وجهك بحجة أن الجنيه ما بجيب (سفة صعود)!! وعلامات إلارتفاع المتوقع بل المحتم يتمثل في الارتفاعات الجنونيه في كافة الأسعار التى تسبق ارتفاع قيمة العملات !!ومن اهم العلامات أيضا عندما يكثر عدد النصابين الذين يحيطون بمنطقة أبو جنزير والبنوك يطقطقون اصابعهم وينادون (دورار..ريال)هكذا ينطقون الدولار فأعلم إنهم استشفوا أن سمة زياده في أسعار العملات وهم عادة ما يستقلون جهل الزبون القادم لتوه من الخارج ولا يعلم شيئا عن ما طراء على العمله من زياده !! والحذر كل الحذر من محاولة إستبدال مبالغ كبيره فبعضهم يحتال ويطلب منك الانتظار في مكانك لحين إحضار المقابل ثم يختفى والاضمن اللجوء للمكاتب التي تقوم بالاستلام في الخارج وتسليمك المقابل في السودان او على الأقل يجب تحرى الدقه في الشخص الذى تقصده وتجنبوا أصحاب الذقون من فئة الكيزان فهؤلاء هم شر البريه الذين جاء زكرهم في القرآن الكريم!!.


#1493954 [saifteka]
4.99/5 (11 صوت)

07-27-2016 08:38 AM
بلد فيها 80 % قوات نظامية .. 5% سياسيين .. 5% معاشيين .. 5% ستات شاي و 5% سماسرة وحرامية ... بس وروني وين الانتاج مادام وزير الاستثمار بفكر بعقلية انه
في مستثمر عاوز يعمل مطعم سياحي ..


#1493933 [المهندس سلمان إسماعيل بخيت على]
4.72/5 (9 صوت)

07-27-2016 08:12 AM
من يوالون نظام الإنقاذ يوالونه من أجل المال لا لأجل فكر وإرتباط سياسي
الأنقاذ جمعت حولها كل هذه الولاءات بالمال فلا فكر يربط بين عبود جابر والحسن الميرغنى وبقية أعضاء احزاب الفكه وجماعة المؤتمر الوطنى وحميدتى وموسي هلال ووووو
كلهم مؤيدون من اجل حفنة دولارات ونظام البشير يعلم جيدا ان المال لو توقف توقفت كل تلك الولاءات الكرتونية وخلونا نقول الولاءات الدولاية
الدولة تستورد حاوية ورق طباعة عملة من ماليزيا أو اندونيسيا
الحاوية تدخل مصنع طباعة العملة بالمنطقة الصناعية الجديدة بشارع الغابة جوار ابرسي تطلع حاوية عملة ورقية من الفئة الكبيرة بالمليارات
تجى القصر وتوزع بالكراتين
كل شيخ مجموعه يجى يشيل خظه فى الكراتين وينزل السوق يجمع الدولارات لانهم ناس سفر من اجل مصلحة الشعب السودانى وهذه الحاويات متى مادخلت السوق زاد الطلب على الدولار والريال السعودى ومن يريد حظه فى هذه الكراتين عليه ان ينضم لهذه العصابة
البلد تجاوزت مرحلة النظام الفاشل منذ سنوات وماحدث لايمكن اصلاحه ومايثال عن مؤتمر لمعالجة مشكلات الصناعة والزراعة وغيرها تتفاقم يوما بعد يوم جراء حاويات العملة حيث لم تفلح حاويات المخدرات فى معالجة الازمة
الحل بيد الشعب
اما ان يخرج ويسقط هذا النظام حتى لو كان الثمن قتل نصف الشعب ليعيش النصف الأخر فى وضع أفضل
أو أن يخرج كل الشعب ويقول للبشير كلنا من خلفك ونؤيدك بدون مقابل مادى فأصرف هذه الجماعة المرتزقة المنتفعة من حولك ونحن سند ودعم لكم من أجل السودان بس انت كن صادق وامين معنا واتركوا كل شىء يسىء للسودان
عندها تتوقف حاويات الورق اقصد حاويات ورق العملة
ويعود الجنيه للتعافى امام الدولار ونتحول للانتاج والتصدير حتى تفوق صادراتنا وارداتنا ويكون ميزان المدفوعات لصالح الوطن
حتى يحدث ذلك
واعنى اسقاط هذا النظام
او ولاء كل هذا الشعب لهذا النظام ( شريطة ان يتحول البشير من مؤتمر وطنى ) الى رئيس لكل السودانيين
حتى يحدث ذلك
يقول لكم السودان
أنى أغرق أغرق أغرق
أنى أتنفس تحت الماء
المركب يغرق لكن فى ناس زى عمكم سلمان واخرون قفذوا من هذا المركب الذى يغررق للساخل الشرقى من البحر الأحمر واغتربوا بدول الخليح وكلما تدهور الجنيه السودانى مقابل الريال زادت غلتهم
وهذا هو الحل الثالث
ان يغترب كل الشعب ( 37 مليون نسمة ) فى جميع دول العالم
المشكلة ان هذه الجماعة التى تتسلم حصتها من المال بالكراتين تحسب انها عملة حقيقية وسعداء بما هم فيه ويرون ان وجود المال فى ايديهم بالكراتين احدى نجاحات حكمهم وهم لايدرون انها خيابات حكم تطيح بهم قريبا لمزبلة التاريخ بعد أن يتجاوز الوطن ( مرحلة الدولة الفاشلة ) ولك الله ياسودان
ومازال الفنان يغنى ( سوداننا فوق فوق ) والسودان يقول للفنان ( أنى أغرق أغرق أنى أتنفس تحت الماء ) مع الأعتذار للفنان عبد الحليم حافظ والشاعر نزار قبانى أن لم تخنى الذاكرة


#1493919 [الجبلابي]
4.88/5 (6 صوت)

07-27-2016 07:59 AM
ربنا إبتلانا برئيس ملعون والدين ... عاقر ... فاسد ... مجرم حرب ... خائن ...


ردود على الجبلابي
[المهندس سلمان إسماعيل بخيت على] 07-27-2016 12:07 PM
أخى [الجبلابي] هذا لا يجوز
تحسد عن الفساد وجرائم الحرب من فعل البشر ومن حقنا أن نعترض عليه ، أما تلك فلا فهى من الله ولا أعتراض على حكم الله { يهب لمن يشاء إناثاً} { ويهب لمن يشاء الذكور} { أو يزوجهم ذكراناً وإناثاً} { ويجعل من يشاء عقيماً}
الأخوة فى إدارة الراكوبة
تحية طيبة وبعد
لحبنا الشديد فى الراكوبة أمل ألا نطلع على عبارات تتعارض مع شرع الله
الحديث عن الفساد والإجرام متى ماتوفرت الأدلة والبينات لا بأس به
أما أن يسب المرء أخاه ويقول له ياعاقر فلا يجوز
كنت اعرف رجلا قالها لزميله وبينما هو فى طريقه من الرياض لمكة المكرمة لأداء العمرة انقلبت سيارته ومات ابنائه الأربعة وبقى هو وزوجته ومازال نادما على تلك المقوله
ألا تخاف العقاب أخى [الجبلابي]
أكثر من الإستغفار ولا تدع تصرفات هذه الحكام السيئة أن تكبك كبا على وجهك فى النار
معقول يحرقونا بنار الدنيا والغلاء ثم نسبهم وندخل الناس
ليس هذا فقط بل حين نسبهم بهذه الطريقة نأخذ من ذنوبهم ونخفف عليهم
لم تشفق عليهم وتجنى على نفسك بالعذاب
استغفر يارجل


#1493917 [Aamir]
4.29/5 (6 صوت)

07-27-2016 07:58 AM
دا انتقام عديييييل كدا من السودان واهله، لماذا ولمصلحة من، الله اعلم


#1493916 [فقعتو مرارتنا]
3.82/5 (5 صوت)

07-27-2016 07:57 AM
حسبناالله ونعم الوكيل لا إله إلا انت سبحانك اني كنت من الظالمين


#1493910 [الأرباب]
4.25/5 (5 صوت)

07-27-2016 07:49 AM
للمره الأولي منذ قيام الإنقاذ ومع بدايه هذا الصيف بدأت إجراءات الهجره وترتيب اقامات في كندا الولايات المتحدة لكثير من رجال الاعمال الذين اغتنوا بشراكات مع الصف الاول من رجال الموتمر الوطني عن طريق ايداع او استثمار ما لا يقل عن مليون دولار بعد دفع مبالغ طائله للمحامين للحصول علي القرين كارد!!
لماذا كندا وأمريكا ؟!
ولان أمريكا لها قضاء نزيه لا يمكن التحفظ علي أموال دون ادله دامغه وعلي الادعاء الاثبات ...وليس المتهم !!
والإثبات صعب (ذي ما قال البشير العنده إثبات أجيبوا لينا) لذالك هم قادمون الي دوله القانون!
لأنهم في الخليج معروفون للسلطات ولا يشعرون بالامان في اموالهم
لقد ظل هؤلاء المتمكنين يقاومون هذا التوجه الي الغرب خوفا علي ارتباطاتهم مع المسؤولين وبالتالي مصالحهم واموالهم في السودان !
ولكن بعد انهيار الاقتصاد السوداني فر القراد بعد ان لم يتبقي دما يمتص
وهذا من اهم أسباب ارتفاع أسعار العمله الصعبه خلال العام الفائت والي الان

كان الله في عون السودان والذين لا يستطيعون الهروب !


#1493896 [واحد قرفان جدا]
3.00/5 (4 صوت)

07-27-2016 07:40 AM
قبيح ... اقصد الصورة الفوق ... تطمم البطن ... اسحبوها يا ناس الراكوبة رحمة بنا


#1493875 [سامي سيد محمد احمد]
2.75/5 (3 صوت)

07-27-2016 07:09 AM
ياجماعة صلاح كرار حي يرزق قتل ابن عمي وماشي ساكت كده استعينو بيه أمكن عند حل للدولار ده اوعك تقول ماكنت او اتسببت في قتل ولو كان عندك مثقال زمرة من الانسانية او الحياة كان اشرف لك ان تتقدم باستقالتك بدل ما تقول استنطقوا جلال علي لطفي وكمان تقول تتحمل اخطاء ثورة الإنقاذ هل ده عزه بالاسم بدل ما تقول انا أسف وندمان واستغفر الله علي كل شي قمت به عمدا او سهوا فعلا وقولا أهو رموك زي ما رميت الناس زمان ايم سكرة السلطة حتي منعوك من مقابلة البشير لا بالباب الأمامي ولا من الخلفي وكذلك ان تمثل منطقتك في البرلمان


#1493873 [sayed]
3.38/5 (4 صوت)

07-27-2016 07:05 AM
اللهم أرحم أهل السودان من تجار السلطة وتجار العمله فكلهم أعداء للسودان


#1493866 [عبوده السر]
3.00/5 (1 صوت)

07-27-2016 06:43 AM
الخوف ما في استمرار ارتفاع قيمة الدولار أمام الجنيه
الخوف كل الخوف هو في ان لايرتفع الدولار امام الجنيه ويستمر
في الارتفاع .!!!!!!!!!!!!!!!!!!!

دى مانظريه جديده والا حاجه كدى اتو فكروا في كلامي دا هاتلقوهوا
صحيح مليون في الميه.!!!!!!!!!!!!!!!!!!!!!!!!!!!!!!!!!!!!!!!!



امبارح انا كتبت التعليق اعلاه ولم يعلق أحدى سوى نفرين أحدهم عاطفي
والآخر واضح انو اقتصادى وفاهم .!!!!!!!!!!!!!!!!!!!!!!!!!!!!!!!!!!

البلد ملانه بخبراء وعلماء الاقتصاد الحقيقيين القادرين بعلمهم وخبراتهم
وكفئاتهم حل كل مشاكل البلد الاقتصاديه الحاليه والمستقبليه شريطة طرد كل
الجهلاءوالبهايم والحمير الماسكين بملفات اقتصاد البلد وعلي رأسهم الحمار
بدر الدين محمود وزير الاقتصاد ومحافظ البنك المركزى الذى لايصلح الا أن يكون
رئيس قسم في أى بنك تجارى لكن البسمع كلامهم منو؟!!!

وزير الماليه ومحافظ البنك المركزى الحاليين عار في تاريخ السودان يتوجب
التخلص منهم فورا وتقديمهم لمحاكمه فوريه.!!!!!!!!!


وكل مدراء عموم البنوك العامله في السودان غير أكفاء ولايفقهون شيئا في
علوم المصارف وهم اساسا عصابه من المجارمه يعيشون علي امتصاص دماء الشعب
دون ان يقدموا شيئا له او مقترح لحل الضائقه الماليه.

كل البنوك الاسلاميه في السودان ماهي الا أوكار للعصابه الحاكمه عن طريقها يقوم
الكيزان ولصوص البلد بتهريب اموال ومقدرات الشعب المنهوبه الي ملاذاتهم الآمنه
بالخارج وهي اوكار وغرفة العمليات المركزيه لكل تجار العمله في البلد وهم الكيزان.!!!!!!!!!


ردود على عبوده السر
European Union [Salah ALDeen P] 07-27-2016 01:45 PM
يا اخ عبود تحياتي
انت عارف تغيير مدراء البنوك او الوزراء ما حيغير اي شيء من العملة ، صحيح هو اجراء ضروري ومهم جداً لكن بالنسبة للعملة بالإضافة لهذا الاجراء ضروري جداً معالجة الانتاج ... الانتاج ضعيف جداً والتصدير اضعف منو طيب العملة الصعبة حتتوفر كيف؟ العملة الصعبة مربوطة ربط شديد بالانتاج.. إلا ترجع للقطن والصمغ والحبوب الزيتية والثروة الحيوانية غير كدا الله اعلم


#1493854 [المتجهجه بسبب الانفصال]
3.13/5 (4 صوت)

07-27-2016 06:17 AM
الحج عرفة وهذه هي فترة حج الحكومة العالي للدولار والريال ،،، في الداخل والخارج الحكومة هي من يتاجر في العملة الصعبة وفي كل بلد عينوا ليهم عدة أشخاص لهذا الامر ،،، هذا موضوع ميئوس منه ومرحلة حرجة لا علاج لها الا بالازالة الكاملة لدولة البيع بالجملة والقطاعي ،،،


#1493853 [كمال ابو القاسم محمد]
3.91/5 (7 صوت)

07-27-2016 06:14 AM
أين الكلب بن الكلب (العميد بحري...رئيس اللجنة الاقتصادية)صلاح محمد أحمد كرار...قاتل مجدي وبطرس وأركانجلو...صاحب المقولة
لو ما جينا نحنا بالانقاذ ...الدولار دا كان وصل عشرين جنيه
أليس ثمة تعليق...من أولاد ال****...هؤلاء المتأسلمة القتلة الكذابون
وتسمع تصريحات الجيفة حسن ترابي دون كيرليوني
والله يا أحمد كنا نحكم على غير ما مثال....تطاول الزمان منذ ذهاب الخلافة الراشدة
هكذا كلهم قمة في التلواط الفكري...والبغاء العلنى باللفظ واللغة عيانا بيانا


#1493841 [سوداني]
4.13/5 (11 صوت)

07-27-2016 04:50 AM
هذا من غضب الله علينا لقد سلط علينا هؤلاء اللهم ألطف بِنَا وارحمنا وأنك قير علي ذللك واجعل دم مجدي محجوب محمد احمد فداء لنا جميعا يا ارحم الراحمين


ردود على سوداني
[الأرباب] 07-27-2016 08:03 AM
ده ما في بلد تجتمع في كيلو متر مربع مساجد بهذا العدد اكتر من الخرطوم ...وتقول لينا غضب الله علينا !
صلاه الصبح المؤذنين بتنافسون في في المكرفونات لما ما تقدر تسمع منو بقول في شنو !!
تقول الغيامه قامت !
زمان ده كله ما كان في وكنا بخير !
الله ما عنده دخل
السبب في رأي المتواضع (كما تكونوا يولي عليكم )!
مشكله السودان تربويه وليست سياسيه !!

European Union [الجنيه السوداني] 07-27-2016 07:16 AM
إنا لله وإنا إليه راجعون اللهم ارحمه واغفر له واسكنه البنك لإخراج بعده ربنا إليك الملتجى والمغفرة


#1493837 [صديق عيد]
3.35/5 (8 صوت)

07-27-2016 04:21 AM
إنا لله وإنا إليه راجعون اللهم ارحمه واغفر له واسكنه البنك لإخراج بعده ربنا إليك الملتجى والمغفرة


#1493829 [حاج علي]
3.25/5 (10 صوت)

07-27-2016 03:35 AM
سمير ماشي
والامن الاقتصادي يقبض تجار الشنطة


#1493825 [منصورالمهذب]
4.75/5 (13 صوت)

07-27-2016 03:13 AM
زيد زيد يالبشير.


#1493821 [Osama]
4.91/5 (12 صوت)

07-27-2016 02:23 AM
سفهاء الامن يطبعون العمله السودانية في اي وقت واظنهم لديهم ماكنات طبعاعة عملة . يملون الاسواق بالورق السوداني ويلقطون اي عمله اجنببة انشاالله تكون تشاديه . المهم يكون في قروش ويقومون بالمشاريع الاستثمارية نسوا بانهم من قاموا بانهيار الدولة من ااداخل وحرب في اطرافها. المغتربين وقفوا اي شراء عمله سودانية او الاستثمار هناك.


ردود على Osama
European Union [جركان فاضى] 07-27-2016 07:30 AM
هذا الواقع كما تقول اخى اسامة...اضافة الى ذلك رحلة كيجالى لمؤتمر القمة الافريقية ورحلة نواقشوط لمؤتمر القمة العربية سحبت كثير من دولارات البنك المركزى...كمان جاى عليهم دفع ملايين الدولارات لمحامين عالميين لاثبات ان رئيسة المحكمة الجنائية مرتشية...وفى المقابل لاتوجد دولة نقاطعها زى ايران عشان ناخد دولار...ولاحرب كحرب اليمن نربح منها دولار

[Gasim] 07-27-2016 04:55 AM
السلام عليك أسامة
لماذا تحدد تشاد هل تعرف أن عملة تشاد وهو الفرانك سيفا يعادل الدولار الأمريكي ولا أسأل أن لم تكن تعرف ذلك
لاتستخف بعملة الناس ما دام أنك لا تعرف حتي قيمة عملات الدول


#1493820 [عوض الله عثمان]
4.62/5 (16 صوت)

07-27-2016 02:23 AM
لمن برجع الخطا.اكيد في يد الحكومه وهي الوحيده العندها الحل بس للاسف واقفه تتفرج والله لقد خذلت شعبها. والله المستعان .واعلموا ان الله لم يوكل رزق عبد علي عبد مثله.فستعينو بالصبر والصلاة والاستغفار.


ردود على عوض الله عثمان
European Union [النخــــــــــــــــــــــــــــــــل] 07-27-2016 04:53 AM
اللهم من شق علي اهل هذا البلد فشق عليه اللهم اهلك من كان سببا لمانحن فيه اللهم دمر العصابة وراسها اللهم اقتلهم بددا واحصهم عددا اللهم لا تغادر منهم احدا اللهم اشف صدورنا منهم اللهم ارنا فيهم يوما عبوسا قمطريرا من قبل ان نلقاك يارب المستضعفين .. امييييييين



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة