الأخبار
أخبار السودان
(500) مليار قيمة الكوكايين المضبوط بمطار الخرطوم
(500) مليار قيمة الكوكايين المضبوط بمطار الخرطوم


08-03-2016 03:53 PM

الخرطوم : مسرة شبيلي


كشفت التحقيقات الجنائية بان قيمة ( الكوكايين ) المضبوط بمطار الخرطوم ومخباة داخل (سرامث شاي ) تقدر بنحو (503,496) مليار جنيه وقالت إن الشحنة قادمة من البرازيل عبر الخطوط التركية في طريقها لمصر عبر الخرطوم ، وقال المتحري في البلاغ ملازم أول شرطة سامر مصطفى في إفاداته أمام محكمة الجمارك برئاسة القاضي د. صلاح الدين عبد الحكيم محمد أمس أن الشاكي أبلغ بموجب عريضة من النيابة بوجود بضائع داخل الحظيرة الجمركية بمطار الخرطوم يشتبه فيها بوجود مخدرات ، موضحاً أنه تم وضع كمين لضبط اصحاب البضاعة وهي عبارة عن (11) دستة (سيرمث شاي ) ، ويواجه الاتهام فيها مجموعة من المتهمين مثل منهم للمحاكمة خمسة بينهم صائغ وصاحب نادي مشاهدة ومترجم فيما فصل الاتهام في مواجهة متهم هارب ونظامي لم يسلم من قبل وحدته ،

وتم القبض عليهم وحركت في مواجهتهم إجراءات جنائية ، ومن خلال التحريات الأولية وإفادات المتهمين وجهت لهم النيابة تهماً بمخالفة نص المواد (198-199) من قانون الجمارك مقروءة مع المادة (21) من القانون الجنائي (الاشتراك ) والمادة (15 أ) من قانون مكافحة المخدرات والمؤثرات العقلية المتعلقة بالإتجار. وأشار المتحري بانه من خلال التحريات افاد جميع المتهمين بانهم مكلفين باستخراج البضاعة لشخص مصري الجنسية خارج البلاد بمقابل مادي ولم يقدموا ما يثبت ذللك ، كاشفاً بان المتهم الثالث هو صاحب الفكرة والذي كلفه المصري لاستخراج البضاعة وبدوره قام بتكليف الخامس وأن المتهم الرابع كان يترجم الرسائل الواردة للمتهم الثالث من البرازيل بخصوص تسليم البضاعة وأنهم عقدوا اتفاقاً مع لواء بالجمارك لمساعدتهم لإخراج البضاعة بمقابل (50) ألف جنيه ، وأودع المتحري عدد (9) مستندات اتهام من بينها افادة المختبرات الجنائية بان المعروضات عبارة عن بودرة تزن (9,600) كيلو جرام وتحتوي علي مادة الكوكايين المخدرة ومدرجة بالجدول الاول لقائمة المخدرات والمؤثرات العقلية النافذ ، وفي الاتجاه رفضت المحكمة اطلاق سراح المتهمين بالضمانه بعد طلب الدفاع وارجأت الطلب لحين اكمال قضية الاتهام بحكم أن مادة الاتهام تصل عقوبتها للإعدام .

اخر لحظة






تعليقات 12 | إهداء 0 | زيارات 17308

التعليقات
#1498369 [المغبون]
0.00/5 (0 صوت)

08-04-2016 10:29 AM
كل المنظومة فاسدة ولكن تصفية الحسابات هى البتورينا غسيلم العفن من وقت لاخر وإلا البلد مليانه فساد ليه ما يحققوا فيهو عشان كده ما نفرح بمثل هذه الاشياء التى تظهر من الفينة الى الفينة ما حا تفيد المواطن شئ ولا بتفيد البلد لانو الوسخ كتير ولحدى ما ننتظر تصفية الحسابات دايرلو زمن طويل عشان يتكنس . كان الله فى عونك يابلد .


#1498325 [أنا السودان]
4.00/5 (1 صوت)

08-04-2016 09:37 AM
اللهم إنا لا نسألك رد القضاء ولكن نسألك اللطف فيه
حتي المخدرات..اللي تدخل البلد تجينا بكميات تكفي القارة كلها..
وتجي الوزيرة بتاعة شنو ما عارف..تشتكي من أن البنقو وصل لطلاب الأساس
وواحد لواء ..عايز فقط 50 مليون عشان يسرب للبلد حشيش ب500 مليون
50 مليون..يعني أقل من 13 ألف ريال..ياخ ألهفا من أي جهة..فرقت يعني
لو طبقتم عليهم شرع الله..لمل تجرأ أحد بإدخال علبة سجائر..
لكننا في حقبة الزمن الردئ
اللهم عليك بهم فإنهم لا يعجزونك..


#1498277 [السمري]
0.00/5 (0 صوت)

08-04-2016 08:40 AM
النظامي دا ما سعادة اللواء ظاااااطو - ياناس قوموا الي كوكاينكم البلد خرباااانة من لواءاتها --- اخخخخخخ
دي مصيبة شنو الوقعنا فيها دي ياخوانا ؟؟؟؟


#1498227 [استاذ]
0.00/5 (0 صوت)

08-04-2016 07:48 AM
واحد إشتبه فى الشحنة وين ناس الجمارك والأساليب العلمية الحديثةفى الكشف عن المخدرات


#1498161 [ابو الطماير]
0.00/5 (0 صوت)

08-04-2016 06:14 AM
حسبي الله ونعم الوكيل


#1498048 [ALDAKOUM]
5.00/5 (1 صوت)

08-03-2016 10:35 PM
الكوكايين دا حق منو؟؟
اللهم عليك بهم قتلوا الشعب السودانى بالقنابل فى دارفور وجبال النوبةوالانقسنا والبقيه قتلوا كوكايينياز


#1498033 [ود احمد]
5.00/5 (2 صوت)

08-03-2016 09:25 PM
رتبة لواء يبيع نفسه ب 50 الف جنيه
حاويات مخدرات ومسكرات وكوكايين واطفال المايقوما وفصل الجنوب وتدمير البلد
هذا خو الحصاد المر للانقاذيين تجار الدين


#1497968 [SHAMAM SHAMAM]
5.00/5 (1 صوت)

08-03-2016 06:13 PM
حسبنا الله ونعم الوكيل
يالبجم والعجم وساقطي الحساب ماعاوز اقول رياضيات
كرهتووووووووووووووونا
شنو 500 مليار .....ياكافي البلا لاحساب ولا شميتو...بحسابكم دا بكرا كل الفطاحلة في العالم وخاصة اللاتينو راح يجوا السودان وراح تكون منافسة السواق وطيسة وكل واحد فطحل ههههه يمسك ليهو منطقة...
كدي النشوف حسابكم ياصحافي و تعليم الانقاذ....
33,564,600.00 € = 15,000.00 € ÷ 503,496,000,000.00 SDP
يكافي البلا 9,6 كج ب 33,5 مليون يورو؟؟؟؟؟؟؟؟ فتشتا
ليك حجة قلتا احسب ليك بالجنية القديم بس متاسف برضو راح تطلع ب 33,5 مليون يورو ...لو حسبتا بالجنية الجديد راح يطلع السعر ؟؟؟؟؟؟؟؟.... استغفر الله ماتخليني اخش جوا الشاشة واجيك بهناك...
وكمان رافة اديتك سعر اليورو ب 15,000.00 جنية بالقديم وبس ... ماعاوز ياقديم انت ..لانو الصحفي القديم بقولوا عليه صحفي صحفي ياخريج الانقاذ


#1497954 [سودانى]
0.00/5 (0 صوت)

08-03-2016 05:25 PM
لواء ؟؟؟
دايل البقول عليهم الفأر انهم حارسين البلد وديل ال كل ميزانية الدوله ماشه ليهم ؟؟ اى حراسه واى دراسه بالله فكونا منكم ومن بلاويكم الله ياخدكم


#1497919 [البعشوم]
0.00/5 (0 صوت)

08-03-2016 04:24 PM
34 مليون دولار شايلين فيها 50 ألف جنيه .. حرامية ورمتالة


#1497918 [Bit messames]
4.50/5 (2 صوت)

08-03-2016 04:24 PM
"نظامي لم يسلم من قبل وحدته"...دا كلام يا عبدالمعطي؟؟؟كن نظاميا...مواليا و افعل ما تشاء...انه التمكين!!اهههههه يا بلد!!! من كان يظن ان السودان العريق باهله يفعل به هؤلاء الانجاس ما فعلوا...و لكن لنا ربا اسمه المنتقم الجبار!!!


#1497915 [البعشوم]
5.00/5 (1 صوت)

08-03-2016 04:19 PM
أي جريمة في السودان أحد اطرافها نظامي ومتورط فيها ضابط كبير .


ردود على البعشوم
[wad batia] 08-04-2016 11:33 AM
الفايدة شنو من الكلام الزي دا سوو الشي البعشر ويولد يابعشوم لو عضيت ليك واحد منهم كان كلهم طاروا من الشي البسوو فيه دا (والمثل بقول الكلب يهوهو والجمل ماشي) (والكلام مابعمل شي)لان الله تعالي امر مريم العذراء بان تهز جزع النخلة ليتساقط عليها الرطب لتاكل وهذا يعني بان الانسان لابد من ان يقوم بعمل ما ليحقق هدفه وبقولوا السواي موحداث تحركوا لتجتثوا الفساد والتحرك ان الله لا يغير ما بقوم حتي يغيروا ما بانفسهم - لان الحديث الشريف بقول كيفما تكونوا يولي عليكم فصححوا مساركم لتصحوا



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة