الأخبار
أخبار السودان
أحمد بلال : تشييع للجنائية وتكريم للبشير بأديس ابابا غدا
أحمد بلال : تشييع للجنائية وتكريم للبشير بأديس ابابا غدا
 أحمد بلال  : تشييع للجنائية وتكريم للبشير بأديس ابابا غدا


07-28-2016 08:25 PM
(سونا) - قال وزير الإعلام الدكتور أحمد بلال الناطق الرسمي باسم الحكومة في حديثه الاسبوعي لوسائل الإعلام المختلفة بمكتب الناطق الرسمي إن عزم قوى نداء السودان على التوقيع على خارطة الطريق يمثل بشريات جديدة تجاه تحقيق عملية السلام في السودان ، مضيفاً أن الحوار الوطني احدث تغيرات وتداعيات كبيرة داخل السودان لامس القضايا الحقيقية المتمثلة في كيفية الحكم والدستور الدائم الذي سيكون احد المخرجات الأساسية للحوار الوطني.
وأشار الوزير إلى أنه لا تراجع عن الديموقراطية وكفى السودان احتراباً ونعم للسلام ، مبيناً ان السودان فخور بالحراك السياسي الدولي والاقليمي الذي يقوده رئيس الجمهورية على المستوى الافريقي الامر الذي ادى الى قناعات افريقية بضرورة الخروج عن المحكمة الجنائية التي تكشف فسادها وفبركة حيثياتها؟
وقال إن المبادرة الإفريقية للعزة والكرامة ستكرم السيد رئيس الجمهورية المشير عمر البشير بالعاصمة الاثيوبية أديس ابابا الجمعة المقبلة. ويجيء الاحتفال تشييعاً للمحكمة الجنائية وتأكيداً للموقف الافريقي الموحد تجاهها .






تعليقات 22 | إهداء 0 | زيارات 7508

التعليقات
#1495362 [mahoub baba]
0.00/5 (0 صوت)

07-29-2016 09:46 PM
LET THEM GO.
•Never be sad if someone prefers another over
you. its always difficult to convince a MONKEY
that strawberry is sweeter than banana.»LET
THEM GO.
African corrupt leaders of the already dead AU.


#1495228 [ابومجمد]
0.00/5 (0 صوت)

07-29-2016 03:48 PM
الرئيس الاثيوبي لم يحضر التكريم مش دي اهانة ‏.ناس شغالة ما فاضية لفارغات البشير وعقده.


#1495155 [Samons]
0.00/5 (0 صوت)

07-29-2016 12:39 PM
طيب كلام ممتاز لأنو نحن ذاتنا الجنائيه دي من زمان ما دايرنها. نحن عايزين المحاكمه هنا و في الشارع و في عز الحر و التنفيذ فوري......


#1495115 [البعاتي]
4.50/5 (2 صوت)

07-29-2016 09:47 AM
للاسف اصبح الواحد لا يجد الافتخار ببلده منذ زمن طويل اصبح الواحد يستحي يقول سوداني بلد منتهي ورئيس فضيجة


#1495079 [ود الجزيرة]
4.00/5 (1 صوت)

07-29-2016 08:09 AM
يقال أحكم علي البلد وثقافتها من إعلامها ..يعني نحن في الدرك
الأسفل. .والهرم وزير الإعلام ده راجل كذوب ..زي قال لما ضرب مصنع اليرموك. قال سترد في الزمان والمكان المناسبين
لسع الزمان ما جاء ..أحفظ كرامة شعرك الأبيض ده.شوف ناس سيدي.فين..


#1495072 [لحظة لو سمحت]
0.00/5 (0 صوت)

07-29-2016 06:59 AM
عمك ده ذكرنى قصة واحد سكرجى و لما اتعب الجماعة بالتلتلة و الشيل سو ليهم قفة كل ما انزلوا على الانداية اشيلوها معاهم عشان اخموه فيها لما تكرر الامر قام سألهم انتو يا شباب القفة دى لشنو شايلنها
شفتو كيف الغباء بفرض علينا ما ننسى العكاز و الوصية


#1495069 [kajo]
0.00/5 (0 صوت)

07-29-2016 06:40 AM
حلم الجيعان عيش بفتح (العين.)


#1495065 [كعكول في مرق]
0.00/5 (0 صوت)

07-29-2016 06:25 AM
شيعوا زي ما عايزين - بس بالله أرفعوا فراشكم بانتهاء مراسم الدفن. يا أحمد بلال ظللتم تنقلون تفاصيل مشاكلكم الداخلية إلى الساحة الأفريقية ظانين أن أحداً يهتم بحواركم أوحاشيكم، محاشيكم أو زلابتكم. شغلتم القارة عن مشاركلها الحقيقية بترهاتكم وجزم رئيسكم وإدعاءاته الفارغة. هناك المشاكل البيئية والطاقة والإقتصاد والإجتماع والإرهاب والتعليم ومياه نهر النيل والنقل على نطاق القارة والحرب والسلام والقارة تجتمع ولا هم لها مخرجاتكم وفضلاتكم وتأليف قلوبكم.

ياخي لعلها ما تآلفت .. إنت ورئيسك شنو؟ ما يمشي يسلم نفسو ويدافع عن نفس كرجل بدل إرتهان بلده والقارة بأكملها لأنه مذنب في إبادة 10000 في دارفور فقط حسب تقديره هو شخصياً وما لا يقل عن 300000 حسب تقديرات أهل الوجعة. وتشريد مئات الآلاف فعلياً وأنا أحدهم.


#1495061 [Fatmon]
0.00/5 (0 صوت)

07-29-2016 06:11 AM
انت ورئيسك ان شاء الله تتشيعوا في يوم واحد وعلي وؤوس الأشهاد في مشانق الميادين العامة التي ستُنصب لكلم واحد واحد فرعون وعصابته اقصد وكلابه


#1495055 [حاج علي]
0.00/5 (0 صوت)

07-29-2016 05:37 AM
هو كان راجل خلي يطلع بدون حرس كما يفعل رؤساء العالم ناس كميرون


#1495030 [ساري الليل]
4.50/5 (2 صوت)

07-29-2016 03:26 AM
لو كانت هنالك عدالة حقيقية لما فلت من العقاب .. كل هذه السنوات والمشكلة ان المؤتمر الوطني استطاع تحويل المشكلة ما بين السودان والجنائية والحقيقة المشكلة الاساسية هي ما بين المؤتمر الوطني والاخوان المسلمين من جهة ودافور من جهة اخرى ..
وان كل من
الرئيس البشير
على عثمان
احمد هارون
بالاضافة الى مليشيات الجنجويد النسخة الاولى المكونة موسى هلال والجنجود في نسختها الثانية (حميدتي وماليين ونيجريين)

يجب ان يتحملوا مسئوليتهم وان يتحللوا من الدماء التى ارتكبوها في دارفور اليوم قبل الغد فهي معلقة في اعناقهم ........

ان عزة المؤمن وكرامته ان لا يأتي اليه يوم القيامة وليس في عنقه دم ؟؟ والبشير اعترف بعشرة الف تماما وقال في احد الرمضانات انهم ارتكبوا الاثام في درافور ؟؟ اي عزة واي كرامة يا احمد بلال انت تتكلم عشان منصب واصلا هذا المنصب لا ييليق بك اطلاقالامن حيث العمر او الشكل ولا حتى من حيث الحديث الذي يفترض ان يقوله.. اذا لا يعقل ان يكون شخص في عمرك يتحري الكذب في كل ما يقول


#1495010 [Truth]
4.50/5 (3 صوت)

07-29-2016 01:03 AM
طيب اذا كان الجنائية سوف تشيع غدا اعملو التكريم فى لاهاى


ردود على Truth
[A. Rahman] 07-29-2016 09:30 AM
مش كدا؟


#1495001 [الراجل]
4.25/5 (3 صوت)

07-29-2016 12:01 AM
اكبر منافق


#1494996 [شليل]
5.00/5 (2 صوت)

07-28-2016 11:31 PM
المقبور القذافي وصل به امر العظمة الي ان لقب نفسه انه ملك ملوك افريقيا .
نهايته ---- كان مقبوضا عليه في حفره .


#1494991 [من الصحراء]
4.50/5 (3 صوت)

07-28-2016 10:58 PM
حلم الجيعان عيش، الجنائية دي مخرج منها مافي وانت ادري الناس بذلك لكن لازم تقول كدة زي ديك الصباح عشان يرضي عنك رئيسك ، ومهما صرخت ولعلعت وبقيت زي الصحاف بتاع صدام حسين برضك حتمشي لمزبلة التاريخ غير ماسوف عليك.. واخجل يا رجل ان تبقي فيك خير بعد ان بلغت من الكبر عتيا واشتعل الرأس منك شيبا.


#1494985 [زول ساي]
4.69/5 (8 صوت)

07-28-2016 10:25 PM
والله زولك دا يا بتاع القرعة في حالة نفسية فظيعة يرثى لها من العزلة الدولية قرب يوم يصبح تلقوه فطيس من عذاب هذه العقدة والشعور بالاهانة واحتقار النفس والدونية والهلوسة ولاحباط وعدم القناعة الداخلية ببلوغ العظمة والهيبة الافتراضية لرؤساء الدول!!! مسكين يا البشكير مقعدنك 27 سنة في القصر دلدول وهمبول ساي ونفسك تطمح للعظمة وما لاقيها في دواخلك كل مرة تمرق برة تجينا جاري هربان، بس المرة دي الله سلمك فحبيت تستغل المناسبة وتلفت نظرنا انك كنت هناك وما حصل البتتوقعوه وأهو أنا جيت راجع بقميص ميسي وتوقيعه هدية وكمان حيكرموني ناس الاتحاد الأفريقي رمزاً للعزة والكرامة!! عزة وكرامة قال،،، إلا دي!


#1494983 [مبارك]
4.13/5 (4 صوت)

07-28-2016 10:22 PM
السيد الوزير احمد بلال بدلا من ان تلهون الناس بمواضيع انصرافية لا تهمهم في شيء ، نظفوا العاصمة من النفايات فالبعوض طلع عين الناس والذباب جاب ليهم الاسهالات والجفاف وانتم ما زلتم تتكلمون عن المحكمة الجنائية ، فمن اين اتيتم ؟ بل من انتم؟ !!!!!
بمناسبة الوضع الصحي المتردي والذي يسير من سيء الى اسوأ اهدي الوزير المسدار المعبر التالي للشاعر محمد النوراني باسم يا عاصمتنا يا طيش المدائن :
بلدا فيها لا بتتهنا نوم لا راحة
فوقا بتجري زي سبقي الخيول في الساحة
غير ضيق الشوارع ونجدتا النباحة
طول العام سخانة وبشتنة وكتاحة

السلع المسرطنة فيها دخلن توش
وجمب الكوشة بتشوف الاكل مفروش
فوق الفوقا تصرف لما رأسك يدوش
وحتا ان درتا تشرب موية ساي بقروش

بلدا واقعوا غير البعرضوا الاعلام
راجع خلف ويدفر في الفشل قدام
شرب من دمنا ولا خلا دوف ولا عضام
انحنا تعبنا يا والي الولاية حرام

اول حاجة بصك ليه دور في الزحمة
بقفل السكة والعربات معاهو ملتحمة
المسكو الرسوم لا بعرفو دين لا رحمة
والاديتن السوق زادو سعر اللحمة

بلدا كل يوم بنمطوا بكتروا قومه
بحر الشغل باليومية بضعف عومه
خمسة صباحا الواحد يقوم من نومه
ما بين بيته لمحل شغله يكمل يومه

غايتو احترنا فيك يا عاصمة السودان
حالة فيك خلت كل زول محنان
موية صرفك السوق بيها جت غرقان
ومشوار شروني يخلي النصيح مرضان

شكلك اصلو ما يقولو عليه حضاري
تخطيطك غلط كله وعذابك جاري
اخير الزول يكمل يومه فيك كداري
من زنقة شوارعك ونقة الكمساري

فيك السيل رمى بيوتنا وحكومتك غافلة
وفيك حقوقنا كل ما تشوفنا تقفز جافلة
فيك شارع يدخل والمخارج قافلة
فيك متين نفر يندفسه في فد حافلة

انردم الفساد فوقا ودفنها
نفوسنا اتقفلت منها وابنها
قربو شوفو يا حكام زمنها
بشاتن العاصمة البتقولو عنها

عن الفيها رقباء المال عماية
المشونا فوق النار حفاية
لينا مع الرسوم مليون حكاية
ونقول يالله من ناس الجباية

الغنيان بحكر السوق مضرة
والعدمان ناو يتهنا مرة
الغلطان عفا القانون وفرة
والعيان يكوسو علاجه بره

فاتح بابا للخاشيها زاير
وصبح الموت يحلق فينا داير
قدر ما نسوي مصنع للزخاير
يجو الحاقدين يخلو شراره طاير

يا عاصمتنا يا طيش المدائن
غلبنا معاك ومليانين غبائن
قدر ما تزيدي وجعك فينا بائن
خشومنا نسدها ونقعد نعاين

فيك نقول وما بفيدن شروحنا
ضقنا وضغنا وانفتقت جروحنا
فيك شقينا وانهدمت صروحنا
يا الخرطوم خلاص سليتي روحنا


#1494975 [فبركة]
4.50/5 (3 صوت)

07-28-2016 10:04 PM
المبادرة الافريقية للعزة والكرامة،، قميص ميسى،، ألخ،، كلها فبركات من جهاز الأمن ومدير مكتب البشير وهو إبن خالته لتلميعه أمام الرأي السودانى في هذه الأوقات التي كتمت فيها الأجواء وسعر الدولار يترىح نحو ال 20000 جنيه


#1494970 [تيسير علوني]
4.75/5 (4 صوت)

07-28-2016 09:55 PM
ماقلتوا الجنائية تحت جزمتكم؟
هااااااااي لسه الغريق قدام


#1494969 [أبوقرجه]
5.00/5 (2 صوت)

07-28-2016 09:48 PM
ههههههههههههه


#1494960 [Bit messames]
4.75/5 (3 صوت)

07-28-2016 09:35 PM
اي عزة و اي كرامة نرومونها و هذا الهمبول اضحي كالكلب الاجرب اينما حل تلاحقه المطاردات.استحي شوية و خلي عندك دم!!!


#1494954 [سوداني ومحب للسودان]
4.69/5 (5 صوت)

07-28-2016 09:28 PM
والله يا بشة انت موتكـ حتكون سودة شديد



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة